Welcome to VL THANSANGA blogspot. He blog hi Pathian Thu ziak dahna tura ruahman a ni a. Pathian Thu hrilhfiahna leh chhuizauna lam pawh la dah zel tura ruahman a ni. This blog is made for both ministry and academic purpose. Sermons, articles, academic papers and other materials will be uploaded.
Tuesday, September 30, 2025
I THINLUNG DUHZAWNG DILA TAWNGTAINA
Monday, September 29, 2025
I NGHAH MEK LAI HIAN THIL I ZIR A NI
Sunday, September 28, 2025
PATHIAN NGAIHSAK DAN
Saturday, September 27, 2025
MIDANGTE TAN ṬAWNGṬAI DAN
Friday, September 26, 2025
A ṬHA BER CHIAH PATHIANIN A PE CHE
Thursday, September 25, 2025
MAHNI INRINTAWKNA NENA ṬAWNGṬAI
Harsatna Paltlang Tura Pathian Dil
By Rick Warren
— September 25, 2025
"A nih leh, nangniho hi tu pawh in fapain chhangpêr dîl che u sela, tuin nge lung pe ang che u?" [Matthaia 7:9]
Mahni inrintawkna nena ṭawngṭai theih i chak em? Thil eng emaw i duh tak zet chuan Pathian hmaah chuan i duh tak zet a ni tih chu lantir i duh ang. Buaina awm thei chu i ṭawngṭainaa i thil dilte chu dil dan dik tak a ni em tih i hre lo fo chu a ni – mahse a pawi lo.
Matthaia 7: 9 chuan "A nih leh, nangniho hi tu pawh in fapain chhangpêr dîl che u sela, tuin nge lung pe ang che u?" tiin a zawt. Nu leh pate chuan chu chu ṭha an ti ngai lo vang. I fa chuan a rilṭam thu a hrilh che chuan, “Bawihte hei aw lung,” i ti ngai lo vang.
Hei hi a nihna takah chuan he thu avanga lo nuih chu a pawi lo. Thu uarna a ni ve hrim hrim. Hebrai-hote fiamthu pakhat a ni ve hrim hrim! Pathian chuan chu chu i hriat a duh – nu leh pa, an fate hmangaih em emtute chuan an fate rilṭam hnena chhang pe tura ngaihtuah chu thil âwm lo tak a ni – chutiang tho chuan i tana thil ṭha ber tur Pathianin a pe dawn lo che ni a ngaihna chu thil âtthlak a ni.
Pathian hnenah thil ṭha i dil a nih chuan thil ṭha lo chu a pe ngai lo vang che. Thil hlu eng emaw I dil a nih chuan thil hlu lo chu engtik lai mahin a pe ngai lo vang che. Thil ṭha lo Pathian hnenah I lo dil a nih chuan a pe lo vang che, a chhan chu Pathian fapa a ni.
Hei hi chanchin ṭha a ni, a chhan chu i ṭawngṭaina thute chu i thlitfim a ngai tawh kher lo. Mi tam ber rilru put hmang i pu a nih chuan ṭawngṭaia i dilna chu i ring tawk lo ang. I ṭawngṭaina i rin loh chhan chu nangmah i inring lo a ni! Thutlukna ṭha ber siam turin thil zawng zawng i hriat kher a ngai lo. I ṭawngṭainate chu mihring hriatna innghat a ni a, chuvang chuan a famkim ngai lo vang. Pathian chuan dilna famkim sawi turin a beisei kher lo che. Mahse Pathian chuan dilna famkim thlen turin a beisei lo che. Nang chu mihring i ni tih a hre chiang hle a ni.
Tichuan, i ṭawngṭai reng rengin a that leh that loh thua thutawp siamtu chu nangmah ni lovin Pathian a ni ang. I dilna chu a dik leh dik lo ngaihtuaha i buai a ngai lo. Dil tawp rawh!
I dilna thua mawhphurtu chu Pathian a ni a. Amahin a rel fel ang. Chu chu i ṭawngṭai changa hahdamna petu che chu a ni ang.
