Saturday, November 18, 2023

HLAWHCHHAMNA KHA I TAN THIL THA ZAWK A NI THEI

Pathianin Kan Bahlahna Kan Dinchhuahlehnaah A Chantir leh Dan

Rick Warren
18 Nov, 2023
"Mi a tihsual inpawm duh lo mi chu a hlawhtling ngai lovang" Thufingte 28:13 (TLB)

Hlawhchhamna hi a tha lo zawngin kan ngai fo thin. Mahse mifing chuan hlawhchhamna pawh hman tangkai dan an hre thin. Chung atang chuan an inzir a. Zirlaiah an hmang thin a ni.

Kan hringnun in chhan a neih pawimawh em em mai pakhat chu Isua Krista an hi a ni. Pathianin a duh ang i nuna a thlen theihna tura hmanraw pawimawh tak a hman fo chu hlawhchhamna hi a ni bawk.

Engtin nge hlawhchhamna hi a that theih ang?

*1. Pathian chuan hlawhchhamnna hi kan zirlaiah a hmang thin*.
Tihpalh hi kan inzirna leh kan tawnhriat a ni mai a. Tin thil thenkhat hi hlawhchham phawta zir chi a awm bawk. Bible chuan, "Mi a tihsual inpawm duh lo mi chu a hlawhtling ngai lovang" (Thufingte 28:13 TLB) a ti a.

Tihpalh i neih ngai loh chuan i zir ngai lovang. Huaisen taka i tih ngam loh chuan i thang lian ngai lovang. Hlawhchham i hlauhna kha paih la, a chhan chu Pathianin i thlarau thanlenna atana a ruat kha a dal thin a tin ni. Hlawhchham hlauhna atanga zalenna hi thanglian tura zalenna a ni.

*2. Pathianin kan hlawhchhamna hi min tih phur nan a hmang thin.*
"A chang chuan hun harsa tak takte hian kan kawng min thlak tir thin" (Thuf 20:30 GNtT). Eng kan hmuh avang nilovin, harsatna kan hmuh avang zawk hian kawng kan thlak fo thin. Hlawhchham i hlauh chuan, i tang reng ang. I hlawhtlin loh khan, Pathianin kawng dang i hawi theihna turin i ngaihtuahna lak pen a duh vang a ni thei a ni.

*3. Pathianin hlawhchhamna hi kan nungchang siam that nan a hmang thin.*
“Tin, chuti chauh chu ni lovin, kan hrehawmnaah pawh lâwmin i awm ang u, hrehawmna chuan chhelna a siam a, chhelna chuan hriat fiahna a siam a, hriat fiahna chuan beiseina a siam tih kan hre si a" (‭‭ROM‬ ‭5‬:‭3‬-‭4‬)

Hlawhchhamna hian engtin emaw kan thinlung a ti nem thin. Minti thanglianin, min ti puitling thin. Midang hriatthiamna min siam a. Midang sawisel kan ching lo tial tial a, kan kianga tawrh nei midangte hriatthiamna min pe thin.

Hlawhchhamna hian nungchang a siam ngawt lo che a. A chang chuan mi rilru a ti kha bawk thin. Thlir dan dika i thlir a, dik taka i chhan let a, chung atanga i inzir chuan i nungchang a siam tha ang.

Ngaihtuah zui atan...

Engtin nge hlawhchhamna hian hma la turin emaw thil tha zawk i neih theihna tur kawngah a puih che?

I hlawhchhamna tha lo ber pakhat ngaihtuah let teh. Tuna i dinhmun i thlen theihna turin engtin nge  a puih che?

I nungchang emaw midang nungchang pawh hlawhchhamnnain engtin nge a siamthat le?

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...