Sunday, November 30, 2025

HARSA ṬHIN MAHSE DANGLAMNA HI CHU A ṬHA A NI

_Thlirna Thlak Danglam_

- Rick Warren 
- November 30, 2025
_"Kan tawrhnaah pawh kan lawm a ni, a chhan chu tawrhna chhan chhelna a siam a, chhelna chuan nunphung a siam a, nunphung chuan beiseina a siam a ni."_ (Rom 5:3-4, ESV)

Thil tihdanglam hi a awlai lo fo. Mahse i nuna Pathianin danglamna a thlenah khan i lawm fo thei ang.

Engvangin? A chhan chu i thil paltlang kha engpawh nise Pathianin i tana ṭha zawk atan a hman theih vang a ni.

Rom 5:3-4 ah chuan heti hian kan hmu, _"Kan tawrhnaah pawh kan lawm a ni, a chhan chu tawrhna chhan chhelna a siam a, chhelna chuan nunphung a siam a, nunphung chuan beiseina a siam a ni."_ (ESV)

I nunah danglamna harsa tak a thlenin i lawm em? A chang chauhin a ni ang tiraw. Mahse Pathianin i nungchang siam a duh avangin hlimna i chan a duh - chu nungchang chu vanrama i chhawm tur awm chhun a ni.

I eizawnna emaw i pawisa emaw kha i chhawm dawn lo. I hmingṭhatna emaw i nuam tihzawng te emaw i chhawm dawn lo. I thawmhnaw, TV, leh i lirthei i chhawm dawn hek lo. I dam chhung zawngin neih belh reng reng tumin i inchhek arbawm hluai thei. Mahse vanram kai tur chu nangmah chauh kha i ni - he khawvela i awm laia i din a kha.

I nungchang siam kha a pawimawh em avangin Pathianin a siam nan engpawh a hmang thei, natna te pawh, amah i an theih nan - hmangaihna, hlimna, remna, dawhtheihna, ngilneihna, ṭhatna, rinawmna, zawldawhna leh mahni inthunun theihnaa khat a ni ang hian. Hengte hi chhel taka i nun chhunga i nuna nei tura Pathianin a duh che chu a ni.

I thil tawn te leh midangte nangmah ep zawnga an lo chet lai pawhin, _"I chhungah Pathianin hna a thawk a, a duhzawng anga i awm theih nan duhna leh thiltihtheihna a pe che a ni"_ (Philippi 2:13, NLT). _"Keimahniah Thlarau Thianghlimin hna a thawh avangin amah kan lo ang telh telh ṭhin"_ (2 Kor. 3:18, TLB) tih a ni bawk.

I nih tur ang i la ni lo. Mahse a khawngaihna avanga Pathianin amah ang tura a tihdanglam zel che avangin lawmthu i sawi thei ang.

Pathian khawngaihna avangin a hma ang kha i ni tawh lo. Pathian khawngaihna avangin vawiina i nihna kha amah vang a ni. Pathian khawngaihna avang vêkin i nih tur i la ni famkim lo a, nangmahah a thawk mek a ni.

Ngaihtuah zui atan.

Nawmna aia nungchang ṭhan lenna duh zawk turin engnge ngai ang?

Philippi 2:13-ah chuan nangmaha Thlarau Thianghlim awm khan thil ṭha leh Pathian duhzawng ti turin thiltihtheihna a pe che tih min hrilh. Chu chuan engtinnge a fuih che?

Tuna i thil paltlang mekah khan Isua i an leh zual theihna turin i nunah Pathianin eng hna nge thawk se i tih? 

[Lettu: Mapuia Fanai]

Saturday, November 29, 2025

KHAWNGAIHNA VANG VEK A NI E

_Thlirna Thlak Danglam_

- Rick Warren 
- November 29, 2025
_"I rin khan Pathianin khawngaihna avangin a chhandam che. Pathian thilpek a ni a, i thawh a tel ve lo."_ (Ephesi 2:8, NLT)

I chunga khawngaihna a lantir avangin nitin Pathian hnenah lawmthu i sawi thei ang.

Khawngaihna chu engnge ni? Pathianin i phu vang ni lova i mamawh avanga a pek che kha khawngaihna chu a ni.

I nuna engkim kha Pathian khawngaihna thilpek a ni. Tuna boruak i hip mek pawh kha Pathianin i chunga khawngaihna a lantir a ni! I nuna thilpek ṭha leh hlu takte khan hmangaihna avanga a petu che Pathian a ni tih an lantir.

Pathian khawngaihna vang vek a ni e.

Ephesi 2:8-ah chuan heti hian kan hmu, "I rin khan Pathianin khawngaihna avangin a chhandam che. Pathian thilpek a ni a, i thawh a tel ve lo."_ (NLT)

Vanram pawh hi Pathian khawngaih thilpek a ni. Vanram kawng zawh turin i thawk chhuak thei lo a. Vanrama lut tur pawhin i thawk chhuak zo lo. Vanram hi thamna emaw sum leh paia lei theih emaw a ni lo. Pathian khawngaihna thilpek a ni.

I thawh chhuah theih loh avangin i tih theih chu lo dawnsawn mai kha a ni - chu chu he khawvelah hian i sual avangin Isua Krista i tan a thi a, tichuan Pathian nen inremin i lo awm leh thei ta tih i rin khan a lo thleng ang. Nangmaha i tih theih loh avangin Isuan a tihsak che a ni. Khawvelin khawngaihna thilpek a dawn ropui ber a ni.

Sam 103-naah Davidan Pathian khawngaih thilpek tam tak a tarlang. Pathiana rinna kan ngahin a hnena lawmthu kan sawina tur tlem tarlang ila:

• Kan sual zawng zawng min ngaidam. 

• Min tidam.

• Hremhmun a lut tur min chhanchhuak. 

• Hmangaihnain min hual vel. 

• Kan nun thil ṭhain a tikhat. 

• A phu lote chungah pawh khawngaihna leh lainatna a lantir. 

• Thinrim mai mai lo mi a ni. 

• Mi huatna rilru a nei reng lo. 

• Hremna phu viau mahila kan phu tawk angin min hrem ngai lo. 

Pathian laka kan hel hnu hian kan phu tawk hremna hmu dawn ila - Pathian kan mamawh lo a ni ti ila - kan thaw hi a tawp nghal ang. Mahse Pathian khawngaihna avangin kan la thaw hram hram a ni.

Chu khawngaihna avang chuan Pathian hnenah lawmthu sawi rawh! Tum viau mahila sualah kan tluk leh ṭhin avangin chu chu kan mamawh a ni. Engtik lai pawhin a khawngaihna kan mamawh a, khawngaihna chu min pe turin engtik lai pawhin a inring reng a ni.

Pathian khawngaihna chu hmuh theihin a awm reng. Vawiin hian i chheh vel kha han thlir la, i chunga Pathianin khawngaihna a lantirah khan lawmthu sawi rawh - thilpek, lainatna, hmangaihna tinreng te.

Ngaihtuah zui atan.

Engvangin Pathianin i chunga khawngaihna a lantir che thlir leta lawmthu i sawi fo a pawimawh?

I nun englai berah nge Pathian khawngaihna a lansarh? Vawiin hian i nun khawi laiah nge a khawngaihna a thawh?

Pathian khawngaihna avanga lawmna nun i neihin miten i nunah engnge an hmuh ang? 

[Lettu: Mapuia Fanai]

Friday, November 28, 2025

PATHIAN HNATHAWH HRE RENG RAWH

_Hun Ṭha Lovah Pawh Lawmthu Sawi_

By Rick Warren
* November 28, 2025
“Amah chawimawiin hla sa ula,
amah fakin zai rawh u;
A thilmak tih zawng zawng thu
chu tîtî rawh u.” [Sam 105:2]

Hringnunah hian a chang chuan amah Pathian chauh i neih hma chuan amah chu i mamawh ber a ni tih i hre thei kher lo vang – chu ngei chu zir chhuak la a duh chu a ni thung si. 

Na i neih chang te, chak loh leh hneha i awm chang te, ṭanpuitu nei lo leh tlawm ngawih ngawih nia i inhriat hunte chu Pathian chakna ropui taka a lan chhuah hun chu a ni fo. Tirhkoh Paula chuan 2 Korinth 12: 9-ah hetiang hian a sawi, “Ka khawngaihna i tân a tâwk e; ka thiltihtheihna hi chak lohnaah asin tihfamkimin a awm ni.” Chutichuan, Krista thiltihtheihna chu ka chunga a awm theih nân, lâwm êm êmin ka chak lohnate hi ka chhuang tawh zâwk ang,” tiin. 

Miten an do vang che leh buaina i neih chang chuan Pathian hnenah lawmthu i sawi ngai em, nangmahah chuan hna thawkin amah i lo an theih nan a chakna leh thiltihtheihna chu nangmahah chuan tarlanin a awm em? 

Pathian chuan Sam 50: 23-ah hetiang hian a sawi, “Tu pawh lâwmthu sawi inthawina hlân apiang chuan mi chawimawi ṭhîn a,” tiin. 

Vawiin hian Pathianin kan hun liam tawha hna min thawhsak avangin a chungah lawmthu kan sawi thei ang. Min lo hruai tawhna hriat reng leh a hna min thawhsak avanga hriat rengna chu a hnena halral thilhlan hlan ang a ni. Thil dang chawlhsan a, hun liam tawha a zahngaihna avanga lawmthu sawina chu amah chawimawi a ni. 

Tunah khan harsatna i tawk a ni thei, hun kal tawha a hna thawh avang chuan lawmthu i hrilh thei ang. 

“Amah chawimawiin hla sa ula, amah fakin zai rawh u; A thilmak tih zawng zawng thu chu tîtî rawh u.” [Sam 105:2]

I hun kal tawhah chuan Pathian chuan eng thil ropui nge a lo tihsak tawh che? I nunah chuan eng ang thil ropui nge i natna hmang chuan a lo lantir ve tawh? I nuna thil inthlak danglam avang chuan amah anna kawngah chuan engtin nge i lo ṭhan len? Lawmna thilpek hlanin vawiin hian engtin nge amah chu i chawimawi theih ang? 

I nuna Pathian rinawmna chanchin chu lehkhapuanah ziak chhuak ang che. Kohhrana i rawngbawlpuite emaw i thurualpui ṭhenkhatte i nuna an lo lan hun a ni thei. Thil eng emaw chan a, rinnaa i pen chhuah hun tur a lo ni thei bawk. Nangmah tidanglam thei rawngbawlna i kalpui hun tur a ni thei. Fianrial hun eng emaw, zirlai pawimawh zir hun emaw thutlukna pawimawh siam hun a lo ni thei. 

Pathianin hun kal tawha i tana a hnathawh i hriat reng chuan amah chu i mamawh ber a ni tih tun hunah hian i lo hre chiang deuh deuh ang a, a hnenah chuan lawmthu i sawi thei ang. 

Ngaihtuah zui atan. 
• Eng vangin nge Sam 50: 23 chuan lawmthu sawina chu “inthawina” angin a sawi? 
• Pathianin i tana a thiltih chu vawiin hian tu hnenah nge i sawi ang? Midang hnena sawi chu eng vangin nge a pawimawh? 
• Vawiin hian eng kawngah nge Pathian zahngaihna chu i mamawh? Hun kal tawha i tana a zahngaihna chu hrilh nawn tur chein dil la, i nun leh midang nuna a hnathawh ropui chu hmuh nawntir tur chein ngen ang che. 

[ *Lettu:* Peka]

Thursday, November 27, 2025

HRE THIAM LO CHUNGA PATHIAN RIN

_Hun Ṭha Lovah Pawh Lawmthu Sawi_

By Rick Warren
— November 27, 2025
“I thinlung zawng zawngin LALPA ring la, Nangma hriatnaah innghat hauh suh.” [Thufingte 3:5]

Mi tam tak chuan Pathianin thil ti tura a duh an tih hmain an duhzawng an tiha hlawhtlinna pe turin an dil zawk fo – mahse chu chu rinna a ni lo. Rinna chuan thil hmuh lawk loh a pai tel zel. 

Rinna chu hre thiam lo chunga thuawihna a nih chang a awm. Entirnan, midang ngaihdamna chu a tak taka i lantir hma chuan thil ṭha tak angin i hmu lawk ngai lo vang, mahse chu chu i rinna fiahna atana thil ṭha ber a ni thung si. Miten an tina che a nih chuan chu mi ngaihdam chu thil dik angin a lang lo mai thei; thil dik niin a lang lo ang. Mahse midang ngaihdamna chu thil dik a ni zel ang, i hre thiam emaw hre thiam lo pawh ni se.  

