Welcome to VL THANSANGA blogspot. He blog hi Pathian Thu ziak dahna tura ruahman a ni a. Pathian Thu hrilhfiahna leh chhuizauna lam pawh la dah zel tura ruahman a ni. This blog is made for both ministry and academic purpose. Sermons, articles, academic papers and other materials will be uploaded.
Thursday, November 30, 2023
PATHIAN I LAMAH A TANG TIH HRETHIAM RAWH
Wednesday, November 29, 2023
BEIDAWN LOHNA CHHAN TUR KAWNG LI
Tuesday, November 28, 2023
LAWMNAA NUN TIHKHAH DAN
Monday, November 27, 2023
ENGIN NGE KAN TAWNGTAINATE PATHIAN CHHAN TIR THIN
Sunday, November 26, 2023
THINLUNG AṬANGA CHHUAK ṬAWNGṬAINA PATHIANIN A NGAITHLA
Saturday, November 25, 2023
KAL ZEL TURIN KHAWI AṬANGIN NGE CHAKNA I NEIH?
Friday, November 24, 2023
INLUNGRUALNA CHUAN LAWMNAAH A HRUAI LUT
Thursday, November 23, 2023
LAWMTHU SAWINA DIK HMASA BER
Wednesday, November 22, 2023
THIL HMANHMAWHTHLAK NI LO VIN, THIL PAWIMAWH NGAIHTUAH THEIH DAN
Tuesday, November 21, 2023
KAN THILTUM PATHIANIN MAL A SAWM TE
Monday, November 20, 2023
PATHIANIN RUAHMANNA FEL TAK A SIAM ṬHIN, NANG PAWHIN SIAM VE RAWH
Sunday, November 19, 2023
PATHIAN DUHZAWNG THLEN TUM CHIN NEIHNA HIAN RINNA A ṬHAN LENTIR
Saturday, November 18, 2023
HLAWHCHHAMNA KHA I TAN THIL THA ZAWK A NI THEI
Friday, November 17, 2023
HLAWHCHHAM CHU ENGNGE PAWI VIAU?
Thursday, November 16, 2023
PATHIAN CHUAN A HMANGAIH THO THO CHE
Wednesday, November 15, 2023
THILPEK RAWNGBAWLNA
2 Korinth 8:1-5
Korinth mite hnenah Makedonia rama ringtuten Jerusalema ringtute chhawmdawlna thilpek an pek thu leh an pek dan a hrilh a. Harsatna hnuaia kun chung pawhin an ringtu puite tana an thilphalzia a hrilh a. Engvanga thilpek hi pe nge an nih? Kohhran hote hian engvangin nge thilpek kan pek? Engvangin thilpek chu kan pek zel ang?
Makedonia rama kohhrante atanga entawn tur –
Grik hmar lam chu Makedoni ram a ni a, chhim lam erawh chu Akaia ram a ni. Makedonia rama kohhrante thilpek hi entawntlak a tih chu a ni, chung kohhrante chu Philippi, Thessalonika leh Beroi te an ni.
Makedonia rama kohhrante thilpek dan chu Paulan Korinth kristiante hnenah a sawi a. Makedonia rama kristiante chu hrehawmna leh fiahna nasa tak tuarin rethei hle chungin an thil phal em em tih a sawi a ni. Makedonia rama chengte hi Rom sawrkar pawna hnuaiah an awm a, rethei hle mahse, Jerusalema Kristian rethei takte tanpuina turin sum an thawh a ni.
Makedonia rama kohhrante thilpek dan chi thum
1) Anmahni an inpe hmasa: Thilpek tak tak hmain anmahni ngei an inpe hmasa phawt a ni. Heng ringtu duhawm tak takte hian thilpek hl uber – anmahni an inpe/inhlan hmasa tlat. Chumi hnuah chuan sum leh pai pek chhuah kha chu an tan thil awlai tak a ni tawh. Paulan Pathian duhzawngin anmahni ngei Lalpa hnenah leh keini hnenah an inpe hmasa te te a ni a tih hian Krista hnenah an inhlan hmasa a, tichuan Jerusalem mite tan thilpek la khawm turin Paula tan an inpe a ni tih a sawina a ni.
2) An khawsak dinhmun azirin an pe: Mahni khawsak dinhmun a zira pek chu a tam thei lo thin.
3) Thinlunga thilphalna atangin; Zalen takin an pe a, an tih theih tawk piahlam thlengin an pe a ni. Hetianga thil kan pek chuan mahni inhuam aia tam pawh kan pe thin a ni.
