Wednesday, December 31, 2025

PATHIAN THUTIAM THILPEK HI HAWNG LOVIN DAH MAI SUH

_Hlauhna Awm Lo Krismas Chênin_



- Rick Warren 
- December 28, 2025
_"Ka hlauh hun chuan nangmahah rinna ka nghat ang. Pathian chu a thutiam avangin ka fak a. Pathianah rinna ka nghat a, engah nge ka hlauh tehlul ang?"_ (Sam 56:3-4, NLT)

Pathian thutiam hi i beiseina innghah nana i hman loh chuan hlauhna i hneh ngai lo vang.

Khawiah nge i beiseina i nghah? Mahni chungah emaw, ei leh barah emaw, pipute finna thuah emaw, mipui vantlang ngaihdanah emaw, kan hnamin a ngaihsan thilah emaw i innghat a ni mai thei.

Mahse beiseina daih rei ber chu Pathian Thua innghat hi a ni.

Bible-ah hian Pathianin i chungah thutiam 7000 aia tam a nei. Pathian thutiam ropui tak takte hre miah lova i nun i hmang mawp mawp anih chuan rilru hahna tam tak neih awl tak a ni.

Zaipui hmachhawn ngaiin awm ta ila, sum ka neih bawk si loh chuan insurance lama ka pawisa dahte ka en ngei ang. Chu chuan ka inzaina man tur te a lo tum vek thei dawn anih chuan ka zam miah lo vang, a chhan chu insurance company lam khan pawisa ka lo dah ve avangin min tumsak vek tur thu an intiam tlat.

Mi tam tak hlauhthawnna leh buainaa an khah fo ṭhinna chhan chu kan chungchang thua Pathian thu, Bible-a inziak kan hriat loh vang a ni. Chutah chuan sum i deh chhuah kawngah te, i hriselna thuah te, mite nena in inlaichinnaah te, i eizawnnaah te, sual ngaihdamnaah te, leh chatuan nun thute tarlan a ni.

Pathianin a sawi anga kan tih zelin a lehkhabua a thutiam min pekte zir a tawh hle - Vantirhkohin Mari laka Pathian thil ruahmanna ropui tak a hrilh laia Mari awm ang khan.

Mari laizawnnu Elizabeth-in Mari rinna a hmuh ve leha a sawi ang khan (Luka 1:45), _"A ringnu pawh a eng a thawl a ni, a hnena Lalpain thu a sawi kha a thleng dawn si a."_ 

Mari khan Pathian chu a thutiamah a rinawm dawn tih a hria. Hei tak hi a ni nula la naupang tak leh hlauh nei rual lek Mari kha dinhmun khirh taka a din lai pawha inrintawkna petu chu. Pathian chu a thuah a ding nghet dawn a ni tih a ring tlat.

Chutiang anga i tih ve chuan malsawmna i dawng ve ang.

_"Ka hlauh hun chuan nangmahah rinna ka nghat ang. Pathian chu a thutiam avangin ka fak a. Pathianah rinna ka nghat a, engah nge ka hlauh tehlul ang?"_ (Sam 56:3-4, NLT)


Ngaihtuah zui atan.

Hlauhna hneh tura Pathian thutiam i mamawh laiin engtinnge Bible thu i vawn ṭhinte khan a puih ang che?

Eng thilah nge beiseina i lo nghah a, mahse tilungngaitu che ni si? Pathiana beiseina nghah hi engnge a danglamna?

Vawiin hian engtinnge Pathian hnenah a thutiamte i ring a ni tih i lantir ang? 

[Lettu: Mapuia Fanai]

Tuesday, December 30, 2025

PATHIAN HRIATPUI LOHIN I AWM NGAI LO

_Pathian tan hian enganga pawimawh nge i nih_

By Rick Warren 
— December 30, 2025
“Chawngzawng panga dar tangka pahnihah an hralh ṭhin lo vem ni? nimahsela an zinga pakhat mah Pathianin a hmaih ngai si lo. In samzaite lam pawh hi chhiar vek a ni asin. Hlau suh u; chawngzawng tam tak aiin in hlu zawk a ni..” Luka 12:6-7

Pawimawhna nei lo hlein inhre mah la, Isuan a hrereng che tih lo chiang hle ang che.

Zakaia kha pa hausa tak a ni a, nimahsela khawhar takin a awm a ni. Pa tawi tak anih avang khan miin an nuihzat deuh ṭhin pawh a ni maithei e. Chhiahkhawntu a ni leh zel a, chuvang chuan mi zawng zawngin an hua a ni.

An khuaah Isua a lo kal tih a hriat khan, Zakaia chuan hmuh ve a duh a. Nimahsela harsatna pakhat a awm a. Mipui tam tak an lo pungkhawm a, Zakaia kha a tawi em avangin a hmu ve thei lo a ni. 

Mi zahawm tak nimahsela Zakaia chuan thil zahpuiawm tak tak pahnih a ti a. Pakhatnaah chuan, mi zawng zawng a tlanpel a, thingah a lawn a ni. A hun laia mite ngaihdan turah a buai lo. Isua hmuh kha a duh ber chu a ni.

Isuan Zakaia lawnna thing awmna hmun a thlen chuan thil mak lehzual a rawn ti ve leh tlat mai. Bible chuan, “Isua chu, chu mi hmun a thlen chuan a dak a.” (Luka 19:5).

Mipui tam tak zingah Isua chu a chawl lawk a, Zakaia lamah chuan a rilru a pe tlat a ni.

Zakaia lungphu ran tur zia chu i ngaihtuah em? Isua hmel hmuh mai chauh kha a beisei a ni a. Nimahsela Isua chuan ding meuhin Zakaia chu a lo ko ta si a. Ama nun ngei pawh inngaihsak hlei thei lo kha Isuan a lo ngaihsak em em ta si a  ni.

Tunah hian engnge i paltlang mek ka hre lo. Sum leh paiah chuan awm thei pawh ni la. Inlaichinna kawngah i buai maithei. Thlarau lamah phei chuan chaklo tak pawh i ni maithei e. Tumahin i dinhmun chu an hre lo a ni. 

Nimahsela Isuan i awmna a hria a, i lamah a rilru a pe a. A hrereng che a ni. Engtiklai mahin a mit ala sawn ngai lo a ni. 

Bible chuan, “Chawngzawng panga dar tangka pahnihah an hralh ṭhin lo vem ni? nimahsela an zinga pakhat mah Pathianin a hmaih ngai si lo. In samzaite lam pawh hi chhiar vek a ni asin. Hlau suh u; chawngzawng tam tak aiin in hlu zawk a.” (Luka 12:6-7).

 Tunah khan khawharin i inhria em? I khawhar lo! Pathian chu hla takah a awm lo. Nangmah ngaihtuahin i kiang hnaiah a awm reng a ni. I pawimawh avangin Pathianin a ngaihtuah che a ni.

Ngaihtuah zui atan

* An hmangaihna an tihlanna kawngah engtiangin nge miin i lamah chet an lak?

* I thlarau lam nun ṭhanlenna chu Pathian hmaa i inrintawk theihna tur leh a chenchilhna i chan zel theihnan engtinnge hma i sawn theih ang?

* Pathianin i engkim a ngaihtuahin i ring em? Chu chuan amah nena in inkungkaihna engtinnge a tih danglam?

*[Lettu: Sangpuia]*

Sunday, December 28, 2025

ISUAN I HMINGIN A KO CHE

_Pathian Tan Eng Anga Pawimawh Nge I Nih_

- Rick Warren
- December 31, 2025
"Isua chu chumi hmun a thlen chuan a dak a, a hnenah, 'Zakai, lo chhuk thuai rawh, vawiinah i inah ka thleng tur a ni, " Luka 19:5.

Isuan a hmu che a ni mai lo. Mipui tluklehdingawn riat tling khawm zingah a thlang chhuak che a ni mai lova. A hria che a ni. Zakaia a tih ang khan, i hmingin a ko che a ni.

A nun pumpuiah, Zakaia kha a naupan tet lai ata tawh nuihzat leh hnawl a ni a. A tawi avangin deusawh leh hmuhsit a ni. A puitlin hnuah pawh chhiahkhawntu a ni mai lova, rinawm loh leh eiruk avangin nuihzat leh hnawl a ni. Tumahin Zakaia chunga thil thleng hi an hmuin an ngaihven lo a ni.

Chuti chung chuan, "Isua a lo thlenin a dak a, Zakaia chu a hmingin a kova" (NLT).

Engtin nge Isuan Zakaia hming a hriat? Isuan i hming a hriat chhan ang chiah tho kha a ni-a chhan chu a siam che a ni. Pathian a ni tlat! Pathianin a siam che a, i hming kha a hria a ni.

He thil hian mi tin a nghawr ang, Isuan i hminga a koh vang chauh ni lovin, Zakaia hming hi 'thianghlim' tih a nih avangin.

Zakaia chu thianghlim tihna a ni a. Eirukna tih nena  hriat a ni. A hmai hmaah leh hnung lamah pawh ni se, hming chi hrang hrang a koh  a ni ang. A hming dik tak 'thianghlim' tih hmanga koh a nihna chu a rei tawh viau maithei.

Isuan a hming dik takin a ko a ni. Eng vangin? Isuan Zakaia hun hmasa lam phawrh lovin amaha thil inphum ru chu a hria a ni.

I nunah kehsawmna lai i nei maithei. Hniam deuhna laia sawi pawh i nei a ni thei e. School-ah naupang ten emaw i chhung ten emaw an koh dan che pawh i la hria a ni maithei. I thatna lai hriat harsa i ti pawh a ni mahna.

Mahse hei hi i hriat reng a ngai: Miin eng ang pawhin ko che mahsela, chu chu a pawimawh lo.

A pawimawh zawk chu an koh dan che kha a ni lova, Isuan i hming a hriat kha a ni zawk. Vawiinah hian i hmingin a ko che a, a lama pawt hnai chein, "Ni tur a ka siam angin ka hmu che a - chu chu engtik lai mahin ka bansan lovang," a ti.

Ngaihtuah zui atan.

Mi an hminga i kohin eng angin nge an lo dawnsawn?

Pathianin i hun kal tawh aia i theihna a thlir khan i fate leh mi dangte nena in inkar engtin nge a tih danglam?

Nunin awmze nei lova a siam chein Pathianin a hmuh dan cheah eng nge hriat reng i mamawh? Eng Bible changin nge tanpui thei ang che?

[ *Lettu: Marova Punte* ]

PATHIAN THUTIAM THILPEK HI HAWNG LOVIN DAH MAI SUH

_Hlauhna Awm Lo Krismas Chênin_

- Rick Warren 
- December 28, 2025
_"Ka hlauh hun chuan nangmahah rinna ka nghat ang. Pathian chu a thutiam avangin ka fak a. Pathianah rinna ka nghat a, engah nge ka hlauh tehlul ang?"_ (Sam 56:3-4, NLT)

Pathian thutiam hi i beiseina innghah nana i hman loh chuan hlauhna i hneh ngai lo vang.

Khawiah nge i beiseina i nghah? Mahni chungah emaw, ei leh barah emaw, pipute finna thuah emaw, mipui vantlang ngaihdanah emaw, kan hnamin a ngaihsan thilah emaw i innghat a ni mai thei.

Mahse beiseina daih rei ber chu Pathian Thua innghat hi a ni.

Bible-ah hian Pathianin i chungah thutiam 7000 aia tam a nei. Pathian thutiam ropui tak takte hre miah lova i nun i hmang mawp mawp anih chuan rilru hahna tam tak neih awl tak a ni.

Zaipui hmachhawn ngaiin awm ta ila, sum ka neih bawk si loh chuan insurance lama ka pawisa dahte ka en ngei ang. Chu chuan ka inzaina man tur te a lo tum vek thei dawn anih chuan ka zam miah lo vang, a chhan chu insurance company lam khan pawisa ka lo dah ve avangin min tumsak vek tur thu an intiam tlat.

Mi tam tak hlauhthawnna leh buainaa an khah fo ṭhinna chhan chu kan chungchang thua Pathian thu, Bible-a inziak kan hriat loh vang a ni. Chutah chuan sum i deh chhuah kawngah te, i hriselna thuah te, mite nena in inlaichinnaah te, i eizawnnaah te, sual ngaihdamnaah te, leh chatuan nun thute tarlan a ni.

