Sunday, October 4, 2026

HLIMNA THLENTU CHIN ṬHAN ṬHA CHU

_Hun Harsa Atana Ruahmanna_

- Rick Warren
- October 04, 2026
_"Engkimah lâwm thu hril rawh u; chu chu nangmahni lam thu-ah Krista Isuaah chuan Pathian duh zâwng a ni si a."_ (1 Thess. 5:18)

Danglamna leh rilru hahna nasa tak i paltlang mek laiin engtinnge hlimna nei hram hram turin i tih? Thil ṭha lo zawng zawng thleng mahse thil ṭha zawng zawng avanga Pathian hnena lawmthu sawina nun zir hram hramna hmangin.

Hei hi 1 Thess. 5:18-ah kan hmu, _"Engkimah lâwm thu hril rawh u; chu chu nangmahni lam thu-ah Krista Isuaah chuan Pathian duh zâwng a ni si a."_ A awmzia chu eng dinhmunah pawh lawmthu sawi thiam kan zir a ngai a ni. Kan chunga thil thleng zawng zawngah kan lawm tur tihna erawh a ni lo, entir nan cancer natna emaw lirtheia chetsualna kan tawh emaw ang hunah hian. He khawvela thil ṭha lo zawng zawngah hian kan lawm tur tihna a ni lo.

Mahse Pathian hnena eng emaw avanga lawmthu i sawiin - i rimawi ngainat tak vang emaw, i chhel vela Pathian thilsiam mawi tak emaw, Bible emaw avangtein - hmalam pana i kal zel theihna turin chu chuan i rilrua hmun ruak kha a rawn hnawh khat ta ṭhin a ni. Lawmna nun neih hi duhthlanna a ni; khakna nun nei lo turin a pui che a, i hmabak hlen turin chakna a pe che a ni.

I thinlung ruak hnawh khaha a awm leh thil a kal fuh lai hian lawmna neih a awl ṭhin. Hun harsa tak leh rilru hahna nghet tak i neih lai chuan lawmna tur a vang ṭhin. Mahse chung hun chu lawmthu i sawi a ṭul hun a ni si.

Hun harsa karah chuan Joba nun hi lawmna nun neih nana zirtirtu ṭha tak a ni. Mi hausa leh hlawhtling a ni a, mahse ni khat thil thuah a neih zawng zawng a chan vek. Engvangin nge a chungah a thlen a hre lo a, duh nise thinrimna tur leh khakna tur tam tak a nei. Mahse heng karah pawh Pathianah rinna a nghat tlat. A hun thim lai berah pawh chhuata bawkin Pathian chibai a buk a, _"Pathian hming chu fakin awm rawh se"_ a la ti thei a ni (Joba 1:21).

Chin ṭhan ṭha leh thiltithei tak i tih ṭan nghal mai theih chu nitin Pathian hnena lawmthu sawina tur point siam hi a ni. Nitin rei lo te ṭhuin, "Engah nge lawmthu ka sawi thei ang?" tiin ngaihtuah la. Chu chuan i thlarau nun tichakin bansan duhna rilru i neih hunah pawh kal zel turin a pui ang che.

Kan hun khirh lai ber pawhin Joba nun entawnin lawm chungin Pathian chibai kan buk thei, engkima lawmthu hril turin min duh a ni tih hriain. 

Ngaihtuah zui atan.

Lawmna nun i neih khan Pathian ṭha tak chunga i rinna engtin nge a lantir?

Vawiinah hian eng thil nge, a tur ve reng anga i ngaihah khan Pathian hnenah lawmthu i sawi ang?

Lawmna nun khan eng hun khirh tak nge paltlang tura a puih che?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...