Sunday, November 15, 2026

MITE FAK THIAMNA HI CHIN ṬHANAH A NEIH THEIH

_Hma Hun Eng Zawk Nei Turin_

- Rick Warren 
- November 14, 2026
_"Ka ṭawngṭainaah te chuan in hming lamin lawmthu sawi ka bang ngai lo."_ (Ephesi 1:16  ISV)

Midangte nena thawhhona ṭha neih dan thuruk khirhkhan tak a awm chuang lo. An hnathawk i fak thiam i zir a ngai!

Engtinnge midangte i fak ang? Thil ho te a ni. Mi hlutna leh an hnathawh hriatsak tum la. "Ka lawm e" tih hi chin ṭhanah nei tum bawk la. 

Nehemia khan midangte hnathawh ngaihhlutsak dan kawng liin a lantir:

*Mi, an hminga koh tum rawh.* I nuna danglamna thlentute hnena lawmthu i sawiin, "In zavaiin hna in thawk ṭha hle mai. Ka lawm e" ti satliah mai suh. Nehemia ang khan tihbik nei rawh. Ani chuan mi 71 an hming lam chhuakin an hnenah lawmthu a sawi anih kha. 

*An hnathawh ṭhat lai bik sawi chhuak rawh.* Mi, an hnathawh dan chipchiar taka kan tarlansak hian an lawm ṭhin. An thawh ṭhat thu sawi satliah hi a tawk lo. "Helai bik te hi i thawh avangin ka lawm hle mai" tih te hi a ṭha hle.

Nehemia khan a mite hnathawh chipchiar takin a hre hneh hle. Heti hian a ti, _"Tin, Kawngka Hlui chu Pasea fapa Joiada leh Besodeia fapa Mesulaman an siam ṭha a, a relte an dah a, a kawngkhârte an rel a, a kalhnate leh a bahnate an rem a."_ (Nehemia 3:6). Bible hle chipchiar taka tarlan a ṭulzia a tarlang!

*Rilru dik putute tarlang rawh.* Rilru hrisel lo tam tak awmna khawvelah hian rilru dik putute an ding chang ṭhin. Nehemia 3:20-ah chuan Nehemia'n mi pakhat chu rilru puthmang ropui tak avangin a hming a lam: _"Baruka chuan . . . kawngkhar thlengin a siamṭha a."_

Mite phurna leh thathona i pholansak chuan chakna thar a pe a, midangteah a kangkai ṭhin. Pathianin hmathlir a pek che tihpuitlinna kawngah mi tam zawk a pek belh ang che.

*Tha chuang sengtute hre reng rawh.* Meremoth-a khan tha a thawh nasat avangin Nehemia lehkhabuah vawi hnih lai tarlan a ni. Sangha kawngkhar bula bang a siamṭha hmasa a (Nehemia 3:4). Tin, _". . . Eliasiba in tawp thlengin a siam ṭha a."_ (Nehemia 3:21). Nehemia khan Meremoth-an a hna piah lamah hna a thawk a ni tih a hria a, midangte pawhin hmu se a duh a ni.

Ka hmelhriat mi tam tak an mihringpuite rawng an bawksak kawngah leh an hnathawh kawngah fel tak an awm. An hnathawh tarlan a fak an phu ang ngeia fak hian hlimna min pe ṭhin. A chang chuan inbiaktawnna ang mai hi a ni. Mahse midangte tha sen hriatpui a, an tuar a chhelziatr hriatpui a hmalam pen zel tura fuih hi a pawimawh.

Lawmna nun leh mite fak theihna nun nei tur chuan kan lo tihchhin a  ngai. Vawiin aṭang hian i ti ṭan thei!

Ngaihtuah zui atan.

Engtinnge hnathawh mi hmuh dan khan i bul vela mite a nghawng?

Engvangin nge mi tam tak hian midangte hnathawh ṭha hre tura hun leh tha an sen loh ni a i ngaih?

Tunge mite aia kal thui? In chhungkaw zinga mi emaw, kohhrana mi emaw, hnathawhna hmuna mi emaw a ni thei. Mite aia an thawh tam avangin karleh lo awm turah hian an hnenah lawmthu sawi tum rawh.

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...