Pathianin a sawi anga kan tih zelin a lehkhabua a thutiam min pekte zir a tawh hle - Vantirhkohin Mari laka Pathian thil ruahmanna ropui tak a hrilh laia Mari awm ang khan.

Mari laizawnnu Elizabeth-in Mari rinna a hmuh ve leha a sawi ang khan (Luka 1:45), _"A ringnu pawh a eng a thawl a ni, a hnena Lalpain thu a sawi kha a thleng dawn si a."_ 

Mari khan Pathian chu a thutiamah a rinawm dawn tih a hria. Hei tak hi a ni nula la naupang tak leh hlauh nei rual lek Mari kha dinhmun khirh taka a din lai pawha inrintawkna petu chu. Pathian chu a thuah a ding nghet dawn a ni tih a ring tlat.

Chutiang anga i tih ve chuan malsawmna i dawng ve ang.

_"Ka hlauh hun chuan nangmahah rinna ka nghat ang. Pathian chu a thutiam avangin ka fak a. Pathianah rinna ka nghat a, engah nge ka hlauh tehlul ang?"_ (Sam 56:3-4, NLT)


Ngaihtuah zui atan.

Hlauhna hneh tura Pathian thutiam i mamawh laiin engtinnge Bible thu i vawn ṭhinte khan a puih ang che?

Eng thilah nge beiseina i lo nghah a, mahse tilungngaitu che ni si? Pathiana beiseina nghah hi engnge a danglamna?

Vawiin hian engtinnge Pathian hnenah a thutiamte i ring a ni tih i lantir ang? 

[Lettu: Mapuia Fanai]

Saturday, December 27, 2025

I RIN RUAL KHAN PATHIAN CHHUNGKAW ZINGAH I TEL VE

_Hlauhna Awm Lo Krismas Chênin_

- Rick Warren 
- December 27, 2025
_"Isua Krista kaltlangin Pathianin a chhungkuaa tel turin ruahmanna a lo siam lawk tawh a. Hei hi a duhzawng tak a ni a, a tihlim em em bawk a ni."_ (Ephesi 1:5, NLT)

Krismas hun laia thilpek tam tak min pek tel rualin   chi/chhung khatnihna thilpek kan dawng a. Pathianin a thu kan awiha amah kan an leh zual theihna tura min pui turin thlarau lama chhungkua min pe a ni.

Hringnun hi mahni maia hmachhawn tura duan i ni lo. Pathian hre tur leh ṭanpui tur che chhungkua nei tura duan i ni. Mahni maia kan awm aiin midangte nena kan awmho hian kan ṭhang lianin kan nunah danglamna a thleng nasa zawk ṭhin. Hei vang hian alawm mahnia ei leh in insum tum leh mahni inṭanpui tumna ruahmanna hi a hlawhtlin loh fo!

Pathianin chhungkua a duh avangin lei leh van leh a chheh vel zawng zawng hi a siam a ni. Ephesi 1:5-ah chuan heti hian kan hmu, _"Isua Krista kaltlangin Pathianin a chhungkuaa tel turin ruahmanna a lo siam lawk tawh a. Hei hi a duhzawng tak a ni a, a tihlim em em bawk a ni."_ (NLT)

Pathian chhungkuaah i tel nghal tawp lo. Lak luh i nih a ngai. Engtinnge Pathianin a lak luh che? Isuaah rinna nghat tura duhthlanna i siam rual chiah khan a la lut che. Mahse amah ring ringawt turin a duh lo che. A chhungkuaa i tel a duh a ni.

Chhandamna chang tur chuan Isua i rin a tul. Mahse vanrama luh theihna i neih rual chiah khan Pathianin a chhungkuaa i tel a duh. Engvangin? A chhan chu hringnun hi a harsa em em mai a, puitu tur i mamawh dawn a ni. Thutlukna ṭha siam tur leh danglamna thlen tur chuan thlawptu tur che chhung khat i neih a ngai.

Bible chuan inpuitawn turin Pathianin chhungkua a siam a ti. Chu chhungkua chu, _"Pathian chhungte chu Pathian nung Kohhranho, thutak ban leh innghahna chu an ni."_ (1 Tim. 3:15)

California-ah chuan lir a nghin ṭhin avangin kan in tan innghahna nghet tak neih a ṭul tih kan hrechiang hle. Innghahna nghet leh ṭha nei lo in chu lir a nghinin awlsam taka sawi chim a ni ṭhin. 

I nun pawhin chelh tlattu a mamawh. Thlarau lama chelh tlattu che chhungkua hmanga innghahna ṭha tak i neih loh chuan harsatna a lo thlen huna sawi chim mai theih dinhmunah i indah tihna a ni.

Mi zawng zawng hi Pathian siam kan ni a. Pathianin mi zawng zawng a hmangaih a. Mahse mi zawng zawng hi Pathian fa kan ni kher lo.

Pathian chhungte zinga tel theihna awm chhun chu kan duhthlanna hmanga kan thlan hi a ni. Isua zui tura duhthlanna i siam fel khan i nuna Pathian thiltum a puitlin theih nana puitu tur che chhungkua i thlang fel tihna a ni.

Ngaihtuah zui atan.

Kohhrante chhawmdawlna i mamawh hunin thianzaho pawl te zawk zinga tel hi engnge a pawimawhna ni a i hriat?

Pathianin a hnung zui hi kan duhthlannaa a dah kan tih hian a mizia engnge a tarlan?

Harsatna i tawh laiin engtinnge in kohhranin an thlawp che ni a i hriat?

*Khawiah nge chatuan hun i hman dawn?*

Bible chuan Pathian Fapa, Isua Krista i rin chauhin vanramah i lut theih tih min hrilh. Vanram hi thawh chhuah theih a ni lo: _"Rinna avanga khawngaihnaa chhandam in ni; nangmahni thawh chhuah a ni lo va, Pathian thilpek a ni; thiltih avang a ni lo ve, chutilochuan miin an chhuang dah ang e."_ (Ephesi 2:8-9)

Isua hnena inpe tura i inpeih chuan heti hian ṭawngṭai rawh le:
"Lalpa, i Fapa Isua Krista ka rin phawt chuan ka sualte ngaihdam a ni ang tiin min tiam a, chuvang chuan min siam chhan ka zir anga, nangin i vanramah min lo pawm ang tih ka ring.

"I hmaah ka sual ka puang a, i ngaihdam ka rawn dil e. Ka sual lak bo anih theih nan ka ai Isua a thi a, nangin i kai tho leh a ni tih ka ring e. Vawiin aṭang hian Isua hi min chhandamtuah ka pawm a,  ka Lal atan ka thlang e. Min hruai la, i duhzawnga nung turin min pui ang che. Isua hmingin, Amen."

Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.
[Lettu: Mapuia Fanai]

Friday, December 26, 2025

THILPEK ROPUI NIHNA THAR DAWNG RAWH

_Hlauhna awm lo Krismas Chènin_

By Rick Warren
— December 26, 2025
“Chu mi avang chuan tu pawh Kristaa a awm chuan thilsiam thar a lo ni a; thil hlui te chu a ral ta a; ngai teh u, a lo thar ta.” [2 Korinth 5: 17] 

He thu hi i lo hre tawh mai thei: “Krismas-in thlarau a paipawn ve tlat chu thilpek a ni” tih chu. Mahse Krismas thlarau dik tak chu pek chhuah a ni lo. Pathian thilpek lo dawn zawk chu a ni. 

Isua kaltlanga chhandamna chu i lo chan ve chiah chuan Pathian chuan thil dang tam tak i tan a buatsaih nghal a ni. Tun ṭum Krismas huna thilpek dang pek che a duh che chu nihna thar a ni. 

Khawvel huapa sualna thar lian ber chu nihna [identity] inruksak thuhla hi a ni. Mahse dik tak chuan kan nihna [identity] hi ruksak chu kan ni vek thung. Chu kan nihna min ruksaktute chu a chang chuan kan nu leh pate niin, Pathianin kan nihna tura a duan ang ni lo zawk min nihtir an tum a. A chang chuan kan hnam tihdan niin, a chang chuan kan kum rualpui/ṭhiante niin Pathianin min siam dan ang ni lova mi awmtir an tum a ni. 

Mi tam ber chuan an nihna [identity] an neihna hnar chu an hna aṭang te, mite nena an inlaichinna aṭang te, leh an thil neih aṭangtein a ni. Mahse i nihna chu i thil hloh leh mai theih thilah chuan nghat ngai suh ang che, i hna emaw i in emaw midang emawah chuan innghat suh.

Miten engtik lai maha an laksak ve theih ngai loh che chu Pathianin a hmangaihna che chu a ni. Chuvangin, nihna nghet, tlo, tluantling leh ṭha neih i duh chuan Pathianah chuan innghat la, tiam chin awm lova nangmah hmangaih ṭhintu cheah chuan innghat tlat ang che. 

Bible chuan “Chu mi avang chuan tu pawh Kristaa a awm chuan thilsiam thar a lo ni a; thil hlui te chu a ral ta a; ngai teh u, a lo thar ta,” tiin a sawi [2 Korinth 5: 17] 
 
Pathianin a hmangaihna che i pawm chiah chuan chu chuan nihna thar a pe ang che. I sual tawh lo tihna a ni kher lo vang. Mahse i sualna te, i hun kal tawh leh i hlawhchhamna te kha nangmah en nan hman a ni tawh lo tihna a ni. Isua nena hmuh kawp i ni ta thung a. Pathian fa i lo ni ta a ni! 

Nihna thar nun chhuahpui dan chu miten an hmuh ang che ni lova nangmah i inhmuh kha a ni. Pathianin a hmuh dan ang chea nangmah leh nangmah kha i inhmuh a ngai bawk. Chu chu dik taka i kalpui theihna tur chuan hlah lova Bible i chhiar a, i ṭawngṭai a ngai ang. 

“Ka thua in awm reng chuan ka zirtirte in ni tak tak ang. Tin, thutak in hria ang a, thutak chuan bawih a ban ang che u” [Johana 8: 31- 32] 

Kristaah chuan engtiang taka theihna nei nge i nih a, eng tiang taka pawm nge i nih a, engtiang taka hman theih nge i nih a, engtiang taka malsawm nge i nih a, engtiang taka hmangaih nge i nih tih inhriatna chuan zalenna a keng tel. Chu chu thilpek i dawn zinga thilpek ropui ber a ni. 

Ngaihtuah zui atan. 

• Eng ang thil pawh lo ti tawh mah ila Pathian chuan tiam chin nei lovin a la hmangaih zel chein i hria em? Pathian pawmna chu engtiang taka pawimawh nge a nih? 

• Midangten an pawmna che chu engtiang taka pawimawh nge a nih? 

• Pathianin a hmuh dan che chu engtin nge i lo ngaih ve?  
  
[Lettu: Peka]

Thursday, December 25, 2025

THILPEK ROPUI BER I DAWN TUR CHU

_Hlauhna awm lo Christmas Chènin_

By Rick Warren
— December 25, 2025
“Rochan chhe thei lo, bawlhhlawh kai lo, chuai thei lo, vâna in tâna khêk chu, hmuhna tûrin.” [1 Peter 1:4]

Chatuan daih thilpek chu i duh ve em? 

Thilpek ṭhenkhatte chuan an daih rei hlawl lo. Naupang ka nih lai chuan Krismas zing lamah thilpek kan dawng ṭhin a, tlai lamah chuan an chhe zui ve leh mai zel. I thilpek dawn ṭhenkhatte phei chu duh pawh i duh lo hial ang. Kum sawmnga liam ta kha chuan, uite lem lunga siam dawn mai pawh chu thil lawmawm ve tak a ni! 

Pathian erawh chuan thilpek chatuana awm tur a pe che a: kalkawng thar hlak a ni. 

Ka fapa duh takin min thihsan hnu pawhin chu thilpek chu ka tan a hlu zual deuh deuh a ni. Vanah chuan fa ka duh tak chu a awm tawh a. Ka ṭhian ṭha tam tak pawh vanramah chuan an awm bawk. Ka pa leh nu leh unaute pawh vanramah chuan an awm. Ka fapa Matthew-a khan min rawn be thei sela chuan he thu hi a sawi ngei ang, “Min hrilh ṭhin dan ai khan a nuam daih a nia aw a ti ang. I lo kal ve hun ka van nghakhlel em,” a ti ngei ang. 

