_Ruahmanna Siam Hun_
- Rick Warren
- November 4, 2026
"Nimahsela, hrehawma kan awm leh nangmahni thlamuanna tur leh chhandamna tur a ni a, thlamuana kan awm leh nangmahni thlamuan vena tur a ni a, chu chuan kan hrehawm tuar bawk hi chhel taka in tuarnaah chuan a thawk ṭhin a ni," 2 Korinth 1:6-7.
Pathian chuan i natna hmanga mi dangte ṭanpui turin a beisei che a. Thil tihsual, tlin lohna, harsatna, fiahna, emaw thutlukna dik lo emaw i lo tawn tawh chu eng pawh ni sela, Pathian chuan, "I nunah thil ṭha atan ka hmang zel ang, chu chu mi dangte puih nan hmang turin ka beisei che a ni," a ti.
Hei hi tuarna chhanchhuahna an tih chu a ni.
The Living Bible chuan heti hian a sawi, "Nimahsela, hrehawma kan awm leh nangmahni thlamuanna tur leh chhandamna tur a ni a, thlamuana kan awm leh nangmahni thlamuan vena tur a ni a, chu chuan kan hrehawm tuar bawk hi chhel taka in tuarnaah chuan a thawk thin a ni," 2 Korinth 1:6-7 a ti.
I nuna harsatna i tawh zinga lian ber leh taksa leh rilru natna i tuar tawhte kha ngaihtuah teh.
Pathian chuan i natna chu khawhral mai mai a phal lo va, i tuarna chu chhanchhuah a duh a ni. Mi dangte chu i chakna aiin i chak lohna hmangin i pui thei zawk fo ṭhin. Na tuar mekte hnena i thil thiam zawng zawng hrilh khan awmzia a nei lo va. I natna hmunah Pathianin engtin nge a awmpui che tih i sawi khan an nun a thlak danglam thei a ni.
Ka nuna natna lian ber pakhat chu ka fapa naupang ber kum 27 chhung rilru lam natna a tuar hnu a mahni nunna la ta kha a ni. Ni tin deuh thaw khawvel hmun hrang hrang aṭangin rilru lam harsatna avanga ṭanpui dilin min rawn phone ṭhin a. Chu rawngbawlna chu ka dil chhuah a ni lo, ka mumangah pawh ka telh ngai lo. Mahse ka natna chu ka khawhraltir dawn tihna a ni lo.
Ṭanpuina dila ka hnen lo kalte chuan kei pawhin ka lo paltlang ve tawh avang leh sawi ka huam avangin ka bula sawi chu a him ang tih an ring ṭhin.
I nuna natna i sawi chhuah loh nangmaha i phurh ngai ni a i hriat eng nge awm?
Pathian chuan i dam hlen hnu chauh ni lovin i dam mek lai pawhin a hmang thei che a. I zahna leh i la nat rengna hmunah pawh hman che a duh a ni.
I nun atana Pathian duhthusam chu i thiamna leh i chakna hmang chauh ni lovin, i natna hmang pawha mi dangte i puih hi a ni. Hei hi Isuan i tan a lo tih chu a ni a.
Hei hi chanchin Ṭha thiltihtheihna chu a ni.
Ngaihtuah zui atan.
Eng natnain nge mi dangte hnena i natna sawi chu dâl che?
Engvangin nge i thil tawn hrehawm tak sawi chhuah chu i thilpek leh thiamna sawi aia rawngbawlna ṭha zawk a nih châng a awm ni a i hriat?
I natna aṭanga i la damfel hma pawhin Pathianin a hmang thei che tih i ring em? Tuna i tawh mek hrehawmna nen hian chu chu i ti thei em? Engvangin nge i theih ang emaw, i theih loh ang?
[Lettu: Marova Punte]
No comments:
Post a Comment