Pathianin Bahlahnate Dinchhuahlehnaa Chantir Dan
By Rick Warren
— Nov 17, 2023
He thudik hi theihnghilh ngai suh: Hlawhchhamna chuan a tihlum kher lo vang che.
Mi tam tak te chuan kan hlawhchhamna hi kan sawi uar ve bawk ṭhin a. Kan hlawhchham theih dan pawh uar takin kan sawi fo. Hlawhchhamna erawh khawvel tawpna a la ni mai lo. Hlawhchham hlauhna chu hlawhchhamna tak tak aiin a hlauhawm zawk thei thung.
Thufingte 24: 16 chuan hetiang hian a sawi, “Mi dik zawng vawi sarih tlu mah se a tho leh ang.” Mi “ṭha” te pawh an tlu sual thei. Thil an tisual a, an tibuai a, an hlawhchham fo bawk.
Mi hlawhtlingte pawh hlawhchham ngai lo chu an ni lo. An tluk hnua tho leh a, kal chhunzawm leh te chu an ni fo. Mi hlawhtlingte chu an hmachhawp tlawmsan ve lotute chu an ni mai.
Heng mi hlawhchham hriat hlawh takte hi i lo hre ve tawh em?
• George Washington-a khan indona a hmachhawn hmun ṭhuma thena hmun hnih kha a hloh a ni. Mahse, Revolutiinary Indonaah khan hnehna a chang a, US President hmasa ber kha a lo ni ta a ni.
• Napoleon-a kha a zirlaipui 43 zingah 42na chauh a ni phak. Tichuan a chhuak a, Europe a hnehtu a ni ta mai a.
• Kum 21 a nih chiahin, Babe Ruth chuan infiamnaah chuan point 714 [Home runs] a siam a, mahse vawi 1330 a tih aṭangin a ni.
• Novelist lar pakhat John Creasey-a khan a lehkhabu a chhuah hma khan amah hnawlna lehkha chu mi 753 atangin 564 a dawng hman.
• Mihring nuna mi ropuite hi mi pangngai an thil tumah chuan mi tumruh tak te hi an ni thin. Hmalam an pan zel a. An tlawmsan hma chuan hlawhchham an la ni lo tih thuah an chiang.
Chu chiah chu i hlauhna tihrehna tur chu a ni. Han thlifim teh.
Thil nih tum eng emaw i tih theih loh avang khan i hlawhchham tihna a ni lo. Dik tak zawkah chuan hlawhchhamna chu tum bik neih lo nun chu a ni. Hlawhchhamna chu mahni tihsual laia siamtha tura let leh theih tawh lohna chu a ni. Tih duh tawh loh chu a ni.
Miin sikul a kal tan ni chuan ka awm lohna turah ka lo inziahtir a, zirna room dik lovah ka awm bawk. Hetiang hian i suangtuah thei em? Kan school atanga hawin ka nu leh pate hnenah chuan, “Zirnaah chuan mi hlawhchham ka ni. He schools thu hla hi engah tak tak tangkaina a nei lo. Ni love. Naupang te takte mai ka nih lai khan ka hlawhchhamna atanga inzirin atukah hma ka sawn zawk a ni.
I hlawhchham chang pawhin kal zel rawh. A tirah hlawhtling nghal lo mah la, a pawi lem lo. I beidawn mai loh chuan hun tharah a aia tha zawkin kan che tawh dawn nia.
Ngaihtuah zui atan
Tute emaw hlawhchhamna an hmachhawn thiam em avanga ngaihdan i nei tawh em? Chu mi chu eng vangin nge a bawhzui.
Buaina i lo tawn tawh zingah eng nge nasa ber? Chu hlawhchhamna chuan engnge a zirtir che?
Hlawhchhamna chu I hmaa a inhun ve reng laiin eng thil leh engten nge hmalam pan turin tichak ang che?
*Vawiin hian Isua i zui dawn em?*
Bible chuan hetiangin a sawi, “Pathianin khawvêl a hmangaih êm êm a; tichuan, a Fapa mal neih chhun a pe a, amah ring tawh phawt chu an boral lohva, chatuan nun an neih zâwk nân.” [Johana 3: 16]
Chatuan nunna chungchanga Pathian thutiam hlen tur ring tur chuan i lo inpeih tawh em? A nih chuan, he ṭawngṭaina tawite hian han ṭawngṭai teh:
“Lalpa duhtak, Isua Krista chu I Fapa a ni tih ka pawm a. Ka sualte thupha ka chawi a, i ngaihdamna chu ka dil a ni. Isua chu ka sualte la bo turin a thi a, i kai tho leh a ni tih pawh ka ring e. Isua chu Chhandamtuah ka pawm duh a, vawiin aṭang hian ka Lalpa atana zui turin ka inpeih e. Ka nun hi hruai la, a duhzawng tih min zirtir ang che. Isua hmingin ka dil e. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[ *Lettu* : Peka]
No comments:
Post a Comment