Ka fapa chu engtin nge vanramah a awm tih ka hriat theih? A chhan chu Pathian thilpek hlu ber chu a lo pawm tawh a ni; Isua Krista chu a Lal leh Chhandamtu atan a pawm tawh a ni. Matthew-a chuan chatuan nunna chu a pawm tawh. Rinna hmanga chu thilpek pawm tawhtute apiang chuan chu chhandamna chu an chang tawh a ni. Bible chuan hetiang hian a sawi: “Rochan chhe thei lo, bawlhhlawh kai lo, chuai thei lo, vâna in tâna khêk chu, hmuhna tûrin.” [1 Peter 1:4]

Pathian chuan Krismas thilpek hmasa ber chu a pe tawh che, i tana thiin vanram i kaina kawng a sial a ni. Isua kaltlang chuan nihna thar chu i lo nei thei a, i thlak danglam duh te chu i thlak danglam ta a, thlarau mi nangmah puitu tur che chu a pe bawk che a, vanrama i nihna thar tur chu a pe bawk che. 

Chutiang thilpek chu khawiah mah i nei ngai lo vang. I thilpek dawn zinga a ropui ber a ni ang. 

I thil tih tur awm chhun chu tlawm tak leh lawm taka chung thilpek dawn chu a ni. Bible chuan hetiang hian a sawi, “Pathianin mi duhsak bîk a neih lohzia ka hre chiang ta.  Hnam tin zîngah tu pawh amah ṭiha, thil dik taka ti apiang a lâwm zâwng mi an ni” tiin [Tirhkohte 10:34-35].

Kawngka chu zau taka hawn a ni. Vawiin hian Isua thilpek chu thlang ang che, amah hmangaihtu leh zuitute tana a buatsaih chu i chang thei ang. 

“A thilpêk sawi hleih theih loh avâng hian Pathian hnênah lâwmthu awm rawh se.” (2 Korinth 9:15].

Ngaihtuah zui atan. 

• Pathian chhandamna thilpek chu i chang tawh a nih chuan Pathian thilpek dangte chu i lo dawng ve tawh em – nihna thar, nihna inthlak danglam theihna, Pathian mite leh kawng thar chu? Eng vangin nge? 

• Eng vangin nge Pathian chuan chatuan atan mai ni lova he khawvela kan awm chhung atan pawh thilpek chu min pek? 

• Pathianin Isua hmanga thil thlawnpek min pêkte chu midang hre ve tur an awm em? Engtin nge i tih tak ang? 

Isua kaltlanga Pathian chhandamna thilpekte chu i lo chang ve tawh em? 

Eng ang pawhin lo awm tawhin khawi hmunah pawh lo awm tawh la, Pathian chatuan chhungte chuan nghaktu leh thlir rengtu i nei e. Sawmna chu zau taka hawn a ni e. Ring la chang mai rawh. 

I inpeih tawh em? He ṭawngṭaina hmang hian bul ṭan ang che: “Lalpa duh tak, ka thih hun chuan ka nun chungchang ka la sawi dawn tih ka hria. I lakah thil sual ka lo ti tawh tih ka hria a, keima ruahmanna nangma duh dan ni lo ang chuan ka lo khawsa tawh ṭhin. Chu chu thlak danglam ka duh a, a thara bul ṭan leh ka duh a ni. Sual kalsana i lam pana kal chu ka duh e. 

Ka thil sual tih zawng zawng avanga hremna chu kei thi tur hian Isua zara ka pumpelh avangin lawmthu ka hrilh a che. I ngaihdamna chu ka phu lo tih ka hria. I khawngaihna chauh chuan min chhan thei tih ka hria, Lalpa. Hmun famkimah chuan lut turin ka famkim ngai dawn lo tih ka hria. 

“Isu, min hmangaih em avangin ka sualna zawng zawng chu i lo phur ta a, lawmthu ka hrilh a che. Vanram kai tlakin min siam a, min chhandam turin ka ngen a che. Isu, nangmah chu ka ring a che. Min chhandam nghal a, chiang taka min chhandam a, chhandamna famkim min pe a, chatuan atana min chhandam thei a ni tih ka hria. Isua hmingin ka dil a che. Amen.” 

Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e. 

*[Lettu:* Peka]

Wednesday, December 24, 2025

PATHIAN THILPEK HI THILTIHTHEIHNA I MAMAWH CHU A NI

_Thlirna Thlak Danglam_

- Rick Warren
- December 24, 2025
"Pathianin hlauhna thlarau min pe lova, thiltihtheihna leh hmangaihna leh rilru fel tak neihna thlarau min pe zawk si a," 2 Timothea 1:7.

Pathian min pek chhandamna hi i pawm a nih chuan i theihna rinchhan a ngai tawh lo. Pathian thiltihtheihna i nei tawh a ni. Pathianin thahrui thar, chakna thar leh theihna thar a pe che a ni.

Vawi eng zat nge thil thlak danglam i tum a, i theih si loh? Kum thar thutiam kan nei a, kar khat te, thla khat chauh ten a daih a. Eng vang nge? theihnain awmzia a nei lova. A kang chat zo tawh a ni.

Nangma chakna leh theihna kha i mamawh lova. Pathian thiltihtheihna i mamawh a ni!

Rom 5:5 chuan,"Thlarau thianghlim kan hnena min pek khan Pathian hmangaihna chu kan thinlunga a leih tawh avangin beiseina chuan a timualpho lova," a ti.

Pathian chu Thlarau Thianghilm hmangin kan hnenah a inleih baw tawh. A awmzia chu min tanpui tur chauh a ni lova. Kan vela awm tur chauh pawh a ni lova. Kan hnena awm tur leh hna thawk tur chauh pawh a ni lo. A Thlarau keimahni a dah turin a ni. Chu thil chu Pathianin Krismas a a thilpek Isua Krista i lo dawn khan a lo thleng a ni.

Keimahni theihna hmanga thil thlak danglam kan tum hian kan hah a, kan beidawng thin. Mahse Pathian chuan  bul tan tha leh turin chakna min pe a ni.

Hei hi tum chhinna ni lovin, rinna a ni.

Inthiam lohna avangin mahni a thil thlak danglam mai tum suh. Awmzia a nei lovang. Inthiam lohna kha i nun atan i mamawh lova, Pathian khawngaihna i mamawh zawk a ni. Dan lam thil i mamawh lova, hmangaihna i mamawh zawk a ni. Hmangaihna chuan min tidanglam thei. Pathian hmangaihna a i inchhun khah nasat zawh poh leh danglam tur a thiltihtheihna i nei dawn a ni.

Bible chuan 2 Timothea 1:7-ah chuan, "Pathianin hlauhna thlarau min pe lova, thiltihtheihna leh hmangaihna leh rilru fel tak neihna thlarau min pe zawk si a," a ti.

Thiltihtheihna tam zawk neih i duh em? Hmangaihna tam zawk? Mahni inthunun theihna tam lehzual? A nih chuan Pathian Thlarau, he Krismas a Isua hmanga thilpek hi i mamawh chu a ni.

Ngaihtuah zui atan

Ringtu i lo nih hian Pathian thiltihtheihna chu engtin nge i lo kal tlang ve? Pathian hian Thlarau Thianghlim tanpuina chang turin kawng awlsam nge kawng harsa a siam i rin?

Eng vangin nge mahni inthiam lohna hi infuihna sawt tak a nih loh?

I nun thlak danglam turin Pathian thiltihtheihna eng ber nge i mamawh?

[ *Lettu: Marova Punte* ]

Tuesday, December 23, 2025

PATHIAN THIL TUM CHUAN MI THINLUNG A HNEH ṬHIN

_Thlirdan Thlak Danglam_

- Rick Warren 
- December 23, 2025
_"Lalpa chhiahhlawh ka ni a, a duh apiang ti turin ka inpeih reng e"_ (Luka 1:38, TLB)

I tana hun ruat chu i zawhna neihin nasa takin a hril. Zawhna zawh kawngah i huaisen a i rinawm zawh poh leh i kal thui zel ang.

Krismas hmasa ber a thlen hma khan Mari, Isua nu ni ta khan amah leh amah kha zawhna huaisen tak leh pawimawh tak a inzawh a ṭul: Pathianin ka tana a hun ruat hi ka pawm ang em tih zawhna hi.

Mari chungchangah hian ngaihdan dik lo tam tak a awm. Mahse Mari mibik ni tura siamtu chu Pathianin a tana a hun ruat a pawm tlat kha a ni. Pathianin a kohna zawnah Pathianah rinna a nghat ngam tlat.

Bible chuan Mari chanchin heti hian min hrilh: _"Tin, a thla ruknaah chuan Pathianin vantirhkoh Gabriela chu Galili rama khaw pakhat Nazaret an tihah chuan, nula thianghlim pakhat hnenah a tir a, chu nula chu Davida thlaha mi a hming Josefa nupui hual a ni a; nula hming chu Mari a ni. Tin, vantirhkoh chu a hnenah a lut a, 'Chibai, Vohbik! Lalpa i hnenah a awm,' a ti a. Tin, chu mi thusawi avang chuan a mangang ta em em a. "_ (Luka 1:26-29) 

Mari kha a la naupang hle a. Vantirhkohin a hnenah, "Pathianin khawvel tan chhandamtu a tir dawn a, mihringte anga lo piang turin. Nula thianghlim la ni mahla chu naute nu tur chu i ni" tiin a hrilh tawp mai. 

Marin engtinnge a lo chhan? _"Mari chu a mangang em em a . . ."_ Mari kha a mangang a ni. Engnge tih tur, engnge sawi tur, tu hnenah nge hrilh tur tih a hre lo. "Tuma'n min ring dawn lo. Ka nu emaw, ka ṭhiante emaw, Josefa ngei pawhin min ring lovang" tiin a ngaihtuah ngei ang. A hlauthawng a ni.

Heti hian a thawnthu chhunzawm a ni: _"Tin, vantirhkoh chuan a hnenah, 'Mari, hlau suh; Pathian ngaihsakzawng i ni e. Ngai rawh, i rai ang a, fapa i hring ang a, a hmingah chuan Isua i sa tur a ni. Ani chu mi lian a la ni ang a, Chungnungbera Fapa an ti ang; Lal Pathianin a hnenah a thlahtu Davida thutphah chu a pe ang a; Jakoba thlahte chungah chatuanin a lal ang a, a ramin kin ni a nei lo vang,' a ti a."_ (Luka 1:30-33)

Hei hi mihring pian dan phung pangngai ang mai a ni lo. Chu nau chu Pathian Fapa- Messia, Chhandamtu tur chu a ni.

Engtinnge Mari chuan a lo dawnsawn le? Heti hian a chhanna The Living Bible chuan a letling, _"Lalpa chhiahhlawh ka ni a, a duh apiang ti turin ka inpeih reng e"_ (Luka 1:38, TLB).

Engvangin nge Pathianin hmeichhe dang zawng zawng aiin Mari kha Messia nu ni tura a thlen le?

A zir thiamna vang a ni lo. Engmah a zir lo. A hausak vang a ni bawk lo. Thingtlang nula rethei ve te mai a ni. A puitlin vang pawh a hi hek lo. Tleirawl mai chauh a la ni. Engvangin nge Mari chu Pathianin a thlan si?

A chhan chu Pathianah rinna pumhlumin a nghat a, harsatna, hriatthiam lohna leh sawiselna dawng dawn mahse Pathian remruat a pawm tlat a ni.

Engtinnge i tih ve dawn le? Pathian remruatah aw i ti ve ngam dawn em- i kawng chu ringhlelin harsa dawn tih hre mahla? Pathian remruat chu i tan a ṭha ber tih ring ngam rawh, i remruat ve theih zawng zawng ai pawhin.

Ngaihtuah zui atan.

* I hlauh avang emaw i hriat chian loh avang emawin Pathian kohna i hnial tawh em? Engnge a rah?

* Hlau chung leh chiang lo riau chungin Pathian kohna i chhang tawh em? Engnge a rah?

* "Vawiin hian Pathian remruatna pawm turin ka inring em?" tiin inzawt teh. Engnge i chhanna? 

