_Hma Hun Eng Zawk Nei Turin_
By Rick Warren
November 13, 2026
“ _Khawngaihna mi pêka chu an hriat pawhin Jakoba te, Kipha te, Johana te, bana an ruatate chuan keini Jentail-te hnêna kal tûr leh anni zawng serhtante hnêna kal tûrin, kei leh Barnaba chu inpâwlna kut ding lamte min pe ta zâwk mah a_ .” Galatia 2:9
Mi zawng zawngte chu Pathianin i tana ruahmanna a neih chhungah chuan tel ve an duh kher lo vang, mahse a pawi lo. Mi zawng zawngte chu hmangaih chhunzawm mai la, mahse a tumte chauh chu ṭanpui ang che.
A awmzia chu, nangmah pui duhtute lam chu hawi mai rawh. Chu chu Isua rawngbawl dan a ni. Mi zawng zawng a hmangaih vek a; mi 5000 lai hraiin mipui hmaah thuchah a sawi a. Mi 70 chauh a kaihruai a, mi 12 chauh zirtir a a nei a, pathum a hrual thung. Mi tlemte kha ngun lehzualin a khalh fal ṭhin.
Mi pathum a khalh fal te chu Petera, Jakoba leh Johana te an ni a. Pathum chauh kha Hmel danglamna Tlangah an lawn ve. Anmahni tho kha Petera pizawn tihdam a nih laiin a awm ve. Gethsemane huana ṭawngṭai tura a kal falpuite kha anmahni bawk an ni [Matthaia 26: 39].
Isua khan duhsak bik a nei em? Aw. Amah a liam huna mawhphurhna tam zawk latu turteah khan a hun tam ber a hmang a ni. Tichuan chu ruahmanna chu fel takin a thawk ta a. A hnu zela Bible-a kan hmuh dan chuan – Galatia lehkhathawnah khan – Paula khan Petera, Jakoba leh Johana te chu kovin “kohhran innghahna” angin an a ko a ni [Galatia 2: 9].
Mi zawng zawngte chu Isua rawngbawlnaah an tel ve duh kher lo. A zirtir 12 te zinga mi, Juda khan a phatsan a, thil pawi lian tak a khawih a nih kha. Chuti chung chuan Isua chuan mi 11 rinawmte chungah chuan buai em em lovin a insawrbing mai a, phatsantu ni lovah chuan.
I nuna mi ṭhenkhatte chuan an tibeidawng chein an la phatsan ang che. Chutiang hunah chuan hei hi hria ang che: Anmahni demnan hun khawhral suh. Bible chuan, “ _Engtizia nge nangin i unaupa i sawisêl mai? Engati nge nang pawh i unaupa chu i hmuhsit mai? Pathian rorêlna ṭhutthlêng hmaah chuan kan la ding ṭheuh dâwn asin_ ,” tiin a sawi lawk thlap [Rom 14: 10]. Pathian nena an inkar thu niin, i buaina a ni lo.
Nehemia khan amah thawhpui duh lotute sawiselna atan a hun a khawhral duh lo. Tekoa khuaa khawnbawlten Jerusalem kulh thenkhat sak that hnaa an puih ve duh loh khan Nehemia chuan, “ _Khaw milianho chuan hotute tuk ang chuan an thawk ve duh lo_ ,” tiin a sawi mai [Nehemia 3: 5]. Chu chu a thil sawi chhun chu a ni mai. Nehemia chuan a rinthu emaw zeldinthu emaw a zam chiam chiam lem lo. Anmahni demna atana hun khawhral chu thil tul hauh lo niin a ngai mai a ni.
Mi tuten emaw Pathianin hna thawk tura a tih che thawk tura an thawhpui duh lo che a nih chuan lungngai duh suh. Pathian lam chu hawi mai la – nangmah thawhpui duhtute lam zawk chu thlir mai ang che.
Ngaihtuah zui atan.
• An thiltum leh ruahmannaahte i thawhpui avang chuan tuin nge thawhpui ve che? Eng thil nge in hlen chhuah?
• Isua ngei pawh khan amah thawhpui duh lotu a nei tih khan engtin nge a thlamuan che, chuting chung chuan khawvela hna ropui ber “krawsah chuan a taksain mihringte sual a phur a nih kha” [I Petera 2: 24].
• Nangmah thawhpui duh lotute chu hmangaih turin engtin nge i lo beih ve tawh?
[ *Lettu:* Peka]
No comments:
Post a Comment