_Hun Khirha Tak Kara Ke Pen Dan_
- Rick Warren
- Nov 25, 2023
_"Tihduhdahin kan awm a, mahse kalsan kan ni si lo; vuak thlûkin kan awm a, mahse tihboral êm chu kan ni si lo."_ (II Korinth 4:9)
Mi intlansiak lai i en chuan a tlana te tihphur nan a lo entuten "Kal zel rawh" ti a an lo au i hre ṭhin ang. Chu chu he khawvel intlansiakna a rilru, thlarau, taksa chau te fuih nana thil ṭha tak a ni ve bawk a. Kal zel rawh!
Kan Pathian thuah hian dodalnate pawh hmachhawn a kal zel tum tlat hi tam tak an awm, Isua leh Paula tiamin.
Isua khan dodalna a hmachhawn reng a. Sakhuana leh ram hruaitute aṭangin vauna a dawn reng a. Lal Heroda'n a that dawn che tiin a rawngbawlna tih tawpsak an tum ṭhin.
Mahse Isua chuan, _“Chû sihal hnênah chuan he thû hi va sawi rawh u, ‘Ngai rawh, vawiinah nên, naktûkah nên, ramhuaite ka hnawt chhuak ang a, damlote pawh ka tidam ang a, a nithum niin ka ti zo vang.’ Engpawh nise, vawiinah nên, naktûkah nên, a tûk lehah nên ka kal zêl tûr a ni; Jerusalem pâwn lamah zâwlnei thih theih a ni lo ve."_ (Luka 13:32-33)
Hlauhnate, dodalnate leh sawichhiatnaten - engmahin Isua tum tihhlawhtlinna an dal thei lo. A chhel a, kal zel turin a tuar hram hram bawk a ni.
Paula pawhin a rawngbawlna ti khawtlai theitu a tawng a. II Korinth 4:8-9 ah chuan, _"Kil tin aṭanga nêk sâwrin kan awm a, mahse kan keh chhe êm lo va; a ngaihna hre lovin kan awm a, mahse kan bei a dawng si lo;tihduhdahin kan awm a, mahse kalsan kan ni si lo; vuak thlûkin kan awm a, mahse tihboral êm chu kan ni si lo"_ a ti.
I hriat fo hnu a ang maithei, a chhan chu, kiltin aṭangin harsatnate an lokal niin i hre ṭhin. I hahin i chau hle a, a tawp i thlen zawh loh mai pawh i in ring ṭhin.
Engtin nge i kal zel?
Isua leh Paula'n kal zel theihnana chakna an lakna aṭang bawk khan; Pathian aṭangin.
_"Chuvângin, kan Lalpa chanchin hriatpuina thu puan chhuah hnâ hi zahpui suh la; kei, ama mi tâng pawh hi mi zahpui lo vang che. Chanchin Ṭha avânga tuarna hi Pathian thiltihtheihna ang zêlin mi ṭâwmpui zâwk rawh. Ani chuan kan thiltih angte ni lovin, ama tum dân leh a khawngaihna avâng zâwkin min chhandam ta a, kohna thianghlimin min ko bawk a; chu khawngaihna chu leilung pian hmâin Krista Isuaah chuan min lo pe tawh a"_ (II Timothea 1:8-9).
Pathian chuan i theihna hmanga i tih tur leh a duhzawngte ti turin a beisei lo che. A hmasain, a chhandam che a, tichuan, nitina i nun theih nan thiltihtheihna a pe che. Kal zel tura i mamawh apiang a pe zel ang che a, tin, ti tura a duh che pawh a zawhpui bawk ang che.
Ngaihtuah zui atan.
Eng ang hlauhna, dodalna emaw sawichhiatna ten nge Pathianin ti tura a duh che ti thei lovin siam che?
Engtiangin nge ni tin harsatnate kiltin aṭangin an nawr che nia i hriat?
Harsatnate tura thei turin Pathian ni lo engdang nge miten an pan ṭhin? Chung lak aṭanga hruaichhuak tur che chuan engvangin nge Pathian thiltihtheihna chauh hi a chak tawk?
No comments:
Post a Comment