Ngaihtuah zui atan.
• I tana thil ṭha ber a nih i rin loh avang chuan i duh tak Pathian dil lem lovin i lo pai satliah mai mai tawh ṭhin em?
• I tana ṭha tur chu i duhzawng ni lo pawh ni se i lo dawng ve mai tawh em? Eng vangin?
• I duhzawng a kianga sawi tur chuan Pathian chuan a duh che tih engtin nge i hriat, i tana a ṭha ber tur a hre reng chung chuan?
[ Lettu: Peka]
Wednesday, September 24, 2025
I HARSATNAAH PATHIAN HNENAH LAWMTHU SAWI LÂWK RAWH
Tuesday, September 23, 2025
INDONA I TELVE LOHNA CHU ENGTIN NGE I KAL LIAM TIR ANG
Monday, September 22, 2025
BEIDAWNNA HI PATHIAN NEN CHUAN BEIDAWNNA A NI LO
Sunday, September 21, 2025
HNEHNA CHAN I MAMAWH EM? PATHIAN LAM EN RAWH
Saturday, September 20, 2025
PATHIANIN BIAK CHE A TUM
Friday, September 19, 2025
ENGVANGIN NGE LUNGKHAM A SAWT LOH
Thursday, September 18, 2025
TLAWMNA HMANGA INPUANNA THILTIHTHEIHNA
Wednesday, September 17, 2025
THINLUNG TAKA I ṬAWNGṬAI PATHIANIN A DUH
Tuesday, September 16, 2025
PATHIAN HNENA THILPEK I PEK THEIH CHU
Monday, September 15, 2025
ENGKIM HI A CHI ATANGA LO INTAN A NI
Nun Atana Hmanrawn Bawm
ENGKIM HI A CHI ATANGA LO INTAN A NI
- Rick Warren
- Sep15, 2025
“Zingah i chi tuh la, tlaiah i kut sum suh; i hre si lo, a thang tha tur khawi nge, hei hi nge, kha kha nge, an tha ve ve dawn” Thuhriltu 11:6
I nuna engkim chi chi tuh atanga intan a ni. Thil chi - hrang hrang a awm, chi tha deuh entirnan ngilneihna, hmangaihna, rinna leh zahawmna te. Thil chi tha lo deuhte pawh an awm a entirnan mi selna leh duhamnate hi.
Thlai chi hi han ngaihtuah teh. Thlai chi i thlak hun leh a seng hun inkar a awm ngei ngei thin. Thalah i thlak chuan furah i thar thin ang hian. Tomato i chin hian darkar khat hnuah i thar nghal mai lo. I nghah a ngai a ni.
Chutiang chiah chu hringnun pawh a ni. Inlaichinnaah ngilneihna chi i tuh anih pawhin, ngilneihna chu i thar nghal kher lo vang. Rinnain tuh la, Pathianin chu a thantirtu atan ring la, nghak ang che.
Thuhriltu chuan, “Engkim tan hian hun ruat a awm a, Van hnuaia thiltih zawng zawng tan hun remchang a awm … Phun hun a awm a, thil phun phawi hun a awm … Lung paih darh hun a awm a, lung lak khawm hun a awm” Thuhriltu 3:1-2, 5
Pathian i nghah hian engtin nge i awm thin - thlai chi i thlak rual rual hian seng nghal mai i tum em ni? I seng duh thil chi chu tuh nawn tuh nawn ang che.
Bible chuan, “Zingah i chi tuh la, tlaiah i kut sum suh; i hre si lo, a thang tha tur khawi nge, hei hi nge, kha kha nge, an tha ve ve dawn” Thuhriltu 11:6
I nunah thlai seng tur rei fe i nghak thin em? Pathian Thu innghahna tur ka pe ang che.
Habakkuka bung 2 ah chuan Pathianin, “A kin ni chu a hnai tial tial a, a thlawn lo vang. Rei deuh mahse, nghak rawh; a lo thlen ngei dawn avangin a tlai chuang lo vang” Habakkuka 2:3
Rah seng hun chu a muang deuh anih pawhin, Pathian chuan, a hun takah a ni ang a ti. Nghak zel la. Pathianah innghat la, chi tha tuh thin ang che. Pathianin a than tir ang a, engtikah emaw chuan a rah i seng dawn a ni.