Kan Lalpa Isua thilpek: kan entawn tur
Kan Lalpa Isua Krista khawngaihna chu, a retheihna avanga in lo hausak theihna turin, hausa mahsela nangmahni avang ngeiin a lo retheih tak kha in hre si a. (8-9)
“Sihalten kua an nei, chungleng savate pawhin bu an nei, mihring fapa erawh chuan lu nghahna a nei lo (Mat 8:20). Pathian khawngaihna hi thilpek min pek chhan chu a ni a, Lal Isua inpekna chu kan entawn tur ber a ni. Lal Isua chu a hausa a, nimahsela keimahni avangin a van hausakna zawng zawng a kalsan a, a hausakna kan chan theih nan rethei takin khawvelah a lo kal a. A retheihna avangin a hausakna kan chang ta a ni. Chuvangin, kan neih ang zela lawm taka pek chu ringtute mawhphurhna a ni.
Makedonia ram kohhrante hi Paulan thilpek pe tura zirtir pawh ngai lovin, thilpek pek phalsak turin anmahni zawkin an ngen a ni. Pek tur tam tak neilo mahse, thilpek pek an chak a ni. Makedonia rama kohhrante hian thilpek pek danah kohhran dangte entawn tur an lantir a ni. Kristiante thilpek tehna chu a tam lam ni lovin inpekna zawk hi a ni. Hmeithai pakhatin a neih zawng zawng, a intununna tur pawh a pek ang khan (Lk 21:1-4)
Thilpek tobul chu Pathian khawngaihna a ni a, khawngaihna kan phu loh duhsakna leh ngaihdamna Pathian min pek rinna kan lo chan hi a ni, chuvangin, Pathian khawngaihna a thlawna phal taka min pek ang hian pek let beisei lovin kan pe tur a ni.
Thilpek hi Pathian rinchhana pek tur a ni a, Pathian tana rinawm taka petu chuan Pathianin malsawmna nasa takin a vur thin a ni.
By Sangpuia
PATHIANIN KAN HLAWHCHHAMNA MIN CHINFELSAK DAN
_Pathianin Bahlahnate Dinchhuahlehnaa A Chantir Dan_
By Rick Warren
— Nov 15, 2023
“Batna lehkha thupeka ziak, kan chunga awm, min dodal thina chu a thai bo tawh si a: chu ngei chu kraws-a khengbetin a la kiang ta a.” Kolossa 2:14.
Mi tin hian engtik emaw atang khan buaina hi chu kan nei theuh va. Thil pawh kan tisual theuh a ni! Nimahsela sualah chuan kan awm reng tur a ni lo tih Bible-in min hrilh a, “Chutichuan tunah zawng Krista Isuaa awmte tan chuan thiam loh chantirna reng a awm tawh lo.” Rom 8:1. Nimahsela, kan tihsual mek lai pawhin kan nun a tul si a ni.
Bible chuan thudik a thup ngai lo va. A mi ropuite hlawhchhamna pawh a tarlang tho a ni. Pathianin tuilet chu Nova kaltlangin khawvel a chhanhima - a ni kha zurui a saruaka mualpho taka awm a ni. Mosian Israel fate chu Tuipui Sen kanin a hruai chhuak a - nimahsela a thinrimna avangin Ramtiam chu a thleng ve lo a ni. Lal Davida chu Pathian rilru ang pu mi a ni a - nimahsela mi nu uirea a pasal pawh thahsaktu a ni; chung zawng zawng chu Bible-in a zep chuang lo.
Pathianin kan chaklohna a hria a. Mi felte chauh Pathianin hmang sela chuan, Bible hi lehkhabu pan tak a ni ang! Nimahsela Pathianin suala ka awm reng lai pawhin min kalsan lo va. Kan hlawhchhamnaah pawh a chinfelna tha tak a nei a: khawngaihna a ni.
Bible chuan, Pathianin, “Batna lehkha thupeka ziak, kan chunga awm, min dodal thina chu a thai bo tawh si a: chu ngei chu kraws-a khengbetin a la kiang ta a,” a ti. Kolossa 2:14.
Bible-a mi ropuite hlawhchhamna i hriatin, ngaihdan i siam thiam mai ka ring. Chutiang mite pawh Pathianin ropui takin a hmang tih han hmuh hian a mak zawk a ni. Chu chu a ni ropui chu - an hlawhchhamna leh an tihsualna hre reng lova Pathianin a hmang hi.
