_Nun Atan Hmanraw Bawm_
- Rick Warren
- September 06, 2025
_"Mihring rilru hi thil dang zawng aia mi bumhmang a ni. Tihdam theih a ni lo. Tumahin bumhmang a nihna hi an hrethiam zo lo."_ (Jeremia 17:9, GW)
He zawhna hi hringnuna zawhna pawimawh ber a ni:
I nunah tuin nge thuneihna tawp nei ang?
I nu leh pa te em ni? I rualpui te an ni zawk em? I ṭhian te emaw i eizawnna emaw an ni thei em? Lehkhabu i chhiar te an ni zawk mial lo maw? Social media lama zui ṭhin te an ni em? Movie emaw ennawm dang emaw i en ṭhin te nge i hla ngaihthlak ṭhin te?
Hengte hi i inhnehtir anih chuan i ngaihhlutzawng hriltute an ni ang a - i ngaihhlut thilte chuan i nuna thuneihna tawp neitu engnge ni tih an hril ang.
Chuvang chuan i tan engnge ni ang le? Pathianin duh i thlan a phal a. Duhthlan theihna a pe che a ni.
Thuneihna nei tura i duhthlanna kha heng thil pathumte zingah hian a awm fo:
*I ngaihdan:* Engnge tihtur tih i hriat theih nan i rilru/tumruhnaah i innghat theih. Mahse harsatna a awm: Zirchiannaah chuan i thil hmuhte kha a dik aiin dik loh theihna a tam zawk ṭhiin niin an sawi. Ni e, a chang nangmah ngei dawt i inhrilh ṭhin. Bible chuan heti hian a ti, _"Mihring rilru hi thil dang zawng aia mi bumhmang a ni. Tihdam theih a ni lo. Tumahin bumhmang a nihna hi an hrethiam zo lo."_ (Jeremia 17:9, GW)
*Khawvel:* Mite ngaihdanah i ngaihhlutzawng a innghat mak thei - mahse mite hian thil dik lo zawk an ngaihlu fo. Entir nan, he khawvel chuan nungchang aiin hmel a ngai pawimawh, a ṭha anga lang apiang zui turin a ti che a, neinung apiang an chak rinna a pe bawk che a ni. Inbiak tawnna hrang hrang kal tlangin heng khawvel thil ngaihhlutte hian a zem reng che, chuvang chuan Pathianin he leiah hian hmuh nuam, ngaihṭha taka awm leh i duh apiang nei turin a dah che tih hi rin awl tak a ni. Mahse chu aia dawt a awm chuang lo!
*Pathian thu:* I ngaihdan emaw khawvel ngaihdan emaw ang lo takin Pathian thu hi tum nei leh thutak a ni. Pathian thu chuan heti hian a ti, _"Ka thua in awm reng chuan . . . Thutak in hria ang a, thutak chuan bawih a ban ang che u."_ (Johana 8:31-32)
Duhthlan tur chu a chiang hle mai. Thuneitu, rintlak reng leh hruai bo ngai lotu tur che pakhat chauh a awm. Vawiin hian i ngaihlut thilte siamṭha turin i nuna thuneihna sang ber nei turin Pathian Thu thlang rawh.
Ngaihtuah zui atan.
Engvangin nge thuneitu thlan hi a pawimawh em em?
Engtik laiin nge i ngaihdan emaw khawvel mite ngaihdan emaw kha Pathian thu chunga thuneitu atana i lo phal? Engnge a rah?
Engtik laiin nge thuneihna sang ber nei turin Pathian thu kha i thlan? Engnge a rah?
[Lettu: Mapuia Fanai]
No comments:
Post a Comment