Friday, October 30, 2026

I DUHTHUSAM AIA THA ZAWK PATHIANIN A PE THEI CHE

_Ruahmanna Siam Hun_

By Rick Warren
October 30, 2026
"Chutichuan, keimahnia thawk ṭhîn thiltihtheihna hmanga, kan dîl leh kan ngaihtuah phâk aia nasa zâwka ti theitu hnênah ngei chuan." Ephesi 3:20

Pathianin i nun tana ruahmanna a siam chu i ruahmanna te ai chuan an lian zawk fe zawk ang. 

Engtin nge i hriat theih? A chhan chu Pathian Thuin a tiam a ni. Bible Message lehlin chuan hetiang hian a sawi: “Pathian chuan engkim a ti thei a, in hriat thiam dan – aia nasa fe leh in ngaihtuah thiam dan emaw suangtuahna emaw dilna emaw aia nasa fein a pe thei che u! Min nawr satliah mai mai lovin, a Thlarau chuan thuk leh dam takin keimahniah a thawk thei” [Ephesi 3: 20]. 

I duhthusam ropui ber kha han ngaihtuah teh, Pathian chuan chu aia ṭha chu a la pe thei che. Chung duhthusam hrang hrang aia ṭha chu Pathian chuan a pe thei zel ang che. Pathian chuan i duhzawng pe tur che chuan a nawr lui sawk sawk kher lo vang che. Dik tak chuan, amah lama kal tur chuan i thinlungah thawkin zaidam leh zawldawh takin a dawr zawk che a ni.  

Pathian chuan i nun tana thil ropui tak a pe ngawt lo che. Duhthusam a hmuhtir hnu che chuan a kawng chu a lo buatsaihsak zawk che a ni. 

Thil awm dan chu inherremin, “Pathian ṭanpuina kut tel lo chuan a thleng thei ngai lovang” tih turte chu a la thleng ang. Mi thenkhat chu i hmu palh emaw, sum i mamawh zat i mamawh huna i lo nei mial te, hun remchang lo inhawng nawlh maite chu thil thleng palh an ni ngawt thei lo vang. 

Pathian duh dan nena in thawk dun a nih chuan i tisual thei lo vang, a chhan chu Pathian chuan mi hlawhtling lo tur a buaipui ngai lo. Hlawhtlinna chu thil chiang sa a ni! I lo suangtuah thin dan ang chu a ni kher lo vang a chhan chu Pathianin a hre chiang zawk a, mahse i ṭhatna tur niin Pathian ropuina turin a thawk ngei bawk ang. 

Thupuan 3: 8 ah chuan Pathian chuan, “tu ma khâr theih loh i hmaah kawngka ka hawng e” tiin a sawi. Pathianin beiseina a pek che chuan remchang siamsak chein kawng a hawnsak bawk ang che. 

Chu kawngka in hawnga lut tur chuan huaisenna i mamawh thung. Chu chu rinna i mamawh hun a ni ve chiah bawk. Mi tam tak chuan Pathian ruahmanna an nun tana buatsaih chu hre mahse chu kawng chu zawh tur chuan an huaisen tawk tlat lo. 

I ruahmanna leh hmathlirte Pathian kuta i hlan chiah chuan i tana ruahmanna leh duhthusam te chu a pe ang che a, i tana a kawng hawnsak che chhungah chuan i luh a ngai ang. Chuvangin vawiin hian inpeih turin lo inbuatsaih rawh. 

Chu kawng chuan chu duhthusam ramah chuan hruai chein i nuna i lo ngaihtuah ngam ngai loh thilah chuan a hruai ang che. Chu hun ṭha chu bawhpelh suh! 
Ngaihtuah zui atan. 

• I nun tana i duhthusam lian ber lo ni thin chu engnge ni? 
• Pathian ruahmanna tihlawhtling tur chuan engtiangin nge Thlarau Thianghlim chuan engtin nge a lo buatsaih ve che? 
• Pathianin i kalna tur kawng a buatsaih chu engtin nge i hriat fiah theih ang? 

[ *Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...