Bible-a mi ropuite ang tho hian, nang leh kei pawh hi Pathian khawngaihna nomawi chawitute kan ni.
A tira khawvela i thil hmuhte chu Pathian tana i thiltih ropui tak te an ni lo. Chu ai chuan engtin nge i thiltihsualna atanga i insiamthat tih hi a ni zawk. I hlawhchhamna chu i la kiang em? Nge Pathian khawngaihna chu i la chen zawk?
Miten hlawhchhamna chu hnehnaa chantir thei Pathian hmuh an duh a. Mi kehsawmte nuna danglamna thlen thei Pathian hriat an duh a ni.
Pathian khawngaihna danglamna chu ngaihdamna theihna chauh a nei lo va. Nun bul tan duhte tan leh amah ringa puih dilte hnenah chakna leh theihna a thara a pekna hi a ni.
Ngaihtuah zui atan
* Eng kawngah nge Pathian khawngaihna chuan nun awmzai neih tir che?
* Engtin nge Pathianin i hlawhchhamna chu midangte hnenah chakna leh thiltihtheihnaa a lantir dan?
* Bible-a khawngaihna nomawi chawitu dang i hriat han sawi ve teh. An chanchin nangmahah eng nge danglam bikna a neih?
* Isua chu i zui thei dawn em?*
Pathian chuan a hmangaihna chu a Fapa, Isua Kristaah chuan a lantir a. Bible pawhin hetiangin a sawi, “Pathianin khawvel a hmangaih em em a; tichuan, a Fapa mal neih chhun a pe a, amah ring tawh phawt chu an boral lohva, chatuan nun an neih zawk nan." [Johana 3: 16]
“Lalpa duh tak, i thu chuan i Fapa, Isua Krista, ka rin phawt chuan ka thil lo tihsual tawh zawng zawngte ngaihdam min tiam a, ka nun awmzia ka hre thiam ang a, ka chatuan inah chuan engtik niah emaw min lo la lawm ang.
“Ka sual a ni tih ka pawm a, ka sualte avanga ngaihdamna ka dil e. Isua thihna chuan ka sualte a la kiang tih ka ring a, amah chu i kaitho leh bawk. Isua chu ka Chhandamnatu atan ka pawm duh a, ka Lalpa a nihna ang ngeiin vawiin aṭang hian zui ka duh bawk e. Ka kawng hruaiin i duhzawng min zirtir ang che. Isua hmingin ka dil e. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zin kawng atana thuziak pawimawh tak tak lo thawn che ka duh e
*[Lettu: Sangpuia]*
Tuesday, November 14, 2023
HLAWHCHHAM I HLAU TUR A NI LO
_Pathianin Bahlahnate Dinchhuahlehnaa A Chantir Dan_
*HLAWHCHHAM I HLAU TUR A NI LO*
By Rick Warren
— Nov 14, 2023
Hnam thenkhat ah chuan, hlawhchhamna hi ngaihdam theih loh sual ang mai a ni a. Hlawhtlinna hi kan ngaisang khawp a. Mahse chutiang phurrit chuan mipuiah rilru hahna nasa tak a thlen thung.
Hlawhchham hlauhna hian hmel hrang hrang a nei a. Duhthlan ngaihna hre lo, hnathawh atchilh leh a tha ber zel atchilhnaah a hruailut ṭhin. Hlawhchham kan hlauh avangin, hlauthawng chung chung pawha thil tih kan ngam thin lo a ni.
Mi tam zawkah chuan, he hlawhchham hlauhna hian kan thinlung hi a ṭham bet tlat a. Khawvela mi fing leh hriatna tha ber berte pawh hi hlauhna hian a lo zim buai viau tawh thin a ni.
Hemi avang hian he thu hi uluk taka ngaihtuah turin ka duh che a ni: mi tin hian tihsual kan nei theuh a. 'i harsatna' a ni bik chuang lo, mihring harsatna zawk a ni. Bible chuan, “Thil ṭha titu, thil sual ti hauh lo khawpa mi fel chu lei chungah hian an awm lo takzet a ni” a ti. (Thuhriltu 7:20)
I nunhluiah tihsual i nei a ni mai lova, i hmalam hunah pawh i la tisual fovang. Ka sawi ngam a ni. Fimkhur luat avanga hlauthawnawm pumpelh vek pawh a dik chuang lo.
Pastor ka nih angin miten min zawh fo chu, “Hlawhchham ta si ila? tih hi a ni. “Ta si ila” i tih awmzia chu engnge ti a zawh ka duh thin.
