_Hei Hi Keimahni Kan Ni_
By Rick Warren
October 22, 2026
“ _Min siamtu chu amah chu a ni a, ama ta kan ni; A mite leh a ran tlatna hmuna berâmhote chu kan ni._ ” [Sam 100: 3]
Kohhran chhungkuaa tel chuan hlawkna tam tak a nei. Nimin lam khan chung hlawkna pahnihte chu kan zir tawh a: Kohhran kaltlang chuan i nihna dik tak chu i zir thei a, miten an ṭanpui bawk che tih thu chu. Vawiinah chuan hlawkna dang pathum kan zir belh leh dawn a ni.
*I nihna danglam bik i hmu chhuak.* Mitinte hian hlutna bik kan nei vek. Khawvel hmun dang khawiah mah nangmah ang an awm ngai lo. Chuvang chuan kohhran chuan a mamawh che – a taksa tifamkim tur chuan. Bible chuan hetiang hian a sawi, “ _Taksa pumkhatah pêng tam tak kan nei a, pêng zawng zawng thiltih erawh chu a inang lo va; chutiang bawkin keini tam tak ni mah ila, Kristaah chuan taksa pumkhat kan ni a; a mal malin inpêng tawn ṭheuh kan ni_ ,” tiin [Rom 12: 4-5]. Nangmah khan midang i mamawh a, midang pawhin an mamawh bawk che.
*Venhimna i dawng.* Sam 100: 3 chuan, “ _Min siamtu chu amah chu a ni a, ama ta kan ni; A mite leh a ran tlatna hmuna berâmhote chu kan ni_ ,” tiin a sawi. Pathian beramte zinga tel ve tih chu engnge a awmzia? A veng che a, a ngaihsak bawk che tihna. Midang nangmah vengtu che i nei tihna a ni a. Venhimna leh ṭanpuina Isua, Berampu Ṭha ringtuten an chan ang kha i chanvo a lo ni ta tihna a ni bawk.
Pathian kohhran – Pathian beram rual – zawmtu i nih chuan i huaisen sawtin enghelh tur i nei tlem sawt bawk ang. Sumdawnna huanga i talbuai a nih chuan, “Keimah mai ka ni hleinem” i ti thei ang. Inlaichinna thuah buaina i nei a nih pawhin, “Keimah mai ka ni hlei nem” i ti thei bawk ang. I lo bawrhsawm ka deuh a nih pawhin chu tho chu “Keimah maiin ka awm hlei nem” i la ti thei fan ang. Eng vangin nge? A chhan chu kohhran chhungkua nangmah hmangaihtute zingah chuan i tel ve a ni.
*Hlawk zawkin i nung thei.* Mi tam berte chuan an nun chuan hlutna nei se an duh. Thil eng emawah danglamna thlentu nih an duh bawk. Chung chu a tha thei ang berin engtin nge i tih ang? Kohhran chhungte nena inzawmna neih chu a ni. Chu chu a kipui chu a ni e – mite nena inzawmna neih chu.
Isua chuan, “ _Kei hi grêp tak chu ka ni a, ka Pa a huan enkawltu a ni … Kei grêp chu ka ni, nangni a pêngte chu in ni. Tu pawh keimaha awm renga, kei pawh amaha ka awm rengna chu tam takin a rah ṭhîn; keimah lovin eng mah in ti thei si lo_ ,” tiin a sawi [Johana 15: 1, 5]
Hei hi a awmzia chu a ni: Kohhran chhungkua i zawm zet loh chuan Pathianin a din dan ang tak che a hlawkin engmah i ti thei ngai lo vang. Kohhran chuan zawhna zawt dik tur leh ngaih pawimawh thliar hrang turin finna a pe che. Thing zar chhawk tawhin rah a chhuah ngai lo. Grep hrui dik tak, Isua zawmtu i nih chuan nunna petu chakna chu nangmah aṭang chuan a luang chhuak ang.
Kohhranin a pek theih che ang chu khawvelin engmah a pe thei lo che. Kohhran chauh chuan hlutna, nghehna, himna, hlawkna leh neitu mumal nihna chu a pe thei che.
Ngaihtuah zui atan.
• Engtin nge Pathian chuan theihna leh thilpek i dawnte chu midang sawtna atana hmang turin a duh che?
• Kan khawvel a inher ve reng karah hian eng vangin nge kohhran chhungkaw venhimna chu a pawimawh?
• Tu emaw an lawina kohhran kaltlang thil lian tak titu chu han ngaihtuah teh. An hmalakna chuan anmahni anga che chhuak ve tur chuan engtin nga an fuih che?
[ *Lettu:* Peka]
No comments:
Post a Comment