Monday, September 23, 2024

PATHIAN NEN IN INBIAKNA CHU VAWNGNUNG RAWH

 Ni 40 Chhung Tawngtaina


Rick Warren

23 Sept, 2024



“ṭawngṭaina leh dîlna tinrêngin eng hun pawha Thlarauva ṭawngṭaiin”

‭‭EPHESI‬ ‭6‬:‭18‬ ‭


"Isua hmingin ka dil e" tih a i ṭawngṭai tih tawp kher a ngai lo tih i hria em? A nihna takah chuan, i ṭawngṭai kha tih tawp a ngai miah lo zawk a ni.


Ṭawngṭaina chu Pathian nena inbiakna kal reng a ni a. A tawp tur a ni lem lo. I ṭhiante emaw hmangaih em em tu che i pa i biak ang khan i be thei a. Thil eng emaw lo thleng se, chumi chungchang chu hrilh zel la. Tichuan minute hnih-khat alo liam anga, a hnuah thil dang i han sawi pui leh ang a.


Ṭawngṭai hriatthiam dan tur kawng dang chu thlaraua thawkna a ni. I thawk dawn khan i ngaihtuah hmasa kher lem lo. I thaw tawp mai a ni. Chutiang chuan, i ngaihtuah a i tum hmasak kher lo khan ṭawngṭai hi i nunah a ngheh a ṭul a ni.


Tunah chuan, i ṭawngṭaina chuan i tumna nena i ngaihtuahna i hman viau a ngai mai thei a. Amaherawhchu, engtikah nge emaw engtin nge emaw tih pawh ngaihtuah lem lova Pathian biak i zir thei a ni. A lehlamah chuan, mahni inbiak mawlh mawlh hi a ang ber mai. Englai pawha i thil tawn i inhrilh zel ang deuh kha a nih chu. Chumi aiah chuan Pathian i be ta zawk tihna mai a ni a. Titi ang maia ṭawngṭai thei tur chuan, a hun lai zel khan i ngaihtuahna a awm te kha Pathian kha han hrilh ngawt mai zel la a ni mai.


“ṭawngṭaina leh dîlna tinrêngin eng hun pawha Thlarauva ṭawngṭaiin” EPHESI‬ ‭6‬:‭18‬. Hemi awmzia chu Thlarau hruaina in Pathian chu eng hmunah pawh, eng tikah pawh, eng chungchang pawh i be thei tihna a ni. I thinlungah Pathianin thil eng emaw a dah chuan, chumi atan chuan amah chu be nghal zel mai ang che.


Ṭawngṭai tam lem lo mi pawh i lo ni thei e. Ṭawngṭai i chak lem lo a nih chuan, i thlen loh tur i thlen rih pawh a ni mahna. I tuipui engthil mai pawh leh, i vei engpawh kha a hnenah thlen turin a duh che a. Pathian kha i nuna thil thleng a hranpa taka i hrilh pawh a ngai lem lo - a hre vek zawk. Mahse i biak a, nu leh paten an faten an biak an thlahlel ang mai hian a thlahlel zawk a ni.


Nileng mai khan Lalpa nen titi reng la. I vei te han sawi tawp mai la, i ṭawngṭai tamin nang pawh i inhre ngei ang.


Ngaihtuah zui atan...


Pathian hnenah engnge i thlen tlangpui? Chu chu i hnen aṭanga hriat a beisei ṭhin a ni em?


Thlarau lam kawnga nunphung te hi a lo awm ve mai a ni lova. Engtin nge nileng maiin Pathian biakna chu i kalpui theih ang?


"Thlarau a ṭawngṭai" tih chu engnge a awm zia le?


(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...