*[Lettu: Sangpuia]*

Monday, December 22, 2025

TU IN NGE TI ZALEN DAWN CHE?

_Thlirdan Thlak Danglam_

- Rick Warren 
- December 22, 2025
"Heng hi hria ila: kan mihring hlui chu a hnenah khenbehin a awm ve ta, sual pu taksa chu tihborala a awm theih nan, tun achinah sual bawiha kan awm lohna turin. Tupawh thi tawh chu sual lakah a chhuak tawh si a." (Rom 6:6-7) 

Amaha rinna nghat apiangte hnenah Pathianin zalenna ropui tak pali a pe. A hmasa pahnihte chu kan zir tawh a: chhia leh ṭha hriatna thiang tak leh mimala Pathian pawhna nun. Zalenna pathumna chu thil dik ti tura chakna hi a ni. 

Mi tam tak chuan zalenna kan tih hian dan awm lo, chin tawk awm lo leh inkhuahkhirhna awm lo emaw an ti ṭhin, mahse chu chu zalenna thlir dan zim tak a ni. Chutiang ni lovin zalenna chu Pathianin i tana ṭha tur thilte chunga "Awle" i tih ngamna tur leh i tana ṭha lo tur thilte chunga "Aih" ti ngam tura chakna a pek che kha a ni. 

"Aih" ti tura chakna i neih loh chuan a sawifiahna ṭawngkam a awm: ngawlveina. Chu chuan rilrua vei ngut ngutna leh tur luihna a thlen ṭhin. Bible chuan heti hian min zirtir, "Mi ngamtu apiangin chu mi ngei chuan bawihah a siam ṭhin a ni." (2 Pet. 2:19) 

Nu leh pain an fanu leh fapa hnena an "vanram" zawng tura an fuih thu ka chhiar fuh nawlh tawh. An ni chuan ri kham chin a nei lova, ruihtheihthil leh mipat-hmeichhiatna pawh hman an phalsak. Kum 25 bawr vel an nih chuan an nunna chu thunun zawh rual a ni tawh lo. 

A mipa zawk chu a harhchhuak thuai a, "Ka zalenna hi zalenna a ni hauh lo mai. Pawn lama a lan danah chuan hlim taka nun chên angin ka lang a. Mahse chhungrilah chuan hlauhna, him lo nia inngaihna leh tihluihnaten min phuar vel tlat. Mahni lak ata min hruai chhuaktu tur ka mamawh ta hle mai. 

Chu chu mi zawng zawng mamawh a ni: keimahni nun saltanna ata min hruai chhuak turin. 

"Engvangin nge ka hmangaih berte chungah ka thinrim thut? Engatinge englai pawhin chiaina leh hlauhna ka neih? Engtinnge ka tihtawp ang? Hengte hi i nuna i thlak danglam duh, mahse i theih si loh kha a ni mai. Heng ti tura chakna chu Pathian hnen aṭang chauhin a lokal ang. 

Rom 7:24-25 ah chuan Paulan heti hian a sawi, "Mi rethei ka va ni tehlul em! He thihna taksa lakah hian tuin nge mi chhan chhuak ang? Isua Krista kan Lalpa avangin Pathian hnenah lawmthu ka sawi a ni." 

Engvangin nge Isua hi a chhanna a nih? Isuan heti hian min tiam, "Chutichuan Fapain bawih a ban che u chuan in chhuak tak meuh ang." (Johana 8:36) 

Zalenna hi chintawk awm lo tihna ngawt a ni lo. Zalenna hriatthiam dan tharah chuan kan hriselna tana ṭha turah te, hlimna tipung theite leh kan nunna pawimawhnaa khat tur atana "Aw" tih ngam hi a ni. Zalenna hriatthiam dan tharah chuan thil dik ti tura huaisenna a keng tel. 

Ngaihtuah zui atan. 

* 2 Petera 2:18, "Mi ngamtu apiangin chu mi ngei chuan bawihah a siam ṭhin a ni."(2 Pet. 2:19). Engvangin nge Pathianin sual a huat em em ni a i hriat? 

* Mahni theihna hmachhuana nun thlak danglam i tum hun kha  han ngaihtuah teh. Engtinnge hna a thawh? 

* Kan zirlai aṭang hian, ruihhlo ngawlvei, ruihhlo thlah duh tlat lote hi engtinnge i kawm ang?

[Lettu: Sangpuia]

Sunday, December 21, 2025

PATHIAN BE PAWP TURA PHALNA PEK RENG I NI

_Thlirna Thlak Danglam_

- Rick Warren 
- December 21, 2025
_"Chu Krista Isua kan rin avang chuan zalen tak leh ngam taka Pathian hnen luh theihna kan nei."_ (Ephesi 3:12, NIV)

Isua chhandamtua i pawm chuan zalenna ropui tak pathum a pe che. A hmasa ber chu hriatna thiang tak a ni a. I sual a ngaidam che a i thiam lohna a nawt reh a ni.

Zalenna pahnihna chu mahnia Pathian hnen thlen theihna a ni. A chhungkaw zinga mi a fa i ni a, engtik lai pawhin khawi hmunah pawh - ni khata darkar 24 chhung, kar khata ni 7 chhung, amah i be thei.

Khawvel pumpui hian Pathian hnen thlen theihna a nei tih hi ngaihruatna mai a ni. A dik lo a ni! Pathian a Fapa Isua Krista kaltlang chauha a hnen thlen theihna min pe.

Bible chuan heti hian a ti, _"Chu Krista Isua kan rin avang chuan zalen tak leh ngam taka Pathian hnen luh theihna kan nei."_ (Ephesi 3:12, NIV)

Concert-naa duh hun huna luh theihna "phalna" min pek ṭum ka nei tawh a. Dawhsan phena mite hnenah va kalin duh duh kha ka be thei a, tuma'n min dang thei lo!

Chutiang zalenna chu Pathian chhungte zinga i tel huna i neih tur a ni. Pathianin englai pawha a hnen thlen theihna tur a pe che. Sawmna emaw inhriattirna emaw i neih a ngai lo. A chhan chu a fa i ni a, nilengin, nitin, englai pawhin a hnen thlen theihna i nei.

A chang chuan miten, "Pu Rick, khawngaihin min ṭawngṭaisak rawh" an ti ang, anni aia ka ṭawngṭaina a ṭhat zawk an rin vang a ni mahna. Keimah ang thoin Pathian biak pawh theihna an nei. Engtik lai pawhin, eng vang pawhin Pathian an be thei a ni.

Ṭawngkam thiam a ngai lo a, i lu i kun emaw, lirthei khalh lai i tihdin emaw, hnathawh lai i chawlh emaw a ngai kher lo. Nilengin i ṭawngṭai zawm zat thei, i tawpnaah i chhunzawm leh mai anga. Chutiang chuan Pathian ka be fo.

_"Pathian lalṭhuttleng hmaah zalen takin kan kal thei. Kan mamawh hun apiangin khawngaihna leh zahngaihna kan dawng thei,"_ (Hebrai 4:16) hi zalenna ropui a va ni em. 

Pathian chhungte zinga i lo telin hriatna fiah tak leh mahnia Pathian biak theihna zalenna pek i ni. Naktukah zalenna pathumna: thil ṭha tih theihna, tih kan zir ang.

Ngaihtuah zui atan.

Ṭawngṭai kaltlanga Pathian duh duh huna i biak theihna kha engin nge dal?

Engtinnge i ṭawngṭaina i tihkhirhkhan?

Nilenga Pathian i biakin eng thil nge i sawi theih ang? 

[Lettu: Mapuia Fanai]

Saturday, December 20, 2025

HRIATNA THIANGHLIM TAK HI THLARAU LAMA THILTIHTHEIHNA A NI

_Thlirna Thlak Danglam_

- Rick Warren 
- December 20, 2025
_"Fapain a chhuah zalen che u chuan in zalen ngei ang."_ (Johana 8:36, NIV)

Miin zalenna an ngaihtuah hian sakhuana emaw ram inawpna ata zalenna emaw hi an ngaihtuah fo. Mahse chu aia thuk zawk zalenna a awm: thlarau nun zalenna hi.

Mi tam tak chu thlarau nunah zalen takin an nung lo. Kiltina phuar an ni a. An hah tawng khawng a, an lungngai a, an chau a, engkim an ning a, an nun a kha a, inthiam lohna an nei a, an inchhir a, an hlauthawng a, an chiai bawk. Ram zalen takah cheng mahse thlarau nunah an zalen lo thung si.

Isuan Johana 8:36-ah heti hian a sawi, _"Fapain a chhuah zalen che u chuan in zalen ngei ang"_ (NIV). Hetah hian Isuan amah a insawi a. "Ka zalentir che u chuan in zalen dawn tak tak tihna a ni" a tihna a ni.

Hei hi zalenna danglam ka tih chu a ni. Kan hmabak zirlaiah Isua Chhandamtua i pawm tak tak hnua zalenna ropui tak a pek che pathum kan zirho dawn a ni.

Ringtu nuna zalenna ropui tak hmasa ber chu chhia leh ṭha hriatna hi a ni. Pathianin i sualna leh thiam lohna zawng zawng a tlen fai vek khan a lo thleng. I thil tih sual zawng zawngte leh i la tihsual turte kha nawhrehna lian takin a nawt reh vek a ni.

Petrol lakna hmun pakhatah heti hian thuziak a lo intar a, "Lirthei khawl (engine) fai ṭha chuan chakna a pe chhuak tam bik" tiin. Hei hi kan hriatnaah pawh hian a dik hle. Thiam lohna hi kan rilru tichhetu berte zinga pakhat a ni. A delh rit che anga, i hnuk hniam ang che. Mi tam tak chauhna chhan chu an sualna/thiam lohna nasa tak an kokia an put vang a ni.

Mahse Bible chuan heti hian a ti, _"Pathianin kan zalenna leiin kan sual a ngaidam tawh a ni"_ (Kol. 1:14, NLT). Isuan i zalenna kha a thisenin a lei tawh a. A thihna kha sakhaw mi i nihna tur ni lovin i zalen nan a ni.

Isua ringtute hi thiam loh inhre rengin an nung tur a ni em? Aw ni e, mahse rei lo te atan chauh. Heti hian sawi ta ila, thil sual i tih rual chiah khan, Pathian hnenah inpuang la, thiam lohna lak ata zalen rawh.

Suala awm reng hi Isua zah lohna a ni, krawsa a thihna kha engmah lo mai niin mahse inhrem i ngai ta ni awm fahrana i awm avangin.

Mahse heti hian nitin ngaihtuah zawk rawh, "Isuan a man a pe vek tawh a, lungngai tur ka ni tawh lo" tiin. Isua chu chu a thlentir tlat a ni!

Pathian duhzawng chu sual phurrit i phurh tawh loh kha a ni a. I zalen a duh a ni.

Zalenna danglam chu hriatnaah a ni a. Mi famkim i ni tihna erawh a ni lo. Mahse ngaihdam i ni tihna a ni, chu chu chanchin lawmawm tak a ni!

Ngaihtuah zui atan.

Engvangin nge thlarau zalenna hi zalenna thuk ber a nih?

Engtinnge sual puanna leh simna hian zalen taka a nung tura a puih che?

Isuaa zalennain a tihdanglam che ang hian engtinnge midang i hrilh ang? 

[Lettu: Mapuia Fanai]

Friday, December 19, 2025

I THILPHAL KHAN ISUA I ANG LEHZUAL

_Thlirna Thlak Danglam_

By Rick Warren
December 19, 2025
“Chutichuan, a fa duh takte angin, Pathian awm dân latute ni rawh u. Tin, Kristan a hmangaih che ua, rimtui atân Pathian hnêna thilhlanah leh inthawinaa kan aia a inpêk ang bawk khân, hmangaihnaah awm rawh u.” [Ephesi 5:1-2]

Engkima mi thilphal chi i nih chuan i nun pumpui chu kawng engkimah a inthlak danglam zel ang. Rosum duhna [materialism] kha a tla hret hret ang a, i thinlung erawh a hahdam deuh deuh ang. 

Mahse chu aia pawimawh zawk chu a lo thleng ang: Isua i lo ang deuh deuh ang. 