Ngaihtuah zui atan
* Engtikah khan nge thlai chi tha lo i tuh a, a tha lo vek i seng kha?
* Engtikah khan nge thlai chi tha i tuh a, a tha vek i seng kha?
* Eng chi nge i tuh a, ila seng si loh awm le?
Rinna thlai chi tuh turin i inpeih em?
Hetiang hian tawngtai ang che:
“Ka Pa, min hmangaih avang leh chatuan hmuna cheng ve tura hun min ruatsak ve avangin ka lawm e. Ka sualnate ka rawn puanga, ka chhandamtu i ni tih ka ring e. Ka sualnate ka puana nang ka rin che chuan ka him ang tih min tiama. Chhandamna chu khawngaihna avangin rinna kaltlanga kan neih a ni a thildang vang a niilo i tih avangin ka ring che a ni. Ka nunah hian Lal ni turin ka pawm ta che. Vawiinah hian i hnung zui ka duh a, ti tura min tih apiang chu ti turin ka inpeih e. Ka nunna i hnenah ka hlana, min chhanddam tur leh i angchhunga min pawm ve turin ka ngen a che. Isua hmingin ka dil e. Amen.”
Isua pawm tura i tawngtai thei anih chuan, he email ah hian min lo hriattir la, min lo bia ang che Rick@PastorRick.com. Isua nena zinkawng i zawh tanna tura thil pawimawn a thlawnin ka pe dawn che nia.
[Lettu: Sangpuia]
Sunday, September 14, 2025
PATHIAN HUN RUAT REMCHANG TAK LO NI TA SE
Saturday, September 13, 2025
THLEMNA I TAWH HUN ATANA I RUAHMANNA HMASA ENGNGE?
Friday, September 12, 2025
HMALAM PAN TURIN HNUNG LAM THLIR RAWH
Nun Atana Hmanraw Bawm
By Rick Warren
— September 12, 2025
“Mi tinin mahni thiltih fiah ṭheuh zawk rawh se, chumi hunah chuan mi dang chung ni lovin, mahni chung chauhvah chhuan tur a nei ang.” [Galatia 6:4]
Ni engemaw zat chhung chu Pathianin danglam taka a mite a siam dan che kan zirho ta a – I pian hma aṭanga i nitin nun leh hmabak a lo duan lawk dan te i PIANZIA [SHAPE] danglam tak chungchang – spiritual gift [thlarau thilpek], Heart [thinlung], Abilities [theihna], personality [mihring miziaa], leh experiences [mimal thil tawn] te kan zirho tawh a nih kha.
Pathianin chhan mumal tak leh danglam bikin a siam che a ni tih hre reng chung chuan nangmah chuan a awmzia hre chiang lo leh hmalam pan thiam mang lovin i lo awm tawh mai thei – rawngbawlna leh nitin nunah. I hmalam hun i ngaihtuah chang chuan buaina nasa tak neiin hlimna mumal i nei tawh lo a ni thei.
Chu chu i nihna a nih chuan Bible-in thurawn Galatia 6: 4-a a pek chu i lo theihnghilh tawh a ni thei ang: “Mi tinin mahni thiltih fiah ṭheuh zawk rawh se, chumi hunah chuan mi dang chung ni lovin, mahni chung chauhvah chhuan tur a nei ang.” [Galatia 6:4]
Bible chuan thurawn chi hnih he Bible changah hian a pe. Pakhatna, i thiltih chu i finfiah a ngai. A awmzia chu, i hun kal tawh thlirin zir tur chu i zir chhuak ang.
A dawtah chuan midang nen i inkhaikhin thei lo vang. I nun i enfiah lai mek chuan mite nuna Pathianin hna a thawh dan chu lo thlir lutuk suh. Nangmaha a hnathawh leh nangmah kaltlanga a thawh chauh chu thlir ang che.
