Hun Khirh Tak Kara Ke Pen Dan
- Rick Warren
- 26 Nov, 2023
"Ama chungah chuan in manganna zawng zawng nghat vek rawh u, a lainat êm che u hi." (1Petera 5:7)
"Lalpa, min ṭanpui rawh. Tihtlawm leh tihnualin kan awm. Kan kal zel thei dawn em ka hre lo" tiin i ṭawngṭai ve tawh a nih chuan Pathian lakah i rinawm tihna a ni a, Pathianin a ngaihthlak duhzawng ṭawngṭaina a ni.
Beih niin i inhria em? Pathian hnenah thlen rawh. Chakna reng nei lovin i inhria em? Pathian hnenah thlen rawh. Hnawl emaw mal ngawih ngawihin i inhria em? Pathian hnenah thlen rawh. Engpawh Pathian hnena thlen thei turin phalna i nei, a chhan chu Bible-in, "Ama chungah chuan in manganna zawng zawng nghat vek rawh u, a lainat êm che u hi" tiin min hrilh (1Petera 5:7).
Mahse, a chang chuan Pathian hnena tlang taka thlen hi a zamawm ve ṭhin. I nun engkim a hre vek tih te pawh i haider lui ṭhin ang. Chuvang chuan Pathian hnena i ṭawngṭai laiin thudik pathum i hriat tur a awm:
*Pathian chuan i thinlung put hmang a hria.* Bible chuan, "LALPA remruat chu chatuan daih a ni a, a thinlunga a thil tumte chu chhuan zawng zawng thlengin a awm ang." (Sam 33:11)
I thinlung awmdante Pathian hnena i thlen hian, "A mak hle mai a" a ti ngai lovang. Engvangin? A chhan chu, i ngaihtuahna leh engkim kha ama siam a ni. Engthawl takin i be thei. I thil sawiten a ṭhawng ngai lovang.
Tin, Pathian hnena i thinlung zawng zawng i thlen hian i tan hlawkna a ni, a tan ni lovin. Pathian chuan 'a hnena i ritphurhte i thlen hian' i hrehawmna leh i chhungril buainate a thawl hawk ṭhin tih a hria a ni.
*Pathian chuan nang aiin i awmdante a hre zawk.* "Nang, ka fapa Solomon, i pa Pathian hi bêl chiang la, rinawmna thinlung pûin lungsi takin a rawng bâwl ang che; LALPA chuan thinlung lam a en ṭhîn a, rilrûin a tum dân zawng zawng pawh a hre tlang vek a ni. Amah i zawn chuan i hmu ngei ang; i hawisan erawh chuan kumkhuain a hnâwl mai ang che." (1 Chronicles 28:9)
I ngaihtuah zawng zawngte kha i hrethiam vekin ka ring lo. Ka ngaihtuah zawng zawng pawh hi ka hrethiam vek bik lo. A chang chuan, i ngaihtuahnate pawh kha "Khawi aṭanga lo kal nge?" tiin i ngaihtuah leh fovang. Mahse, Pathian chuan thinlung a vei a pek che avangin a hrethiam vek ṭhin.
Thinlung a vei i neih nachhan ber chu Pathian anpuia siam i nih vang a ni - Pathian chu thinlunga thil vei hma Pathian a ni. Bible chuan Pathian chu a lungngaiin a thinrim ṭhin a, nuih pawh a nui ṭhin bawk a ti. Pathian aṭanga thilpek i dawnte ang bawkin thinlunga vei neih kha a hun dik taka hman a nih chuan nangmah ti na tur ni lovin i tan a ṭha zawk a ni.
*Pathian chuan ngaihthlak che hi nuam a ti.* _"Ka âu âw leh ka dîlnate mi ngaithlâksak tâk avângin LALPA chu ka hmangaih a ni. Ka lamah a beng a rawn dawh ṭhin avângin, ka dam chhûng zawngin amah chu ka ko ṭhîn ang."_ (Sam 116:1-2)
Pathian chu ngaithlatu Pathian a ni. Amah nena inbe turin i buai lutuk a ni mai thei e, mahse, a ni chu inbe turin a buai lutuk ve ngai lo. Tin, a ngaihven reng thei bawk che. "Engnge i sawi khah? I sawi nawn leh lawk thei em?" a ti ve ngai lo. A ngaihven reng thei a ni.
Chuvangin, i mangan leh i beidawn apiangin, dik takin ṭawngṭai ṭhin rawh. _"Tho la, azân azânin au rawh, zân vên tirh aṭangin ṭan la; LALPA hmâah i thinlung chu tui angin leih bua la, I naupangte an dam theih nan, a lam hawiin kut phar rawh, kawtthlêr tinah rilṭâma an chauh tawh hi."_ (Ṭah hla 2:19)
Ngaihtuah zui atan.
Pathianin a hnena i ritphurh zawng zawng thlen turin a duh lai che hian eng thilin nge tlang taka i ṭawngṭaina la dal?
Tunah khan I thinlung awmdante dik takin Pathian hnenah thlen dawn ta la eng nge i sawi ang?
Sam 55:17 chuan, _"Tlaiah te, zîngah te, chhûnah te ka ṭawngṭai ang a, ka âu vak vak ang a, ani chuan ka âw a ngaithla dâwn si a"_ a ti a. Eng hun nge Pathian hnena ṭap chunga ṭawngṭai hun ṭha ber a i ngaih?
No comments:
Post a Comment