_Malsawmna Nih Theihna Kawng_
By Rick Warren
July 02, 2026
“Ama ropuina leh ṭhatna zâra min kotu, a chanchin hriat avângin a Pathian thiltihtheihnain nunna leh Pathian ngaihsakna lam kawngah chuan thil zawng zawng min pe si a!” 2 Peter 1:3 (TLB)
Mi tam tak chuan chatuan hun awmzia chu an ngaihtuah chiang ngai lo hrim hrim. Tun hun atan leh tun hmun atan hian an nung mai a, chu chu thil lo thlawn mai a ni si. “Tun hun leh helai hmun” hi chuan ni nga chhung mai pawh a daih dawn lo, kum 50 bi chu sawi ngam pawh a ni lo – chatuan hun phei chu a teuh lo lutuk.
California aṭanga Tokyo hi hrui zam ta ila, chu chuan chatuan hun chu entir ta sela, he laia i nun hman mek chu tehkhin chi pawh a ni ngai lo vang – millimetre khat pawh a ni phak lo vang.
Chatuan engah chuan engtin nge i lo nun tak ang? Pathian ropuina turin nung rawh, a chhan chu vanramah chuan a ropuina chu i la ṭawm ve dawn si a.
Bible chuan 2 Petera 1: 3 ah chuan, “Ama ropuina leh ṭhatna zâra min kotu, a chanchin hriat avângin a Pathian thiltihtheihnain nunna leh Pathian ngaihsakna lam kawngah chuan thil zawng zawng min pe si a,” tiin a sawi.
I hmabak hringnuna thil lo la thleng tur chu i duhthlannaa innghat an ni chiah lo. Mahse engtin nge i lo hmachhawn ang tih chu i duhthlannaa innghat a ni thung.
I hmabak chu beisei bo zawnga thlirtu, lungawi lohna nena thlirtu, a thim zawnga thlirtu emaw rinhlelhna nena thlirtu i ni palh thei. I hmalam hun chu a chhe ber beiseitu leh a chhe ber tawngbawtu niin i hmachhawn thei hial. Mahse lei ropuina um reng rengin, midang chunga lungawi lo zetin, i hun i hmang thei bawk.
A nih loh chuan i hmalam hun chu lawmna, thil phalna leh lungawina nen hmangin … Pathian ropuina atana hmangtu i ni thei bawk.
A eng ber chuan nge tilawm chea i rin? A eng ber chuan nge hlawhtlinna pe thei chea i rin? A eng ber chuan nge Pathian lawmna thlen ang a, vanramah chuan lawmman pe chea i rin?
Matthaia 5: 16 chuan, “Chutiang bawkin in êng chu mi mit hmuhin êng rawh se; chutichuan, in thiltih ṭhatte an hmu ang a, in Pa vâna mi an chawimawi thei ang,” tiin a lo sawi lawk.
Siam i nih chhan chu Pathian chuan chhungkua neih a duh vang a ni. A chhungte nen chuan a chatuan hun chu hman a duh a. Chatuan hun chu nang leh keimah nena hman a duh! Vanram chu i lawmna chhan lian ber tur chu a ni a – Pathian chu chatuan nunna min petu a nih vang chuan amah nena vanrama chen chu a ropui viau ang!
Ngaihtuah zui atan.
• Pathian chuan he leia i hun chu chatuan hun atana buatsaih tur chein engtin nge a hman?
• Lawmna chang hretu nihna leh mi thil phal tak nihna chuan engtin nge i chatuan hun atan a buatsaih che?
• Hringnuna a chhe ber hmachhawn tura i inbuatsaih lai chuan Pathian i rinna chu engin nge tarlang ta ber?
*Chatuan hun chu chiang takin i beisei thei ang.*
Bible chuan Pathian, a Fapa Isua Krista kaltlang chauh chuan vanram i kai thei a ni tih a sawi: Nangmah chuan vanram i kai thei lo: “Rinna avânga khawngaihnaa chhandam in ni, chu chu in thawh chhuah a ni lo, Pathian thilpêk a ni,” tiin. [Ephesi 2: 8-9]
“Lalpa duh tak, i thu chuan i Fapa, Isua Krista, ka rin phawt chuan ka thil lo tihsual tawh zawng zawngte ngaihdam min tiam a, ka nun awmzia ka hre thiam ang a, ka chatuan inah chuan engtik niah emaw min lo la lawm ang.
“Ka sual a ni tih ka pawm a, ka sualte avanga ngaihdamna ka dil e. Isua thihna chuan ka sualte a la kiang tih ka ring a, amah chu i kaitho leh bawk. Isua chu ka Chhandamtu atan ka pawm duh a, ka Lalpa a nihna ang ngeiin vawiin aṭang hian zui ka duh bawk e. Ka kawng hruaiin i duhzawng min zirtir ang che. Isua hmingin ka dil e. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[ *Lettu:* Peka]
No comments:
Post a Comment