I naupan laiin i nu leh paten thil eng emaw ti tura an tih che chu an awmzia i hriat miah loh eng emaw a awm tawh em? Hun eng emaw chen a liam hnuah i chhungte thurawn chu i thlirlet a, i hre thiam ta ang kha a ni. 

Chu chu Pathian hnathawh dan pawh a ni. 

Rinna chu awmzia awm lo nia a lan chang pawha thil dik tih chu a ni. Thufingte 3: 5 chuan hetiang hian a sawi, “I thinlung zawng zawngin LALPA ring la, Nangma hriatnaah innghat hauh suh.” Thil awmzia dik tak chu i hre lo chung pawhin Pathian chuan a hria. 

Bible chuan chutiang chanchin chu Gideon-a chanchin Lalte bung 7-ah khan a tarlang. Gideon-a khan Israel mi 300 lek kha hmelma sipai 135,000 hmachhawn turin a hruai a nih kha. Chung sipaite chu Pathian chuan meichher, tawtawrawt leh hlumbel keng turin a ti a – kha thupek kha Gideon-a tan chuan a awihawm loh hle ang. 

Tichuan Pathian chuan Gideon-a chu meichher kenga, hlumbela khuh turin a ti a, zanah chuan an meichher chu a khuh bo ta a ni. An hmelmate inkulhna chu an hual zui ta a nih kha. Pathian thupek chu hetiang deuh hi a ni: Ka hriattir velah che u in tawtawrawt in ham dawn nia, in hlum bel chu in chhu keh ang a, mei eng chu thim zingah a eng thut ang. Sipai tam takin an hual thut angin a lang dawn a ni. Hmelmate chu an phili ang a, an buai rum rum ang a, anmahni leh mahni chu an hriamhreite nen chuan an inbei nuai nuai dawn a ni.  

Awmze nei lo anga lang mah ni se Pathian thupek chu Gideon-a chuan a awih ta a. Israel mite chuan an tawtawrawt an han ham a, an hlum bel chu an han vaw keh a, an Meichher chu a eng ta thut mai a ni. Hmelmate chu buai takin an tho va, anmahni leh anmahni chu an inbei ta chiam mai a. A chhan chu Gideon-a khan Pathianin ti tura a tih kha a tih vang a ni – an thiltih awmzia kha an hriat loh avangin – tichuan Israel fate chuan hnehna an chang ta a nih kha.  

A chang chuan Pathian chuan thil atthlak tak ti turin a ti ang che u – leilung dan kalha che tur chuan a hruai thei che u. Mahse rinna in neih chuan ti tura a tih che u chu hrethiam famkim lo mah ula zawm mai ang che. 

Gideon-a leh a sipaite ang khan rinnaa kal tur chuan thil eng emaw in hmachhawn a ngai. Mahse Pathian chuan thil engkim a lo hmu lawk vek a. Ti tura a duh che uah chuan i lo innghat thei ang. 

Ngaihtuah zui atan. 

• Pathianin ti tura a tih che zingah eng nge la danglam ber ang? Engtin nge a thlen? 

• Bible chuan i hriatnaah innghat suh a ti a. Thil eng emaw thu hlaah Pathian aia nangma mimal hriatnaa innghah zawk chang chu i lo nei tawh ṭhin em? Eng vangin nge? 

• I thil hriat thiam loh zawm/awih tura tih i nih chang chuan eng nge i hlauh ber? 

[ *Lettu:* Peka]

Wednesday, November 26, 2025

SUANGTUAHNA CHUAN RINNA A PHUT

_Hun Ṭha Lovah Pawh Lawmthu Sawi_

- Rick Warren
- November 26, 2025
_"Rinna hi thil beiseite awm ngeia hriatna, thil hmuh lohte hriat fiahna a ni,"_ (Hebrai 11:1).

Pathianin i nun atana a ruahman chu thil mawl mang te mai a ni. Chu chu hmangaihna leh rinna a nun a ni.

Bible chuan hmangaihna dan heti hian a sawi: "Lalpa i Pathian chu i thinlung zawng zawngin, i thlarau zawng zawngin, i rilru zawng zawngin i hmangaih tur a ni...Nangmah i inhmangaih angin i vengte i hmangaih tur a ni," (Matthaia 22:37,39).

Hebrai 11:6 chuan rinna a nun dan heti hian a sawifiah: "Nimahsela, rinna lovin ama lawm zawng mi nih rual a ni lo. Pathian hnena lo kal chuan, ani chu a awm tih leh zawngtute hnena lawmmawn pek hmang a ni tih rin tlat tur a ni," tiin.

Nu leh pa i nih chuan i fain a rin che avanga i lawmzia chu i hria ang. Hetiang chiah hi Pathian pawh a ni. Amah i rinna khan Pathian a tilawm a ni.

Eng nge rinna chu? Rinna chu hmu thei miah lo chung pawh a rin tlatna hi a ni. 

Miin, "Hmuh hi rinna a ni," tiin an sawi ṭhin. Mahse Pathian chuan hemi letling chiah hian, "Rinna hi hmuhna a ni," a ti ve thung. I rin hmasak phawt loh chuan i hmu ngai lovang.

Hebrai 11:1 chuan heti hian a sawi, "Rinna hi thil beiseite awm ngeia hriatna, thil hmuh lohte hriat fiahna a ni," a ti.

Hlawhtlinna ropui tak lo inṭanna chu tuten emaw a theih a ni tih an rinna aṭangin a ni. Rinna chuan suangtuahna chu a takah a chantir ṭhin. Tuten emaw a theih a ni tih an rin hma chuan engmah a thleng ngai lovang.

Kum 40 liam ta khan Saddleback Kohhran inkhawm hmasa berah mi tlemte hmaah ka ding a. Kohhran tana Pathianin suangtuahna min pek, ram ṭin 50 hmun - kar tina mi 20,000 vel len theihna tur chu ka sawi a. Mipuite chu an nui a. Zep lohvah chuan kei pawh ka nuih chu a za ve a ni. Orange County, California a ram man to zia chu kan hre vek mai. A lan danah chuan thil theih loh hulhual a ni.

Mahse Pathian chuan a ti thei tlat. Engkimah Pathianin Saddleback Kohhran chanchinah thil thlen hma a tih theih loh tur ni a lang a tih ka hmu a ni. Pathianin thil tih theih loh tawp tur ni a lang a ti thei ang tih ka ring a, a ti ta reng bawk a ni!

Nang eng nge i dinhmun ve le? Vawiinah hian rinna phut tlat eng ang suangtuahna nge i neih ve le?

Vawiinah hian Pathian hnenah," Eng ti turin nge min duh?" tih zawt rawh. Pathian lam i hawi a, i biak chuan, i thil tih tum chu i rinna puan chhuahna a lo ni ang. 

Ngaihtuah zui atan.

Eng thil pakhat nge tih theih loh tur ni a ngaih Pathianin a hlenchhuah si chu?

I thil suangtuah, Pathian i rin avanga a taka lo chang ta chu eng nge?

Pathianin i suangtuahna emaw hmathlir emaw atana a dah, i hlauh em em si chu eng nge ni?

[ *Lettu: Marova Punte* ]

Tuesday, November 25, 2025

HUN HARSAAH PAWH HLIMNA ZAWN

_Thlirna Thlak Danglam_

By Rick Warren 
— November 25, 2025
“Lalpaah chuan lawm fo rawh u: ka ti leh pek thin ang, lawm rawh u!” Philippi 4:4

Tirhkoh Paula chuan, “Lalpaah chuan lawm fo rawh u: ka ti leh pek thin ang, lawm rawh u!” (Philippi 4:4). Hun ṭhaah chauh lawm turin a ti lo che a. Lawm fo turin a ti zawk che a ni. Nimahsela engtin nge i hlim reng theih ang le?

Bible chuan heng palite hi i zawm chuan i hlim reng thei ang tiin min zirtir a ni:

*Engkimah Pathiana lawm.* I ṭawngṭai chuan lawmthusawi chungin ṭawngṭai rawg. Mi hrisel ber thinlung chu a lawm ṭhin. Chu chuan i taksa pawh a tichak a ni. Rilru hahna tur a do chak bik a, natna te pawh an nei tlem bik ṭhin a ni.

Lawmna nun neite chu an hlim reng a. Lawmna nun neilote chuan vanduai an inti a, engmahin a tih hlim theih loh avangin. Engamah an lungawi lo va. Engmah hi a ṭha tawk lo a ni.

Nimahsela engkimah lawmna thinlung i nei chho thei zel anih chuan i rilru hahna te pawh a kiang ve zel ang.

*Engahmah mangang suh.* Manganna hian engmah a thlak danglam thei lo. Kan rilru kan tihah thlawn mai mai ṭhin a ni.

Tumah hi mangang tura piang kan awm lo. Midang aṭanga kan zir chhawn mai a ni zawk. I ṭhiante aṭangin in zirchhuak a. I tawn hriat aṭangtein i zirchhuak ve bawk a ni. Chuvang chuan thu lawmawm tak a awm. I zirchhuah mai mai a nih chuan manganna chu neilo turin i zir leh thei a ni tih hi.

Engtinnge mangang lo turin i zir leh ang? Isuan Matthaia 6:34, “Chutichuan, atuk atan lungkham suh u, atuk chuan ama tan a lungkham chawp dawn si a. Ni khat atan ni khat hrehawm chu a tawk a ni.” Heihi vawng rawh: Ruah a sur hma chu i nihliap parh suh. Ni khat zel atan nung la hlim rawh.

*Engkimah ṭawngṭai rawh.* Mangan ai chuan i hun chu ṭawngṭai nan hmang rawh. I mangan tam tluk zeta i ṭawngṭai tam chuan, manganna pawh i nei tlem lehzual ang.

Pathian chuan i hriselnate, i fate, i lirthei ah te,  i  sum leh pai chungchang ah te a ngaihsak che i ring em? A ngaihsak tehreng mai che. Chuvang chuan, i harsatna zawng zawng Pathian hnenah thlen rawh.

*Ngaihtuahna dik pu ang che.* Rilru hahna hrang hrang i neih chuan i ngaihtuahna i thlak danglam a ngai tihna a ni. A chhan chu i ngaihtuahna chuan i rilru puthmang a hril tlat vang a ni. Bible chuan, i nun i thlak danglam duh anih chuan, i ngaihtuah dan pawh i thlak danglam a ngai a ti.

Chuvang chuan ngaihtuahna dik kan put a ngai a ni. Rilru dik tak pu a, Pathian Thu lam ngaihtuah chunga ngaihtuahna kan hman a ngai a ni.

Lawmthusawi te, manganna tihkian te, engkima ṭawngṭai te leh ngaihtuahna dik put te chu engnge a hlawkna le? Paulan, “Tichuan, Pathian thlamuanna, rilru reng renga hriat sen loh khan, in thinlung leh in ngaihtuahnate chu Krista Isuaah chuan a vensak ang che u.” (Philippi 4:7).

Ngaihtuah zui atan

* Engnge i manganna chhan ni le? Pathian bia la, a hnenah i manganna chhan hrilh ang che.

* I mangan tam tluk zeta i ṭawngṭai tam chuan i nun chu engtinnge inthlak danglama i rin? Pathian hian a ngaihsak em em che a. I nunah i hriatthiam theih loh deuh thil a thleng anih pawhin Pathian hnenah lawmthu sawi tawp ang che. 

* Engnge i ngaihtuah nasat ber? Pathianin engnge i ngaihtuah atan a duh i rin? Chung thil pahnih chu a kalkawp em? A nihloh chuan, engnge a chhan?

Isua nen kawngdik zawh i duh em?

Isua hnenah i nun i hlan duh anih chuan, he ṭawngṭaina hmang hian ṭawngṭai ang che: “Lalpa, misual ka ni a, i ngaihdamna ka dil a che. Isua Krista hi fapa a ni tih ka ring a. Ka sualna avanga thi a ni tih leh i kai tho leh a ni tih pawh ka ring e. Vawiin aṭanga Lal leh chhandamtuah ka pawm a, a hnung zui turin ka inpe e. Ka nun hruai la, i duhzawng ti turin min pui ang che. Isua hmingin ka dil a che. Amen.”

A chung ami anga i ṭawngṭai thei anih chuan, emai ah hian min lo bia la Rick@PastorRick.com. Isua nena i zinkawng i zawhṭanna tur atana ṭangkai tur thil ka lo thawn dawn che a ni.