Isua ang tih chu engnge a awmzia? A nihna pawimawh tak pakhat chu a thilphalna em em kha a ni a. I thil neih zawng zawng – boruak leh tui, i thluak leh lungphu, i thiamna [talents] leh hun tha neih te, mite nena in inlaichinna leh bungrua te – Pathian thilphalna aṭanga i dawn vek an ni. Dik tak chuan, Pathian thilphalna tel lo chuan engmah i nei lo vang.   

Isua chu thilphalna kawnga mite entawn tlak em em a ni. Bible chuan, “Kan Lalpa Isua Krista khawngaihna ngahzia chu in hria e; a retheihna avânga in lo hausak theih nân, hausa hle mah se, nangmahni avâng ngeiin a lo retheih tâk kha,” tiin a sawi. [II Korinth 8: 9] 

Isua Krista chu Pathian a ni a. Vanram ropuina zawng zawng a nei a, mahse chu chu kalsanin khawvelah a lo kal a chhungkaw tlawm tak rawn belin ran chennaah a rawn piang a ni. Chu chu mihringin a hniam theih dan ber a ni. Chu chu eng vangin nge a tih? Ama tana ti a ni lo. 

I tana ti a ni. 

Miin midang tana a thilphal theihna sang ber a ni: “Pathianin khawvel a hmangaih em em a, Chutichuan a Fapa mal neih chhun a pe a” tih a ni bawk [Johana 3: 16] 

Eng vangin nge Pathian chuan thilphalna nun nei turin a duh che? A chhan chu amah ang ni turin a duh che, a awmzia chu thilphal ve turin a duh che!

Bible chuan, “Chutichuan, a fa duh takte angin, Pathian awm dân latute ni rawh u. Tin, Kristan a hmangaih che ua, rimtui atân Pathian hnêna thilhlanah leh inthawinaa kan aia a inpêk ang bawk khân, hmangaihnaah awm rawh u,” tiin a sawi [Ephesi 5:1-2]

Pathian chuan khawvelah hian nangma tan ringawta nung turin a dah lo che. Midang tana nung a, midang ṭhatna en turin a dah che a. A nihna tarlang turin a dah che. 

Vawiin chuan Isua thilphalna chu engtin nge i lantir theih ang? I hun, i sum, i theihna, hmangaihna hmanga i thilphal apiang khan amah anna kawngah i lo thang lian deuh deuh tihna a ni e. 

Ngaihtuah zui atan. 

Engtik laiin nge i thilphal avangin rosum duhna [materialism] chu i neih tlem zel? 

Isua anga mi thilphal nih i duh chuan engtin nge i hun, thil neih leh thiamna te chu i hman chhuah ve ang? 

Ṭawngṭai la, tun karah hian Pathian chu midang tana malsawmna ni turin dil la chutianga kawng kawh hmuh tur che chuan dil bawk ang che. 

[ *Lettu:* Peka]

Thursday, December 18, 2025

THILPEKA LAWMNA NEIH DAN

_Thlirna Thlak Danglam_

By Rick Warren
— December 17, 2025
“Englo lâk aiin pêkin lukhâwng a nei zâwk.” [Tirhkohte 20:35]

Thilphalna chungchangah chuan a zir dan kawng awlsam ber chu midangte aṭanga zir a ni. 

Ka nu leh pate aṭangin kei pawhin thilphal ka zir ṭhin. An thil neih ṭhahnam tak an pe chhuak lai hmuin ka ṭhanglian a. Mite an chhawmdawl a, an sum leh an ei in te an pe chhuak ṭhin. An hun, tha leh zungte an sawr chhuak bawk. An thil neih leh thilpekte chu phal takin an chhuahpui a, an hlim hle ṭhin tih pawh ka hre thei a ni. 

Bible chuan thilphalna chungchang chiang takin a sawi: chu chu Makedonia kohhran kha a ni. An chungchang tirhkoh Paulan a sawi dan chu hei hi a ni: “Unaute u, Pathianin Makedonia rama Kohhrante khawngaihna a pêk thu hi kan hrilh duh che u a ni.  Hrehawm nasa taka fiah an ni chungin an lâwm ta êm êm a, an pachhe hle chung pawhin an thilphal êm êm a ni,” tiin. [2 Korinth 8: 1-2]. 

Makedonia kohhrante khan anmahni buaina chinfel tur an nei ve tho. Rom Lalram kha Nero-a a lal lai a nih avangin “fiahna nasa tak” an hmachhawn a ngai a. Chu hun chu Kristian an nih vang ringawt pawha an thih theih hun a ni hial. Makedonia kohhrante khan an rinna avangin tihduhdahna an tuar a ni mai lo va, an rethei em emin sum leh pai kha an mamawh em em ve tho a ni. 

Mahse “an nun kha a ropui em avangin” an harsatna khan an thilphalna kha a tidanglam tak tak ngai chuang lo. Pek loh theih lohva an ngaih vanga pe an ni ngai lo. Lawm takin an pe chhuak ṭhin. 

Bible chuan, “Englo lâk aiin pêkin lukhâwng a nei zâwk,” tiin a sawi. [Tirhkohte 20:35]

Ka naupan deuh lai chuan he Bible chang hi ka rin zawng a ni lem lo. Ka la puitling tawk lo bawk a, ka ngaihdan chuan pek chhuah chu dawn ai chuan nuam lo zawkah ka ngai mai a. Tichuan Krismas chu keima mimal thuhla mai niin ka ngai: “Eng nge ka neih dawn?” tihte ka inzawt hmasa ṭhin. 

Ka chhungten thilphal min zirtir an tum avang chuan thilpek hlimna te pawh chu ka tem ve ta hlek hlek a. Ka puitlin ve deuh deuh ang zelin a peka pek chhuahah chuan hlimna a tam zawk a ni tihte chu ka lo hmu thiam ve ta bawk. 

Tute emaw tihluihna emaw phutna avanga pe-ah i inngai a nih chuan a hrehawm hle ang. Hei hi han ti ve chhin teh: Lawm chungin pe chhuak la, Pathian chuan i mamawh a pe zel dawn che tih hria ang che. Dik tak chuan, thilpek hlu ber chu a lo pe daih tawh zawk che a ni: chhandamna thil thlawnpek Isua Krista chu a pe tawh che.  

Ngaihtuah zui atan. 

• Tuin nge thilphal zirtir che? Chu chuan midang tana thil phal ve turin eng tiang chiahin nge a kaihhruai che? 
• Mite thil eng emaw i pek chhuah dawn chuan nei tam tawk lo leh pek chakna pawh nei mang lo chunga i awm lai chuan Pathian thutiam nangmah fuihtu che chu engnge ni? 
• Engnge tun karah hian lawm taka i pek chhuah tur chu? 

[ *Lettu:* Peka]

Wednesday, December 17, 2025

PHUT NEI LO THILPHALNA HI TAM LAM A NI LO

_Thlirna Thlak Danglam_

- Rick Warren
- December 17, 2025
"Inpeihna chu a awm phawt chuan, mi a neih loh pui ni lovin, a neih angzia zela pek chu lawm tlak a ni si a," 2 Kor 8:12

Thilphalna hi pawisa han inpek ngawt aia nasa zawk daih a ni a. Nun kawng tinrenga thilphalna a ni.

Bible chuan thilphalna hi heti hian a sawi, "Kawng tinrenga thilphal hle turin a tihausa ang che u," tiin (2 Korinth 9:11).

Kawng tinrenga thilphal chu eng nge a awmzia ni ang? A awmzia chu i hun, fakna, khawngaihna, ngaihdamna, hmangaihna, inzahderna leh ngilneihna chungchanga thilphal hi a ni. A awmzia chu mi dangte i hriatthiam theihna tura ngaihthlak hi a ni a. A awmzia chu mi dangte mamawh hre tura ngaihsak hi a ni.        

Mahse Pathian chuan engzata tam nge i pek tih a ngaihven lova. Eng vangin nge i pek tih leh engtin nge i pek tih a ngaihven zawk a ni. I pekna thinlung kha a ngai pawimawh zawk. Hei hi thilphalna satliah leh phut let nei lova thilphalna danglamna chu a ni.

Phut let nei lova thilphalna hi thil tam lam ni lovin, thil thlir dan zawk hi a ni.

Bible chuan heti hian a sawi," Inpeihna chu a awm phawt chuan, mi a neih loh pui ni lovin, a neih angzia zela pek chu lawm tlak a ni si a," 2 Kor 8:12. 

Pathian chuan i pawisa, chem kalna leh i hun a mamawh lo. Dik tak chuan, i lak aṭang khan engmah a mamawh lo. A duh chu i thinlung kha a ni a. I hmangaihna kha a duh a ni. Bible chuan, "I ro awmna apiangah i rilru pawh a awm ang," a ti (Matthaia 6:21). Krista hnena i nun i hlan chuan i thinlung pawh a hnenah a awm mai dawn a ni.

I thiltih lam emaw, i thilphalna emaw aiin, i pekna rilru zawk kha endik a pawimawh. Eng vangin maw? A chhan chu Pathianin, 'In tih apiang chu Lalpa Isuaa hminga ti" vek turin Pathianin min ti a (Kolossa 3:170. Phut let engmah nei lova thil pe turin min duh a ni.

Ni reiloteah, beisei let nei lova thilpekin rah a chhuah dan kan en ho ang a. Nang leh i bul vela mite nun pawh a thlak danglam dawn a ni.

Ngaihtuah zui atan.

Kohhrana pawisa pe turin engin nge nawr che? Mi dangte hnena pek chungchang hi eng nge ni ang?

Eng kawngin nge thilphal hi i hlimpui? Eng kawngah te nge thilphal hi harsa i tih?

Pawisa pek bakah eng kawngah te nge tunkarah hian thilphalna i lantir ang?

[ *Lettu: Marova Punte* ]

Tuesday, December 16, 2025

HARSATNATE HIAN CHATUAN ATAN AN BUATSAIH CHE

_Thlirna Thlak Danglam_

- Rick Warren 
- December 16, 2025
"Chu miah chuan nasa takin in hlim a ni, tunah (a ṭul chuan) thlemna tinreng avangin lungngai rih mah ula; in rinna fiahna, rangkachak meia fiah hnu pawha boral ṭhin aia hlu zawk chu, Isua Krista inlar hunah chuan fakna leh chawimawina leh ropuina tur a lo nih theih nan" (1 Petera 1:6-7) 

He leia dam khawchhuak tur chuan rilru dik put mai bakah mamawh dang i nei. Beiseina i mamawh. 

Petera lehkhathawn pakhatna bung khatnaah hian Isua Krista kaltlanga beiseina i neih theih chhan tur kawng nga min kawhhmuh. Ni liam taah te khan kawng 4 kan sawiho tawh a: 

° *I thlan hmain Pathianin a thlang che* 

° *Pathian chuan khawngaihna leh zahngaihna nen a enkawl ṭhin che* 

° *Pathian chuan i hmalam a vawnhimsak ang che* 

° *Pathian thiltihtheihna chuan a venghim ang che* 

A tawp ber atan chuan, *Pathianin chatuan atana a buatsaih che* avangin beiseina i nei thei ang. 

Pathianin i nuna i tawn apiang- a ṭha te, ṭha lo te, leh a duhawm lo te lamin- a hmang ṭangkai vek ṭhin. Hei hi hriatthiam hunah chuanni nunin awmzia a nei ṭan ang. "Lalpa, engatinge hei hi ka chungah a thlen?" tiin i zawt tawh lovang, a chhan i hre tawh tlat: Chatuan atana a buatsaih che avangin. 

Bible chuan heti hian a sawi, "Chu miah chuan nasa takin in hlim a ni, tunah (a ṭul chuan) thlemna tinreng avangin lungngai rih mah ula; in rinna fiahna, rangkachak meia fiah hnu pawha boral ṭhin aia hlu zawk chu, Isua Krista inlar hunah chuan fakna leh chawimawina leh ropuina tur a lo nih theih nan" (1 Petera 1:6-7) 

Helai chang hian harsatna chungchanga thil dik tak mai paruk a tarlang: 

*Harsatnate hi rei tak daih an ni lo.* Harsatnate hian chatuan an daih miah lo. 

*Harsatnate hi thil pawimawh tak an ni.* Harsatnate hi vanram lut tura buatsaihtu che pawimawh tak an ni. 