Mite nena i nun i khaikhin loh tur chhan chu tam tak a awm thei ang. Pakhatna, nangmah aia a hna thawk ṭha zawk leh vannei zawk chu i hmu reng ang – chu chuan a tibeidawng ang che. Pahnihna, nangmah aia thiam lo zawk leh ṭha lo zawk pawh i hmu reng bawk ang – chu chuan chapona a pe ang che. Chu ngaihdan pahnih chuan i hlimna an hliah thei ve ve a ni.
Pathian chuan rahbi thar i rah tur chu Hmuchhuak turin a pui thei che. I hun kal tawh fiah zawkin a thlirtir thei che a, hmalam huna i awm dan tur chiang zawkin a kawhhmuh thei bawk che.
Chu chu a dik – Pathian chuan i hun kal tawh chu khawhral a phal lo. Pathianin a hmang duh.
Mahse a chang chuan i nun ngei thlir let pawh kha thil harsa a nih chang a awm ang. Hetiang hian bul i ṭan thei ang:
Tun karah hian darkar chanve hun hmangin lehkhapuanah eng emaw ziak la. Rin khat zel chu ti awl la. I nun chu hunbi ṭhen ngaah thenin kum sawm bi emaw velah ṭhen ang che.
I hnathawhte chu endikna hun neiin hun hmang ang che.
Chutianga hun ṭhen hrang hrangah chuan heng zawhnate hi chhan tum ang che. Engtianga ṭha-in nge i tih? Nuam ti takin i thawk em?
Tunah khan let leh la a ziarang chu han ennawn teh. I naupan deuh laia i lo thiam tawh a nih chuan i la thiam reng mai thei. Ṭhenkhat thung chu kum liam taa nuam ti taka i tih tawh mahse i lo theihnghilh ṭhen tawhte an ni thei.
I nun ziarang dik tak chu i hmu chhuak a nih chuan, Pathian chu chutiang ziarang hmang chuan engtin nge a rawng i bawl ang tih i zawt nawn leh dawn nia. Hun kal tawha nuam ti tak leh chhuang taka i lo tih tawhte chu a kawhhmuh mai thei che. Thil kalphung nuam ti taka i lo zui tawh leh thiam bel tawh hmang chuan Pathian chuan hun lo la kal turah chuan a hmang leh duh mai thei che.
Inkhaikhinna thangah chuan tang nghet lo hram rawh. I hun kal tawh chu huai takin thlir mai zawk ang che. Tichuan, i hmalam hun thlirin mahni inrintawkna nen i kal thei ang.
Ngaihtuah zui atan.
• Pathianin i nuna a hnathawh leh midang nuna hna a thawhte chu eng vangin nge khaikhin loh a ṭhat zawk?
• I nun i enfiahna chuan engnge a hmuhchhuahtir che? I hre chiang thei lo a nih chuan ṭawngṭaina nen ngunthluk takin ngaihtuah nawn leh la Pathianin hmuhtir a tum che chu i hmu thei ang.
• Tun karah hian rinna kawnga rahbi thar chu engtin nge rap turin i inbuatsaih theih ang?
[ Lettu: Peka]
Thursday, September 11, 2025
I PIANZIA [SHAPE]-IN NIHNA A TARLAN DAN
Wednesday, September 10, 2025
NANGMAH NI TURIN PATHIANIN A SIAM CHE
Nun Atana Hmanraw Bawm
- Rick Warren
- September 10, 2025
"Nangmah ngeiin ka rilru i nei a, ka nu pum chhungah mi khuh a," Sam 139:13.
I nitin nun kha Pathianin a duang vek a. I thâwk ṭan hmasak ber khan i chunga thil thleng tur engkim a hre lâwk vek a ni.
I nuin a pai hma daih chein Pathian rilruah chuan i lo awm tawh a. Tun thlenga i la thâwk theihna chhan hi i chanpual emaw, hun remchang emaw, vanneihna emaw, thil thleng palh emaw vâng a ni lo.
