Thursday, September 3, 2026

CHHIAHHLAWH RINAWMIN DIK TAKIN SUM A VAWNG

_Sum Enkawl Dan_

By Rick Warren
September 03, 2026
“ _Mi taima thiltum chu a hlawhtling ṭhîn a, thil ti rum rum mi chu a hlawhchham ang_ .” [Thufingte 21:5]

Sum leh pai fel taka vawngtu i nih duh chuan i pawisa i hmanna zawng zawngte chu an kalna zawng zawng hre fiah turin i ziah kilh kelh a ṭha ber ang. Chu chu sum vawn dan kalphung chu a ni. I sum chet vel dante chu i hriat a ngai! 

Thla tawp i thlen changin “Khawiah nge ka pawisate kha ka hman zawh tak” tiin i inngaihtuah buai tawh mai thei. I sum leh pai i ngaihthah a, leiba i neih mai mai chuan buainain a tlakbuak ang che. 

He thu hi i lo hre tawh mai thei: “Sum a ṭawng thei” tih chu. A thei lo. Chak takin a kal mai ṭhin zawk a ni, a kalna tur lam pawh a hrilh ngai lo che. I sum chu i hmanna hre fiah tur chuan mumal taka i chhinchhiah a ngai. 

Thufingte 21: 5 chuan “ _Mi taima thiltum chu a hlawhtling ṭhîn_ ,” tiin a sawi.  

I sum thuhlaah chuan thil pali i chhinchhiah a ngai ang: i thil neih, i leiba, i thawhchhuah, i hmanna. Chutianga thil chhinchhiahna chu sum hman dan ruhrel chu a ni. 

Sum hman dan chi hrang hrang a awm a, a eng ber chu nge i tana ṭha ber tur i hriat a ngai. Online hmangin i ti thei a, sum dahna in (bank)ah i kal thei a, sum vawngtu hnenah i kal thei a, lehkhabu i lo vawng thei bawk – i tan ṭha tur awmze neia kaltir theitu tur leh i sum awmzia hriatfiahtir tur che chu an pawimawh ber. 

Thufingte 23: 5 chuan, “ _Thil awm lo chungah i mit i nghat dâwn em ni? Sum chuan thla a insiam ngei ngei a, Mupui vân lama thlâwk ṭhîn ang hian_ ,” tiin a sawi. Chu thusawi chu a fiah phian mai. I sum kal kualna chu i hre lo a nih chuan mupui angin a la thlawk bo daih ang. Vanneihthlak takin, US-ah chuan kan sawrkar hian kan pawisa phekah mupui a chuantir a, kan pawisa a thlawh a, a thlawh bo theihzia min hriat nawntirtu pawimawh tak a ni! 
 
Pathianin sum chungchanga ruahmanna mal a sawm ṭhin chu amah chu malsawmna hnar a ni tih hriatna chu a ni. Tichuan, mumal taka sum dinhmun i chhinchhiah chuan, Pathianin i mamawh a pek dan che leh a thilpek dik taka vawngtu i nih vanga mal a sawm dan che i lo hmu chiang thei zel ang. 

Ngaihtuah zui atan. 

• Engtin nge i sum mumal taka i vawn avang chuan sum leh paiah i lo zalen zawk ang? 
• Engtin nge i sum leh paite chu vawiin hian engtin nge i chhui ang a, mumal takin i enkawl theih ang?
• Engtin nge Pathian chuan sum hmanga mal a sawm che i duh? I sum enkawlna thuhlaah chuan engtiang taka rinawm nge i lo nih? 

*[Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...