Vawi tam tak i nunah i hlawhchham tawh a. Keipawh ka ni tho. Tunah pawh khan i nun eng emaw laiah i hlawhchham mek mai thei. I hmalam hunah pawh i hlawhchham nual mai thei bawk.
Mi lar tak takte pawh hi an inchhuihtlu ve fo thin. Basketball thiam ber berte pawh hian an vawm zawng zawng zahve chauh a lut thin. Baseball thiam ber berte pawhin vawi thumah vawi khat chauh an vaw dik tlangpui a. Hlawhchham hi thil pangngai a ni.
Mi famkim lo i ni tih hi i inpawm hma loh chuan hlawhchham i hlauhna hi i hneh ngai lovang.
Bible chuan i hlauh tur pakhat chiah a sawi: “Fimkhur rawh u, chutilo chuan Pathian khawngaihna ata in bo dah ange” (Hebrai 12:15).
Khawngaihna i mamawh a. Kan vaiin kan mamawh!
Hlawhchham kan hlauhna kan kalsan theih chiah hian kan nun a chelhna ata kan zalen ang. Chutiang a thlen chuan, Pathian khawngaihna famkim chu kan dawngsawng thei dawn a ni.
Ngaihtuah zui atan
* Eng kawngah nge hlawhchham i hlauh ber?
* Hlawhchham i hlauhna hian i ke pen engtin nge a tihbahlah?
* Hlawhchham hlau miah lovin engtin nge i thiante nen Pathian duhzawng in tih hlawhtlin theih nan in infuih ang le?
*[Lettu: Sangpuia]*
Monday, November 13, 2023
I HLAUHNATE RINNAA HNEHTIR DAN
Pathianin Bahlahnate Dinchhuahlehnaa A Chantir Dan
- Rick Warren
- Nov 13, 2023
A chang chuan kan chhungrila hlauhna hi a lian viau thei a, kan ngaihsak phut hial khawpin a lang thei. Mahse Pathian chu i hnenah, i tan a awm reng a, i thil hlauhte aiin thil a tithei a ni tih i ring thei ang.
Paula khan dinhmun hlauhawma a din lai pawhin a hlauhnate inhnehtir mai lovin Pathiana rinna nghah a thlang ṭhin. Chutianga a tih chuan heti hian Pathian zia a chhar chhuak ṭhin: "Chutianga thihna rapthlak ata chu Pathianin min chhanchhuak tawh a, min la chhanchhuak leh ang; min la chhanchhuak leh zel dawn tih, amahah chuan beiseina kan nghat a." (2 Kor 1:10)
Paula ang khan duhthlan theihna i nei. Pathianin a thlir reng che a ni tih ring la. Amaha rinna nghah thlang la, i hlauhnate inhnehtir loh thlang rawh.
Kan chungah engpawh thleng se amah kan hmangaiha a hnung kan zui tlat chuan Pathianin amah ringtute chu kan ṭhatna turin a thawk ṭhin tih min hrilh: "Tin, Pathian hmangaihtu, amaha ruat anga a kohvate tan chuan, an thatna turin engkimin a thawhsak hlawm thin tih kan hria" (Rom 8:28). Pathian ringtu i nih chuan engkim i ṭhatna tur a ni tih min hrilh- thil zawng zawng a ṭha tihna ni lovin, a ṭhatna turin an thawk a ti zawk.
A awmzia chu, amah ringtute nunah chuan Pathianin thil ṭha thlen nana a hman theih loh harsatna te, kal ngaihna hriat lohna te, hneh nihna te leh chhiatna rapthlak takte a awm lo tihna a ni. Hmalam hun atan hlauhthawn tur reng reng a awm lo.
I hlauhna te khan Pathian i rin lohna lai a tilang ṭhin. Chuvang chuan vawiin hian i hlauh ṭhinte kha ziak chhuak la, Pathian hnenah engvanga hlau ṭhin nge i ni tih zawt rawh. Chung i hlauhna te chu rinnaa thlaksak tur chein dil rawh.
Hei hi a pawimawh: Hlauhna i neihte kha Pathianin amah i rinna zirtir nan che a hman beisei la. Tichuan engtinnge a ṭanpui che tih thlir rawh.
Ngaihtuah zui atan.
I nunah eng hlauhna nge i hmuh le?
Engvangin nge kawng ṭhenkhata Pathian i rin laiin kawng ṭhenkhatah i rin loh?
I hlauhnain Pathianin a pui dawn lo che a tih mek laiin engtikah nge Pathian ṭanpui i hmuh si?
