_Hlim Reng Theihna Dan_
By Rick Warren
May 07, 2026
“Mahni ta ta mai en lovin, mi dang ta pawh en ṭheuh zâwk rawh u.” [Philippi 2:4]
I nunah khan hlim i duh takzet chuan i kiang vela mite thil mamawh kha ngaihtuahin nangma ṭul leh pawimawh aiin dah hmasa ang che. Eng vangin? A chhan chu hringnun awmzia hi nangmah mai kha i ni lo! Chu chu i hriat thiam hun chuan hringnun chuan i hlimna lam an hawipui ṭhup tawh ang che.
Paula khan Timothea kha midang ngaihtuahna kawngah chuan mi zawng zawng chunga awmah a ngai ṭhin. Philipi 2: 20-21 ah chuan hetiang hian a sawi, “Hetiang rilru pu, in awmzia tihtak zeta ngaihtuahsaktu tûr che u tu mah ka nei si lo. An zain Isua Krista tân zawng lovin, mahni tân an zawng si ṭhîn,” tiin.
Mi tam ber chuan zinga an thawh rual chuan midangte chu engtin nge an khawsak tih an ngaihtuah meuh lo. An buaina chu an thil ngaihtuah ber chu a ni mai. Chu tak chu mi tam berte an nuna an hlim theih hauh loh chhan chu a ni. Mahni chauh inngaihtuahna chuan lungngaihna a hring leh nge nge ṭhîn.
Mi ṭhenkhat mahni hmasial lo, hlim bawk si ang chu nih ve i duh em? Chutianga i duh ve a nih chuan i thil en lam chu i thlak a ngai ang.
Midang dah pawimawh hmasak chu amaha lo thleng mai an ni lo. Mi tu mah hi pindan khawi laiah emaw lutin “Vawiin hian he pindanah hian min mamawhtu an awm em?” an ti ngai lo, “Engnge ka lan dan? Ka lang ṭha em? Miten engtin nge min ngaih ang? tiin in ngaihtuah zawk fo. Chu mi letling chiah chuan ngaihtuahna sengin nangmah leh nangmah i inthunun a ngai ang – mahni inngaihtuah lovin midang i ngaihtuah a ngai.
Ka chenpuite ṭul leh pawimawh ngaihtuah fo tur chuan keimah leh keimah ka in thunun fo a ngai – kan chenpui kan hmangaih tak te pawh – anmahni ka lo ngaihthah tial tial thei. Anmahni chu ka lo ngaihtuah tawk lo fova. Keimah leh keimah ka indah bo thiam tawk lo bawk. Midang mamawhna chu ka lo thlirpui thiam tawk lova, anmahni ṭanpui theihna hun ṭha chu ka bawhpelh hial thei.
Philipi 2: 4 ah chuan hetiang hian kan hmu, “Mahni ta ta mai en lovin, mi dang ta pawh en ṭheuh zâwk rawh u,” tiin.
Mahni chauh inngaihtuahin emaw hun ṭha liam ta avanga lungngai mai lovin, midangten engnge an tih tih chu ngaihtuah zawk ang che. Chutah chuan hlimna i hmu ang a – midangte rawngbawlsak chungin Pathian rawng i bawl thei ang.
Ngaihtuah zui atan.
• Midangte mamawh hman lek lo tur chuan engin nge tibuai ṭhin che?
• “Mahni intheihnghilh” tih awmzia chu engnge ni?
• I buaina leh nangmah leh nangmah chauh i inen avang chuan midangte mamawhna chu engtiangin nge i lo hmuh kan ve tawh? Midangte ṭanpui tur chuan engtin nge i ngaihtuahna chu i thlak danglam theih ang?
[ *Lettu:* Peka]
No comments:
Post a Comment