Saturday, June 6, 2026

PATHIANIN VENGHIM CHE RAWH SE

_Malsawmna Nih Theihna Kawng_

- Rick Warren 
- May 6, 2026
_"Lalpa chauh hi ka innghahna a ni; amahah chuan ka beiseina ka nghat a. Amah chauh chu min vengtu leh chhandamtu a ni a; min venghimtu anih avangin hnehin ka awm ngai lovang.  Ka chhandamna leh zahawmna chu Pathianah a innghat a; min vengtu chak tak a ni a; ka inhumhimna a ni."_ (Sam 62:5-7)

I damchhungin hrethiam lotu che leh duh lotu che i tawng reng dawn. Ṭhenkhatten an sawisel che ang a, an buk ang che,  an bei che anga i chungchang a dik lo zawngin an sawi darh bawk ang. 

Heng zawng zawngah hian i mihring ziaa lang hmasa ber chu lo do let ve hi a ni. An hriatthiam loh hun chein mahni lo inven i duh ṭhin ang. Beih i nih hunin beih let ve chakna i nei bawk ang a.  Sawiselna i tawh hunin sawisel let ve chakna i nei bawk ang. Hmusit tak maia i chunga an chetin hmuhsitna nen bawk beih let ve i chak ang. 

Mahse chutiang chuan ti suh! Pathian venghimna dawng zawk rawh. Beih,  sawisel, nuihsawh leh hriatthiam loh i nih apiangin duhthlan tur pahnih i nei: mahni i lo inveng ve thei a,  Pathian venhimna i dil thei bawk. Eng zawk nge ni ang? Tuin nge venhim hna thawk ṭha thei zawka i rin? Nangmah nge Pathian? Pathian a ni tiraw?

Hei hi ngai pawimawh rawh: Beihna, dawt leh sawiselna dik lo i tawh laia i ngawih reng khan Krista i ang zawk hle tih hi. Ngawi renga Pathian kuta i dah mai khan Isua i ang zawk hle tihna a ni. 

Kan Bible chuan, _"Miten an sawi chhiat laiin a chhâng lêt vê lo va, a tuar laiin a vau lêt vê hek lo; dik taka ngaihtuah ṭhîntua hnênah chuan a intulût mai zawk a ni."_  (1 Petera 2:23)

Dik lo taka rorelsak a a awm a khenbeh a nih lai khan Isua chuan a bei let lo. A pawimawh berah chuan amah chhan tur leh rorelna dik a lo thlen theih nan Pathian a ring tlat a ni.

Lal Davida khan a damchhung khan sawisel leh beih a tawk a. An itsik avangin tih hlum an tum fo ṭhin.

Mahse, Davida chuan, _"Ka nunna, Pathian chauh nghâk rawh; Ka beiseina hi ama hnên aṭanga chhuak a ni si a. Amah chauh chu ka lungpui leh ka chhandamna a ni; Ka kulhbîng sâng a ni a; ka nghîng lo vang. Pathian hnênah ka chhandamna leh ka ropuina a awm a; Ka chakna lungpui leh ka inhumhimna chu Pathianah a awm."_ a ti. (Sam 62:5-7)

I hlawhtlinna avangin itsikna i tawk fo vang a, ṭhenkhat chuan beih hial che an duh ang. Mahse, Davida ang khan Pathian chu i, i chhandamtu, nangmah vengtu, i hnehna leh i phên a i hman a ngai a ni.

Pathian ngaihtuah tir la. I inhumhimna nih tir ang che.

Ngaihtuah zui a tan:

I ṭawng mai mai loh nan leh thungrulh mai duhna i neih loh nan hun khirh tak i paltlang laiin eng thil ṭangkai tak nge i tih ṭhin?

Beih i tawh laiin engvangin nge Pathianin ngawih chuh turin a duh che? Engvangin nge i dikna tih lan a phal loh?

Engtin nge miin an beihna che avanga i laka an thiltihin an mahni zia a tihlan chiansak zawk?

*Vawiin hian Isua i zui angem?*
Pathian chuan a ṭhatna chu a Fapa Isua Krista kaltlangin a rawn tilang tawh a. Bible chuan, _"Pathianin khawvêl a hmangaih êm avângin ama hrin ngei, a Fapa mal neihchhun a pê a; mi tûpawh amah ring apiang chu an boral lo vang a, chatuana nunna an nei zâwk ang."_ a ti.(Johana 3:16)

Chatuan nunna a tiam che ti hlawhtling turin Pathian rin i inpeih tawh em? I inpeih chuan heti ang hian lo ṭṭawngṭai ta che: "Lalpa duhtak, Isua Krista hi i fapa a ni tih ka ring a. Ka sualnate ka puangin i ngaihdamna ka dil a che. Ka sualna te min tlenfaisak tura Isua thihna leh thawhlehna ka ring a. Isua chu min chhandamtu a ni tih rin a tun aṭanga i hnungzui ve ka duh a. Ka nun hruai la i duhzawng min zirtir ang che. Isua hming ka dil e. Amen"

Isua pawm tura i ṭawngṭai tawh chuan Rick@PastorRick.com ah hian min lo hriattir ta che. Isua hnungzui tura i mamawh te a thlawnin ka lo pe ang che.

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...