[Lettu: Mapuia Fanai]
Sunday, November 12, 2023
I HLAUHNA DAH ṬHAIN RINNAIN KE PEN RAWH
_Pathianin Bahlahnate Dinchhuahlehnaa A Chantir Dan_
- Rick Warren
- Nov 12, 2023
"Tûnah hian Lalpa, mi an vau nasatziate hi ngaithla la, i chhiahhlawhte hi huaisen takin i thû chu min puantîr zêl ang che." (Tirhkohte 4:29)
Hlauh zawng kan nei vek a. Mahse, vawi tam tak Pathianin ti tura min tih te ti thei lovin kan in awp behtir ṭhin.
Daniela sakeibaknei puk chhunga a ding angin, mihring leh dinhmun, keimahni leh Krista thuhretu kan nihna min tichhe theitu kan tawng fova. Mahse, duhthlan tur kan nei; kan hlauhnate kan inhnehtir mai dawn em? Nge, hlauhna karah pawh Pathian tan kan ding tlat ang?
Hlauhna, nangmah hnukhniam theitu che hneh i duh chuan, Pathian duhzawnga din ngheh tlat hlawkna te i hriat a ngai. A pawimawh berah chuan, i hmuh a ngai a, Pathianin ti tura a duh che i tih chuan i hlauhna ata hnehna chiang takin i chang dawn a ni.
A lehlamah erawh, i hlauhnate i inhnehtir zel chuan a lo punlun zel ang. Pathianin ti tura a duh che i tih loh apiangin hlauhna i nei tam tulh tulh ang a. Dan chep angin i inhre thei hial ang.
Tichuan, engnge i tih tak ang le?
Ringtu hmasate tihdan hi zir rawh. Hlauhna hmachhawn hmasa bertu ringtu kan nih loh hi. Ringtu hmasate khan hlauhna pe theitu tihduhdahna tam tak an lo tuar tawh. Tirhkohte Thiltih bu hian hlauhna karah pawh an dinchan dan min hrilh a ni.
Tirhkote Thiltih bung li (4)-ah Petera leh Johana chuan eptu râwng tak lakah huaisen takin Isua chanchin an puangzar a. An ṭawngṭai a, _"Tûnah hian Lalpa, mi an vau nasatziate hi ngaithla la, i chhiahhlawhte hi huaisen takin i thû chu min puantîr zêl ang che"_ tiin (Tirhkohte 4:29).
Hlauhna inhnehtir ai chuan huaisen takin hma lam an pan a.
Chutiang chiah chuan i ti ve thei a ni. I hlauhte hmachhawn la. Hlauhna hi chhia leh ṭha hriatna nen an inzawm lem lova, chuvang chuan, hlauhna i hneh thei dan awmchhum chu Pathian rinna nen a hmachhawn hi a ni.
Hei hi theihnghilh ngai suh: i pen hma loh chuan Pathianin i hmaa tui te a phel ngawt ring suh (Joshua 3:15-ah Joshua miten Jordan lui an kan dawna Pathian hnathawh kha en la). Rinnaa ke i pen chuan Pathianin kawng a kawhhmuh zel ang che. Mahse, i din renga hlauhnain a tuam reng che chuan chu chu a thleng lovang.
Vawiin hian rinnain ke pen la, Pathianin a hruai lai che a hlauhna tlusawp lai chu thlir rawh.
Ngaihtuah zui atan.
Hlauhna tan hmun i ken avangin i nunah eng ang chiahin nge hmun a luah?
Pathian tana huaisen taka ke i pen avangin engtinnge hlauhna a bo tih i hriat?
I nunah eng hlauhna nge hneh harsa i tih ber? Engvangin nge? Chung hlauhna te chu engtinnge Pathian hnenah i hlan theih ang?
[Lettu: Mapuia Fanai]
Saturday, November 11, 2023
HLAUHNA NI LOVIN, RINNAIN I THINLUNGAH ROREL RAWH SE
_Pathianin Bahlahnate Dinchhuahnaa a Chantir Dan_
- Rick Warren
Nov 11, 2023
Marka 10:48
I hlauhna chu inthununtir ngai suh! I rinna chu Pathianah nghatin i hlauhna chu hmachhawn thin ang che.
Hlauhna hian rinna a i chetchhuah lohna turin, i theihna aikhirh thei khawpa theihna mak tak a nei a ni.
Rinna aia hlauhna kan thlan hian rinhlelhna min siam a. Hlauhna hian thil thar kan tihchhinna min dal a. Pathian leh mi dang kan rin ngam loh avangin mahni hmasialna a siam a. Kan khawthlir a ti tawiin, hmalam aiin nunhlui lam min thlirtir fo thin.
