_Hun Harsa Atana Ruahmanna_
By Rick Warren
October 03, 2026
_"Anin a ngaihsak ṭhin che u avângin, in manganna zawng zawng ama chungah nghat vek rawh u."_ (1 Petera 5:7)
Hetiang hian i ṭawngṭai tawh ngai em? "Lalpa, min pui rawh. Ka mangangin ka beidawng em em a, a kal zel thei dawn em tih pawh ka hre lo anih hi!" I ṭawngṭai anih chuan Pathian hnenah thudik tak i sawi tihna a ni. Hetiang ṭwngṭaina tak hi a ni Pathianin i lak aṭanga a beisei chu.
Beih niin i inhria em? Pathian hnenah thlen rawh. Chakna reng nei tawh lo niin i inhria em? Pathian hnenah thlen rawh. Hnawl niin emaw khawhar riauin emaw i inhria em? Pathian hnenah thlen rawh. I awmdan engkim kha Pathian hnena thlen turin phalna i nei, a chhan chu kan Bible chuan heti hian a ti, _"Anin a ngaihsak ṭhin che u avângin, in manganna zawng zawng ama chungah nghat vek rawh u"_ (1 Petera 5:7).
Mahse, a chang hi chuan Pathian hnena thudik tak thlen hi a zamawm ve ṭhin. I nuna thil thleng reng reng kha a hre lo emaw i ti a ni mai thei, mahse a hre vek a ni. Chuvang chuan, i ṭawngṭai reng rengin heng thil pathumte hi i hre reng ang che.
*Pathian chuan i rilru put hmang zawng zawng a hre vek.* Bible chuan heti hian a ti, _"An zaa thinlung siam ṭhîn a, an thiltih zawng zawng ngaihtuah ṭhîntu chuan"_ (Sam 33:15).
Pathian hnenah i awmdan te i thlen khan, "Ka tan chuan thil mak tak a ni" a ti dawn lo. Engvangin maw? A chhan chu, thildang zawng zawng bakah i ngaihtuahna siamtu a ni. Zalen takin i be thei a, i thil sawi engmah khan a ṭhawng lovang.
Pathian hnenah i awmdan te i hrilh kha i tan hlawkna a ni, a tan ni lovin. I manganna zawng zawng a hnena i thlen khan i a ruka i thawpiknate leh i rilru insual buai te kha a reh huai dawn a ni tih Pathinin a hria.
*Pathian chuan nang aiin i rilru put hmang a hrechiang zawk.* Bible chuan heti hian a ti, _"LALPA chuan thinlung a en ṭhîn a, rilrua suangtuah zawng zawng hi a hre vek a ni"_ (1Chronicles 28:9).
I ngaihtuahna zawng zawng kha i hrethiamin ka ring lo. Ka ngaihtuahna zawng zawngte hi ka hrethiam bik miah lo. A chang chuan, "Hei hi khawi aṭanga rawn kal nge?" tih chang te pawh i nei ang. Mahse, Pathian chuan i ngaihtuahna te kha a pek che a ni a, a hrethiam reng a ni.
Rilru sukthlak danglam ṭhin i neihna chhan chu Pathian anpuia siam i nih vang a ni, Pathian chu ngaihtuahna nei mi a ni. Bible chuan Pathian chu a lungngaiin a thinrim ṭhin a, nuih pawh a nui ṭhin tih min hrilh. I rilru sukthlek zawng zawngte kha Pathian aṭanga chhuak a ni.
*Pathianin i aw ngaihthlak nuam a ti.* Bible chuan heti hian a ti, _"Lalpa chu ka hmangaih a ni, min ngaihthlak ṭhin avangin . . . Ka koh apiangin ani chuan min lo ngaithla ṭhin"_ (Sam 116:1-2, GNT).
Pathian chu a mite aw ngaithla ṭhintu Pathian a ni. Amah nena inbe turin i buai viau a ni mai thei, mahse be tur chein ani chu a buai ve ngai lo. Tin, rei lote chauh mi ngaihsak chi ang hi a ni ve lo, "Engnge i sawi kha? I sawi nawn leh thei em?" a ti ngai lovang. Pathian chuan ngun takin a ngaithla ṭhin.
Chuvang chuan i beidawn viau a, a kaw tawpa ṭang tawh ni a i inhriat chuan tlang takin ṭawngṭai la, _"Zanah chuan ṭawngṭaiin i aw chhuah la . . . Pathian hnenah i thinlung kha tui angin lei baw rawh"_ (Ṭah hla 2:19, NIV). Pathianin a tifel thei, i ṭawngṭaina ngaithla turin a inpeih reng.
Ngaihtuah zui atan.
Pathianin "i lungngaihna zawng zawng a chunga nghah" a inhuam viau laiin Pathian hnena zep lova dik taka sawi turin engin nge dal che?
I rilru put hmang zawng zawng dik takin Pathian hnenah hrilh dawn ta la engnge i sawi ang?
Sam 55:17-ah chuan heti hian kan hmu, _"Tlaiah te, zîngah te, chhûnah te ka mangan thu ka sawiin, ka rûm ang a; Tichuan, anin ka aw a ngaithla ang."_ Hemi chang aṭang hian engtik hun hi nge Pathian hmaa inbuh ruah hun le?
*I thinlungah Isua i la sawm ngai lo anih chuan tun hi i tana hun ṭha nise ka duh.*
Pathian hnenah Isua kaltlanga a chhandamna thutiam i rin thu he ṭawngṭaina hmang hian sawi rawh le:
"Ka Pa duhtak, Isua ka rin chuan ka thiltih vang ni lovin i khawngaihna avang chauhin chhandamin ka awm ang tih min tiam a. Isua ka Lal leh Chhandamtuah ka pawm e. Ka sual puangin i ngaihdam ka dil e. Ka nunna a tan ka pe e.
"Min hruai la, min kai la, rinna leh thuawihna nen a Isua zui thei turin min pui ang che. Isua hmingin. Amen."
Isua pawma i ṭawngṭai a nih chuan Rick@PastorRick.com ah hian min han hriattir ta che. Isua zui tura i kawng hruaitu atana hmanraw ṭangkai te thlawnin ka lo thawn ang che.
No comments:
Post a Comment