*Harsatnate hi chi hrang hrang an ni.* Harsatna inang lo tak tak, a thawh dan inang lo tak leh a luh thuk dan pawh inang lo tak tak i tawng ṭhin ang. 

*Harsatnaten i rinna an fiah ṭhin.* I tihrawl siam turin i thununin i sawizawi ṭhin. Chutiang chiah chuan i rinna fiah a nihin i rinna chu a ṭhang lian ṭhin. 

*Harsatnaten i rilru puthmang an thlifim ṭhin.* I nawmna aiin i nungchang Pathianin a chik zawk. I nungchang siamṭha turin harsatna a hmang fo ang. 

*I lawmman dawng turin harsatnain a buatsaih che.* He leia harsatna i tawhte hi vanrama i lawmman tur nen tehkhin rual an ni lo. 

Tuna harsatna i tawhte khan i nun an tihlim hauh lo. I tan natna thlentu an ni hial zawk ang . Mahse Bible chuan i rinna tichaktu an ni dawn tih chiang takin min hrilh. Tichuan i rinna chuan chhelna a pe ang che. 

Chuvang chuan tunah khan eng pawh tawk mahla beiseina i nei thei a ni. 

Ngaihtuah zui atan. 

* Engtinnge i nunah Pathianin harsatnate i rinna tichaktu atan a hmang ni a i hriat? 

* Engtinnge vawiin kan zirlai aṭanga thutak hriatna hian beiseina nena nun hman a zirtir che? 

* Vawiin kan zirlai hi i ṭhiante zinga tuten nge mamawh ve ni a i hriat? Engtinnge an hnenah i hrilh ve ang? 

*[Lettu: Sangpuia]*

Monday, December 15, 2025

PATHIAN THILTIHTHEIHNA CHUAN A VENGHIM CHE

_Thlirna Thlak Danglam_

- Rick Warren
- December 15, 2025
"Chhandamna, hun hnuhnunga lang tura peih sa chu hmu turin, rinna avangin Pathian thiltihtheihnaa ven chu in ni" 1 Pet 1:5

Beiseina hi a pawimawh a ni.

He khawvel ngui ruai anga lang thinah hian, Pathian thatna ber ber hi a la lang dawn chauh tih i hriatthiam a ngai.

1 Petera 1-ah chuan, i nunah eng pawh thleng se beiseina i neih theih chhan a sawi a. Nitin beiseina chung changa Pathian pawlnaah, a chhan kawng thum ka hrilh tawh che u :

*Pathian chuan i thlan hmain a thlang tawh che.*

*Pathian chuan khawngaihna leh zahngaihna nen a enkawl thin che.*

*Pathian chuan i hmalam a vawnhimsak che.*

Vawiinah chuan beiseina kan neih chhan tur palina kan zir dawn a ni: *Pathian thiltihtheihna chuan a venghim ang che.*

Bible chuan, "Chhandamna, hun hnuhnunga lang tura peih sa chu hmu turin, rinna avangin Pathian thiltihtheihnaa ven chu in ni" (1 Pet 1:5) a ti a. 

Dik takin sawi ila: kan vai hian beidawnna, puih theih nia inhriat lohna leh theih nei lova inhriatna dinhmunah kan awm theuh tawh a.

Mahse thudik tak chu, chu chu dawt a ni. I nunah Pathian Thlarau i neih phawt chuan beisei bo, puih theih loh leh theihna nei lo i ni ngai lova. Pathian chuan a theihnain a venghim dawn che a ti zawk a ni.

Tute in velah emaw kalin an bang velah "security system hmanga ven a ni" tih in tar i hmu tawh ngai em? Krista zuitu i nih angin, chutiang chu i ni ve tho a ni, "Pathian venhim" tih ve thungin.

"Venhim" tih 1 Pet 1:5 a mi hi a awmzia tak chu kulhvengtu sipai sawina a ni a. Pathian thiltihtheihna a ven reng i ni tihna a ni.

Nitin mai hian englai pawhin Pathian chuan a hmu reng che a, vengtu sipai ang mai hian. I nuna engkim mai hi Pa-kaltlang vek a ni. I sualna emaw mi dang sualna avanga harsatna thleng pawh hi a hmang tangkai thei.

Heng zawng zawngah hian i nunin eng nge tih tur a neih ve le? Awlsam te mawle: Pathian rin mai hi. Hmangaihna famkim, engkim tithei Pathian chuan a hual vel che a, chuvangin a theihnain a ven che ring chungin beiseina i nei zel thei a ni.

Ngaihtuah zui atan.

Vawiina harsatna i tawhte chungchangah Pathian chu vengtu sipai ang maia en a, venghimtu che a ni tih i hriatna khan engtin nge i nun a nghawng le?

* I nun engkimah Pathian venhimna hi i ringngam em? Eng vang nge?

* I nunah Pathian venhimna i tawng tawh em?

*[Lettu: Sangpuia]*

Sunday, December 14, 2025

PATHIANIN I HMA HUN A CHELH

_Thlirna Thlak Danglam_

- Rick Warren 
- December 14, 2025
_"Beiseina sang tak nen kan nung mek a, rochan suma lei rual loh- vana mi, thianghlim leh bawlhhlawh kai lo, sulrul leh engmahin a ei chhiat theih loh chu kan tan dah a ni si a."_ (1 Petera 1:3-4, NLT)

Khawvel han thlir vel ila beiseina reng neih tawh lohna tur chhan tam tak a awm thei awm e. Mahse Pathian thu chuan chiang takin a sawi: beiseina tur chhan ṭha tak i nei. Petera lehkhathawn pakhatna bung khatnaah a chhan panga kan hmu. Chung zinga pahnih chu kan zirlai hmasa lamah ka tarlang tawh:

*I thlan hma hauhin Pathianin a thlang hmasa che.*

*Pathianin khawngaihna leh lainatnain a enkawl reng ṭhin che.*

A chhan pathumna chu hei hi a ni:

*Pathianin i hma hun a chelh.* I nuna thil thleng chhunzawm chu engpawhnise, Isua Krista nen inzawmna nun in neih chuan Pathianin i hma hun a chelh tlat a. I chhandamna i hloh thei ngai lovang.

Bible chuan heti hian a ti, _"Beiseina sang tak nen kan nung mek a, rochan suma lei rual loh- vana mi, thianghlim leh bawlhhlawh kai lo, sulrul leh engmahin a ei chhiat theih loh chu kan tan dah a ni si a."_ (1 Petera 1:3-4, NLT)

Rochun kan tih chuan chhungkhat in nih avanga i rochun/neih kha a ni. A tlangpuiin tu emaw a thihin kan dawng ṭhin. Kan pianpui ang a ni.

Peteran vana i rochun sawi nan thumal leh thutawi panga a hmang:

*Suma lei rual loh:* A hlut em avangin suma teh rual a ni lo.

*Dah:* Vanrama lut tur chuan hmun i neih a ngai, chu chu Isua kaltlang chauha neih theih a ni. I tana hmun dah a nih tawh chuan thai chhiat theih a ni tawh lo.

*Thianghlim:* A lem a ni lo. A tak, pawlh dal loh, thianghlim tak a ni.

*Bawlhhlawh kai lo:* Ei chhiat theih a ni lo a. I hloh thei lo bawk.

*Sulrul leh engmahin a ei chhiat phak loh:* A chul lovang a, a thi lovang a, a hlutna a bo hek lovang. 

Pathianin i hringnun tawp lam a ziak zo tawh a. I chân leh theih tawh loh tur hmun i nei tawh! Chu chu i ring thei a, i beiseina i nghat thei tawh.

Ngaihtuah zui atan.

Pathianin chhandamna min pek hi him a ni tih hi engvangin nge rin ngam a pawimawh?

I chhandamna kha a him tih i ringhlel ṭhin em? 

Engin nge chu chu hnehtir ṭhin che?

I hma hun a him tih hriatna hian engtinnge i nun dan a tihdanglam? 

[Lettu: Mapuia Fanai]

Saturday, December 13, 2025

PATHIAN CHUAN ENG LAI PAWHIN I CHUNGAH KHAWNGAIHNA A LANTIR

_Thlirna Thlak Danglam_

- Rick Warren 
- December 13, 2025
_"Kan Pathian min Chhandamtu chuan kan chungah a zahngaihna leh hmangaihna a lantir lai khan thil ṭha kan tih vang ni lovin a khawngaihna avang zawkin min chhandam a. Kan sualte tleng faiin, Thlarau Thianghlim kaltlangin pianna thar leh nunna thar min lo pe a ni." _ (Tita 3:4-5, NLT)

I paltlang mek chu engpawh nise beiseina nen i nung thei ang. Chu chu Bible-in chanchin duhawm min pek chu a ni.

Petera lehkhathawn pakhatna bung khatnaah khan beiseina nena i nun theihna tur chhan panga i hmu ang. Nimin khan a chhan hmasa ber kan zir: *Pathian i thlan hmain aman a thlang che.*

Vawiin chuan a chhan pahnihna kan zir ang: *Pathianin khawngaihna leh lainatnain a enkawl ṭhin che.*

Petera khan ringtu ni tawhte hnenah heti hian a ziak a, _"Kan Lalpa Isua Krista Pathian leh Pa chu fakin awm rawh se. Ani chuan a khawngaihna nasa tak ang zelin, mitthi zing ata Isua Krista thawhlehna avangin beiseina nung hmu turin min hring leh a."_ (1 Petera 1:3)

Petera khan Pathian chu khawngaihna nei mi a ni mai lo - Pathian chu a *khawngaihna nasa tak* avangin a fak a ni.

Pathian khawngaihna leh lainatna i hriatchian poh leh Petera ang khan mak i ti zual sauh ang. Kan phu hauh loh a ni a. A hlutna kan ban phak hauh loh a ni. I thawh chhuah theih emaw i hlawh chhuah theih thil emaw a ni lo. Thil thlawn pek a ni.

Pathian khawngaihna chu a hmangaihnaah che a innghat. Tuna a hmangaihna aia nasa khan i inhmangaihtir thei tawh lo a. Tuna aia tlem khan i inhmangaihtir thei hek lo. A awmzia chu a khawngaihna che a danglam ngai lo tihna a ni.

Pathian thu, Bible chuan heti hian a ti, _"Kan Pathian min Chhandamtu chuan kan chungah a zahngaihna leh hmangaihna a lantir lai khan thil ṭha kan tih vang ni lovin a khawngaihna avang zawkin min chhandam a. Kan sualte tleng faiin, Thlarau Thianghlim kaltlangin pianna thar leh nunna thar min lo pe a ni."_ (Tita 3:4-5, NLT)

Hei hi hriatthiam a ṭul lutuk. Ringtu i nihna zawna thil i tihsualin i chungah Pathian a buai lo. Siamṭhat nghal che a tum lo a, i nun chawh buai tumin ke a pen nghal lo.

Heti hian Pathianin a ti: I chungah khawngaihna a lantir ṭhin. Engvangin? Isua Chhandamtu a i pawm rual khan Isua Krista thisena hliah khuh i nih tlat tawh avangin.

I buai apiangin Krista avangin Pathianin khawngaihnain a thlir ṭhin che. Chu chuan beiseina a pe thei che a ni.

Ngaihtuah zui atan.

Engvangin nge mi tam tak tan Pathian khawngaihna leh lainatna hi pawm a harsat i rin?

Pathian hmangaihna tiam chin nei lo i hre fo a. Mahse engtinnge Pathian khawngaihna pawh hi tiam chin awm lo a ni tih i hriat?

I hmelhriat tunge Pathian khawngaihna leh lainatna hriattir ngai? Tunkar chhung hian hnenah chu thu chu engtinnge i tlangaupui theih ang?

*Chhandam i nih nan Isua i ring tawh em?*

Bible chuan a Fapa Isua Krista i rin chauhin vanram i lut thei tih min hrilh. Pathian hmangaihna leh vanram hi thawh hlawh chi a ni lo. Bible chuan heti hian a ti, _"Rinna avanga khawngaihnaa chhandam in ni; nangmahni thawh chhuah a ni lo va, Pathian thilpek a ni; thiltih avang a ni lo ve, chutilochuan miin an chhuang dah ang e."_ (Ephesi 2:8-9)

Isua ringin a hnenah i la inpe lo anih chuan nghak khaw tlai tawh lo la. Heti hian ṭawngṭai rawh le:

"Isu, ka sualte i hmaa ka puana nang ka rin che chuan chhandam ka ni ang a, vanramah i hnenah ka chen ve tur thu min tiam a. Vawiin hian ka sualte puangin ka Chhandamtu i ni tih ka pawm e. Chhandamna hi ka thiltih vang ni lovin rinna avanga khawngaihnaa lo thleng a ni tih ka pawm e.

