Wednesday, October 21, 2026

KOHHRAN CHHUNGKUAA TEL ṬHATNA PANGA, BUNG 1-NA

_Hei Hi Keimahni Kan Ni_

- Rick Warren
- October 21, 2026

"Rinnaa kan inchâwm tawna, kan inṭanpui tawn theihna turin hmuh che u ka châk em em a ni," (Rom 1:12 NLT).

Kohhran chhungkua nen in inzawmna a ṭhat poh leh kohhranin a pek theih zawng zawng thilpek i dawng ang.

Kohhran hian eng nge a pek theih che? Kohhran chhungkuaa i tel chuan malsawmna panga i dawng ṭhin. Vawiinah hian a hmasa pahnih kan en dawn a ni.

*1. I nihna dik tak i zir chhuak ṭhin.*
Mihringte hian an nihna hi pawnlang takah an zawng fo ṭhin-an hnathawhah te, an sum leh paiah te, an sports team ṭan zawngah te. An thawmhnaw brand hakah te hial pawh an nihna an zawng ṭhin. Mahse Isua i neih chuan aman nihna thar a pe che a ni.

Bible chuan, "Chumi avang chuan tu pawh Krsitaa aawm chuan thilsiam thar a lo ni a, thil hluite chu a ral ta a, ngai teh u, a lo thar ta," a ti. (2 Korinth 5:17) 

Isua i neih chuan Pathianin a chhungkua, kohhranah chuan a fa atan a lawmlut che a. I chhungkua a taksa peng - mi an thihna te, an inṭhen darhna te, hmun danga an pemna te, inṭhenna te ang lo takin thlarau lama i chhungkua chu chatuan daih tur leh chatuana awm tur a ni. Ephesi 2:19 chuan, "Chutichuan, tunah mikhual leh mi cham mai in ni tawh lova, mi thianghlimte nen chuan tualkhat leh Pathian chhungte in ni ta zawk a ni," a ti.

*2. Mi dangte ṭanpuina i dawng ṭhin.*
In sakna nghet tak ang hian kan indawmkang tawn ṭhin. Kohhran innghahna nghet tak awm lovin i nunah engtik lai emaw chuan i tlu chhe mai thei a ni. Nangmah chauhva tih vek tum tur a ni lo. Ṭaksa lamah te, thlarau lamah te,5 rilru lamah te leh suangtuahna lamah te ṭanpuina i mamawh a ni.

Bible chuan, "Amaah chuan lung rem hrang ṭheuhte rem taka chuktuahin Lalpaah chuan biak in thianghlimah a chang zel ṭhin a. Nangni pawh amahah chuan Thlarauva, Pathian awmna tura rem khawm in ni," (Ephesi 2:21-22) a ti.

Kum tam tak liam ta khan ka tute nen LEGO set kan siam dun a. Eng nge ka hmuhchhuah i hria em? LEGO brick pakhat chu a dang nen a inzawm loh chuan a mal chuan ṭangkaina a nei lo. Mahse i zawm khawm chuan i duh apiang i siam thei. 

Rom 1:12 chuan, "Rinnaa kan inchâwm tawna, kan inṭanpui tawn theihna turin hmuh che u ka chak em em a ni," a ti. Chuvangin kohhranah kan tel a ni - Pathian mite chuan, "I rinna hian min pui ang a, ka rinna hian a pui ang che," ti a kan sawi theih nan.

Ngaihtuah zui atan

Isua ni lovah khawiah nge i nihna i dah ṭhin?

Thlarau lama i chhungkua chuan Kristaa i nihna dik tak pawm turin engtin nge an fuih che?

Kohhran nen inzawm lova ṭanpuina i dawn loh lai i tawng tawh em? Eng thilin nge kohhran chhungkuaah hruai kir leh che? Kohhran nen in la inṭhen hrang ngai lo a nih chuan, harsatna i tawh laiin kohhranin engtin nge a ṭanpui che?

[ *Lettu: Marova Punte* ]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...