_Harsatna Paltlang Tura Pathian Dil_
- Rick Warren
- September 17, 2025
"Ṭawngṭaina leh dilna zawngin Lalpa Pathian lam chu ka hawi a," Daniela 9:3
"Mu turin ka zâla, ka thinlung veng turin Lalpa hnenah ka ṭawngṭai a. Ka thawh hmaa ka lo thi a nih chuan ka thlarau chu la turin Pathian hnenah ka ṭawngṭai a ni," tiin i ṭawngṭai tawh ngai em?
Emaw "He chaw hi kan taksa ṭhanlenna turin malsawm ang che, tih te hi.
He ṭawngṭaina tlanglawn tak hmang hian mi tam tak chu an ṭawngṭai ṭhin. Eng nge a awmzia? Awmzia neiin kan hria em?
Kan ṭawngṭai hian rilru put dan lantir lo emaw, ṭawngṭaina tak tak ni lo emaw hi Pathianin a zawng lova. Miin thu an phuahsa i chham a nih pawhin a buai hran lo. I ṭawngṭaina ri chu eng ang taka mawi nge a nih tihah pawh a buai hek lo.
Ṭawngṭaia Pathian hnena i dil apiang-tisa thil emaw, hmanraw lam emaw, thlarau lam emaw, rilru lam pawh ni se i duhna chu tilang chhuak ṭhin rawh. Chhan neiin Pathianin a siam che a! Ama anpuia siam i ni a, amah pawhin a rilru a tilang ṭhin. Chuvangin thinlung aṭanga chhuak thusawi chuan Pathian a tilawm a ni.
Daniela chuan Israel mite hnena thurawn a pek theihna turin Pathian finna a mamawh a, "Chaw ngheiin, saiip puan te, vaivut te nen, ṭawngṭaina leh dilna zawngin Lalpa Pathian lam chu a hawi a," (Daniela 9:3). Dil tih chu thinlung taka ngen tihna a ni. Chu chu tih dan pangngai ang ngenna aia nasa zawk a ni. Tih tak zeta thinlung taka zawmna a ni. Kan ngenna chu Pathianin a lo ngaithla ṭhin a ni.
Hemi chang vek hi The Message Bible chuan, "Ka thinlung chu leihbuain, ka thlarau chu Pathian hnenah ka bunruak vek a, " a ti.
Hei hi ṭawngṭaina dawihzep a ni lova. Ṭawngṭaina huaisen a ni zawk. Hetianga i ṭawngṭaina hnuhnung ber hi engtikah nge ni ang?
Mimal taka nangmah hre miah lo chung che pawhin hei hi ka hrilh ang che, hetiang taka i ṭawngṭaina hnuhnung ber chu chhungrila i nat vawng vawng laiin a ni ang. Thil a kal tluan ṭhat lai chuan thinlung leihbua a Pathian hnena inbunruakin i ṭawngṭai lova. I nat erawh chuan a hnenah thil i ngen ṭhin a ni.
I nat ṭum chauhin hetiang hian i ṭawngṭai ṭhin tihna chu a ni lo. I han hawi kuala, khawvela thil thleng i han thilr chuan tilungngaitu che kha Pathian tilungngaitu ve tho kha a ni. Chu chu Pathian hrilh rawh. Ani chuan hmangaihnain a lo chhâng ang che.
Vawiinah hian i thinlung chu Pathian hnenah leihbua la. I ṭawngṭai a chhânna chuan a lamah a hip hnai che anga, i rinna chu a lo thuk deuh deuh dawn a ni.
Ngaihtuah chhunzawm atan.
Pathian hnena i thinlung i leihbuak hnuhnun ber ṭum kha engtik hun nge? I ṭawngṭaina chu engte nge?
I nun kha tluang viau ta sela, eng thil nge Pathianin eng thil nge dil tura a tih ang che?
Rilru chhungrila i thil vei tilang chhuak ngai lo i nih chuan, chutiang ni turin engtin nge Payhian hnenah i dil ang?
[ *Lettu: Marova Punte* ]
No comments:
Post a Comment