"Isu, i hmangaihnaah hahdam ka duh a. Ka thawh chhuah emaw ka lei emaw a ngaih loh avangin ka lawm e. I tan ka inhlan a, i chhungkuaah min lo pawm ve ang che. I hmingin ka dil e, Amen."

Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.

[Lettu: Mapuia Fanai]

Friday, December 12, 2025

PATHIANIN A THLANG CHE

_Thlirna Thlak Danglam_

By Rick Warren
— December 12, 2025
“Pa Pathian hriat lâwk anga thlan, Isua Krista thu awih tûr leh a thisena tlen fai tûra Thlarau Tihthianghlim in in ni a, in chungah khawngaihna leh remna tihpunin awm rawh se.” [1 Peter 1:2]

Kan khawvel keh chhe mekah hian mi tam tak chuan eng vangin an duh danin thil a kal loh tih chu an ngaihtuah fova. “Beiseina a la awm reng em?” tih chhanna chu an hre duh ṭhin. 

Beiseina chu thil pawimawh tak a ni. 

Nang leh kei pawhin beiseina dik tak kan mamawh – a eng zawnga thlirna [optimism] mai lo deuh a ni. A eng zawnga thil thlirna [optimism] chu rilru put hmang a ni a; engtiangin nge i ngaihtuah tihah a innghat. Beiseina chu Pathian thu nen kalkawp niin; Pathianah a innghat a, Pathian nena in inlaichinnaah a innghat bawk. A eng zawnga thlirna [optimism] chu thlirna hrisel a ni a. Beiseina chu rinna a ni. 

Petera lehkha thawn 1-na chu beiseina lehkhathawn a ni. Petera khan ringtu Rom Lalram hnuaia tihduhdan tuartute tan kha lehkhathawn kha a ziak a ni. 

1 Petera bung khat chang 1 aṭanga chang 7-ah khan beiseina nghet innghahna panga a ziak chhuak a. Ni eng emaw zat chu chung thil pangate chu a mal tetein kan zirho dawn a ni. 

Chutianga beiseina nghet neih dan chu hei hi a ni: Pathian chuan i thlan hmain a thlang tawh che. 

Bible chuan, ““Pa Pathian hriat lâwk anga thlan, Isua Krista thu awih tûr leh a thisena tlen fai tûra Thlarau Tihthianghlim in in ni a, in chungah khawngaihna leh remna tihpunin awm rawh se,” tiin a sawi [1 Peter 1:2]

I chhandamna chu thil thleng palh a ni lo. Pathian chuan amah i thlan hma daih tawh aṭangin amahin a thlang tawh che. A ngaihtuahna i ni a. Pathianin leilung leh vante a siam hma daih aṭang tawh khan nangmah siam che a lo tum tawh. 

1 Petera 1: 2 kha han en nawn leh teh. Hetiang hian a sawi, “Pathian remruatnaa anga thlan i ni,” tiin. Chu mi awmzia chu i nun atan khan Pathian chuan chhan mumal tak a nei. Chu chhan chu eng nge ni? Vanram atan a tithianghlim duh che. 

Ṭawngkam danga sawi dawn chuan Pathian chuan chatuan hun atan a kianga awm turin a thlang che. Chu chu thil ropui a ni! Dik tak chuan, i thil chan theih zinga thil ropui chungchuang bik a ni ang. 

I nunah eng thil pawh thleng ṭhin mah sela chu chu beiseina chu i neih chhan tur a ni. 

Chu beiseina nghet tak chu i nunah thuk zawkin zung kai zel rawh se. Nangmahin i thlan hmain Pathian chuan chatuan hun hmanpui tur chein a thlang tawh che. 
Ngaihtuah zui atan. 

• Eng vangin nge mi tam takte chuan beiseina nei lovin an talbuai? 

• Engtin nge Pathianin a thlang che tih hriatna chuan beiseina a pek che? 

• Pathian chuan vanram atan a tithianghlim duh che. Eng tiangin nge Pathian chuan i nun a tihthianghlim? 

[ *Lettu:* Peka]

Thursday, December 11, 2025

ENG VANGIN NGE ISUA A THIH?

_Thlirna Thlak Danglam_

By Rick Warren
— December 11, 2025
“Nimahsela, Isua Krista tlanna zârah Pathian chuan a khawngaihna avâng chauhvin chûng mite chu a thlâwnin thiam a chantîr ta, Pathianin ani chu a thisen rin avânga sual thupha chawina ni tûrin a ruat a, mi thiam a chantîr dân tilang tûra ti a ni.” [Rom 3:24-25]

Thilpek i lo dawn tawh zinga a hlu ber chu dawra lei a ni lo. Sum pai hmanga lei theih an ni hek lo. Lehkha mawia tuam pawh an ni lo. 

A Petu thil neih zawng zawng a ni bawk. 

Bible chuan Pathian khawvelah a Fapa a tir a, chu chu thilpek ropui ber a ni tiin a sawi. Nangmah siamṭha turin khawvelah a rawn tir a ni. Bible chuan, “Nimahsela, Isua Krista tlanna zârah Pathian chuan a khawngaihna avâng chauhvin chûng mite chu a thlâwnin thiam a chantîr ta, Pathianin ani chu a thisen rin avânga sual thupha chawina ni tûrin a ruat a, mi thiam a chantîr dân tilang tûra ti a ni,” tiin a sawi [Rom 3:24-25]

Tichuan Isua chu eng vangin nge a thih? A bulpuiah i kir leh teh ang. 

*Tumah famkim an awm lo.* Tute mah mi fel famkima inngai hi ka la hmu ngai lo. Keimah leh keimah pawh hi ka in teh tling lova, Pathian tehna phei chu ka va han phak lo dawn chiang em. Ka tisual vek tawh a ni. Bible chuan, “Mi zawng zawngin thil sual an ti vek a, Pathian ropuina chu an chang thei ta lo va ni,” tiin a sawi [Rom 3: 23].

*Pathian chu a dik a ni.* Pathian chuan inthliarna awm lova rorel a duh. Tuten emaw dan an bawhchhia a nih chuan hremna eng emaw a awm tur a ni. Tichuan mihring dan i bawhchhia a nih chuan mihring hremna eng emaw i tuar a ngai. Pathian dan i bawhchhiat chuan, Pathian hremna i tuar a ngai thung ang. Bible chuan, “sual man chu thihna a ni,” tiin a sawi [Rom 6: 23] 

*Isua chuan i sual man bat a tlaksak che.* Bible chuan, “Ama zârah Pathian ṭhatna kan lo chan ve theih nân, sual rêng rêng hre lo chu, keimahni avângin Pathianin sualah a siam a ni,” tiin a sawi [II Korinth 5: 21]. Isua chuan ka sual, i sual leh khawvel sual zawng zawng chu a phur vek a ni. Chu chu Chanchin ṭha a ni a, gospel a ni bawk. Isua chuan i sual man bat i pek tlak theih ngai reng reng loh tur chu a peksak che a ni.  

*Pathian thil thlawnpek chu i pawm thei ang.* Pathian chuan Isua chu kan sualna phur turin a chhandamna thil thlawnpek min pe. Thilthlawnpek kan dawn tur min pe a ni. Bible chuan, “Mi ṭhenkhat erawh chuan an lo lâwm a, amah an ring a, an hnênah Pathian fate nih theihna a pe a,” tiin a sawi [Johana 1: 12]  

Hei hi ka zawt nawn ang che: Pathian chhandamna thilthlawnpek chu i lo pawm thei ang em? Isua nena inzawmna awmzia hriat thiam chu thuhran a ni a. A thilpek a tak taka dawn chu thil dang daih a ni. 

Vawiin hian thutlukna pawimawh i siam ngei ka beisei. 
Ngaihtuah zui atan. 

• Chhandamna pawn lamah engnge thilpek i dawn tawh zingah ropui ber? Chu thilpek chu engah nge a ropui em em? 
• I bat tlak theih ngai loh tur Isuan a peksak che tih chu engnge a awmzia? 
• Pathian chhandamna thil thlawnpek pawm tih chu eng nge a awmzia? Eng vangin nge? [Chu thilthlawnpek chu i la dawng lo a nih chuan eng vangin nge i dawn mai loh vang?] 

Thilpek zawnga ropui ber chu i la dawng ve lo a nih chuan chu hun remchang chu nei ve ngei ngei la ka duh a ni. A chhandamna thutiam chu i ring a nih chuan he ṭawngṭaina hmang hian ṭawngṭai ang che: 

“Lalpa duh tak, ka thih hun chuan ka nun chungchang ka la sawi dawn tih ka hria. I lakah thil sual ka lo ti tawh tih ka hria a, keima ruahmanna nangma duh dan ni lo ang chuan ka lo khawsa tawh ṭhin. Chu chu thlak danglam ka duh a, a thara bul ṭan leh ka duh a ni. Sual kalsana i lam pana kal chu ka duh e. 

Ka thil sual tih zawng zawng avanga hremna chu kei thi tur hian Isua zara ka pumpelh avangin lawmthu ka hrilh a che. I ngaihdamna chu ka phu lo tih ka hria. I khawngaihna chauh chuan min chhan thei tih ka hria, Lalpa. Hmun famkimah chuan lut turin ka famkim ngai dawn lo tih ka hria. 

“Isu, min hmangaih em avangin ka sualna zawng zawng chu i lo phur ta a, lawmthu ka hrilh a che. Vanram kai tlakin min siam a, min chhandam turin ka ngen a che. Isu, nangmah chu ka ring a che. Min chhandam nghal a, chiang taka min chhandam a, chhandamna famkim min pe a, chatuan atana min chhandam thei a ni tih ka hria. Isua hmingin ka dil a che. Amen.” 

Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e. 

[ *Lettu:* Peka]

Wednesday, December 10, 2025

KUMIN KRISMAS-AH HIAN KHAWIAH NGE THINLUNG THLAMUANNA I ZAWN ANG

_Thlirna Thlak Danglam_

By Rick Warren
— December 10, 2025
“Thlarau Thianghlim thiltihtheihna azârah beiseinaa in khah theihna tûrin, beiseina hnâr Pathian chuan in rin avângin lâwmna leh thlamuanna tinrêngin vûr che u rawh se.” [Rom 15:13] 

I nuna Pathian a awm loh changin khawiah nge thlamuanna i zawn ṭhin? Pathian nena inzawmna tluantling i neih loh chang chuan khawiah nge thlamuanna i hmuh theih ang? 

Isua Krista chuan thil ropui tak pek tur che a nei. Hetiang hian a sawi, “Nangni thawk rim leh phurrit phur zawng zawngte u, ka hnênah lo kal ula, keiman ka chawlhtîr ang che u,” tiin.

He Bible chang ka duh chhan chu mi tam berten an ngaihdan letling chiah hi Pathian thusawi chu a ni tlat zel. Mi tam berte chuan Pathian chuan, “Ka hnenah lo kal la, dan leh tih tur ka lo hrilh ang che. Ka hnenah lo kal la, tichuan inkaihhruaina dan ka lo zamsak ang che. Ka hnenah lo kal la, tih loh tur ka lo hrilh ang che. Ka hnenah lo kal la, sakhuana ka lo pe ang che. Ka hnenah lo kal la, serh leh sang ka lo pe ang che” ti dawnin an hre ṭhin. 

Mahse Pathian chuan chutiang reng reng chu a sawi si lo. “Ka hnenah lo kal la, chawlhna ka lo pe ang che,” a ti mai zawk a ni. 

I hah a, i chau fo a nih chuan nangma chakna rinchhana nun i lo tum tawh ṭhin tihna a ni thei ang. Pathian chuan chutianga nung tur chuan a ti ngai lo che. 

Living Bible Paraphrase chuan hetiang hian min hrilh, “Chau leh hah te hnenah chuan chakna a pe a, mi chak lo hnenah chuan chakna a pe bawk a,” tiin [Isaia 40: 29]. 