Vawiin thlenga i la nun theihna chhan chu i chakna leh theihna zawng zawng nen Pathianin a duh vang che a ni.
I nu leh pate chu an ṭha emaw, an sual emaw, an pawimawh lo emaw pawh ni se Pathianin a hmang ṭangkai vek a ni. Siam i nihna tura thil pawimawh DNA an nei a. Nung turin Pathianin a duh che a ni. A tir aṭangin Pathianin i tan thil ruahman a nei a, chu a thil tum chu hlenchhuak turin a duh che a ni.
Nangmah ni turin a duh che a ni.
Bible chuan, "Nangmah ngeiin ka rilru i nei a, ka nu pum chhungah mi khuh a. I hnenah lawmthu ka hrilh ang che, hlauhawm tak leh mak taka siam ka ni si a, i thiltihte hi mak tak a ni a, chu chu ka nunna hian a hre chiang hle a ni. A ruka siama ka awma lei hmun hnuaihnung bera mawi taka siama ka awm lai khan ka ruhrel chu i lakah thupin a awm lo. Ka riruang la famkim lo chu i mitin a hmu a, i lehkhabuah chuan ka pengte zawng zawng hi ziak vek a ni a, a ni telin siamin a awm zel a, pakhat mah la awm hmain (Sam 139:16).
Pathianin a siamna chhan che chu chatuana a hmangaih theihna tur chein a ni. I nu leh pa ten i DNA chu an lo thawh ve a ni thei, mahse Pathian siam i ni. Nausen lo piang satliah i ni ngawt lo. I pianna turin Pathianin a lo ruahman lâwksa vek a ni.
Pathian kutchhuak ṭha ber i ni. A hmangaih theihna tur che leh he khawvela a thil tum i hlenchhuah theih nan a siam che a ni. Sik leh sa danglam ṭhinah hian i tana a thil tum chu hmuh harsa i ti a ni maithei. Mahse a awm a ni tih ringhlel ngai suh. I pian hma daih khan Pathianin thil tum a pe che a ni.
Ngaihtuah chhunzawm atan.
Nungdam tura Pathianin a tihna che hi eng angin nge i ngaih? I nun atan eng thudik nge i hman ṭangkai ve ang?
Pathianin nangmah ni turin a siam che a. I nun khawilai berah emaw khan nangmah ni lova inhriatna i nei em? Chutiang chu eng vangin nge a awm i phal?
Pathianin mak tak leh ropui takin a siam che avangin i fak tawh em? Tunah hian ṭawngṭaiin i hun hmang la, a siam che avangin Pathian hnenah lawmthu sawi rawh le.
[ Lettu: Marova Punte ]
Tuesday, September 9, 2025
THIL PAWIMAWH TI TURIN HUN I NEI TAM TAWK
Monday, September 8, 2025
KRISTIANNA HIAN HLUTNA A NEI EM?
Nun Atana Hmanrawn Bawm
- Rick Warren
- Sep 8, 2025
“Miin khawvel hi a pumin nei sela, a nun chan si sela, a tan engnge sawt ang? A nih loh leh, miin a nun aiah engnge a pek ang?” Matthaia 16:26
Krista ngaihsaklohna khawvel ah hian Krista tana nun hi a awlai lo hle.
Tirhkoh Paula chuan Kristiante chu, “Tun dam chhung chauhva Krista chunga beiseina kan neih chuan mi zawng zawnga khawngaihthlak ber kan lo ni ang,” ati a ni.
Hei hi zawhna pawimawh tak a ni ta: Kristianna hian hlutna a nei em?
Hringnunah hian engpawh mai hian man a nei a ni. Lehlamah “aw” i tih khan, lehlamah chuan “aih” i ti tihna a ni.
Isuan, “Miin khawvel hi a pumin nei sela, a nun chan si sela, a tan engnge sawt ang? A nih loh leh, miin a nun aiah engnge a pek ang?” a ti a ni. Matthaia 16:26
Mi tam tak chuan khawvel thilahte an nun an thap a ni. A then chuan hmeichhiat mipatnaah te, rosum ah te an nun an thap a. Ngawlveinaah te, sum leh pai leh hmingthannaah te an nun an thap a ni. Hlawkna leh lungawina an dawn let miah lohna tur thilah te an nun an thap ngam a ni. I nunna hi a hlu a nia aw!