Bartimaia, mitdel, Isua laka tihdamna chan beiseitu khan keimahni ang bawkin hlauh tur a nei a, hnawl nih hlauhna kha. Mipui zinga Isua a auh khan mite khan an hmusit ngei dawn tih a hria a. Mahse a mangang em em si a. Isua chauh kha amah pui theitu tih a hre kiau bawk si a ni.
Isua hnena a au vak khan engnge thleng kha han ngaihtuah teh: "tin mi tam takin ngawi turin an hau va" (Marka 10:48). "Khatiangin ti suh. Lo ngawi ngam la. Buaina siam hlek suh ang che. Isua hian a ngaihsak vak hran lo che tih a hriat reng a. Thil dang pawimawh tih tur a ngah lutuk" an tih ngei a rinawm.
Mi tam tak hnenah sual chuan chutiang chuan min hrilhru thin a. Chutianga rinna hun remchang a rawn inher chuan, "Pathian chuan a ngaihsak tak tak lovang che" emaw "buaina siam suh" emaw "miten engtin nge an ngaih ang che?" tih vel ngaihdan lo awmin Pathian ring thei lo turin a dal thei che a. Danglamna hun remchang a lo awmin, i rilruah emaw miten emaw thil awmdan tidanglam zawnga i khawsak lohna turin an au mai thei che a ni.
Mahse Pathian chuan i la tih ngailoh thil ropui tak ti turin a duh che: Amahah innghat famkim turin. Chu chu a zamawm viauin i hria em? Tehreng mai. Bartimaia pawh kha a zam ve ngawt ang. Mahse "Davida fapa min khawngaih rawh tiin a au zual sauh a". (Mark 10:48)
Pathianin eng emaw ti tura a tih che hian, duhthlan tur i nei a. I hlauhnaah tawm bovin i awm ngaiin i awm dawn nge? I hlauhna i hnehin, rinna nen ke i pen dawn?
Ngaihtuah zui atan...
Tu ngaihtheih loh nge i hlauh ber?
Rinna aiin hlauh mai hi a chang chuan awlsam zawkin i hria em?
Thufingte 29:25 chuan, "Mi dang ngaih dân pawisak luat a hlauhawm a, Lalpaa innghah erawh chu a him" a ti a. Mi dang ngaihdana i buai lohna turin Pathian venhimna amah ring chungin dil ang che.
(Lettu: Msa)
Friday, November 10, 2023
HMANGAIHNA CHUAN A EN A, HMANGAIHNAIN A NGAITHLA
_Pathianin Bahlahnate Dinchhuahlehnaa Chantir Dan_
By Rick Warren
- November 10, 2023
Pathianin a thiltihsak che chu midang tan pawh tih ve a duh.
Pathian chuan chintawk awm lovin a hmangaih tlat che. Mahse chuvang chuan i thil tih apiang a pawmpui che tihna erawh a ni lo, mahse, eng ang thil pawh lo ti tawh la, a pawm che. Tichuan Pathian chuan midang bulah pawh chutianga awm ve tur chuan a duh che.
Midangte in pawm a ni tih in lan chhuahtirna pakhat chu an thusawi laia anmahni en a, an thusawi ngaihthlaksak chu a ni. Mi tute emaw an mitah i en a nih chuan, an pawimawh a ni tih i puang chhuak a ni. Hmangaihna sang ber chu mite ngaihsak a ni.
Hmangaihna chuan a en a, a ngaithla bawk. Nang engnge i dinhmun? I enin i ngaithla ve em? Mi tuten emaw i dawhkanah thil eng emaw an lo dahin anmahni i lo en em, thil eng emaw i lo sawipui em? Thingpui dawra thil i ei chang emaw nepnawi dawra thil i leia a nghaktuten an puih chang che chuan an mitah enin “Ka lawm e” i ti thin em? Thil te tak te angin a lang mai thei. Mahse tute emaw i lo ngaihsak a nih chuan, rei lo te chhung pawh, mihring an nihna ang chuan i lo zah a, anmahni i lo pawm tihna a ni.