*[Lettu: Sangpuia]*

Monday, November 24, 2025

MI KAN FAK HIAN AN HLUTNA KAN CHAWISANG

_Thlirna thlak danglam_

By Rick Warren 
— November 24, 2025
“Thu ṭha lo reng in kaan chhuak suh se, a ṭulzia ang zela siam ṭha turin thu ṭha apiang chhuak zawk rawh se, a ngaithlatute tan khawngaihna a lo nih theih nan.” Ephesi 4:29

Thlirna danglam neitute chu eng dinhmunah pawh ding se an lawm ṭhin, hun an nei chep emaw an nei thawl emaw, hun ṭha emaw hun ṭha lo ah pawh ni se. Lawmna nun an neih vangin midang rawng an bawlsak thei ṭhin a ni.

Ringtu tawh phawt chu rawngbawltu kan ni tih hi i awih em? Nang pawh rawngbawltu i ni! Rawngbawlna pakhat i tih tur chu midang fak rawngbawlna hi a ni. 

Fakna tih awmzia chu i hria em? Car i lei tawh anih chuan a awmzia insawihnawm sak awmzia i hre maithei e. Kan insawihnawm sak chuan car thar pawh khalh mah la, a man i pek kha a hlu lo riau vin i hria ang. Kan insawihnawm sak chuan a hlutna kan ti hniam a. Kan infak sak anih chuan a hlutna kan ti sang tihna a ni.

I kawppui emaw i fate i fak reng rengin an hlutna i chawisang tihna a ni. I pu emaw i thawhpui emaw i fak reng rengin nangmah leh in hnathawhna hlutna i chawisang tihna a ni.

Midang fak rawngbawlna chuan an hlutnate a ti sang zel ṭhin. Lawmna nun i neih chuan, midang fakna nun hlim takin i nei thei ang.

Bible chuan: “Thu ṭha lo reng in kaan chhuak suh se, a ṭulzia ang zela siam ṭha turin thu ṭha apiang chhuak zawk rawh se, a ngaithlatute tan khawngaihna a lo nih theih nan.” Ephesi 4:29

Thil pakhat ka hmuhchhuah chu hei hi a ni: Mi tu te pawh hian fuihna tam tak an mamawh a ni. Fuihna ka mamawh tawh lo, ka dawng tam tawk tawh ti hi tumah ka la tawng lo a ni.

Tihphur ngai i ni a, hmangaih te fak te i ngai ang chiah hian mi tu te pawh hian kan mamawh a ni. Pathian mi hman i nih duh chuan, mi dang ring la, fak la. Lawmna nun midang chungah lantir ang che.

Chu chu a ni midang fak chunga rawngbawlna chu.

Ngaihtuah zui atan

* Miin an fak che hian nangmahah engtin nge a thawh dan?

* Ṭawngkaa i fak mai bakah, engtinnge kawng dangin mi i fak theih ang?

* Midang fak leh lawm chuan engtinnge Pathian a hnaih tir theih che?

*[Lettu: Sangpuia]*

Sunday, November 23, 2025

LAWMNA NUNIN RINNA A ṬHAN LENTIR

_Thlirna thlak danglam_

- Rick Warren 
- November 23, 2025
_"Amahah chuan zung kaiin inphun nghet ula. An zirtir che u rinna chuan intichakin, lawmthu sawina nun lo nei ula."_ (Kolossa 2:7, GW)

Rinna ṭhan lenna kawng anih avangin lawmna nun neih hi Pathian duhzawng a ni. 

Engtinnge lawmna chuan i rinna a ṭhan lentir? Hun khirh tak a lo thlenin chu chu a thleng ṭhin - thilin awmzia a nei lo ni anga a lan lai te, i hriatthiam loh hun te, i ṭawngṭaina chhana a awm loh hun te leh i duh dan anga engmah a kal loh huntein. Chung hun harsa karah pawh, "Lalpa, engkim i thunun tih ka hria. Min hmangaih tih ka hria a, hemi aṭanga hian thil ṭha tak i chhuahtir thei tih ka hria. Ka harsatnate aia i len daih zawk avangin lawmthu ka hrilh a che" ti a ṭawngṭaiin a thleng ṭhin.

Tute pawhin thil ṭha avangin Pathian hnenah lawmthu an sawi thei. Mahse hun ṭha loah pawh Pathian hnena lawmthu i sawi thei chuan zung i kai nghet sauh anga, rinna kawngah i ṭhang lian zel ang.

Habakuka khan hun harsa tak a pal tlang a. Heti hian a ti, _"Theipui thing pâr vul dawn lovin, grêp hrui rah dawn hek suh seng, Olive thing pawh rah lovin, povin eitûr chhuah dawn lo seng, huang ata ran rual tibovin, ran inah ran awm lo mah seng. Ka lawm zel ang, LALPA-ah chuan, ka chhandamna Pathianah chuan ka lâwm cheu dawn."_ (Habakuka 3:27-18)

Thil ṭha lo tam tak lo thleng karah pawh Habakuka chuan lawmna nun a nei tlat. Engin nge a lawmna thlen? Pathianah lawmna a zawng a ni: "Ka chhandamna Pathianah chuan ka lawm cheu dawn" tiin.

I nunkawngah sual chhuah tur tam tak i nei a ni thei, Lalpa chu i Chhandamtu anih avangin lawmna i nei thei. I kiangah a awm zel ang. Malin i awm lo. A kalsan lo che. Chu chu lawmthu sawina tham a ni!

I nun kha a khirh em em laiin Pathian hnenah lawmthu i sawi thei em? Chu chu i rinna thukna tehna a ni.

Kolossa 2:7-ah chuan heti hian kan hmu, _"Amahah chuan zung kaiin inphun nghet ula. An zirtir che u rinna chuan intichakin, lawmthu sawina nun lo nei ula."_ (GW)

Pathian duhzawng chu lawmna danglam tak hi a ni - engkima lawmthu sawi hi. Pathian chungah a nihna avang chauh pawhin lawmthu i sawi thei. Hun harsa tak karah pawh i hnena awm a tiam a, chuvang chuan harsatna karah pawh i rinna a ṭhang lian zel tih i hre thei ang.

Ngaihtuah zui atan.

Hun khirh tak i hmachhawnin engtinnge i lo dawnsawn tlangpui? Pathianin engtinnge i hmachhawn a duh ni a i rin?

Pathian chawimawi tih hi engnge a awmzia?

Hun khirh tak karah engtinnge Pathianin i rinna a tichak zel ni a i hriat? 

[Lettu: Mapuia Fanai]

Saturday, November 22, 2025

LAWMTHU SAWIIN PATHIAN CHAWIMAWI RAWH

_Thlirna thlak danglam_

- Rick Warren 
- November 22, 2025
_"Lawmthu sawi hi min chawimawitu thilhlan hlu tak a ni."_ (Sam 50:23, NLT)

Tu emaw hnenah lawmthu i sawi apiangin amah kha i chawimawi tihna a ni.

Entir nan, ka nupui hnenah, "Duhtak, lawmthu sawina zanriah ropui tak i siam avangin ka lawm e" ka tih chuan ka nupui ka chawimawi tihna a ni. Ka pizawn hnenah, "Ka nupui atan Kay-i i lo neih avangin ka lawm e" ka tih chuan ka pizawn chu ka chawimawi tihna a ni. Tu emaw hnenah, "Kawngka min hawnsak avangin ka lawm e" emaw "I rawn inkhawm theih avangin ka lawm e" emaw ka tih chuan chu mi chu ka chawimawi tihna a ni.

Mite chunga kan lawmna kan lantir hi midangte kan chawimawina a ni.

Bible pawhin Pathian chunga in lawmna in lantir hi in chawimawina a ni a ti. Hei hi Pathianin Sam 50-naah heti hian a sawi, _"Lawmthu sawi hi min chawimawitu thilhlan hlu tak a ni."_ (Sam 50:23, NLT)

Engvangin nge lawmthu sawi hi thilhlan a nih? A chhan chu kan rilru leh ngaihtuahna a la a; lawmna tur kan zawnnaah hian kan hun leh tha kan seng a ni.

Ka nupuiin ka tana thil ṭha tak a ngaihtuah chhuahin, "Ka lawm e" ka tih kha a duh ngei ang. Mahse chu chauh chu ka sawi chuan, "Min hmangaih tak tak em le, nge ni thil ka tihsak avang chauh hian min hmangaih?" tiin mak a ti viau ang.

Lawmthu sawina kawngah hian a hma aia sanga ke ka pen chhoh a ṭul - a awmzia chu ka nupui hnenah a thiltih avang chauha lawmthu sawi lovin ka tan tunge a nih avang pawhin lawmthu ka sawi ang. Chu chu lawmthu sawina ril zawk leh puitling zawk chu a ni.

I fate hnena pawisa i pek chauh kha i hnena lawmthu an sawi hun ni ta se, "Min hmangaih em le, nge pawisa chauh kha an duh zawk?" tiin i ngaihtuah ngei ang.

Pathian hnenah kha zirlai kha i zir theih avang te, ei tur a pek che avang te leh i tana a thiltih avangte chauha lawmthu i sawi chuan, "Pathian hi ka hmangaih tak zet em le, nge a thilpek ka dawn te chauh hi ka duh?" tiin inzawt rawh.

Pathianin thil a tihsak che avang ringawt ni lovin a nihna avang zawka lawmthu sawi zir rawh.

Pathian hnenah a nihna avanga lawmthu i sawi chuan i ṭawngṭai dan pawh hetiang hian a danglam ang, "Lalpa, i finna hi ka finna aia a san em avangin lawmthu ka hrilh a che. Keimah aiin ka lawmna tur i hriat avangin lawmthu ka hrilh a che. Ka danglam fo laiin i danglam ve ngai lo va, min hmangaih leh khawngaihnaah lawmthu ka sawi a, dik taka roreltu i ni. Thil ka hriatthiam loh lai pawha ka tana ṭha ber tur i hriat zel avangin ka lawm e." 

Hetianga lawmna hi, "Lalpa ei tur min pek avangin ka lawm e," tih aṭangin "Lalpa i nihna avangin ka lawm e" tihah a zuang dawrh a ni. Hetiang lawmna hian Pathian a chawimawi a thlarau nunah zung ka kaih nghet bawk a ni.

Ngaihtuah zui atan.

Zir chianna tam tak aṭanga a lan danin lawmna hi mihringte rilru hrisel ber a ni. Engvangin nge anih i rin?

Engtinnge lawmna danglam hian Isua a hnaihtir che?

Tunkar chhung hian nitin, Pathian hnena lawmthu sawina tur kawng 10 ngaihtuahin bul ṭan teh. Kartawpah chu chuan engtinnge i nungchang leh hun hman danah nghawng a neih a en let la. 

[Lettu: Mapuia Fanai]

Friday, November 21, 2025

LAWMNA THINLUNG DANGLAM CHU ENG NGE?

_Sum Enkawltu Fing Aṭanga Zir Tur_

By Rick Warren
— November 21, 2025
“Engkimah lâwmthu hril fo rawh u. Hei hi Krista Isuaah chuan Pathianin in tih a duh chu a ni.” [1 Thessalonians 5:18]

Pathian hmangaihna chu i hriat thuk ang zelin i lo lawm deuh deuh ang. 

Bible chuan kan nun chu lawmna chuan a bual hneh hle tur a ni tiin a sawi: “Engkimah lâwmthu hril fo rawh u. Hei hi Krista Isuaah chuan Pathianin in tih a duh chu a ni.” [1 Thessalonians 5:18]

Bible chuan eng dinhmunah pawh lawmthu hril turin min chah a, thil zawng zawng avang chuan a ni chiah lo. An awmzia a hrang daih a ni!

I nuna thil ṭha lo lo thleng avang khan lawmthu i sawi kher a ngai awm lo ve. Khawvela thil thleng zawng zawngte hi Pathian duh dana thleng an ni kher lo. A nihna takah chuan Pathian duh danin khawvelah thil a thleng kher lo va, mihring duh danin a thleng ve fo. 

Khawvelah hian thil sual tam tak a awm a, chung thilte avang chuan Pathian hnena lawmthu i sawi kher a ngai lo vang. Chung buaina karah chuan Pathian hnenah lawmthu i sawi thei thung ang. 

Ka nunah ngei pawh hian Pathian hnenah chuan thil eng emaw zatah lawmthu ka sawi thei a ni tih hi ka zir chhuak: 

• Pathian chu thuneitu a ni. 

• Pathian chuan thil ṭha lo aṭangin thil ṭha a thlentir thei. 

