Pathianin Thinlung Lawm Mal A Sawm: Lawmthu Sawina Thuchah
By Rick Warren
— Nov 24, 2023
“Malsâwmna no laa, malsâwmna kan sawi ṭhin hi Krista thisen kan ṭâwmpuina a ni lo vem ni? Chhang kan phel hi Krista taksa kan ṭâwmpuina a ni lo vem ni?” [ I Korinth 10: 16]
Lalpa zanriah [communion] kan chan chang chuan Isuan kraws-a a hnathawh chu kan hre thar leh ṭhin.
Serh leh sang satliah Ringtuten loh theih loh vanga an tih ṭhin chu a ni mai lo. Chu aiah chuan, Pathian chuan chhang leh wine chu amah hriat rengna tura a tih a ni. Eng vangin nge kan hriat reng a pawimawh? Lawmna chang kan hriat theih nan. I thil hriat rengte chungah chauh chuan lawmna chang i hre thei ṭhin.
Lalpa Zanriah chu inpumkhatna a ni. Lawmthu sawina a ni bawk, a chhan chu Isuan krawsa a hnathawh chu min hriattir nawn ṭhin avangin.
Bible chuan I Korinth 11: 23-25 ah hetiang hian a sawi, “Ka thu hrilh chhâwn che u hi, Lalpa hnên ata ka dawn asin; khatia, mantîra a awm zâna, Lalpa Isuan chhang a lâka, lâwmthu a sawi zawha, a phela, “Hei hi ka taksa a ni, in tân a ni e, mi hriat reng nân heti hian ti ṭhîn rawh u,” a tih kha. Chutiang bawkin, an ei zawhah, no pawh chu a la a, “He no hi ka thisena thuthlung thar chu a ni, in in apiangin mi hriat reng nân ti ṭhîn rawh u,” tiin.
Isuan khan chhang leh wine te kha amah kan hriat rengna hmanrua atan min pe a ni. Chu thil chu kan chhandamna atana a hnathawh avanga lawmthu sawina atan min pe a ni.
Lalpa Zanriah [Lawmthu sawina] sawina tawngkam dang leh chu Eucharist tih a ni. Chu thumal chu Greek tawng niin a awmzia chu “lawmthu sawina” tih a ni. Lalpa Zanriah chu lawmthu sawina hmanrua a ni. Pathianin lawmthu kan sawina tur atana a duhthusam a ni. Pathian hnenah chuan kawng hrang hrangin lawmthu kan sawi thei ang – lawmthu sawina hla hmangin, lawmthu sawina thilpekin, lawmthu sawina no hmangin.
“Malsâwmna no laa, malsâwmna kan sawi ṭhin hi Krista thisen kan ṭâwmpuina a ni lo vem ni? Chhang kan phel hi Krista taksa kan ṭâwmpuina a ni lo vem ni?” [ I Korinth 10: 16]
Lalpa Zanriah [communion] atanga chhang kan ei a, no kan in bawk chuan Pathian hnenah chuan, “Ka Pa, i Fapa chu nun famkima nung tura i rawn tirh avang leh ngaihdam kan nih leh theihna tura kan sual aia a lo thih avangin lawmthu kan sawi e,” kan tihna a ni.
Isuan kan man dik tak a pek tlak zat chhan letna dik tak chu lawmthu sawina mai a ni.
Ngaihtuah zui atan.
Lalpa Zanriah [Communion] i chan mek lai chuan lawmthu thinlung nen i lo chang ṭhin em?
Isua chuan Lalpa Zanriah chu ringtu dangte nena chang turin min duh keimahni chauhva chang lo chuan?
Pathian chhungte nen chuan engtin nge lawmna nun chu i lo nunpui tawh ṭhin?
Pathian chhandamna thutiam chu I lo ring tawh em?
I nun chu Isua hnena i lo la hlan ngai lo a nih chuan he ṭawngṭaina hmang hian i hlan thei ang:
“Lalpa duh tak, i thu chuan i Fapa, Isua Krista, ka rin phawt chuan ka thil lo tihsual tawh zawng zawngte ngaihdam min tiam a, ka nun awmzia ka hre thiam ang a, ka chatuan inah chuan engtik niah emaw min lo la lawm ang.
“Ka sual a ni tih ka pawm a, ka sualte avanga ngaihdamna ka dil e. Isua thihna chuan ka sualte a la kiang tih ka ring a, amah chu i kaitho leh bawk. Isua chu ka Chhandamnatu atan ka pawm duh a, ka Lalpa a nihna ang ngeiin vawiin aṭang hian zui ka duh bawk e. Ka kawng hruaiin i duhzawng min zirtir ang che. Isua hmingin ka dil e. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[Lettu: Peka]
No comments:
Post a Comment