Bible chuan Rom 15: 1 ah hetiang hian a sawi, “Keini mi chak zâwkte hian mahni lâwmna zawng lovin, chak lo zâwkte chu an chak lohnaah kan ṭanpui tûr a ni,” tiin
Mitinte hian hlauhna leh rinhlelhna kan nei vek. Midang i pawm a nih chuan an hlauhna leh rinhlelhnate chu i lo ngaihthlaksak tihna a ni. Miten Pathianah rinhlelhna an nei a nih chuan, anmahni i ngaithla phawt ang a, tichuan anmahni i lo hmangaihna leh pawmna chu a ngai reng tih i hriattir ang. Eng vangin? A chhan chu, chutiang chiah chu Pathianin min hmangaih dan chu a ni.
Kan rinhlelh chang pawhin Pathian hmangaihna chu a ngai reng tho. Hlauhnain kan nun a tihbuai chang leh Pathian rin harsa kan tih chang pawh chuan Pathian chuan min la hmangaih tho ṭhin.
Isua hmangaih tih awmzia chu midangte amah Isuan a hmangaih anga hmangaih ve chu a ni. Tichuan chu hmangaihna chuan a paltlang che a nih chuan midangte tiamkam awm lova hmangaih ve chu i thei tawh ang.
Ngaihtuah zui atan
Mi tu emaw i pawi sawi mai zel leh hmangaih harsa i tih tak mai kha han ngaihtuah teh. Pathianin eng tiang takin nge a hmangaih che a, a lo pawm che tih i ngaihtuah chang chuan chu mi i hmuh dan chu engtiangin nge thlak danglam a nih?
Mi tu emaw an mit ngeia en chu chu mi tan chuan engtianga danglam nge a lo nih ang?
Eng tiangin nge Pathian chu i lo rinhlelh le? I rinhlelh chang pawh chuan a lo pawm zel che a ni tih i hria em?
*Isua chu i zui thei dawn em?*
Pathian chuan a hmangaihna chu a Fapa, Isua Kristaah chuan a lantir a. Bible pawhin hetiangin a sawi, “Pathianin khawvel a hmangaih em em a; tichuan, a Fapa mal neih chhun a pe a, amah ring tawh phawt chu an boral lohva, chatuan nun an neih zawk nan." [Johana 3: 16]
“Lalpa duh tak, i thu chuan i Fapa, Isua Krista, ka rin phawt chuan ka thil lo tihsual tawh zawng zawngte ngaihdam min tiam a, ka nun awmzia ka hre thiam ang a, ka chatuan inah chuan engtik niah emaw min lo la lawm ang.
“Ka sual a ni tih ka pawm a, ka sualte avanga ngaihdamna ka dil e. Isua thihna chuan ka sualte a la kiang tih ka ring a, amah chu i kaitho leh bawk. Isua chu ka Chhandamnatu atan ka pawm duh a, ka Lalpa a nihna ang ngeiin vawiin aṭang hian zui ka duh bawk e. Ka kawng hruaiin i duhzawng min zirtir ang che. Isua hmingin ka dil e. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zin kawng atana thuziak pawimawh tak tak lo thawn che ka duh e.
[ *Lettu* : Peka]
Thursday, November 9, 2023
HMANGAIHNA TEL LO CHUAN I HUN I KHAWHRAL MAI A NI
_Pathianin Bahlahnate Dinchhuahlehnaa Chantir Dan_
By Rick Warren
November 9, 2023
“Mihring ṭawngte leh vântirhkoh ṭawngtein thu sawi thei mah ila, hmangaihna ka neih si loh chuan, dâr ri ang emaw, dârbenthek ri ang emaw chauh ka ni ang.” [I Korinth 13: 1]
He khawvelah hian Pathian leh midangte hmangaih dan zir tura dah kan ni. Hmangaihna hi kan nuna thil zir tur lian ber a ni hial awm e.
I Korinth 12 chang hma lamah khan Bible chuan hmangaihna chu eng vangin nge thil hlu ber a nihzia a sawi a:
*Hmangaihna tel lo chuan i thil sawi zawng zawngte kha awmze nei lo an ni.*
“Mihring ṭawngte leh vântirhkoh ṭawngtein thu sawi thei mah ila, hmangaihna ka neih si loh chuan, dâr ri ang emaw, dârbenthek ri ang emaw chauh ka ni ang.” [I Korinth 13: 1] Hmangaihna tel lo thu chu bengchheng mai an ni. Mite chuan hmangaihna tel lo thu chu an thinrimpuiin an hnar mai zel a. Mahse thu hmangaihnaa sawi erawh chu ngunthluk takin an ngaithla ṭhin.
