Wednesday, September 2, 2026

TUH HUN A NI

_Sum Enkawl Dan_

- Rick Warren
- September 2, 2026
"Tichuan,thil tha tih i ning suh ang u, kan inthlahdah loh zawngin a hun takah chuan kan seng dawn si a," Galatia 6:9.

Tun hi tuh hun chu a ni.

Mi tam tak chuan, "Engtikah emaw chuan ka la... tiin an sawi thin. An hnathawh an chawlh hunahemaw, hlawh an san hunah emaw, rawng an bawl nasat hunah emaw an pe tam ang tiin an intiam thin.

Mahse, "Engtikah emaw chuan tih hi vawiinah hian a thleng ngai lo. Thil a that hun nghak kher lo la, tunah ti tan nghal rawh. Engvangin? A chhan chu i tuh hma poh leh i thar tur chu i chen rei mai dawn a ni.

Mahse i thilthar tur chu i beisei hunah a thleng kher lo vang. Tuh leh seng inkar hian hun a duh rei thin. Hun khatah i tuh a, hun dangah i seng thin.

Dawhtheih a ngai, i beidawng tur a ni lo!

Hei hi Pathian ram kalphung pakhat a ni. Marka 4:26-28-ah Isuan,"Pathian ram chu hetiang hi a ni, miin leiah hian chi theh sela, zanah muhilin chhunah tho thin sela, chi chu a zia a hriat lohvin lo tiakin lo thang sela, chutiang chu a ni. Lei hian amahin rah a rawn chhuah thin a, a tir berah a kung,chumi hnuah chuan a vui, tin, chumi hnu lehah a vuiah chuan buh fang pum chu," a ti a.

Rah chu a lo chhuakngei ang, mahse zawi muangin a lo thleng ang. Hun a duh avangin dawhthei taka nghah i thlan a ngai ani. "Thil tha tih i ning suh ang u, kan inthkahdah loh zawngin a hun takah chuan kan seng dawn si a," (Galatia 6:9).

Nikumlama i thlai chin chhiat thu kha theihnghilh la. Chu ai chuan i nun a hun rei tak daih tur thil chu thlir zawk rawh. Sum lamah harsatna i tawk a nih chuan zan khat thil thu a lo thleng thut a ni lo. Kum tam tak chhunga i tihchhiat a ni a, siam tha leh tur pawhin hun rei tak a duh ang. Tuh leh seng inkarah hian awl a awm thin.

Bible chuan Sam 126:5,6-ah "Mittui tla chunga tuihte chuan hlim takin an at ang. Tap chungin buh chi fah chhuahpui mah sela, a buhphalte kengin hlim takin a lo haw leh ang," a ti. 

Eng lusunna nge i lo tawh tawh? I hna i chan a ni mai thei a. I hriselna i hloh a ni mai thei. I hmangaih tak i chan a ni thei a. I pawisa khawl sa i hloh ani mai thei. Kum hnih khat liamta khan i pension chanve i hloh a ni mai thei a. I lo suangtuah ve thin kha i hloh a ni mai thei bawk. 

Lungngaih chu a pawi lo, phunchiar erawh a pawi. Phun ai chuan che chhuak zawk rawh!

Vawiin hi chi tuh hun chu a ni!

Ngaihtuah zui atan

I naupan lai khan sum chungchangah thurawn pe thei ta la, eng nge i sawi ang? Sum lehpaia i tihsual tawhna atang khan tuna i dinhmunah eng nge zir tur i neih?

I tihsual tawhna leh sum lama i hlawhchhamnaah eng nge thlah ngai? Hma lam pan turin vawiinah eng nge i tih tan ang?

I nunah eng thil nge tam zawk dawn i duh? Chu chu seng leh turin engtin nge tunah i tuh ang?

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...