_Harsatna Paltlang Tura Pathian Dil_
- Rick Warren
- September 21, 2025
_"Tin, Jehosaphata chuan a hlau va, LALPA zawng tûrin a in pe a; Judai lam zawng zawng ah chaw nghei tûr thu a than vêl a."_ (2 Chro 20:3)
Harsatna kan tawhin Pathian hnena hrilhfiah a, a ṭanpuina dil hi thil pangngai tak a ni. Amah i biak a a hnena i inbuh ruah kha a duh a ni. Mahse i mamawh te Pathian hnena dil hi dah pawimawh hmasa ber lo la, Pathian hi tunge anih tih hriat tumin bei hmasa rawh.
Lal Jehosaphata leh Pathian mite do tura ram pathum an inthurual khan lal khan engti kawng mahin chakna tur an nei lo tih a hrechiang hle. Anih chuan engnge a tih tak? A ṭawngṭai, a mamawhte a thlen hmain Pathian lam a hawi. Chutiang chiah chuan i ṭawngṭai hunah i ti thei ang.
*A hmasa berah chuan, Pathian ropuizia inhrilh nawn rawh.*
Jehosaphata kha heti hian a ṭawngṭai, _"Aw LALPA, kan pi leh pute Pathian, vâna Pathian i ni lâwm ni? Hnam tin, chunga rorêltu i ni lâwm ni? I kutah chuan thiltihtheihna leh chakna a awm a, tuma chelhrual i ni lo va."_ (2 Chro 20:6)
I thunun theih loh thil tana i ṭawngṭaiin a harsatna kha thlir suh. Pathian ropuina kha thlir zawk rawh. I rilruah Pathian a len zawk poh leh i harsatna kha a te zawk zel ang.
*A pahnihnaah chuan, Pathian thiltihtheihna tawp nei lo kha inhrilh nawn rawh.*
_"I mi Israel-te kha he rama an rawn luh khan hemi rama chengte kha nangin i hnawt chhuak a." _ (2 Chro 20:7, GNT)
He khawvela thiltihtheihna zawng zawng hi Pathianin a nei a ni tih i hriat chuan a chunga rinna nghah a awlsam hle. I ṭawngṭaiin Pathianin kawng engkima nangmah, i bul vela mite leh Bible-a mite a ṭanpui dan ngaihtuah la.
*Pathian thutiam te a hnenah hrilh nawn rawh.*
Jehosaphata khan ram chu Pathianin an hnena chatuan atan a pek tur thu a intiam kha a hrilh nawn a. _"I mi Israel-te kha he rama an rawn luh khan hemi rama chengte kha nangin . . . i ṭhian, Abrahama thlahte hnenah chatuana an ta turin i pe a."_ (2 Chro 20:7)
Pathianin i hnenah pawh thu a tiam. Bible-ah hian thutiam sang chuang a awm. Naupangten an nu leh pate hnenah an chunga thu an tiamte an hriattir thar leh hian a beidawnthlak viau mai thei. Mahse Pathian chuan a faten a hnena a thu an thlen leh hi nuam a i ṭhin.
*A tawp berah chuan, Pathian hnenah hnehna dil rawh.*
Jehosaphata khan amah beitute chungthu heti hian a thlen, _"'Aw kan Pathian, an chungah ro i rêl dâwn lâwm ni? Mi chu zozai, mi rawn bei tûra lo thawkte chu lo thawkte chu lo han ei thei ziazang kan ni si lo va; a tih ngaihna rêng rêng kan hre bawk hek lo, i lam kan lo hawi mai zâwka nie,' a ti a."_ (2 Chro10:12)
Pathian malsawmna dil satliah mai suh. A lam hawi la, hnehna nun i neih theih nan i mamawh a hria a ni tih ring rawh. Jehosaphata ang khan i ṭawngṭai a chhang lai thlir mai rawh.
Ngaihtuah zui atan.
Thil i thunun zawh loh anga lang i hmachhawnin tunge i biak hmasak ber? Eng hunah nge Pathian hnenah i duhna te i thlen?
Engtik hunah nge Pathian hruai chhuahna i mamawh?
Engtinnge Pathianin a Thu kaltlanga a tiam che i hriat theih ang?
[Lettu: Mapuia Fanai]
No comments:
Post a Comment