Kolossa 1: 11 chuan heng hi a mite a tiam, “A thiltihtheihna ropui tak aṭanga chhuak chakna chuan kawng tinrênga chhelna leh dawhtheihna nei tûrin a tichak ang che u,” tiin.

Tun Krismas lo awm tuarh hian i hnual hlek emaw, enghelh i nei emaw, i buai emaw, lungkham eng emaw i nei a nih chuan Pathian hnenah lo haw rawh. Amah chu siamtu che a ni a, i nun pumpui entu che chu a ni, i nihna zawng zawng chu a hre vek che a, chuti chung chuan a la hmangaih chein a la ngaidam che a ni. 

A thlamuanna leh chakna huangah chuan lo haw turin a sawm che. Chutianga i lo haw chuan rilrua thlamuanna tak tak chu i nei nawn leh ang. 

Ngaihtuah zui atan. 

Engtiangin nge nangma chakna ringa nun i lo tum tawh ṭhin? 

I lungkham, buaina leh sualna nena Pathian hnena i lo kal changin Pathian chuan engtianga a tih che nge i rin? 

“Ka hnenah lo kal ula, keiman ka chawlhtir ang che u” tih Pathianin a sawi chu engtiangin nge i ngaih? 

[ *Lettu:* Peka]

Tuesday, December 9, 2025

KRISMAS CHANCHIN ṬHA TAK TAK CHU

_Thlirna Thlak Danglam_

- By Rick Warren
- December 9, 2025

“Pathian pakhat chauh a awm a, Pathian leh mihring inkârah palai pakhat chauh a awm bawk, mihring Krista Isua chu.” [1 Timothea 2:5]

Krismas chu chanchin ṭha a ni ber. Mahse thilpek satliah chanchin ṭha erawh a ni lo. Chawhlui kilhona chungchang pawh a ni ngawt lo. Thian ṭha leh chhungte nena hun hman theihna chanchin ṭha pawh a ni lo. 

Kristmas chu Pathian hmangaihna Chanchin Ṭha a ni. 

Bible chuan Pathian tel lo chuan mitinte hi kan bo a ni tiin a sawi a. Pathian tel lo chuan, hawi zawng nei lo i ni. Khawvel tana i theihnate chu chatuan atan tlingtlak loh a ni ang. Hlimna tak tak chu i nei lo a. Vanrama i chatuan hmun tur chu a chiang lo hial a ni.  

Krismas chungchanga Chanchin Tha erawh chu Pathian chuan Isua chu mi bote zawng chhuak turin a rawn tir a ni. Bible chuan hetiang hian a sawi, “Pathian pakhat chauh a awm a, Pathian leh mihring inkârah palai pakhat chauh a awm bawk, mihring Krista Isua chu.” [1 Timothea 2:5]

Kohhranah i inkhawm ve ṭhin a nih chuan “chhandamna” tih thumal chu vawi eng emawzat i lo hre tawh awm e. Mahse, Bible-in a kawh tak awmzia chu i lo hre chiah lo mai thei. Chhandamna tih thumal chu lunghlu ang deuh a ni a. Kil hrang hrang aṭangin a en theih. Tawitein lo sawifiah dawn ta ila: 

• *Chhandamna chu Isua chu nangmah chhanchhuak tur chein a lo kal.*

Nangmah mai chuan i harsatna zawng zawngte chu i chingfel thei lo. Isua tel lo chuan mite duh dan tihhlawhtlin tum reng rengin i hmanhlel ang. I ṭhiante fakna beiseinaah chuan i tang hial ang. Thil chindawklak khurah i tang ang. Vawi duai lo inthlak tumin i lo bei ve tawh ang a, mahse nangmahah chuan chakna i mamawh ang chu a awm lo. Isua chu i chakna mamawh pe tur chuan a lo kal a ni. 

• *Chhandamna chu Isua chu i hloh tawh pe let tur chein a lo kal.*

 I nuna i thil hloh tawhte neih let leh chu i thlahlel ṭhin. Krista tel lo chuan, i chakna, mahni i inrintawkna, i hmingṭhatna, i thianghlimna leh Pathian nena in Inlaichinna chu neih let leh chak takin i rum ṭhin. Mahse, chungte chu Isua chauhin a pe let leh thei che. 

• *Chhandamna chu Isua chu nangmah zawm leh tur chein a lo kal.*

Mi tam tak chuan Pathian hnena an hawi kir chuan Pathian chuan a lo hau chiam turah an ngai. Mahse Pathian chu i lakah a thinrim lo. Isua chu Krismas hmasa ber chu leiah lo kalin Pathian i zawm leh theih nan hna a thawk a – amah nena inremna nei let turin. 

Isua khawvela a lo kal chhan chu amah leh amah pe tur chein a ni. Mi tam tak chuan a Krismas chu chhandamna a thlawna a pek dawng chuang lo chuan an lawm ṭhin. Thilpek chu kum tam tak hawn lovin a awm mai mai thei. Nang chuan tisual nawn fo suh. Pathianin kutchhuak Pathian tana siam i ni. Chu chu i hriat thiam hma chuan, nun chuan awmzia a nei tak tak ngai lo vang.  

Kumin Krismas chu i thilpek dawn tawh zawng zawnga hlu ber chu hawng ang che: Pathian nena inlaichinna thar Krismas kaltlanga i neih chu. 

Ngaihtuah zui atan. 

*Isua chu chhanchhuak a, i hloh tawh nei let tura, zawm leh tur chein a lo kal. Chu chhandamna thu chi hrang hrangah chuan a eng lai chu nge pawimawh ber? Eng vangin? 

* Engtinnge Krismas huna Pathian thilthlawnpek chu i phelh ang? Engtin nge midangte chu chu thilpek chanchin chu i hrilh ve ang? 

* Midang hnenah engtinnge Chhandamna chu i hrilhfiah ang? 

*Vawiinah hian Pathian chhandamna thilpek chu dawng ang che!* Vawiin hian chu chu i duh a nih chuan, he thu hmang hian ṭawngṭai ang che:

“Lalpa duh tak, ka thinlung kawngkaa i kik ri chu ka hria a, i tana hawn ka duh e. Thil sual ka ti tih ka pawm a, i zahngaihna leh khawngaihna ka mamawh e. Min hmangaih ema vangin Isua chu ka tana thi turin i lo tir a, ngaihdam ka nih theih nan.

“Isu, I thutiamah chuan nangmah ringtu tawh phawt chu an boral lo vang a, chatuana nun vanramah an nei zawk ang tiin min tiam. Ka ring che a, ka Lal leh Chhandamtu atan ka pawm che. Ka thinlung pindan zawng zawng hawnsak che ka duh a, ka dam chhung hun zawng zawng hi i rawng bawlna atan hman ka duh e. Amen.” 

Isua pawma i ṭawngṭai zo chiah a nih chuan he mail Rick@PastorRick.com ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e. 

[Lettu: Sangpuia]

Monday, December 8, 2025

PATHIAN HMANGAIHNA CHUAN A THLAH NGAI LO VANG CHE

_Thlirna Thlak Danglam_

—  Rick Warren 
— December 8, 2025
“Thihna te, nunna te, vantirhkoh te, lalna te, thil awm sa te, thil lo la awm tur te, thiltihtheihna te, sanna te, thukna te, thil siam dang reng rengte pawhin, kan Lalpa Krista Isuaa awm Pathian hmangaihna ata chu mi ṭhen thei lovang tih dik takin ka hre si a.” Rom 8:38-39.

I nunna chu eng ang pawhin lo ṭha lo tawh mahsela, thudikah hian lo hahdam ang che: Pathianin a hmangaih tawp lo vang che. Bible chuan, "Pathian chu hmangaihna a ni' a ti (1 Johana 4:8). Chu chu Pathian nihna a ni si a.

Thiltih ṭhat chang i nei ang a. Thiltih sual chang pawh i nei ang. Mahse Pathian hmangaihna chu a tawp lovang. Ngun takin i thlir thei ang.

A dika dik chuan, thudik hi i nuna i hlimna hnar ber tur a ni ang!

Bible-in Rom 8:38-39 ah chuan, “Thihna te, nunna te, vantirhkoh te, lalna te, thil awm sa te, thil lo la awm tur te, thiltihtheihna te, sanna te, thukna te, thil siam dang reng rengte pawhin, kan Lalpa Krista Isuaa awm Pathian hmangaihna ata chu mi ṭhen thei lovang tih dik takin ka hre si a.”

Chu chu chanchin ṭha a ni.

Pathian kutah i innghah tawh chuan, a chelh tlat ang che, a thlah lovang che. Pathian chuan a neih zawng zawng nen a chelh ang che.

Ka fate an la tet deuh lai khan, kawr thuk deuhah kan kal a. A tlang tawp kan thlen hnu chuan, ka fate zinga naupang pahnih Josh-a leh Matthew-a chu an kutah ka chelh tlat a. Ni e, dik tak chuan kei aiin ka faten a tawp thlen chu an nghakhlel zawk a ni. Tal vak vaka ka kut ata talchhuah chu an duh a, mahse an talchhuah ka phal lo. An pa ka ni a, ka hmangaih a ni. 

I nunah pawh Pathian kuta talchhuaha hla taka awm duh chang pawh i nei ang. I nun a harsat deuh phei chuan Krista hnena i inpekna pawh tawpsan hial i duh ang.

Mahse Pathian chuan a kal liamtir mai lo vang che. Amahah vawi khat i rinna i nghah tawh chuan, i cham reng thei tawh ang.

Chhandamna hi i hlawhchhuah theih a nih chuan, i thawh peih loh rual rualin i chan nghal a ni ang. Mahse Pathian nena inlaichinna hi i hlawhchhuah a ni lo va. Thilthlawnpek liau liau a ni. Vawi khat pek i nih tawh chuan, chhuhsak theih pawh a ni tawh lo.

Chu chu ringtute tan chuan hlimna hnar suangtuah phak bak a ni!

Ngaihtuah zui atan

* Pathian hmangaihna chu a tawp ngai lo vang. Eng ti zawngin nge he thudik hian hlimna a thlen che le?

* Engtikah khan nge Pathian kut ata awm bo i tum? Chutih lai pawh chuan a rinawmna engtin nge a hmuhtir che le?

* Pathian hmangaihna ropui takah chuan i eng ang lungngaihna leh hlauhna nge i innghah ngai le?

*Pathian kutah i innghat em le?*

Rom 8:39 chuan hei hi min tiam a, “Thihna te, nunna te, vantirhkoh te, lalna te, thil awm sa te, thil lo la awm tur te, thiltihtheihna te, sanna te, thukna te, thil siam dang reng rengte pawhin, kan Lalpa Krista Isuaa awm Pathian hmangaihna ata chu mi then thei lovang tih dik takin ka hre si a.” Isua chu i chhandamtuah pawmin Pathianah i innghat tawh em? Isua hnenah i nun pe tura i inpeih a nih chuan, heti hian ṭawngṭai ang che:

“Lalpa, thu min tiam angin, Isua ka ring a nih chuan, ka tihsual zawng zawngte min ngaidam dawn a, ka nun awmzia te ka zir ang a, engtikniah emaw chuan i chatuan in nuamah min lo pawm ve ngei dawn a  ni.

“Lalpa duh tak, misual ka ni tih ka inhria a, chuvang chuan i ngaihdamna ka dil a che. Isua Krista hi i Fapa a ni tih ka ring a. Ka sualna avangin a thi a, thihna hnehin i kai tho leh a ni tih ka hria e. Vawiin aṭang hian ka chhandamtuah ka pawm ta che a, i hnung zui turin ka inpeih e. Ka nun hruai la, i duhzawng ti turin min pui ang che.”

“Keima rawng bawl ai chuan dam chhunga i rawng bawl ka duh tawh a ni. Ka nun hi i tan ka hlan a, min chhandam tur leh i angchhunga minl o pawm ve turin ka dil a che. Isua hmingin ka dil a che. Amen

Isua pawm tura i ṭawngṭai thei a nih chuan, he email ah hian min lo hriattir la, min lo bia ang che Rick@PastorRick.com. Isua nena zinkawng i zawh ṭanna tura thil pawimawn a thlawnin ka pe dawn che nia.
  
[Lettu: Sangpuia]

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...