• Pathian chuan i tihsual zawng zawng aṭang chuan thil a siamṭha thei a, thil ṭha zawk a thlentir thei. 

• Leiah hian chatuanin ka khawsa dawn lo. Vanramah engtik emawah ka la kal dawn. 

• Ka chhandamna ka hloh thei lo. 

• Ka chungah eng pawh thleng se, Pathian chuan min hmangaih a ṭhulh thei lo. 

Thudik chu hei hi a ni – eng dinhmunah pawh Pathian hnena lawmthu sawina tur chhan za chuang ka ngaihtuah thei, hun duhawm lo tak pawh ni sela. 

1 Thessalonika 5: 18 kha han en teh. “Engtik lai pawhin Pathian hnenah lawmthu i sawi tur a ni tiin a sawi. “Engtik lai pawhin” [all] tih hi Grik ṭawngah chuan pas tih niin, a awmzia chu “a vaiin, a pumpuiin, engkimah, engtik hunah, engtik hmunah, thil zawng zawngah” tihna a ni. A awmzia chu – chhuanlam awm lo, hriatthiamna awm lo, thil enkanna awm lo tihna a ni. 


Chu chu a firfiak ang reng hle mai lo maw? Chuvang tak chuan lawmna danglam tak a lo ni. 

Mi tuten emaw thilpek ṭha tak an pek che avanga lawmthu sawi chu a harsa lem lo. Mi tinten an ti thei ang. Mahse thil zawng zawnga lawmthu sawi, hun harsa thleng chuan a harsa hle ang, a danglam zawng deuh hleka kal a ngai hial ang – Chu chu “I laka Pathian duh dan a ni.” 

Ngaihtuah zui atan. 

• Hun harsa atana hman tur thutiam Bible-a kan hmuh lawmthu sawina chungchang vawn eng nge i neih? Lehkha puanah ziak chhuakin i hmuh fo theihna turah dah ang che. 
• Tu emawin hun harsa a hmachhawn laiin lawmna danglam taka a tarlan chu i lo hmu tawh em, chu chuan chuan engtin nge a khawih che? 
• “Thil engkima” Pathian hnena lawmthu sawi chu eng vangin nge Pathian duh dan a nih? Chu chuan i nun chu engtiang takin nge a khawih le? 

Krista nena nun thar bul tan chu i inpeih em? 

Bible chuan vanram i kai theih dan awm kawng chhun chu Pathian fapa Isua Krista rin chauh chu a ni tiin a sawi: “Rinna avânga khawngaihnaa chhandam in ni; nangmahni thawh chhuah a ni lo va, Pathian thilpêk a ni; thiltih avâng a ni lo ve; chuti lo chuan, miin an chhuang dah ang e,” tiin [Ephesi 2:8-9].

Eng ang pawhin lo awm tawhin khawi hmunah pawh lo awm tawh la, Pathian chatuan chhungte chuan nghaktu leh thlir rengtu i nei e. Sawmna chu zau taka hawn a ni e. Ring la chang mai rawh. I inpeih tawh em? He ṭawngṭaina hmang hian bul ṭan ang che: “Lalpa duh tak, ka thih hun chuan ka nun chungchang ka la sawi dawn tih ka hria. I lakah thil sual ka lo ti tawh tih ka hria a, keima ruahmanna nangma duh dan ni lo ang chuan ka lo khawsa tawh ṭhin. Chu chu thlak danglam ka duh a, a thara bul ṭan leh ka duh a ni. Sual kalsana i lam pana kal chu ka duh e. 

Ka thil sual tih zawng zawng avanga hremna chu kei thi tur hian Isua zara ka pumpelh avangin lawmthu ka hrilh a che. I ngaihdamna chu ka phu lo tih ka hria. I khawngaihna chauh chuan min chhan thei tih ka hria, Lalpa. Hmun famkimah chuan lut turin ka famkim ngai dawn lo tih ka hria. “Isu, min hmangaih em avangin ka sualna zawng zawng chu i lo phur ta a, lawmthu ka hrilh a che. Vanram kai tlakin min siam a, min chhandam turin ka ngen a che. Isu, nangmah chu ka ring a che. Min chhandam nghal a, chiang taka min chhandam a, chhandamna famkim min pe a, chatuan atana min chhandam thei a ni tih ka hria. Isua hmingin ka dil a che. Amen.” 

Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e. 

[ *Lettu:* Peka]

Thursday, November 20, 2025

I SUM HMAN DAN ṬHA BER

_Sum Enkawltu Fing Aṭanga Zir Tur_

By Rick Warren
— November 20, 2025
““Ka hrilh a che u, khawvêl sum lem hian in tân ṭhian siam rawh u; sum a ral hnuah chatuan rama lawm luh in ni thei ang.” [Luka 16:9]

Sum hi hmanrua a ni a – hmanrua chu hman tur an ni. Isua ngei pawh khan, “Khawvêl sum lem hian in tân ṭhian siam rawh u,” a ti hial a nih kha. 

A ṭawngkam hman hi han ennawn leh ngat teh u: “siam.” Isua chuan sum hmangaih tur emaw khawlkhawm tur emaw chibai buk turin a ti lo che u. Hmang turin a ti che u. 

Pathianin pawisa a pek che u hman dan ṭha ber chu eng nge ni ta ang? I rosum neih ral mai theite chu chatuan daih atan hmang ang che. Ṭawngkam danga kan sawi dawn chuan, ral mai thei pawisa chu chatuan daih thil awmze nei atan hmang rawh. 

I sum neih chu thil ṭangkaia hman dan tam tak a awm a – mahse a hman dan ṭha ber chu mite vanrama an luh theihna tur atana hman chu a ni. 

Luka 16: 9 chuan hetiang hian a sawi, “Ka hrilh a che u, khawvêl sum lem hian in tân ṭhian siam rawh u; sum a ral hnuah chatuan rama lawm luh in ni thei ang,” tiin.  

He chang hi miten an hre sual fo. Hemi awmzia hi ṭhiante sumin i lei tihna emaw i chhandamna i lei dawn tihna emaw a ni lo. A awmzia chu i sum leh paite chu pawisa hmangin inlaichinna chatuan daih i siam thei ang.  

Chu chu kawng eng emaw zatin i ti thei ang. Mission rawngbawlnaa i ṭhiante zin chhuak an awm changin sum faiin i ṭanpui thei ang. I ṭhian zinga ring lo mi chu chawi eiah sawmin Chanchin ṭha i hrilh theih nan anmahni i buaipui thei ang. Harsatna tawk mek i ṭhiante chu lehkhabu anmahni ṭanpuitu i leisak thei bawk ang. 

I “khawvel sum” kha chatuan daih tura hman dan kawng tam tak a awm thei ang. 

Thurawn eng emaw ka lo pe teh ang che: I sum chu thil holam mai maiah hmang suh, thil holam mai mai chuan chatuan an daih dawn lo. Mihring leh Pathian Thu chauh chuan chatuan an daih dawn. I sum peipunna ṭha ber chu eng thilah nge i hre thiam ta em? Sumdawnna [Stock market-ah] emaw ram zuarnaah [real estate-ah] emaw a ni lo vang. Pathian Thu leh mihringah a ni ang. A chhan chu chung thilte chu nakin huna i la hnutchhiah tur thilte an ni lo. 

Vanram kan thlen hun chuan van mipuite chuan lo lawm che sela ka duh a ni – he khawvela i sum rawngbawlna avanga vanram kai mi tam tak awm sela ka duhpui che. Isua chuan, “Vânah, sûlrûl leh tuiêkin a ei chhiat lohnaah, rûkruten an reh pawha an rûk hek lohnaah chuan, in tân rote khâwl khâwm zâwk rawh u; i ro awmna apiangah i rilru pawh a awm ang,” tiin min chah.
[Matthaia 6:20-21]. 

Ngaihtuah zui atan. 

• I sum chu eng ang thil ṭha tih nan nge i hman? 

• Pathian rawngbawlna atana hmang lova sum i hmangaih tlat chang leh i khawl mai duh zawk chang chu a awm em? 

• I sum chu chatuan daih thil eng emaw atan i hmang ve tawh em? 

[ *Lettu:* Peka]

Wednesday, November 19, 2025

PAWISA FING TAKA HMAN DAN KAWNG THUM

_Sum Enkawltu Fing Aṭanga Zir Tur_

By Rick Warren
— November 19, 2025
“Remhre finna chu mahni awm dân hriat hi a ni a, Mi âte âtna erawh chu bumna a ni.” [Thufingte 14:8]

Engtin nge pawisa fing takin kan hman theih ang? Pawisa tam tak a ni thei a, tlemte pawh a ni thei bawk, he zawhna hi i lo zawt tawh hial mai thei – Isua zuitu, Pathian thilpekte fimkhur taka vawngtu i nih phei chuan a pawimawh lehzual. 

I sumte fing taka hmang tur chuan thil pathum i tih a ngai ang. 

Pakhatna, hmalam hun i thlir a ngai. Bible lehlin pakhat Living Bible chuan hetiang hian a sawi, “Mifing chuan a hmalam hun a thlir a. Mi â chuan amah leh amah inbumin thudik chu a hmachhawn lo vang,” tiin [Thufingte 14: 8] 

Nakin hun en kana vawiin chauh thlira i sum neih hman chu thil chakawm a ni thei – Mahse chu chuan buaina tam takah a hnuklut ang che. Dik tak chuan, mi ṭhenkhatten leiba an neih chhan langsar ber chu hmalam hun tawite chauh an thlir vang a ni. I lei phak chiah loh thil i lei a nih chuan nangmah leh nangmah i inbum tihna a ni. 

Pahnihna, ruahmanna [plan] i siam a ngai. Mi ṭhenkhat chuan ruahmanna engmah siam lovin Thlarau Thianghlimin a hruai dang anga kal mai chu an tum. Chu chu a dik lo. Living Bible-ah chuan hetiang hian Thufingte 16: 9 chu hetiang hian an sawi, “Ruahmanna chu kan siam ang a – kawng min kawhhmuh turin Pathian kan ring ang,” tiin. 

I sum chungchang thuah ngei pawh chuan – ruahmanna i siam ang – sum leh pai thuhlaah chuan. Budget kan tih chu mawlmang deuhin sawi ta ila. Ruahmanna fel tak nena sum hman tihna a ni, a tlachawp leh zel thel mai maia hman tur a ni lo.  

Budget siam tur chuan Pathian rinchhan ang che, tichuan Thlarau Thianghlim chuan amah zui tura ruahmanna siam ang che. Thufingte 16: 3 chuan hetiang hian a sawi, “I hnate chu LALPA kawltîr rawh; Tichuan, i thil ruahmante chu tihnghehin a awm ang,” tiin.

Pathumna, rang taka i chet a ngai. I sum enkawl dan chungchanga thil thlak ngai a awm a nih chuan tawi khawmuang lovin che thuai ang che. I lei phak loh tur chu i lo lei mai em? An awm a nih chuan bazarah zuar chhuakin i mamawhte chu titlem ang che. I thawhchhuah nena inmil lo tak car i nei em? Chutiang thilah chuan i sum hman dan tur ruahmanna i siam tawh em? Naktuk lam i hun awlah chuan chinfel tum ang che. 

Thuhriltu 11: 4 chuan hetiang hian a sawi, “Duhthusâm anga khaw awm i nghah chuan Buh tuh hun emaw, seng hun emaw i hmu lo vang,” tiin. Bul ṭan ṭha turin hun ṭha i nghak ngar ngar a nih chuan a thleng thei ngai lo vang. 

Ngaihtuah zui atan. 

• I sum chungchangah chuan hmalam hun i thlir nge vawiin bak ngaihtuah lovin i nung mai zawk? 
• Budget zui bikin i khawsa duh ang em? I duh a nih chuan i sum hman dan enletna chu siamin hmang ang che. A nih loh chuan, i calendar-ah chuan sum hman dan tur buatsaih rawh. 
• I sum chungchangah khan eng thil nge chet vat a ngaihna lai chu? I thil neih ṭhenkhat chuangtlai deuhte chu hralh an ngai zawk em? Miten an mamawhtu zawk pek tur i nei em? Vawiin hian ruahmanna siamin inbuatsaih ang che. 

[ *Lettu:* Peka]

Tuesday, November 18, 2025

PATHIAN SUM NGE I ENKAWL NANGMA SUM?

