Friday, September 4, 2026

PATHIANIN I THINLUNG A EN

_Sum Hman Dan_

By Rick Warren
September 04, 2026
“ _Mi tinin ui chunga pe loin, pek loh theih loh anga ngaia pe hek loin, an thinlunga an tum ang zelin pe țheuh rawh se; Pathian chuan hlim taka petu a ni a hmangaih ni_ .’” [II Korinth 9:7]

Thilpek chungchangah hi chuan, Pathian chuan in thinlung chu in sum bawm aiin a en hmasa zawk. Tam tak pek tur nei lo niin i inhre mai thei. Mahse a duh tak tak chu i tumna kha a ni – i thil neih ni lovin. 

Bible chuan II Korinth 9: 7 ah chuan, “ _Mi tinin ui chunga pe loin, pek loh theih loh anga ngaia pe hek loin, an thinlunga an tum ang zelin pe țheuh rawh se; Pathian chuan hlim taka petu a ni a hmangaih ni,_ ” tiin a sawi. Pathian chuan i pekna thinlung chu a ngai pawimawh ber, a chhan chu i thinlung chuan i nihna kha a tarlang ber. Amah ang turin a duh che a, thilphal taka nung turin a duh bawk che. 

He chang hian i thil neih i pek changa i thinlung puthmang tur chi li chuan a kawhhmuh che. 

*1. Ngun taka ngaihtuah chungin pe rawh.* Pe chhuak mai mai suh. Thlarauva thilpek dik tak chu ngaihtuahna fim tak hmanga pek, ṭawngṭaina nena pek, rilru mumal taka seng chunga pek te an ni. Pathian chuan i thilpek chuan i nun laimu pawimawh lai luah se a duh – chuvangin ruahmanna fel tak siam rawh. 
*2. Phur takin pe rawh.* “Ka pek a ngai” ti ringawt suh. Mi thilphal i nih chuan Pathian chuan i thinlungah thil lian tak a ti dawn tih ngaihtuah chungin pe ang che. 
*3. I duhthlanna ngeiin pe rawh:* Mi tuten emaw thilpek pe tura an nawr luih chang che chuan pe suh. Pathian chuan chung thilpek chu mal a sawm dawn chuang lo. Pathian chuan pe turin a beisei/cho che nia i hriat chuan chu ngei chu thilphal tak leh phur taka pekna tur chu a ni. 
*4.*  *Hlim takin pe rawh.* Lawm chungin pe rawh! Grik ṭawnga thumal pakhat “thilpek” tih chu thil “hlimawm” tihna a ni. Pathian chuan Amah leh midangte hnena thilpekte chu nuam ti turin a duh che a ni.  

Thilpek i pek dawn leh dawn loh emaw i pek zat tur emaw i ngaihtuah leh hun chuan Pathianin a ngaih pawimawh ber chu thinlung a ni tih hria ang che. Ngaihtuah chung, phur tak, thahtho tak leh lawm taka i pe a nih chuan chutiang thilpek ngei chu Pathianin mal a sawm tur chu a ni!

Ngaihtuah zui atan. 

• Pathian chuan ngun taka ngaihtuah a, phur tak, lawm tak leh thatho taka pe turin a duh che. Chung zingah chuan eng chu harsa i tih ber? Engnge awlsam ber? Eng vangin? 
• Miin thil eng emaw pe tura an nawr luih chang che chuan dik leh mumal takin chung mite chu engtin nge i lo hmachhawn ang? 
• Pathian chuan i nungchang leh duhthlanna siam mekah chuan engtin nge i thinlungah hna a thawh? 

[ *Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...