_Nun Atana Hmanraw Bawm_
By Rick Warren
— September 05, 2025
“LALPA chu ka lamṭang a ni a, ka hlau lo vang, Mihringin eng nge min tih theih ang?” [Sam 118:6]
Pathianin a ko che, a fa ni turin, thutiam neitu ni turin.
Eng nge thutiam neitu mihring chu? Pathian leh a thutiama a beiseina nghattu chu an ni.
Hringnunah thil hlu eng emaw tih i duh a nih chuan nangmah sawiseltu che chu an lo lang nghal ang. An diriam mai thei che a, i nihna lo tawp an sawi ang a, an vau chang che pawh a awm ang.
Nangmah sawiseltu che emaw i buaina emaw chu thlir lutuk suh. Pathian leh a thutiam chu thlir ngar ngar zawk ang che. Thutiam neitu chu ni ang che.
Bible chuan nangmah sawiseltu che chu hetiang hian chhang turin a duh che: “Hau a nih pawhin a hau lêt lo va, a tuar laiin a vau lêt hek lo, dik taka rorêl ṭhîntu hnênah chuan a inkawltîr zâwk a ni.” [I Petera 2: 23]
Nangmah sawiseltu che an awm changin i thawhpuite emaw ṭhiante hnenah sawi mai suh. Pathian leh a thutiam zawkah chuan tlu lut zawk ang che. Hetiang hian ṭawngṭai rawh, “Lalpa, min hmangaih tih ka hria. Ka hmabak fel takin i relfel tih ka hre bawk a. I chungah ka rinna ka nghat dawn,” tiin.
Lal Davida chuan hetiang hian a sawi: “LALPA chu ka lamṭang a ni a, ka hlau lo vang, Mihringin eng nge min tih theih ang?” [Sam 118: 6]
Miten an ngaina lo thei che – mahse chu chuan an tina lo ang che. Hlim turin tute emaw phalna i mamawh lo. Hlim i duh chuan mi hlim i ni mai ang! I nu leh pa, unau emaw ṭhian emaw remtihna i mamawh lo. Lalpa chu i tan a ni e. A ngaihdan chauh chu thil pawimawh ber a ni.
Sam 119: 11 ah chuan Davida chuan hetiang hian a sawi, “I chungah thil sual ka tih loh nân, I thu ka thinlungah ka vawng tlat a.”
Davida khan sawiseltu a hmachhawn chang chuan an chakna hnar pawimawh ber chu Pathian thutiam a ni. Chung thutiamte chu an vawng a, amah leh amah a inhrilh nawn fo thin. Beidawng taka hun a hman lai chuan dik nia a hriat chu a vuan ngar ngar ṭhin – a chhan chu Pathianin a sawi tlat.
Chu chu i tih tur a ni. Ngaihtuahna dik lo i thinlunga inkhawlkhawm mek chu paih chhuah tum la. Thutiam beiseitu zawk nih tum ang che. Pathian Thu chu chhiar la, chung chu i mamawh hunah chuan i ngaihtuah let thei ang.
Pathian thutiamah chuan innghat rawh. Amahin ti tura a intiam chu a ti ngei dawn a ni tih ring tlat ang che.
Ngaihtuah zui atan.
Miten “I duhthlanna ang ngeiin i hlim a ni” an tih chuan eng vangin nge i hlim deuh deuh lo vang?
Nangmah sawiseltute i tawn chang chuan eng Pathian thutiam chu nge i tan tangkai ang?
Pathian Thu leh a thutiam chu i hriat theih dan tur kawng khat han sawi teh.
I tana rahbi thar awm thei chu i nuna Isua pawm chu a ni em?
Eng ang pawhin lo awm tawhin khawi hmunah pawh lo awm tawh la, Pathian chatuan chhungte chuan nghaktu leh thlir rengtu i nei e. Sawmna chu zau taka hawn a ni e. Ring la chang mai rawh.
I inpeih tawh em? He ṭawngṭaina hmang hian bul ṭan ang che: “Lalpa duh tak, ka thih hun chuan ka nun chungchang ka la sawi dawn tih ka hria. I lakah thil sual ka lo ti tawh tih ka hria a, keima ruahmanna nangma duh dan ni lo ang chuan ka lo khawsa tawh ṭhin. Chu chu thlak danglam ka duh a, a thara bul ṭan leh ka duh a ni. Sual kalsana i lam pana kal chu ka duh e.
Ka thil sual tih zawng zawng avanga hremna chu kei thi tur hian Isua zara ka pumpelh avangin lawmthu ka hrilh a che. I ngaihdamna chu ka phu lo tih ka hria. I khawngaihna chauh chuan min chhan thei tih ka hria, Lalpa. Hmun famkimah chuan lut turin ka famkim ngai dawn lo tih ka hria.
“Isu, min hmangaih em avangin ka sualna zawng zawng chu i lo phur ta a, lawmthu ka hrilh a che. Vanram kai tlakin min siam a, min chhandam turin ka ngen a che. Isu, nangmah chu ka ring a che. Min chhandam nghal a, chiang taka min chhandam a, chhandamna famkim min pe a, chatuan atana min chhandam thei a ni tih ka hria. Isua hmingin ka dil a che. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[ *Lettu:* Peka]
No comments:
Post a Comment