Sum Enkawltu Fing Aṭanga Zirtur

By Rick Warren 
— November 18, 2025
“Mi tinin thilpek in hmuh ang zelin Pathian khawngaihna tinreng enkawltu ṭhate angin, chung chuan rawng inbawl tawn ṭheuh rawh u.” 1 Petera 4:10

Engmah neih ka nei lo va. Nang pawhin i nei hek lo. Pathian ta vek an ni.

A tir aṭanga Pathian ta an ni a. A tawp thlengin an ni bawk ang. He khawvelah hian engmah i lo keng lut lo va, engmah i chhuahpui dawn bawk hek lo a ni. He khawvela i awm chhung atan Pathianin a hman hawh tir mai che a ni zawk.

Chuvangin Pathianin a pek zawng zawng che enkawltu i ni tihna anih chu. Pathianin hriselna a pe che a - uluk taka i enkawl a ngai tihna a ni. Hun a pe che a - thiam taka i hun i hman a ngai tihna a ni bawk. Pathianin theihna a pe che a - chu pawh chu i peipun a ngai tihna a ni. Pathianin sum a pe che a - thiam taka i hman a ngai tihna a ni bawk.

1 Petera 4:10 chuan, “Mi tinin thilpek in hmuh ang zelin Pathian khawngaihna tinreng enkawltu ṭhate angin, chung chuan rawng inbawl tawn ṭheuh rawh u.” 

A tirah chuan ila thutak vak lo maithei e. Nimahsela i sum te chu i ta an ni lo tih i hriatchhuah hnuah chuan, sum i ngaihdan leh i hmandan pawh i thlak danglam ka ring.

Pathian sum enkawltu i nih avangin, engtikniah emaw chuan i sum hmandan zawng zawng te hi Pathian hmaah i sawi ala ngai dawn a ni. Thuhriltu chuan, “Ṭhalaite u, in ṭhat lai chen ula, in la naupang viau lai hian hlim rawh u, amaherawhchu Pathianin in chungah Ro a rêl dawn tih hre reng ang che u.” (Thuhriltu 11:9).

Rom 14:12 chuan: “Chutichuan kan zain Pathian hnenah mahni chanchin kan sawi ṭheuh tur a ni.” 

I hun a lo tawp hunah chuan, Pathian hmaah i ding dawn a, Pathianin a pek zawng zawng che i hun, theihna, i sum leh thildang te i hmandan i hrilh a ngai dawn a ni. Hetiang hian a zawt dawn che a, "Ka thilpek che kha engtin nge i hman?"

Engtin nge i chhan ang?

Ngaihtuah zui atan

* I sum chu a neitu-ah nge enkawltu-ah i inngaih?

* I thil neih zawng zawng hi Pathianin a pek vek che anni tih hi engtiklai aṭang khan nge i hriatchhuah? Chu chuan thutlukna i siamah engnge danglamna a thlen?

* Vawiinah hian Pathianin hei hi zawt che se la, “Ka thilpek zawng zawng che kha engtinnge i tih?” Engtin nge i chhan ang?

[Lettu: Sangpuia]

Monday, November 17, 2025

HMANGAIH HARSATE HMANGAIH DAN

_Isua Tih Danin_

By Rick Warren 
— November 17, 2025
“Engkim a tuar hram hram a, engkim a ring a, engkim a beisei a, engkim a tuar chhuak thin.” (1 Korinth 13:7).

Hmangaihna hi pekchhuah zawh vek theih ni awm tak a ni. Tumahin bum che suh se. Chutiang hmangaihna tlo lo chuan kan nun a tichhe ṭhin.

A chang chuan hmangaihna pek tur pawh nei tawh lo hialah i inngai ang. Mipui nena inngheng reng chi zirtirtu, dawrkai leh bazar ah hnathawh phei chuan, "Harsatna dang, buaina dang ka hmachhawn peih tawh lo tiin" i bang hlawl thei a ni.

Hmangaihna beiseitute duhsak taka hmangaihna i lantir te chuan chhan let loh hmangaihna an hlan che a. Mahni i inngaihtuah phei chuan, "Ṭang tur ka awm tawh lo. Ka zo tawh" i ti hial ang.

Mihring ten hmangaihna kan chhanlet dan hi chu Bible-a Pathianin hmangaihna min hrilh dan nen hi chuan a inanglo deuh a ni. Bible chuan hmangaihnain, “Engkim a tuar hram hram a, engkim a ring a, engkim a beisei a, engkim a tuar chhuak thin.” (1 Korinth 13:7). Hmangaihna a beidawng ve ngai lo.

Chutiang chuan engtin nge midang i hmangaih theih ang? In chhungkhat rawh.

Kan fate tet laiin ka la hrereng mai. Kan kiang hnaiah thlawhtheihna ennawm an rawn entir a. Chuta ka mit la em em tu chu thlawhtheihnaa tuialhthei an thun dan. An inchhunkhah leh dan hi a ni a. Tun thlengin ka theihnghilh thei lo a ni.

Thlawhtheihna chuan kei chuan tui thun ka mamawh ve lo ti ta se lo. A hmabak chu leia tlak a, kan ral vek chauh a ni. Thui tak thlawk tur tan phei chuan thlawhtheihna chuan tui thun leha, inchhunkhah a mamawh hrim hrim a ni.

Chutiang bawkin hmangaihna tlo nei tur chuan Pathian chuan inchhung khat leh ṭhin turin a duh che a ni. Kan khawtlang hi enin han hawi vel teh u, hmangaihnaa mi an inchhunkhah thar fo ṭhin loh avangin an inlaichinna te a chhia a, a keh ta ṭhin a ni.

Engtinnge i inchhunkhah ve fo theih ang? Pathian inhmangaih tir rawh. “Amahin min hmangaih hmasak avangin kan hmangaih a ni.” (1 Johana 4:19). I rilru a nat a, midang pawh hmangaih thei lo va i inhriat chuan, Pathianin a hmangaih em em che a, chuvang chuan i aiawha thi tur a Fapa a rawn tir a ni tih hria ang che.

Chu chu hmangaihnaa inchhunkhah leh dan chu a ni. Chu chuan tawp san i duh pawhin a kal tir leh thei ang che. 

Ngaihtuah zui atan

* Tunkar chhung hian hmangaihnaa i inchhunkhah theihna tur leh midang i hmangaih theihna turin eng duhthlanna nge i siam ang?

* Pathian hmangaihna chu engtin nge i lanchhuah tir theih ang?

* Mi i hmangaih theih tawh loh leh beiseina pawh i neih theih tawh loh chu vawiinah hian engtin nge i hmangaih thei ang?

*[Lettu: Sangpuia]*

Sunday, November 16, 2025

PATHIAN HRUAINA HNUAIAH CHUAN TUILAIRAPIN I DING LOVANG

_Isua Tih Danin_

- Rick Warren 
- November 16, 2025
_"I kawng chuan tuifinriat a chhun tlang a, i kalkawng chuan tui thûk tak a a pal tlang a, kawng a awm tih tuma'n an hriat loh chu!"_ (Sam 77:19, NLT)

Pathianin biak nan che zaizir a hmang thei a. Eng emaw thil thleng danglam bik a hmang thei bawk. Natna pawh a hmang thei a. A duhzawng engpawh biak nan che a hmang thei.

Oswald Chambers chuan heti hian a sawi, "Pathian chu ruahmantu (engineer) ropui tak a ni, kan nunah Pathian pawimawhna lantir nan thil eng emaw a thlentir ṭhin, Pathian ruahmannaa min hruai lut turin." 

Bible chuan kan thil tawnah te Pathian chu chawl miah lovin hna a thawk a ti. Chuvang chuan Pathian finna tel lo chuan kan thil tawn kan lo bûk /teh mai thei lo. Heti hian kan sawi thei bawk,  kan thil tawn hrilhfiah turin Pathian kutah kan dah thei ang. Amah chauh chu thudik hrethiam thei niin, engkim chik taka hmufiah theitu a ni. Chuvang a Thu hmanga kan teh hi a pawimawh hle a ni.

I hriat chian loh vang emaw i ngaih pawlh vang emawin thutlukna i siam thuai thei lo a ni mai thei, Pathian aw ngaithla lovin mahni chauh i inngaihtuah a ni thei. Bible chuan heti hian a ti, _"Pathian chu buaina Pathian ni lovin remna Pathian a ni zawk si a"_ Hriat chian lohna ziaktu bul a ni lo. Chuvang chuan thil i hrefiah lo emaw i hrechiang lo emaw anih chuan, engtinnge niang? I nuna thusawitu kha Pathian a ni lo.

Vawi tam tak sum leh pai kawngah emaw, thlarau nunah emaw, tisa lamah emaw daltu kan tawng tawh. Chutah tak chuan heti hian kan puan a ngai, "Lalpa ka sir tawn tawnah hian tlang lian tak a awm a, ka hmaah hian kaltlang zawh rual loh kulh a awm bawk a ni" tiin. Tichuan Pathianin hetiang anga a chhan hun hi nghak rawh: " Ka duhna takah ka dah che a, lo thlir phawt mai rawh" tiin. Kalna tur kawng a awm tawh lo ni a a lan hunin Pathianin kawng a sial zel ang.

Sam 77:19-ah chuan heti hian kan hmu, _"I kawng chuan tuifinriat a chhun tlang a, i kalkawng chuan tui thûk tak a a pal tlang a, kawng a awm tih tuma'n an hriat loh chu!"_ (NLT)

Tih dan tur i hriat tawh loh hunah Pathianin a hruai ang che. I hriatna leh theihnaa kal turin Pathianin a siam lo che. Mahniin i inhaikaw thei a ni tih i beisei a ngai lo. Pathianin kawng dikah hruai che a duh a, a hnena i inpumpek a, a hruainaa kal tura i inpek hunah a hruai ang che.ea

Ngaihtuah zui atan.

Pathian hruaina dila i ṭawngṭaina a chhang lo che ni a a lan hunin engnge ti tura a duh che ni a i rin? Hun kal tawhah chutiang ang aṭang chuan engnge i zir chhuah?

Kawng a awm tawh lo ni a a lan hunin engtinnge Pathianin i thiltawn hrehawm takte kha a hmang ni a i hriat?

Dinhmun khirh tak aṭanga chhuah maina tur kawng a awm lo ni a a lan hunin engvangin nge chumi dinhmunah chuan Pathianin min hruai ni a i rin? 

[Lettu: Mapuia Fanai]

Saturday, November 15, 2025

ISUA THINLUNG ANG PUT DAN: Part 2

_Isua Tih Danin_

- Rick Warren 
- November 15, 2025
_"Tupawh a nun humhim duh apiangin a chan ang a; tupawh keimah avang leh Chanchin Tha avanga nun chan apiangin a humhim ang."_ (Marka 8:35)

Nimin khan Isua thinlung ang put dan kawng hnih kan zir a. Vawiin hian kawng hnih dang kan zir leh dawn a ni.

Isua thinlung ang neih i duh chuan - kan zir leh tur hi mak i ti viau mai thei. Isuan a ngaihsakzawng te ngaihsak a, a danglamna kawnga danglam ve mai baka i tih leh tur chu Isua thinrimna angah i thin i tihrim ve a ngai.

Thinrim hi sual emaw i ti mai thei. Thinrimna dik lo hi chu sual a ni a, mahse thinrimna ṭha leh thinrimna ṭha lo a awm. Thinrimna dik leh thinrimna dik lo a awm. Thinrimna dik lo chu mahni hma a sial a, mahni chauh indah pawimawhna a ni - miin an tihnat che a, an tihbeidawn che a, hlauhna an siam che a i awm dan ang kha. 

Mahse thinrimna dik chu hmangaihna hmun aṭanga chhuak a ni. Midangin an mamawh aia tam an neih laia ṭhenkhatin an lo tuar i hmuha i thinrim te. Rorelna dik lo, retheihna leh rilru hrisel lo i hmuhtein i thinrim ṭhin.

Ephesi 4:26-ah khan kan Bible chuan hemi chungchnag hi chiang takin a sawi, _"Sual tel lovin thinrim rawh u"_ tiin (GW).

Naupangten an mamawh an hmuh lohin Isua a thinrim. The Message chuan heti hian Isua thusawi a letling, _"Heng naupangte hi hnar suh u. Naupangte leh kan inkarah lo tla zep suh u. Heng naupangte hi Pathian rama nunna laimu luahtute an ni asin."_ (Marka 10:13-14).

