Saturday, September 5, 2026

SUM LAMA I LUNGNGAIH LOHNA TUR CHHAN PATHUM

_Sum Enkawl Dan_
   
- Rick Warren 
- September 05, 2026
_"Min ngaihsaktu Pathian, a hausakna Isua Krista kaltlanga min petu tho hian in mamawh zawng zawng a pe ang che u"_ (Philippi 4:19, NLT)

Ni khat thil thuah min ngaihsan rawn aṭangin engah maha an ngaih loh i ni thut thei, mi hausa tawntaw aṭangin ni khat thil thuah i tlachhe thut thei bawk. I thawh chhuah emaw i khawl emaw chu engzat pawh nise sum hi kan nuna thil sawi chian harsa berte zinga mi a ni.

Chuvang chuan i lungngai ṭhin a ni. Mahse Bible hian sum chunga lungkham/lungngaih chungchangah engnge a sawi?

*Thil awmze awm lo a ni.* Matthaia 6:25-ah chuan heti hian kan hmu, _"'Eng nge ka ei anga, eng nge ka in ang aw?’ tiin in nunna thu leh, ‘Eng nge ka silhin ka fên ang aw?’ tiin in taksa thu lungkham suh u. Ei tûr aiin nunna a thupui zâwk lo vem ni? Silhfên aiin taksa pawh a thupui zâwk lo vem ni?'" Hlauh tam tak i nei ang, mahse sum lama tlakchham hlau suh. Sum lama tlakhhiatnain hneh che suh se. Hringnun hi thil neih khawm ṭeuh ṭeuh mai hi a ni lo. Engnge pawimawh tak tak hi hi ngaihtuah zawk rawh.

*2. Thil nih dan tur a ni lo.* Isuan Pathian siamte tan lungngaihna tur chhan a awm loh thu mipuite a hrilh: _"Chunglêng savate hi en rawh u; buh an tuh lo va, an ât hek lo, buh inah an seng lût hek lo; nimahsela, in Pa vâna mi chuan a châwm si a. Nangni chu anni ai chuan nasa takin in hlu zâwk lo vem ni?" (Matthaia 6:26)

*3. Thil ṭul lo a ni.* Sum lama lungngaihna hi Pathian leh kan chunga a thutiam hriat chian lohna avanga lo thleng a ni. Isuan heti hian a ti, _"Tin, silhfên thu engah nge in lungkham ni? Ram tûktinpâr ṭhanzia hi ṭha takin ngaihtuah rawh u; hna an thawk lo, la pawh an kai hek lo. Nimahsela, ka hrilh a che u, Solomona meuh pawh a ropuina zawng zawnga a inthuam khân, hêng tûktinpâr pakhat tluk pawh hian cheiin a awm lo . . . silhfên a pe zâwk êm êm dâwn lo che u em ni?"_ (Matthaia 6:28-30). Pathian i Pa a ni a, a fa i ni. Nang aiin i mamawh a hria a i beisei loh lam daih aṭangin i mamawh a pe ang che.

I lungngaih khan Pathian i tikual deuh mai mai a ni. Pathianin ka lo ti ang a tih ngei tih ve i lo tum tihna a ni. Philippi 4:19-ah chuan Paulan heti hian a ti, _"Min ngaihsaktu Pathian, a hausakna Isua Krista kaltlanga min petu tho hian in mamawh zawng zawng a pe ang che u"_ (NLT).

Pathianin i nuna thil thleng zawng zawng a hre vek - i pawisa dahna bawm dinhmun thlengin. I dil hma pawhin i mamawh a hria. A ngaihsak ang che tih ring mai rawh.

Ngaihtuah zui atan.

A chang chuan sum hi nuna thil pawimawh ber emaw tih mai a awl ṭhin. Mahse i nunah khan sum aia pawimawh engnge awm le?

Engtinnge Pathiana rinnaa nghat chungin sum enkawlna kawngah mi rinawm i nih ang?

Sum chungchanga i lungngaih laiin Bible-a Pathian thutiam engte nge infuih nan i hman ang?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...