_Ni 40 Chhung Ṭawngṭaina_
By Rick Warren
— Sept 26, 2024
“Pathian hmangaihtu, ama ruat anga a kohte tân chuan, an ṭhatna tûrin engkimin a thawhsak ṭhîn tih kan hria.” [Rom 8:28]
Pathianin i tana a tih apiangte chu i ṭhatna tur a ni a, chu thil a tihsak chhan che chu a hmangaih che vang a ni. Bible chuan, “Pathian hmangaihtu, ama ruat anga a kohte tân chuan, an ṭhatna tûrin engkimin a thawhsak ṭhîn tih kan hria,” tiin a sawi [Rom 8:28].
Pathianin i ṭawngṭaina chu “Ni lo/aih” tia a chhan che apiang chuan he thudik hi hre thar nawn leh ṭhin ang che. Setana chuan rinhlelhna thal chuan a lo vawm ang che. I beng bulah dawt chu a fah che ang: “Pathianin a hmangaih lo che. Eng atan mah a ngai lo che; ni lo se chuan, i duh apiang chu a pe mai ang che” tiin. Mahse Setana chu dawt sawi hmang a ni.
Pathian chhanna te chu hmangaihna vanga tih an ni a, chu chu a chinchhuaka i hriatthiam ve kilh kelh a ngai kher lo.
I dil apiang pe mai tur che chuan Pathian chuan a hmangaih che. Pathianin “Aih” a tih chang chuan thil pathum duhthlan tur i nei ang: i do thei a, i lo haw thei a, hahdam takin i awm thei bawk.
Pathian chu i do thei ang a, i bei thei ang a, i hnung chhawn thei ang hetiangin, “Awle Lalpa, ka duh dan anga i kal dawn lo a nih chuan keimah duhdanin ka ti ang” te pawh i lo ti mai thei. Kum eng emawzat liam ta atang khan mi tam tak chu Pathianin an chhanna atan “aih” tih a hman avangin an vak bo zui tawh. Pathian chuan thlirna huapzo zawk, ruahmanna him, chhan mumal zawk neiin a hruai thei che tih a sawi.
Chutiang mihring chu Pathian aṭang chuan huatna leh buaina nen an kal bo ang. Chu chu i dawnsawn theih dan kawng hnihna chu a ni - huatna nen i dawngsawng thei. Chutianga Pathian hmangaihna chu i ringhlel a nih chuan ṭhang lian lovin, nun tikha tak pe chein a tihhrehawm ang che. Mi tam takte chu an nun pumpui hun hrehawm takin an hmang thei, a chhan chu Pathian chuan mihringte ṭhatna tur lo chuan engmah a thawk tak tak ngai lo.
Pathian thatna dawn sawn dan kawng thumna chu hei hi a ni. A chhungah chuan i hahdam thei. Pathian chuan i ṭhat berna tur, engtik niah emaw chuan thil awmze nei mang lo anga ngaih thleng chu i tan a hmang thei. Thil awmze nei mang lo te nen lam chuan thlirna mit tharin i thlir thei tawh ang.
Tunah chuan i hre thiam lo mai thei. A na hial zawk ang. Mahse Pathian chu a ṭhat ngai reng leh hmangaihna ngai reng kha a la ni e. “He hmunah ngei pawh Pathian hmangaihna chu a la ngai reng a ni” i ti thei ang.
Ngaihtuah zui atan.
I ṭawngṭai chhanna chu i beisei ang a nih loh avangin i lo hnawl ve tawh em? Engnge a rah chhuah? I ṭhatna turin Pathian chuan engkimah a thawk dawn a ni tih hriatna chuan engtin nge i ṭawngṭai dan chu a tihdanglam?
Pathian chuan in ṭhatna turah chuan nat a phal tlat mai chu eng vangin nge ni ang?
Pathian ṭhatnaah chuan chawlh veng veng i duh em?
A rahbi hmasa ber chu Isua Krista chu Lal leh Chhandamtua pawm a ni. He ṭawngṭaina hmang hian bul i ṭan thei ang:
“Lalpa duh tak, i thu chuan i Fapa, Isua Krista, ka rin phawt chuan ka thil lo tihsual tawh zawng zawngte ngaihdam min tiam a, ka nun awmzia ka hre thiam ang a, ka chatuan inah chuan engtik niah emaw min lo la lawm ang.
“Ka sual a ni tih ka pawm a, ka sualte avanga ngaihdamna ka dil e. Isua thihna chuan ka sualte a la kiang tih ka ring a, amah chu i kaitho leh bawk. Isua chu ka Chhandamnatu atan ka pawm duh a, ka Lalpa a nihna ang ngeiin vawiin aṭang hian zui ka duh bawk e. Ka kawng hruaiin i duhzawng min zirtir ang che. Isua hmingin ka dil e. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[ *Lettu:* Peka]
No comments:
Post a Comment