Isua thinrim lehna chu mihring, a bikin mi retheite emaw mi hnuaihnung zawkte emaw tawrhna ngaihsak anih lohin. Heti hian a sawi, _"Dan hretute u, nangni pawh in chung a pik e! Thil phurh hrehawm takte mite in bel ṭhin a, nangni chuan phurte chu in kut zungṭang pakhat pawhin in khawih ngai si lo"_ (Luka 11:46).  Pathian chu hmangaihna a ni - mahse dikna duh mi pawh a ni. He khawvelah rorelna khairual lo, dik lo a hmuhin a thinrim ṭhin - nang pawh chutiang chu i ni ve tur a ni.

*A tawp berah chuan, Isua inpumpekna kha entawn rawh.* Chiang takin heti hian a sawi, _"Mihring Fapa meuh pawh rawngbawlsaka awm turin a lo kal lo va, rawngbawl tur leh mi tam tak tlan nana a nun pe zawk turin a lo kal a ni si"_ (Marka 10:45).

Thilmak tak chu hei hi a ni: Mahni tana nung ṭhin nun aṭanga Isua tan leh a duh dan anga i nun chuan i hlimna nasa takin a pung ang. Engvangin? A chhan chu Pathianin min duan danah hian amah kan an poh leh - kan thil phala hma kan sial lohin - kan hlim zual ṭhin. Hetiang hi a ni: Mahni tan chauha i nun chuan, i rethei hle ang. Mahse midang tana i inpek chuan hlimna tam tak i tawng ang.

Isua he khawvela a awm lai kha Pathian nena an inkar leh midangte nen an inkar a ṭhat nan mite a pui ṭhin. Chutiang taka inpekna hlu chu a ni.

Pathianin chutiang ang thinlung i neih chu a duh. Chutiang anga i tih chuan nun tak i chhar ang: _"Tupawh a nun humhim duh apiangin a chan ang a; tupawh keimah avang leh Chanchin Tha avanga nun chan apiangin a humhim ang."_ (Marka 8:35)

Ngaihtuah zui atan.

I thin a rimin thinrimna dik nge dik lo? 

I chhehvel kha han ngaihtuah teh. Pathianin thinrimpui tura a duh che i ngaihtuah chhuak thei em?

Engnge Pathianin hlan tura duh che ni a i hriat? A man chu eng pawh pe dawn ta la 'aw' i ti ngam dawn em? 

[Lettu: Mapuia Fanai]

Friday, November 14, 2025

ISUA THINLUNG ANG PUT DAN: Part 1

_Isua Tih Danin_

By Rick Warren
— November 14, 2025
“A lama rilru dik tak putute chunga a chakzia tilang tûrin khawvêl zawng zawngah LALPA mit chu a lêng ruai ruai ṭhîn a ni. Atthlâk takin thil i ti a nih hi; tûn achinah chuan do i nei reng tawh ang.” [2 Chronicles 16:9] 

I pian hma kum sang liam taah khan Pathian chuan i awm hun tur leh i awmna tur a lo hre lawk vek tawh. Khawi lai emawa thua, ngui leh hnual taka awm turin a duh lo che. Rinna nung neia amah zui turin a duh che a ni. Isua khan thumal – kal, zui, kal, awih, tir leh ti tih thumal hmangtein a mite a lo be tawh ṭhin.  

Entirnan Isua chuan, “Khawvêl ram zawng zawngah kal ula, thil siam tinrêng hnênah Chanchin Ṭha hi hril rawh u,” tiin a lo chah tawh bawk [Marka 16: 15]. Nangmahin i tihna hmun ringawta kal turin a tir lo che, Bible thu ṭhenkhat i ngainat zawng tak chauh puang turin a chah lo che a. I rawngbawlna tur chu “Ram zawng zawngah … thil siam tinreng hnenah” tiin a sawi. 

Tichuan, i chenna ram bikah chuan engtin nge Pathian hnathawhnaah i lo tel ve theih ang? Thil pawimawh ber zawk chu i theihna ni lovin i inpekna a ni. Pathian chuan ama tana hman theihte chu a zawng ṭhin.

Bible chuan, “A lama rilru dik tak putute chunga a chakzia tilang tûrin khawvêl zawng zawngah LALPA mit chu a lêng ruai ruai ṭhîn a ni. Atthlâk takin thil i ti a nih hi; tûn achinah chuan do i nei reng tawh ang,” tiin a sawi [2 Chronicles 16:9] Pathian chuan mi ropui a zawng lo – theihna danglam bik nei, mi chak em em, leh fing em em a zawng lo. Inpekna thuk tak nei thinlung a zawng zawk. 

Tichuan Isua tan i thinlung chu i hlan thlap theih ang? Ama thinlung ang ngei chu? Kawng li a awm thei ang. Vawiin hian kawng hnih kan zir ang a, naktuk lamah a dang pahnih kan zir chhunzawm ang. 

Pakhatna, Isuan a thil ngaih pawimawhte chu in ngai pawimawh ve ang. Isua chuan thil pahnih ngaih pawimawh em em a nei a – khawvel leh kohhran a ni. 

Bible chuan, “Chutichuan, mipuite chu a hmuhin, vêngtu nei lo berâmte anga hrehawm leh darha an awm avângin a khawngaih ta êm êm a,” tiin a sawi [Matthaia 9: 36] Pathian chuan a hmangaih loh mihring a la siam ngai miah lo. Nangmahin i rem loh mihring te, misual nia i ngaih te, inthlan a awm changa i vote loh anga vote thlaktute pawh chu a hmangaih vek. Ani chuan tu pawh a hmangaih vek. Isua thinlung ang neih i duh chuan anmahni chu i hmangaih ve tho a ngai ang. 

Isua chuan kohhran pawh a ngai pawimawh – Bible-in a sawi dan chuan a taksa leh a mo a ni. Bible chuan hetiang hian a sawi, “Kristan kohhran a hmangaih ang hian in nupuite hmangaih ve rawh u,” [Ephesi 5: 25]. Isuan kohhran chu engtiang takin nge a hmangaih i hre duh em? Kraws en rawh. A ban a phar chhuak a, “Hetiang taka nasa hian ka hmangaih a ni! Ka thisen chhuahin a tan thih ka huam a ni” tiin a sawi. 

Pahnihna, Isuan a ngainat loh zawng chu i ngainat loh ve a ngai ang. Isua zuitute chuan thil eng pawh ngainat loh zawng an nei ve thiang dawn em ni? Teh reng mai. Eng vangin? A chhan chu thil zawng zawng hlutna chu an inang vek lo. An pawimawh dan pawh a inang hek lo. An tlo zawngte pawh an inang kher lo vang. Thil ṭhenkhat chuan minute 5 pawh an daih lo vang. Thil ṭhenkhat chuan kum 5 an daih ang a, ṭhenkhat chuan kum 50, ṭhenkhat chuan kum 500 te pawh a ni ang. Mahse thil ṭhenkhatte chuan chatuan an daih dawn. I nun chu thil tlo tur atan chuan hmang la, chatuan daih thil bikah chuan thap ang che. 

Isua khan Pathian mission tiṭhuanawp thil reng rengte kha a ngaina lo zel a. A mimal taka hlauhawm te, sakhuana pawn lang tih dan te leh midang ngaihdante kha a ngai pawimawh chiam lo. Hun bithliah zui ngut ngut te, politics-a buai te, hausak te mite tihlawmte kha a tum ngai lo. 

Isua chuan Pathian mission-ah khan a insawrbingin Pathian kha a ring mai a ni. Matthaia 6: 33-a a sawi angin, “A ram leh a felna chu zawng hmasa zâwk rawh u; tichuan, chûng zawng zawng chu a pêk belhchhah dâwn che u nia,” tiin.

Ngaihtuah zui atan. 

• Awm hmuna buai tak leh thinrim/lungngai taka awm tih chu eng nge a awmzia ni ang? Isuan rinna chak tak nei a tih chu eng nge a awmzia ni ang? 
• I mimal nunah chuan Isuan a ngai pawimawh nia i hriat avang chuan i lo ngaih pawimawh ve tawh thil eng nge awm? 
• Pathianin ngaihthah tura a thil duh che mahse nangmahin i lo ngaih thutak em em thil a awm thei ang em? 

[ *Lettu:* Peka]

Thursday, November 13, 2025

ṬHIANTE NEN ZANGKHAI ZAWKA BUAINA HMACHHAWN

_Isua Tih Danin_

By Rick Warren
— November 12, 2025
“‘En teh u, mi vir, uain heh mi, chhiahkhawntute leh mi sualte ṭhian saw,’ an ti leh si a. Pathian finzia chu a thiltihah a lang a ni.” [Matthew 11:19] 

Khawvela buaina hrang hrangte hi nangmaha hmachhawn tur i ni lo – Pathian chuan mite nena chengho turin a siam che. Chawl lova thawk ngar ngar tur i ni lo – Pathian chuan chawl tur leh intihlim fo turin a siam che! 

Isua ngei pawh khan he khawvela a awm lai khan buaina a neihte kha amahin a hmachhawn lo. Midang a mamawh ṭhin! Bible chuan, “A hnêna awma, thu hrila, a tirh tûr” tiin [Marka 3:14].

Hei hi han ngaihtuah teh: I nuna buaina i hmachhawn tam berte kha i ringtu puite ṭanpuina dil lova nangmah maia hmachhawn i tum vanga i buaina an ni thei ang. Nangmah chuan eng emaw chen chu i ti thei mai thei a, mahse a harsat zual chang chuan engtin nge i tih? 

Hringnun buaina a khirh zual chang chuan nangmah venpuitu lo inkau reng chu i mamawh a ni – i phurrit phurhpui tur che mihring i mamawh. Chutiang hun tak chu Isuan pawhin midang a mamawh hun kha a ni. Kraws-a an khenbeh hma chiah zan khan huanah ṭawngṭai turin a ṭhian tlemte te nen an kalhrang a nih kha. Hetiang hian a chah a, “Ka rilru a lungngai êm êm a, thihna khawp hial a ni; hetah hian awm ula, mi vênpui rawh u,” tiin [Matthew 26:38].

Hun harsa ber a hmachhawn lai khan Isua khan a ṭhiante thurawn emaw amah an thlamuanna thu emaw a mamawh lo. Amah awmpuitute mai kha a mamawh a ni. Hun a lo harsat ang zelin nang pawhin i mamawh bawk ang. 

Isua ngei pawh khan intihhlimna hun a mamawh a – hahchawlhna leh intuaitharna hun tur. Thil tih tur pawimawh tak a nei ngei a – he khawvel Chhandam turin a lo kal a, chuti chung chuan – a zangkhai zawnga hun a hman chang a awm tho. Philipan Isua chanchin a sawi dan hi a fiah hlein ka hre ṭhin. Mihringte angin a ei in a nih kha [Matthaia 11:19].

A khawsakpui, a kiang vela mite an intihhlimna hun leh an hahdamna hun a neihtir bawk. Bible chuan hetiang hian a sawi: “Ani chuan an hnênah, “Keimahniho chauhvin fianrialah kal hrang ila, in châwl rih dâwn nia,” a ti a. Mi tam tak an insûl zut zut a, chaw takngial pawh an ei hman si lo va.’” [Marka 6:31].

Isua khan hna thawk ngar ngar tura siam kan ni lo tih a hre thiam a, a chang chuan kan hahdamte pawh a ngai bawk. 

Hah deuhin i awm nge a nuam tawkin i hah? Han inngaihtuah nawnin i nun kha han chhut nawn ang che. Ringtu dangte nena inpawlna hun ṭha i nei em? I ṭhian ṭha anga inkhawmna hun leh intuaitharna hun i nei em? A nih loh chuan Isua nun dan kha ngaihtuah let leh la, nang pawh chutianga hlim taka awm chu i thei tih hre nawn ang che!

Ngaihtuah zui atan. 
• Engtikah nge i rawngbawlpuite chuan i buaina an chinfelpui tawh che? 

• Vawiin hian tu buaina nge chinfel pui ngai? 

• Isua khan “hringnun hlim taka hmang turin a lo kal” tih hi thil awmze nei niin i hria em? 

[ *Lettu:* Peka]

Wednesday, November 12, 2025

PATHIAN AW NGAIHTHLAK ZIR HMANGA RILRU HAH CHHAWK ZANGKHAI

_Isua Tih Danin_

- Rick Warren
- November 12, 2025
_"Nimahsela, ani chu thlalerahte a kal hrang a, a ṭawngṭai ṭhin a,"_ Luka 5:16.

Tunlai khawvel innawr tawtna leh rilru hahna khawvelah hian ṭawngṭai hi thlarau lama tawtna laka sûtna pindan a ni.