Paula chuan a hrechiang khawp mai. Philippi 3:7-8 ah a chanchin a sawi khan, “Ka tana hlawkna tur apiangte chu chung chu Krista avangin channaah ka ruat ta a ni. A ni tak meuh mai, ka Lalpa Krista Isua hriatna ropui bikzia avangin thil engkim pawh channaah ka ruat a ni; amah avangin thil zawng zawng ka chan ta vek a, chung chu hnawmhneah lek ka ngai a, Krista ka hmuh theihna turin,” a ti a ni.
Paula chuan Isua aia hlu - pawisa emaw, dinhmun emaw nawmchenna emaw - engmah a awm lo a ti. Time magazine-a chuang ngei ngeite pawh tumahin karhnih hnuah chuan an hre zui tawh lo. Khawvel thilte chu reilote atan an nih vang a ni. Luka 9:48 ah chuan in zavai zinga te ber hi a ni, ropui ni a ti a ni.
Hlawhtlinna te pawh hi sawifiah a ngai a. Hlawhtlinna awmzia tak tak chu i thilneih te, i landanah te, that i tih zawngah te a inghat lo va. Hlawhtlinna tak tak chu Pathian duhzawng anga i nun chiah hian a lo thleng thei dawn a. Tichuan vanramah lawmman hlutak neiin i cheng ve thei dawn a ni.
Isua hi a hlu asin!
Ngaihtuah zui atan
* Engvangin nge mi tam takin sum leh pai, larna leh nawmchenna ten an um nia i hriat?
* I hun hman dan leh i bank account hian i thil ngaihtuah zawng engtin nge a pholan?
* Engvangin nge Kristianna hi hlu nia i hriat?
I nunah hian engber nge i um?
Hlawhtlinna tak tak chu Pathian duhzawnga i nun atang hian a lo thleng dawn a ni. Isua tana nun hman i duh em? I duh anih chuan, hetiang hian tawngtai rawh:
"Lalpa, thil ka lo tihsual tawh zawng zawng min ngaihdam avangin ka lawm e. Ka duhnaah ka kal a, mahse tunah chuan i khawngaihnaah ka rinna ka nghat e. Ka sualte min ngaidam turin ka ngen a che.
Vawiin hian Isua Krista ka tana a inpekna zara chatuan nunna a thlawna min pek chu ka pawm e. Vanram hi ka hlawk chhuak thei hauh lo tih ka hria. He Thlarau thil thlawn pek hi ka pawm e. Ka nunah lo cheng la, i hmangaihna, hlimna, muanna leh dawhtheihnain min vur ang che.
Lalpa, ka nuna thil bîk, thlarau lama theihna min pek hi ka pawm e. Hmu chhuak a, i tana hmang a, puntir a, min siam anga nung turin min pui ang che. Isua hmingin, Amen."
Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.
[Lettu: Sangpuia]
Sunday, September 7, 2025
I NUN NGHAH CHHAN ENGNGE NI?
Saturday, September 6, 2025
I CHUNGA THUNEITU KHA I THLAN A NI
INREM LOH LAIA ZAHNA HLAWH DAN
_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...
-
_Chatuan Nihna Laimu_ — Rick Warren — June 1, 2026 “Tupawh ka thu hriaa mi tirtu ring chuan, chatuana nunna a nei tawh, thiam l...
-
_Koh I Nihna Nunpui Rawh_ By Rick Warren — January 19, 2026 “Hmangaihnaah chuan hlauhna reng a awm lo: hmangaihna famkimin hlau...
-
_Khawngaihna Chungchanga Thu Lawmawm_ By Rick Warren March 27, 2026 “Nimahsela, ka tlânsiakna kawng ka hmabak hlen tûr leh, Path...