*Hmangaihna tel lo chuan i thil hriatte kha an tluantling lo.*
“Thu hril theihna neiin, thu ril zawng zawng leh hriat tûr zawng zawng hre vek mah ila, … hmangaihna ka neih si loh chuan eng mah ka ni lo vang” [I Korinth 13: 2] Khawvel hi hriatna leh thiamna hmangain a puak phawng phawng a ni ber a, chuti chung chuan kan harsatna holam te anga langte pawh chinfel a ni hauh si lo. Chumi awmzia chu khawvel hian hriatna tam zawk a zawng a ni lo, khawvel hian hmangaihna a zawng a ni.
*Hmangaihna tel lo chuan i thil rin zawng zawngte kha an tawk lo.*
“Tlâng sawn theihna khawpa rinna nasa nei mah ila, hmangaihna ka neih si loh chuan eng mah ka ni lo vang.” [I Korinth 13:2] Ringtu tam takte chuan rinna awmzia chu thutak emaw doctrine emaw rin mai chu nia ngaiin an hre sual duai fo. Mahse Isua i hmangaih em? Kristianna awmzia ber chu Isua hmangaihna hriatfiah leh amahin min hmangaih anga amah hmangaih let ve chu a ni.
*Hmangaihna tel lo chuan i thilpek zozaite kha an tawk zo lovang.*
“Ka neih zawng zawng mi retheite tân pe vek mah ila, hâl tûrin ka taksa pawh inpe mah ila, hmangaihna ka neih si loh chuan ka tân eng mah a ni lo vang.” [I Korinth 13: 3] Thilpek miin a pek chhan hrang hrang a awm thei ang, pek loh theih loha ngaih vang emaw, hamṭhatna duh vang emaw mahni inthiam lohna pumpelh nan emaw a ni thei. Thil eng emaw i tih ngawt avang chuan hmangaihnain i ti tihna a ni chuang lo. Hmangaihna tel lovin i pe thei a, mahse thilpek pe lo chuan i hmangaih thei lo vang.
*Hmangaihna tel lo chuan i hlawhtlinna chan zawng zawngte kha an tawk zo lovang.*
“Hâl tûrin ka taksa pawh inpe mah ila, hmangaihna ka neih si loh chuan ka tân eng mah a ni lo vang.” [I Korinth 13: 3] Hlawhtlinna zawng zawng changtu i ni thei e. Khawvela chhan ropui ber awm thei avangin i nun pawh i hlan a ni thei e – Pathian ram tan chuan – mahse hmangaihna tel lo chuan, thiltih hlawkna nei lo mai a ni ang.
Tawng hmang thiam bik i ni thei a, mifing finna pawh neiin, thilmak tihna nei pawh i nei mai thei, mi thilphal niin midang tan i luangchhuak thei a, martar rilru pu pawh i ni thei bawk. Hmangaihna i neih loh chuan awmzia a awm lo.
Mahse thu lawmawm chu hei hi a ni, midang i hmangaih theih chhan chu Pathianin a hmangaih hmasak vang che chu a ni e. A hmangaihnaa i nun i hman mek lai chuan Isua chuan midang hmangaih thei turin a pui ang che tiin a sawi. Amah i hnaih ang zel chuan midang i hmangaih theihna chu a lo pung ve zel ang a, midang hmangaih tura kohna chu tihlawhtling zel turin a pui bawk ang che.
Ngaihtuah zui atan.
Mite chu zaidam, thuhnuairawlh leh hmangaihnaa anmahni kan biak chuan engvangin nge min dawngsawng ṭha zawka kan hriat? Sawma-pakhat pek chungchanga nangmah fuihtu ber che chu eng nge ni?
Hlawkna um lo pawl eng emawa thilpek i pek chhan lian ber chu eng nge ni?
Mi hlawhtlingte zingah an hlawhtlinna hmangaihnaa thuam leh hmangaihnaa thuam ni lo danglamna chu eng nge ni?
[ *Lettu* : Peka]
INREM LOH LAIA ZAHNA HLAWH DAN
_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...
-
_Chatuan Nihna Laimu_ — Rick Warren — June 1, 2026 “Tupawh ka thu hriaa mi tirtu ring chuan, chatuana nunna a nei tawh, thiam l...
-
_Koh I Nihna Nunpui Rawh_ By Rick Warren — January 19, 2026 “Hmangaihnaah chuan hlauhna reng a awm lo: hmangaihna famkimin hlau...
-
_Khawngaihna Chungchanga Thu Lawmawm_ By Rick Warren March 27, 2026 “Nimahsela, ka tlânsiakna kawng ka hmabak hlen tûr leh, Path...