Chu chu Isuan a hria. Chanchin Ṭha i chhiar chuan, ni tina rilru hahna chhawk zangkhaina atan ṭawngṭai turin Isua chu a kal sawn daih ṭhin. Marka 1:35-ah chuan, "Tin, zingah khawvar hma daihin a tho va, a chhuak a, thlaler hmunah a va kal a, chutah chuan a ṭawngṭai a," a ti.

Châng dang hian hei hi Isua tih ṭhin dan a ni tih a tilang: "Nimahsela, a chanchin thu chu a thang lehzual sauh va, mipui tam tak a thu hriat duh leh an nâte tihdam duhin an rawn inkhawm chiam a. Nimahsela, ani chu thlalerahte a kal hrang a, a ṭawngṭai ṭhin a," (Luka 5;15-16).

Isuan ṭawngṭai ṭul a ti a, Pathian bula awm a duh a nih chuan, eng ang taka tam nge nangin hun i mamawh ang? "Ṭawngṭai tam turin ka buai lutuk," i ti a ni maithei. Thudik tak chu, Pathianin a chhun khah theihna tur che a hun i pek loh chuan mi dangte hnenah engmah pek tur i nei lovang.

Bible chuan, "Ngawi ula, Pathian ka ni tih hi hre rawh u," (Sam 46:10) a ti. Tih ṭhana, Pathian nena fianriala inpawlna hun i hman chuan a chhûng khatin, a tinung thar che ang a, a siam ṭha leh dawn che a ni. I buai nasat poh leh hetiang hun hi i mamawh a ni.

I nuna hmun âwl chu Pathian aw ngaihthlak nan engtin nge i han siam ang?

A hmasa berah chuan, hun eng emaw chen chu i ngawih a ngai a ni. Pâwn hmun khawilai emaw, a nih loh leh inchhung kil sir khawi lai emaw zawng la. Tichuan ṭhu la, "Aw, Lalpa ka hnenah sawi duh i nei em?" tiin zawt rawh. Ngawi rengin awm la, ngaithla ang che.

Pathian chuan i rilruah ngaihdan a pe maithei che a. A nih loh pawhin chawplehchilhin Pathian Thu chhiar turin a ti maithei che a ni. 

Thil eng emaw vanga i mangan avangin ṭawngṭai laia ding taka ngaihtuah i harsat maithei. I manganna ngaihtuah reng ai chuan, a Thu hmangin i harsatnaah Pathianin hruai zawk che sela, tichuan Pathian Thu chu i ngaihtuah chhunzawm dawn nia. 

Pathianin biak che a duh a. Ni tina i buaina kha dah ṭha a, amah ngaihthlakna hun insiam turin a duh che a ni.

Ngaihtuah chhunzawm atan. 

I buai deuh hun a lo thlenin Pathian tan hun i pe tam zawk nge i pe tlem zawk?

Eng thilin nge i rilru tibuai? I buaina laka pui thei tur che Pathian Thu chu eng nge ni ang?

Tunkar chhung hian calendar kha han en la. Pathian nena inpawlna hun i neih chhinchhiah a awm loh chuan, tunah khan i hun kha lo zuah rawh le.

[ *Lettu: Marova Punte* ]

Tuesday, November 11, 2025

KOHNA HRIATCHIANNA HMANGA RILRU HAHNA CHHAWK ZANGKHAI

_Isua Tih Danin_

-Rick Warren
-Nov 11, 2025
“Ka lo chhuahna leh ka kalna tur chin pawh ka hria e.” Johana 8:14 

Tunlai khawvel hi mi tam tak tan chuan phurrit a ni a. Nimahsela tunlaia buaina hi hmanlai lehkhabuah a chinfelna a awm tlat a nih chu. Bible keu la Isua chanchin zir ang che. Harsatna hrang hrang a hmachhawn nasa lutuk, nimahsela dam takin a chingfel thei a ni. Achhan chu kohna a dawnah a chiang a, chutiang tak chuan a nun a hmang a ni.
  
Isuan hetiang hian a ti, “Ka lo chhuahna leh ka kalna tur chin pawh ka hria e.” Johana 8:14 

Eng nge i dinhmun ni ve le? Pathianin eng ti turin nge a koh che? Engang mi pawh ni la, Pathianin a ko tlat che a ni. He leiah hian tihtur a pe che a, chu hna chu thawk thei turin a buatsaih mek che a. Pathian chuan theihna hrang hrang a pe che a ni.  

Pathian chuan khawvel thil leh i chhehvela awm thil te hian a nawrkal che a duh lo a ni. Chhan neia nung turin leh kohna i dawn anga nung turin a duh che a.  Tirhkoh Paula chuan, “A kohna che u phua awm turin, kei, Lalpaa mi tang hian ka ngen a che u.” Ephesi 4:1

Kohna i dawn chu i hriatchian hnuah chuan, chutah chuan i rilru pe la - chu thil chu a pawimawh ber a ni tih hria ang che.

Thil tha ber ni lo vin, thil tha ve tho thil dang hmanga intihbuai hi a awl em em a ni. Isua awmze neia nun hmannaah chuan nun thiltihtheihna a awm tih a hria a. Bible chuan, “Amah hruai chhoh a hun dawnin, Jerusalem khuaa kal tumin a hawi tlat a.” Luka 9:51

Paula chuan heti hian a sawi, “Thil pakhat ka ti thin …” Phillipi 3:13. Thil 40 ka ti thin a ti lo va. “Thil pakhat ka ti thin,” a ti zawk a. Chu chu awmze neia nun hman dan chu a  ni.

Isua leh Paula khan hei hi an man hle a: Eng de riai riai chuan thiltiheihna a nei tlem a, eng na tak chuan thiltihtheihna a nei tam a ni tih hi. Eng chak vak lo chuan lehkha a ti alh thei a, eng na tak chuan thir pawh a tan bung thei a ni.

Vawiinah hian rilru hah taka i awm a nih chuan, i nun chu awmzenei lo vin i lo hmang pawh a ni maithei a ni. Kohna i dawn chu ngaihtuah chiang la i nun chu kohna hmang chuan chhungkhat rawh le. I harsatna te chu a lo kiang ang a, nun tam ilo nei tawh zawk dawn a ni. 

Ngaihtuah zui atan

* Isuan eng ti turin nge a koh che? Damchhung atana kohna nge hun reilote atana kohna zawk? 

* Kohna i dawnah chuan ila chiang lo deuh em? I theihna leh thiamna zawng zawngte kha han ziak chhuak teh le.

* Tunkar chhung a kohna i dawn hmanga i ngaihtuah tur thil pakhat eng nge ni le?

*[Lettu: Sangpuia]*

Monday, November 10, 2025

MAHNI INHRIATNA HMANGA RILRU HAHNA CHHAWK ZANGKHAI

_Isua Tih Danin_

-Rick Warren
-Nov 10, 2025
“Keima thu thuin awm ka tum lo va, mi tirtu thu thu zawka awm ka tum thin avangin.” Johana 5:30

Isuan khan a nun kha harsa takin a hmang a. Mi tam tak zuitu a nei reng a - damna duhtute, a zirtirna ngaithla duhte leh amah mantira, thah tumtute thlengin zuitu a nei reng a ni. Nimahsela Bible kan chhiar chuan, tibuaitu a nei awm ang pawn a lang lo va. Rilru hmanhmawh taka awm ang pawhin a lang lo va. Thlamuang takin a harsatnate chu a sukiang thin a ni.

A tihdan chu zir ve ka duh a. I duh ve em? Vawiin atang hian hun engemaw chen chu Isuan a nuna harsatna a sutkian dan kan zir dawn a ni.

Pakhatna, i rilru hahna tikiang tur chuan, tu nge i nih tih hriat a pawimawh. Pathianin a siamchhan che i hriat loh chuan i chhungte, thiante leh khawtlang te chuan midang daiah chhuah che an tum ang. Mahni inhriatchian lohna chuan nun thawpikna a thlen thin a ni. 

Isuan a nihna a hre chiang a. A nihna kha a sawi nawn a sawi nawn thin a, "Keimah hi kawng leh thutak leh nunna ka ni." Johana 14:6. “Kei kawngkhar ka ni (Johana 10:9). “Kei nunna chhang ka ni” (Johana 6:35). 

I nihna tak i hriat loh chuan, midang entawn nan leh inkhaikhin nan mai hun i khawhral thin. I nihna lo zawk ang chuan awm i tum a - emaw midang nena i inteh khan hniam zawka inhriatna i nei thin.

Pathian chuan i chakna leh chaklohna zawng zawng nen khan nangmah ni turin a siam che a ni. Khawvelah nang ang hi tumah an awm lo a ni. Kutzungpui te, kephah te, mit te, aw te danglam bikin i nei a. Pathianin i anpui midang tumah a siam lo. Nangmah i ni tawp mai a ni.

I nihna i inhriat hnuah chuan, tu tana nung nge i nih tih pawh i hriat a ngai. Tu tana nung nge i nih tih i inhriat loh chuan, mi dang dang tih lawm i duh dawn a ni. Chu chuan rilru hahnaah a hruai ang che achhan chu mi pakhat chauhin mi zawng zawng a ti lawm thei lo a ni!
 
Isuan a nun chhan a hrechiang em em a, “Keima thu thuin awm ka tum lo va, mi tirtu thu thu zawka awm ka tum thin avangin.” Johana 5:30.

Mi pakhat tana i nun i hman chuan, nun awmzi a sawifiah a - buaina a tikiang a - a chhan chu i tihtur chu Pathianin ti tura a pek apiang che hi a ni mai.

Isua anga nuna, rilru hah lo va, thlamuang taka nun i duh em? I nihna leh tu tana nung nge i nih hrechiang rawh!
 
Ngaihtuah zui atan

* I chhungte, i thiante, khawtlang leh midangin i nihna engtiklai khan nge an sawi? Engnge a rah? 

* Vawiinah hian tu tan nge i nun? Chu chuan engnge tangkaina a neih?

* I nunah tuin nge i nihna leh tu tana nung nge i nih tih hrechiang ber? Chu chuan engnge a beisei?

*[Lettu: Sangpuia]*

Sunday, November 9, 2025

ṬAWNGṬAINAIN MITE NENA IN INKAR TIDANGLAM RAWH

_Isua Tih Danin_

- Rick Warren 
- November 09, 2025
_"Tichuan engpawh kan dil apiang min ngaihthlaksak tih kan hriat chuan a hnena kan thil dila chu kan hmu tawh tih kan hria a ni."_ (1 Johana 5:15)

Ṭawngṭaina hi a takin a thleng ṭhin a ni tih hi mak tih chang i nei em?

Eng emaw thila kan ṭawngṭaiin Setanan kan bengah, "Tunge maw ni a i inhriat le? Engnge i tih ni a i hriat? Pathianin a ngaithla lo che. I hun khawh ral nan mai hmang duh suh. Theihnghilh daih rawh" tiin a hrilhruk ṭhin che avangin ṭawngṭaina hi rinhlelh mai a awl ṭhin.

Pathianin hi thununtu anih avangin ṭawngṭaina hian thil a tithei. Thilmak zawng zawng innghahna bulpui chu Pathian lalber a nihna hi a ni. Engvangin nge thilmak pakhat a tiha a dang a tih tawh loh? A chhan chu keini aiin thil a thlir zau vang zawk a ni. Engkim thununtu a ni. Chuvang chuan a finna leh a ṭhatna hi innghahna tlak a ni.

Ephesi 3:20-ah chuan heti hian kan hmu, _"Pathian chuan kan dil leh suangtuahna ai daiha nasain - kan ṭawngṭai, duthusam, ngaihtuah leh beiseite aia sangin thil a tithei a ni"_ (TLB).

Pathianin a tih theih apiang ṭawngṭaina hian a ti thei. A hmanruate i hnenah a awm. Thuthlung Tharah hian vawi tam tak "Dil rawh u" a tih kan hmu. Kan tih theih loh hi Pathianin a tih theih loh a ni ve lo hi a lawmawm hle. Thil ka thlak danglam thei lo a ni mai thei, mahse Pathian hnena ka thlen chuan anin a tidanglam thei.

Hei hian inlaichinna ṭha lo aṭanga inlaichinna ṭha taka siam a huam, chutiang ang danglamna thlem dan chak ber chu midang i zawm theih loh te tana Pathian hnena lawmthu sawi kha a ni. Chu chu a dik- an tan i ṭawngṭai satliah a ni lo. An tan Pathian hnenah lawmthu i sawi a ni!

