_Ruahmanna Siam Hun_
- Rick Warren
- October 31, 2026
_“Taksa khâwnvâr chu mit hi a ni; chutichuan, i mit a fîm chuan i taksa a pumin a êng chhuak ang. I mit a chhiat erawh chuan i taksa a pumin a thim zo vek ang. Chutichuan, i chhûnga êng chu thim ni sela, thim chu a va nasa dâwn êm!"_ (Matthai 6:22-23)
I hmathlir/suangtuahna kha a din chhuah a ni a, i hmathlir chuan i nun a hrual ve thung bawk. I nunah hmathlir i neih loh chuan i nun hrilhfiahna i nei mumal dawn lo tihna a ni.
Tunlai mi tam tak chu an nihnaah an chiang tawh lo. Kan khawtlang huapa thlirin nihnaah kan buai ta viau mai. Miin: "Tunge ka nih?" "Khawi aṭanga lokal nge ka nih?" "Khawiah nge ka kal dawn?" "Engnge ka tih tur?" "Ka nun hian engnge ṭangkaina a neih?" "Heng zawng zawng hian chhan a nei em?" tihte hi an zawt ṭhin. Heng zawhnate hian i hmathklir a kaihruai a, chung zawhnate chuan i nihna an hril a ni.
I nun awmzia hrilhfiahna chiang tak neih theih dan awm chhun chu i nun Pathian hmathlir anga hman a ni. Chutianga i tih loh chuan tunge i nih tih emaw, tunge Pathianin ni la a duh tih i hre lo ang. Heng zawhnate hi i inzawt reng ang a. I thil tih mek khe engnge a nih a, engvanga ti nge i nih tih i inzawt reng ang; i tih khan awmzia a nei em tih chenin i hrechiang lo ang.
I hmathlir khan i nihna a hril - chuvang chuan hmathlir dik i neih a ngai. Hmathlir dik i nei a ni tih hriatna awm chhun chu i nuna Pathian hmathlir engnge ni tih hriat kha a ni.
Isuan heti hian a ti, _“Taksa khâwnvâr chu mit hi a ni; chutichuan, i mit a fîm chuan i taksa a pumin a êng chhuak ang. I mit a chhiat erawh chuan i taksa a pumin a thim zo vek ang. Chutichuan, i chhûnga êng chu thim ni sela, thim chu a va nasa dâwn êm!"_ (Matthai 6:22-23)
Hmuh theihna ropui tak i neih khan chatuan thleng daih tur thil i hmu thiam thei ṭhin. Hmathlir ṭha tak chu chatuan thlir phak leh i nuna Pathian ruahmanna rinna nena thlir kha a ni. Kan thil hmuh a tawi chuan hmathlir pawh a tawi ṭhin. Mahse thui tak kan hmuh thiam chuan hmathlir awmze nei leh nghawng nei kan nei tihna a ni.
I hmathlir tur fing takin thlang rawh. Pathian duh anga hmathlir neih chuan a siam chhan ang che a nung turin danglamna a pe ang che. Midangte pawh nun hlawhtling an neih theihna turin Pathian siam chhan anga nung turin a kawhhmuh ang.
Ngaihtuah zui atan.
Engtinnge i hmathlir kha nangmah aṭanga chhuak ni mai lova Pathian aṭanga chhuak a ni tih i nemngheh ang?
Thlen tum tih leh hmathlir (suangtuahna) hi engnge a danglamna?
Engtinnge i damchhan khan i hmathlir a kaihhruai ang?
[Lettu: Mapuia Fanai]
No comments:
Post a Comment