Friday, September 19, 2025

ENGVANGIN NGE LUNGKHAM A SAWT LOH

_Harsatna Paltlang Tura Pathian Dil_

By Rick Warren
— September 19, 2025

“Engah mah mangang suh u; engkimah ṭawngṭai leh dîlin, lâwmthu hril tel zêlin, in duhnate chu Pathian hnênah hriattîrin awm zâwk rawh se. Tichuan, Pathian thlamuanna, rilru rêng rênga hriat sên loh khân, in thinlung leh in ngaihtuahnate chu Krista Isuaah chuan a vênsak ang che u.” [Philippi 4:6-7]

“Lungkham suh” tih thu hi Bible a thil zawm harsa berte zinga mi a ni thei awm e. Tute pawh mai hi lungkham nei vek kan ni. Chu thupek chu kan awih lo fo ṭhin, a chhan chu lungkham neih chu thil pangngai a ni. 

Isua chuan hetiang hian a sawi: “Chutichuan, a tûk atân lungkham suh u, a tûk chuan ama tân a lungkham chawp dâwn si a. Ni khat atân ni khat hrehawm chu a tâwk a ni,” tiin. [Matthaia 6: 34]. Vawiin hian hun kal tawh avanga lungkhamin emaw hun lo kal tur avanga buaiin i rilru chu i lo tichau lutuk em? 

Lungkham neih chuan engmah a siamtha lo. Lungkham neih chu a hlawk miah lo! Hun liam tawh chu a thlak danglam thei lova. A tihtheih chhun chu tilungngaih belh che chu a ni mai. Lungngaia i hun i hman tawh zawng zawng chu awmze nei lova hun khawhralna mai an ni. 

Lungngaihna chuan hlauh tur thlirtir chein Pathian a rin loh tir che a. Chu chu Pathian rin lohna dik tak chu a ni. Lungngaihna i nei a nih chuan nu leh pa nei lo ang maiin i khawsa tihna a ni thei hial ang. Vana i Pa i mamawhte pe theitu che chu nei lo ang maiin i awm tihna a ni. Lungngaihna i nei a nih chuan i buaina te chu nangmah leh nangmah maiin i chinfel a ngai tihna a ni bawk. Chu chu Bible-ah a awm lo – mahni leh mahni inṭanpuina lehkhabuah chauh a awm ang. Chu chu thil dik lo a ni thung. 

Lungngaihna nun chu i titawp dawn a nih chuan thil dang daih eng emaw i ngaihtuah a ngai ang. Bible-ah chuan Pathian mite chuan chawngeia ṭawngṭai chu Pathian lam enna hmanrua atan an hmang fo – in endiknan – an kiang vela thil thlengte chu Pathian lam, anmahni ni lovin, enna hun atan an hmang ṭhin. Chaw nghei – thil eng emaw i nghei a, hun eng emawti chhung atan, i mamawhnate chu Pathian hnaihna atan i hmang tihna a ni. Ṭawngṭaina pawhin chutiang chiah chuan a thawk thei.  

Bible chuan Rom 8: 6 ah hetiang hian a sawi, “Tisa lam thil duh chu thihna a ni si a, Thlarau lam thil duh erawh chu nunna leh thlamuanna a ni,” tiin.

I en tur chu i thlan fimkhur a ngai. I buaina chu i en ngut ngut chuan i lungngai tual tualin, hlauhna leh lungngaihnain i khat zui mai ang. Pathian lam i en erawh chuan, Pathian thlarau nangmaha awm nen chuan, lungngaia i buai a ngai lo vang. Pathian lam en nun chuan nunna thar leh thlamuanna a pe ang che. 

Lungkham thlauhthlak dan sawt ber pakhat chu “Ka lungngai tawh dawn lo,” tih a ni ngawt lo. Chu chuan awmzia em em a nei lo vang, a chhan chu i duh loh zawng thil chu i en ngat ngat palh ang. 

A kawng zawk thlak chu a ngai. Do duh suh. I thil en thlak rawh. Pathian lam en la, a hmangaihna leh a thutiam chu beisei fan fan ang che. 

Ngaihtuah zui atan. 

• Engtiangin nge i thil lungkham chuan i rilru, thinlung leh taksa a nghawng? 

• Pathian en dan dik tak chu eng nge ni? 

• I nitin hun hmanah chuan Bible thu/chang vawn chuan Pathian lam en turin engtin nge a ṭanpui ang che? 

[ *Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...