A ṭha zawnga ngaihtuahna aiin a ṭha zawnga ṭawngṭaina hian thil a tithei. Miten kan puihna an duh lo thei, kan dilna an hnawl thei, kan ruahmanna an hnawl thei, mahse kan ṭawngṭaina chungah erawh engmah an tithei lo. 

Engnge i ṭawngṭai? I ṭawngṭaina a mumal poh leh mumal taka chhanna i hmu ang.

Philippi 1:9-11 ah Paula khan mite tana a ṭawngṭaina chiang takin a tarlang:

_"Tin, in hmangaihnain hriat famkimna leh bengvarna tinreng a ngah lehzual nan ka ṭawngṭai ṭhin; chutichuan Pathian ropuina leh fakna tura Isua Krista zara felna rah awm chuan lo khatin, Krista ni atan chuan a taktak leh sawiselbo in nih theihna turin thil ṭha bikte chu tha in ti thei ang."_

I thawhpui theih loh mite tan khan ṭawngṭai ṭan nghal rawh. An danglam mai lo a nih pawhin i ṭawngṭaina chuan a tidanglam che anga, Isua ang nun a neihtir ang che.

Ngaihtuah zui atan.

Engtinnge midangte hmangaihnaa a ṭhan len a, thutlukna fing an siam a, thil dik an tih theih nan i ṭawngṭai ang?

Mite felna raha an raha an nunin Pathian a chawimawi theih nana Pathian hnena dil hi eng ang tak nge ni ang le?

Hetiang anga ṭawngṭai i zir hian engtinnge mite chunga i rilru puthmang a thlak ang a, engtinnge an nun a tihdanglam ang? 

[Lettu: Mapuia Fanai]

Saturday, November 8, 2025

INZAWMNA THUK ZAWK NEIH DAN THURUK

_Isua Tih Danin_

- Rick Warren 
- November 08, 2025
_"Mahni ta ta mai en lovin, mi dang ta pawh en theuh zawk rawh u."_ (Philippi 2:4)

Midangte nen inzawmna ṭha tak neih i duh chuan i mamawh buaipui hmasa lovin an mamawh buaipui hmasa rawh. I natna ni lovin an natna ngaihsak hmasa la. I duhzawng ni lovin an duhzawng ngaihtuah hmasa rawh. Chinese thufing chuan heti hian a ti: "Hriatthiam nih i duh hmain hriatthiam hmasak tum rawh." 

Bible pawhin chutiang chiah chuan a sawi. Miin i dinhmun an hriat i duhna aiin midangte i ngaihsak hmasak a ṭul. Hriatthiam hmasak i tum ang. Chu chu inzawmna hmasa ber i siam dan tur a ni.

Philippi 2:4-ah chuan heti hian kan hmu, _"Mahni ta ta mai en lovin, mi dang ta pawh en theuh zawk rawh u."_

Hei hi kan khawvel kalphung nen a inperhsan hlauh. Kan pian tirh aṭangin kan seilenna khawvelin min zirtir chu mahni chauh inngaihtuah turin a ni.

Hringnun chungchangah hian thudik pahnih a awm. A hmasa zawkah chuan khawvel hi nangmah helin a vir kual lo (pawimawh berah a nei lo che tihna). A ṭhawng viau ang che tih ka hria! Pathian mitah chuan mi bik i ni thung. Chhan neia siam i ni a. Mahse khawvelin a ngaih pawimawh ber i ni lo.

A pahnihna chu: midangte mamawh phuhru hmasa tura i rilru i pek chuan i mamawh a pe ang che. I mamawhte neih i duh chuan midangte mamawh pek hmasa tum rawh. Engvangin? A chhan chu Pathianin mahni hmasial loh i zir a duh. Amah anga midangte hmangaiha thil phal i zir a duh a ni.

Matthaia 6:33-ah chuan heti hian kan hmu, _"A ram leh a felna chu zawng hmasa zawk rawh u. Tichuan chung zawng zawng chu a pek belh chhah dawn che u nia."_ 

Pathian ram tana i nun chuan a ngaih pawimawhte i dah hmasa ber ang - chu chu midangte an ni. Mahni inngaihtuah lovin midangte ngaihtuah hmasa la, an mamawhzawng ngaihtuah hmasa rawh. Chu chu Isuan midangte a en dan a ni, Isua khan Pathian ram a ngaihtuah a ni.

Inzawmna hi ngaihthlak, zir leh Isua anga hmangaihah hian a inṭan a ni.

Ngaihtuah zui atan.

Engin nge midangte ngaithla thei tura pui ṭhin?

Midangte ngaih pawimawh tih hian mahni mamawh ngaihthah tur tihna a ni em? Engvangin?

I nunkawng engah ber nge Pathianin a pek che i mamawh? Chumi kawngah chuan engtinnge midangte i puih theih ang?

[Lettu: Mapuia Fanai]

Friday, November 7, 2025

MIDANG MALSAWM TURIN PATHIANIN MAL MIN SAWM

_Isua Tih Danin_

By Rick Warren
— November 07, 2025
“Tin, a ring apiang chuan engkim an inṭâwm hlawm a, an rote, an sumte an hralh a, an châkkhai daih lek ṭheuhvin an zaa hnênah chuan an sem ṭhîn a.” [Tirhkohte 2:44-45]

Kohhran ding tira memberte ang khan a hnua mite an awm tak tak tawh lo. Tirhkohte 2:44-45 ah chuan hetiang hian kan hmu, “Tin, a ring apiang chuan engkim an inṭâwm hlawm a, an rote, an sumte an hralh a, an châkkhai daih lek ṭheuhvin an zaa hnênah chuan an sem ṭhîn a,” tiin. 

Ringtu hmasate khan an sum neihte an sem chhuak a ni satliah lo. Engkimah an thilphal a ni. Tute emawin tlakchham an nei nia an hriat chuan, an theih ang tawk tawka chein, chung mamawhnate chu phuhruksak an tum ṭhin – anmahni insengsovin. Thlarau khan mahni insengso leh a ṭul huna luangchhuak turin anmahniah a thawk a ni. An thil phal takzet a ni tiin a sawi theih ang. 

Thinrim chunga pe an ni lo. Bible chuan, “Tin, ni tin rilru hmun khatin Pathian biak inah chuan ṭhahnemngai takin an awm ṭhîn a, an in lamahte pawh chhang an phel a, hlim tak leh lungawi takin an chaw an ei ṭhîn a, Pathian an fak a, mi zawng zawng lawm zâwngin an awm ṭhîn. Tin, a chhandam mêk apiangte chu Lalpan ni tin an hnênah a teltîr zêl ṭhîn,” tiin a sawi bawk.

Midangte chuan chutiang taka danglama nung leh mite mamawh tihtak zeta phuhruka awm chu an hmu ta thuai a. Kohhran hmasa hlim taka thilpek pe chhuak chuan midangte Pathian chhungte zingah a hip lut ṭhin.   

Chutiang mite ang chuan thil phal ve tak tak ta ila vawiina kan kohhrante hi engtiangin nge a danglam ang? Bible chuan fatu [stewards] – Pathianin thil min pek zawng zawng vawngtu [manager] kan ni tiin a sawi. Kan thil neihte Pathian ram tana sawt zawka hmang turin min phut a ni.  

Pathian chuan i nawmchenna turin malsawmna a vur lo che. I chenna khawvel tidanglam turin a ko che a ni. I chhehvel kha tidanglam turin a duh che. Pathianin mal a sawm chhan che chu nangmah leh nangmah tan a ni ngai lo. Mal a sawm chhan che chu midang tana malsawmna i nih theihna tur a ni. 

Chu chu thil beiseiawm leh phurawm em em a ni, a chhan chu thilphalna kan lantir chu Thanksgiving leh Krismas huna mi  a ni satliah lo. Nun pumpui zawk a ni a, kohhran miten an nunpui chuan a rah chhuak a duhawm zawk hle bawk. 

Mi thilphal tak nih chu tum ang che tichuan i kohhran, vengte leh Pathianin a dahna hmun leh thiante zingah chuan awmze nei takin i thil phalna chuan rah a chhuah thei ang. 

Ngaihtuah zui atan. 

•     Mi thilphal tak i nih phawt chuan chu chuan i nun chu engtin nge a thlak danglam theih ang? Chu chu engtin nge a lan chhuah theih ang? 

•       Thil phal tuma i insanmar chang chuan engin nge thil phal thei lovin tibuai che? 
•       Midang tana malsawmna kan nih theihna tura Pathian malsawmna kan dawnte chu a tak takin tun karah hian engtin nge kan hman chhuah ang? 

[ *Lettu:* Peka]

Thursday, November 6, 2025

PATHIAN HRE RENG TURIN I RILRU THUNUN RAWH

_Isua Tih Danin_

By Rick Warren
— November 06, 2025
“Krista hnênah khenbehin ka awm ta; nimahsela, ka nung a ni; keimah erawh chu ka ni tawh lo, Krista chu keimahah a nung zâwk a ni; tin, tûnah tisaa ka nung hi rinnaa nung ka ni - Pathian Fapa, mi hmangaiha ka aia inpetu rinnaah chuan.” [Galatia 2:20]

Bible chuan chiang takin kan ṭawngṭai dan tur min kawhhmuh. Engtik lai pawhin ṭawngṭai rawh u a ti hial a ni [I Thessolonika 5: 17] 

Chu chu mi tam ber tan chuan a theih loh hial mai thei. Ni khata hun bi neia ṭawngṭai pawh chu mi ṭhenkhat tan chuan a harsa mai thei, chaw dawn emaw mut dawn emaw fianrial hun eng emaw neih chu an harsat hial thei. 

Eng lai pawha ṭawngṭai chu engtin nge a tih theih ang? Kawng awm thei pakhat chu Nilenga “ṭawngṭaina hmanga thaw lak” [breath prayers] chu a ni, kum za tam ringtute chuan an lo ti tawh ṭhin. Thu tawite emaw thumal awlsam te emaw thawk i lak paha i sawi mai theih tur chu thlang ang che: “Ka kiangah i awm.” “I khawngaihna ka chang.” “Nangmah ka rinchhan che.” “Ka hre chiang duh che.” “I ta ka ni.” “Nangmah ring turin min pui rawh.”

Bible thumal tawi tete te chu i hmang thei ang: “Nun hi Krista a ni.” “Engtikah mah min kalsan lo vang.” “Ka Pathian i ni.”

I thinlunga nghet taka a beh thlengin ṭawngṭai mawlh mawlh ang che. Pathian chawimawi tura phurna chu neih tum la, i duh zawng tu tura amah hruai kawi chu tum kher suh. “Ṭawngṭaina hmanga thaw lak” chuan Pathian awmpuina thuk zawk leh a lainatnate chu a hriattir thei ang che. 

Pathian hnaih nun chu thil zir theih a ni a; nungchang i chul nel theih a ni. Rimawi tum thiamin rimawi mumal taka nitin a khawih hnuah awlsam taka a lo thiam angin i nitin hun hmanah chuan Pathian nihna chu i ngaihtuah thei ang. Pathian hre reng turin i rilru chu i thunun thei ang. 

I hun hman mekah chuan Pathian awmpuina hre thiam tur leh vawng tlat turin i inthunun thei ang. Mita hmuh mai theih thil hmangin i inhriattir thei ang. Thuziak tawi te “Pathian chu ka kiangah ka tan a awm a ni” tih thute chu i tar mai thei ang. 

Ama awmpuina hlimna [feelings] chu i thil paltlang hrang hrangah chan reng i duh a nih chuan thil hriat sual i nei tihna a ni. Pathian fak kan duh chhan chu nuam kan tih theihna tur ni lovin thil ṭha ti tur zawkin a ni. I nunin a tinzawng ngar ngar tur chu hlimna/phurna [feelings] ni lovin Pathian awmpuina hriat reng zawk chu a ni. 

Chu chu ṭawngṭaina kaltlanga Pathian chibai bukna chu a ni. Chu chu eng lai pawha kan ṭawngṭai dan a ni. 

Ngaihtuah zui atan. 

• Vawiin hian ṭawngṭaina hmanga thaw lak dan chu han zir teh. I rilru put hmang leh mite nena in inlaichinnaah chuan eng nge danglamna i hmuh? 

• Mita i thil hmuh theih zingah chuan Pathian awmpuina engin nge hriattir thei che? 

• Instrument emaw infiamna eng emaw i thiam theih dan tur han ngaihtuah la. Chutiang chiah chuan Pathian chibai bukna thinlung nei tur chuan eng anga mahni inthununna leh inpekna nge ngai ang? 

[Lettu: Peka]

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...