_Malsawmna Nih Theihna Kawng_
By Rick Warren
July 03, 2026
“Lalpa chu a ṭha si a, A ngilneihna a ngai reng a, A rinawmzia pawh kumkhuain a pangngai reng a ni.” [Sam 100:5]
Kristian chhungkaw pangngaia ṭhanglian i nih chuan he ṭawngṭaina hi i naupan deuh lai aṭangin i lo hre tawh ang: “Pathian chu a ropui a. Pathian chu a ṭha a. Chaw min pêkte avang hian lawmthu i hrilh ang u. Amen,” tih chu. Holam te anga lang ni mahse chu ṭawngṭaina chuan Pathian nihna laimu pawimawh tak pakhat a tarlang a ni: a ṭhatna chu.
Pathian chu eng lai pawhin a ṭha tak tak em? Tehreng mai! Mahse mi tam takte chuan chu chu ring lo ang maiin an nung thung. Chhan hrang hrang avangin Pathian ṭhatna chu rin a harsa fo, natna leh buaina i hmachhawn lai chuan a ni lehzual ang. Chutiang hun chu Pathian ṭhatna i theihnghilh hun lai chu a ni ang. I hnual em em lai chuan Pathian ṭhatna chu nangmah ni lo midang zawng tana ni maiah i ngai hial thei. I mangan lai emaw hah em em emaw lai chuan Pathian ṭhatnate chu i hmaah chiah inchhawp pawh ni sela i hmu thiam lo mai thei.
I hmuh theih miah loh lai chuan Pathian ṭhatna chu engtin nge i lo rin theih ang? Bible thung chuan Pathian ṭhatna chu min hrilh nawn mawlh mawlh a ni. Sam 100: 5 chuan hetiang hian min chah, “Lalpa chu a ṭha si a, A ngilneihna a ngai reng a, A rinawmzia pawh kumkhuain a pangngai reng a ni,” tiin.
Pathian ṭhatna lam thlir tlat chu i nun tan khan a pawimawh takzet. I hun thim ber i paltlang lai te chuan thlirna thar a pe ang che. Mahse Pathian ṭhatna i theihnghilh chang chuan i thlirna a fiah ta lova buaina i hmachhawn chauh chu i lo hmu ta a ni.
Pathian chuan mahni inrinna nun a hmangaihna leh awmpuina hmanga chantir che a tum. Khawvel su danglam tura chakna i lo neih theih nan thiltihtheihna leh hun ṭha pek che a duh bawk. Tichuan chanvo leh in vanramah chuan chatuan daih pek che a duh. Chu chu tu nge duh lo vang? Chu chu tunge mamawh lo?
Pathian ṭhatna chu engtin nge i lo dai ve theih ang? Dik tak chuan Pathian ṭhatna chu Bible i chhiar chang leh a thuchah i ngaihthlak chang chuan i hre thei ang. Mahse a tak taka hriatna erawh amah chibai i buk chang chauh chuan i tawng [experience] thei ang. Chibai bukna tluka nangmah ṭanpui theitu che chu an awm lo.
Bible chuan hetiang hian min chah, “A mi thianghlimte u, Lalpa chu hlau ula, Amah ṭihtute chuan tlâkchham rêng an nei lo,” tiin [Sam 34: 9]. Pathian ṭhatna i tawn [experience] theih dan ber chu amah chibai buk chu a ni – Pathian i fak chang leh a nihna leh a thutiam avanga a hnena lawm thu i sawi chang chuan chu chu i chang ṭhin.
Pathian ṭhatna, rinna leh hriat thiamna chuan i nun pui chu a sawi danglam vek chein thlirna thar i hun tawn mek chungah chuan a pe ang che ang a. Chu chuan a tidanglam vek ang che!
Ngaihtuah zui atan.
• Hun kal tawha Pathian ṭhatna i hriat rengna chuan tun huna i natna tuar mek hmachhawn tur chuan a ṭanpui che?
• Hringnun i hman mekah chuan Pathian ṭhatna i rin tlatna chuan mahni inrintawkna chu engtin nge a pek che?
• Bible-a a englai chang ber chuan nge Pathian ṭhatna hriattir ṭhin che?
*Vawiin hian Isua i zui dawn em?*
Bible chuan hetiang hian a sawi, “Pathianin khawvêl a hmangaih êm êm a; tichuan, a Fapa mal neih chhun a pe a, amah ring tawh phawt chu an boral lohva, chatuan nun an neih zâwk nân.” [Johana 3: 16]
Pathian chuan a thutiam hlen chhuak turin i ring thei ang em? He ṭawngṭaina tawite hmang hian ṭawngṭai rawh: “Lalpa duhtak, Isua Krista chu i Fapa a ni tih ka pawm a. Ka sual a ni tih hi ka pawm bawk, i ngaihdamna ka rawn dil a ni. Isua chu ka sualte min lakbo sak turin a thi a, i kaitho leh a ni tih ka ring bawk. Isua chu min Chhandamtu a ni tih ka pawm a, ka Lal a nih anga zui ka duh bawk vawiin aṭang hian. Ka nun hi hruaiin i duhzawng tih min zirtir ang che. Isua hmingin ka dil a che. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[ *Lettu:* Peka]
No comments:
Post a Comment