_Nun Atana Hmanrawn Bawm_
- Rick Warren
- September 14, 2025
_"A phute tan ṭhatna ui suh, i kuta tih theihna a awm phawt si chuan."_ (Thufingte 3:27)
Nitin Pathianin i bul vela mite chunga ngilneihna lantirna hun a siamsak che a. Eng angin nge i chhan dawn tiin a thlir reng che.
Mahni hmasial taka awm i thlang dawn nge fuihna thu mamawh te, dawmkan ngai te, thil tihsak ngai te emaw kawng hrang hranga puih theihna i neih te kha i pui dawn?
Bible chuan, _A phute tan ṭhatna ui suh, i kuta tih theihna a awm phawt si chuan"_ a ti (Thufingte 3:27).
Puih theihna hun remchang i nei reng lovang. Chuvang chuan, i neih lai khan pui mai rawh!
Mi tu emaw puih duhna rilru chu i lo nei fo tawh ang. Tumna ṭha ber i nei. Mahse, engmah i la ti lo. Engvang nge?
Chhuanlam i lo siam a ni thei. "Boruak han zia deuh se ka pui ang" tiin i ngaihtuah a ni mai thei. Mahse maw a zia mai ngai lo.
I nuna thil ṭha tih i duh chuan, tun hi a hun chu a ni. Bible chuan, _"Thli pawisatu'n chi a tuh lo'ng, chhum enthlatu'n a seng hek lo vang"_ a ti (Thuhriltu11:4). Vawiin hi midangte nun a danglamna i thlen theih hun chu a ni.
Isua chuan, _"Chhun a nih laiin mi tirtu hna kan thawk tur a ni; zan a nih dawn tak hi, chu mi hunah chuan tuman hna an thawk thei lo vang"_ a ti (Johana 9:4).
Pathian chuan thawk tura duh bik che a nei; chuvang chuan, ti turin boruak zia hun nghak kher suh. Chu ai chuan, midang ṭanpuia fuih turin ni tinin hun remchang a siam che - ti mai rawh.
Ngaihtuah zui atan.
Thil ṭha tih vat lohna chhan turin eng ang chhuanlam nge i lo siam tawh a, midangte chhuanlam siam i lo hriat tawh?
Thil ṭha ti tura hun remchang i nghah a i hloh leh si ang hun kha han sawifiah teh. Engnge i zir chhuah?
Eng angin nge midangte tana thil ṭha ti turin Pathianin a duh che? Chumi thlentir tur chuan vawiinah hian eng kawngin nge hma i lak theih?
[Lettu: Peka]
No comments:
Post a Comment