Ni 40 Chhung Ṭawngṭaina
Rick Warren
30 Sept 2024
“Chumi nîah chuan nangnin eng mah kei mi zâwt lo vang. Tihtak meuhvin, tihtak meuhvin ka hrilh a che u, Pa hnênah eng pawh in dîl chuan, keima hmingin a pe ang che u. Tûn thlengin ka hmingin eng mah in la dîl lo; dîl rawh u; tichuan, in hmu ang, in lâwm a kimna tûrin.”
JOHANA 16:23-24
I nuna eng emaw thil kha tihdam emaw siamṭhat a ngaih chuan, a hmasa berin inngaitlawm chunga thil titheilo tu i nih zia i inpawm a ṭul a. Pathian hnenah chuan mahni maia i theih loh zia i thlen dawn a ni.
Tichuan ṭanpuina dil la. Engtin nge i tih ang chu chu? "ka hming pu ka mite chuan inngaitlâwma an ṭawngṭaia, mi zawna, an awm dân sualte an hawisan chuan, vân aṭangin ka lo ngaithla ang a... ka tidam leh ang.”
(2 CHRONICLES 7:14)
Pathian i nghak a ni mai lo. A nghak zawk che a ni. I nuna mi siamthat leh i duh chu, chumi pual chuan ṭawngṭai ang che. Chutiang ṭanpuina chu Pathian hnenah i dil tawh em? I dil hun a nghak che a ni. Nangmah ai mah khan i mamawh a hre zawk lehnghal a.
Mi tam tak chuan an rilru damna tur emaw taksa emaw inlaichina damna dila ṭawngṭai tur an nih zia an inhria a. Mahse dil dan an thiam si lo.
“Chumi nîah chuan nangnin eng mah kei mi zâwt lo vang. Tihtak meuhvin, tihtak meuhvin ka hrilh a che u, Pa hnênah eng pawh in dîl chuan, keima hmingin a pe ang che u. Tûn thlengin ka hmingin eng mah in la dîl lo; dîl rawh u; tichuan, in hmu ang, in lâwm a kimna tûrin.”
JOHANA 16:23-24
He châng hian damna dila ṭawngṭai dan min hrilh a.
A hmasa berah chuan Isua chuan dil tawp phawt turin a duh che a. Pathian chuan engpawh ṭawngṭaia kan dil a duh a. A chhan chu chumi chu amah rin i zirna tur a nih vang a ni.
Tichuan, A hmingin dil la. Kawng danga sawi chuan, Isuan krosa a tih tawh, a man a pek vek tawh rinchhan khan dil tur a ni. Isua hmingah hian thiltihtheihna a awm a, a chhan chu Pathian khawngaihna leh chhandamna hmangaihna a tel vang a ni.
A tawp berah chuan, Pathianin a tawk tih a hriattir hma loh che chuan dil zel ang che. Vawi khat emaw dila, duh ang hmuh loh avanga beidawn ngawt tur a ni lo. Ṭawngṭai zel la, Pathian hun ruat chu a ṭha ber a nih ring la. Pathian chu engtikah nge emaw engtin nge emaw chhanna i hmuh danah a thu ber a ni. I mawh ve thung erawh chu dil kha a ni.
I dil chhanna i hmuhah khan hlimna a rawn kal lova. Dilna ah te, Pathian in chhan a duh rinnaah te, amah ngaihtuahna ah te, i beisei angin chhang lo che mahse chungah chuan hlimna a awm zawk ṭhin. Hlimna chu i dinhmun chu Pathianin amah i an zawkna tura a hman theih i rinna te, engtikah emaw a kiangah Vanramah siamtharna famkim ila chang leh dawn tih i hriatnaah zawk hian a awm a ni.
Ṭawngṭai la. Heng thil pathumte hi hre reng la. I natnaah pawh, i suangtuah aia nasa khan Pathian chuan amah i zuinaah hlimna a pe ang che.
Ngaihtuah zui atan...
Damna i dil hmaa inngaitlawm tura a duhna che kha engvang nge ni?
"Isua hmingin" tih i sawi khan, a phenah thiltihtheihna awmin i ring em? I rinna chu inhrilhnawn leh turin engnge i sawi belh theih le?
Ṭawngṭai fan fanna khan engtin nge i thlarau nun kawngah leh ṭhanlennaah a puih che?
(Lettu: Msa)
