_Ruahmanna Siam Hun_
By Rick Warren
November 05, 2026
“Ani chu kan sual ngaihdamna a ni, keimahni sual chauh ni lovin, khawvêla mi zawng zawng sual ngaihdamna pawh a ni.” 1 John 2:2
Beisei tur nei tawh lo tur khawpin i sualna chu nasa mahse chu chuan Pathianin i tana a ruahmanna chu a tisukuk chuang lo. Eng vangin?
A chhan chu Isua chuan i sual man zawng zawng a pe tawh.
Pathian chuan i nun tan ruahmanna a nei a ni tih i lo hriat hma hauh khan i sual man bat a tlak fel vek tawh. Bible chuan, “Ani chu kan sual ngaihdamna a ni, keimahni sual chauh ni lovin, khawvêla mi zawng zawng sual ngaihdamna pawh a ni,” tiin a nemnghet [1 John 2:2].
Isua krawsa a thih khan i sual man bat a tlak a; hun kal tawh, tun hun leh hmalam hun atan. A inhlanna kha a tawk tawh. Pathian ngaihdamna chu a man i pek a ngai tawh lo, a chhan chu Isuan a tlak vek tawh. Kraws kaltlang chuan Isua chuan kan sual ngaihdamna chu min chantir tawh a ni. Amaha rinna i nghat a nih chuan, i tihsual tawh zawng zawngte chu nawhreh, silfai, tithianghlim, tihbo, theihnghilh an ni. Chu thu hriatthiamna chuan zalen taka nungin i nun tana Pathian ruahmanna chu i lo chang thei ang.
A chhan chu Pathian thatna chu i thiltiha innghat a ni lo.
I tana Pathian ṭhatna chu i phu zawnga innghat ni lovin dik tak chuan amah Pathian ṭhatna zawka innghat a ni.
“Keinin thil kan tih ṭhat vâng ni lovin, a khawngaihna avângin min chhandam ta a, siamtharnaa sil fai leh Thlarau Thianghlima siam thar kan ni ta a”. [Tita 3: 5]. Chu chu khawngaihna chu a ni. Pathianin i tana a thil ṭha tihte lo pawm mai chu i tih tur chu a ni.
A chhan chu Pathian kohna leh thilpekte chu tiam chin awm lova pek an ni.
Pathian chuan mitinte chu min kohna bik a nei vek. Ruahmanna leh chhan bik eng emaw tana koh vek kan ni. Chu kohna tihhlawhtlinna atan chuan thilpek a pe bawk che – chung thilpekte chu tiam chin nei lova pek an ni bawk. I thawkchhuak dawn a nih ngai chuan thilpek an ni lo vang.
I nun tana Pathian ruahmannate chu a ngai rengin an la awm a. Kum tam tak i lo buaipui tawh a ni thei a, bul i ṭan dawn chauh pawh a ni thei bawk ang.
Pathian ruahmanna/chanvo chang tur chuan a la tlai lo.
Ngaihtuah zui atan.
• Pathian khawngaihna chu i ṭhatna ni lovin ama ṭhatna zawka innghat a ni. Chu chuan Pathian mizia engtin nge a tarlan?
• Mi chu engtin nge Pathian khawngaihnaah a awm tih i hriat theih ang?
• Pathianin i chanvo atana a ruatsak che chu chang turin i inpeih tawh tih chu engtin nge i lantir ang?
Pathian ngaihdamna chu changa Krista nena nun thar tan turin i lo inpeih tawh em?
Bible chuan Pathian, a Fapa Isua Krista kaltlang chauh chuan vanram i kai thei a ni tih a sawi: Nangmah chuan vanram i kai thei lo: “Rinna avânga khawngaihnaa chhandam in ni, chu chu in thawh chhuah a ni lo, Pathian thilpêk a ni,” tiin. [Ephesi 2: 8-9]
“Lalpa duh tak, i thu chuan i Fapa, Isua Krista, ka rin phawt chuan ka thil lo tihsual tawh zawng zawngte ngaihdam min tiam a, ka nun awmzia ka hre thiam ang a, ka chatuan inah chuan engtik niah emaw min lo la lawm ang.
“Ka sual a ni tih ka pawm a, ka sualte avanga ngaihdamna ka dil e. Isua thihna chuan ka sualte a la kiang tih ka ring a, amah chu i kaitho leh bawk. Isua chu ka Chhandamnatu atan ka pawm duh a, ka Lalpa a nihna ang ngeiin vawiin aṭang hian zui ka duh bawk e. Ka kawng hruaiin i duhzawng min zirtir ang che. Isua hmingin ka dil e. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[ *Lettu:* Peka]
No comments:
Post a Comment