_Nun Atana Hmanrawn Bawm_
- Rick Warren
- September 13, 2025
_"Heng thil ṭha lo zawng zawng hi tlansan rawh"_ (1 Tim. 6:11, NLT)
Thlemna i tawh huna tlan chhuah dan tur ruahmanna i nei sa em? Thlemna lian tak hmachhawn huna inven dan tur i nei em? I neih loh chuan tunah i mamawh a ni!
A hmasa berah chuan thlemna i tawhin i tih hmasak tur, rikrum thila ruahmanna hmasa ang tur chi i mamawh. Bible hian chu rikrum thila ruahmanna hmasa ber ang chu chiang takin a sawi: thlemna tlansan rawh, tih hi.
1 Timothea 6:11-ah heti hian kan hmu, _"Heng thil ṭha lo zawng zawng hi tlansan rawh"_ (NLT).
Bible chuan thlemna thlen thei tur thil lak ata i inthiarfihlim thuai a ṭul thu min hrilh. Thlemna reng reng inhnialpui suh. I tlawm ziah ang. Rilru a rawn no chho a, chu rilru sukthlek rawn no chho chuan thil dik min ngaihtuahtir thei ṭhin lo.
Thlemna chu engpawh nise i kal bosan a ngai. Sumdawnna kawnga midangte bum tura thlemna a ni thei a. Mipat-hmeichhiatna kawnga thlemna a ni thei. Mahse i chhanna chu a inang tur a ni: kal bosan rawh.
Mahse thlemna tlan bosan aia ṭha leh zawk chu thlemna thlemna thleng thei lak ata inven hi a ni. Heti hian i han sawifiah teh ang: Khuaiin a zuk che i duh loh chuan khuai hnaihah awm suh.
Kum kal taa ṭhalai te pastor ka nih lai khan tleirawlho heti hian ka fuih ṭhin, "Lirtheia in chuan laiin kei chu mipat-hmeichhiatna hman khaw lohna lakah ka fihlim ang a, thianghlim takin nupui/pasal ka nei ang ti suh u" tiin. A hmain inven dan tur lo ruahman ula thlem theih turin awm suh u- a chhan chu in taksa a lo ṭhang zelin in ṭhalve tuihnang (hormone) a rawn che ang a, in taksaah chakna a rawn siam dawn a ni.
Chutiang chu kan damchhunga hman theih tur inkaihhruaina a ni.
I taksa a chauh laiin i fate bulah i thin a ram ṭhin viau anih chuan inven dan tur ruahman rawh. I fate hma deuh hleka mut turin ruahmanna siam la, emaw chhun lama hun harsa i tih lai ber khan fianrialna hun hmang turin ruahmanna siam rawh.
I sum deh chhuahna kha sawisel bo a ni ang tih zawhna a awm thleng nghak suh. Thlemna laka i inven nan mawhphurhna la ngam turin ruahmanna nei rawh.
Vawiin hian thlemna laka inven dan ruahmanna siam rawh. Chung chu awmzia a awm loh chuan thil lo thleng thut hmachhawn nana ruahmanna i neih kha hmang rawh- tlansan rawh. Chu chu tlan chhuahna awlsam ber leh ṭha ber a ni.
Ngaihtuah zui atan.
Thlemna laka invenna leh rikrum thila tlansanna hi engnge a inan lohna?
Thlemna i hmachhawn lian berte zinga pakhat engnge? Chu thlemna laka ata i inven theih dan engnge? I rin loh ang taka i hmachhawnin engtinnge i ruahmanna ni leh ang le?
Inven dan leh tlan chhiatsan dan i ruahman hnu pawha harsatna thlentu che kha eng thlemna nge? Vawiin hian i ṭhian rintlak tak i tana ṭawngṭai a, i ruahmanna te laka mawhphurhna i neih theih nan dil rawh.
[Lettu: Mapuia Fanai]
No comments:
Post a Comment