Friday, May 8, 2026

NGAIHTUAHNA THIANG AVANGA HLIMNA

_Hlim Reng Theihna Dan_

By Rick Warren
May 08, 2026
Mahni inthiamlohna leh zahna chuan i hlimna an laksak thei che. Hlim i duh a nih chuan mahni inthiam lohna chu hlip thlain ngaihtuahna thiang hmang ang che – a chhan chu mahni inthiam lohna leh hlimna chu a rualin a neih theih loh. 

Philipi 2: 15 chuan, “Chhuan bengtla lo leh tihmawhte zînga sual nei lo leh nun tlang, Pathian fa sawisêl bote in nih theihna tûrin, phunnawina leh inhnialnate awm lovin engkim ti rawh u” tiin a sawi. 

Tlereuh zuartu chuan lunghlu amah dawrtute a kawhhmuh apiang chuan velvet dumin a tuam ṭhin tih i lo ngaihtuah ngai em? A chhan chu thil duma tuam avang chuan an eng leh zual ṭhin a ni. 

Mihring nungphung a tlakbal a, khawvel hi a thim deuh deuh ang zelin Krista ringtute chu kan eng fiah zual deuh deuh thei. Mahni invawng leh dik tluantling taka i khawsak chuan i danglamna chu miten an hmu thei ang. Lawmna ngaihtuahna fim tak aṭanga lo chhuak chu an hmu thei ang.  

Hetiang hian i sawi mai thei, “Hlim ka duh, engtin nge ka hlim theih ang, ka ngaihtuahna hrim hrim pawh a fiah tawk si lo va” tiin. Pathian Thu chuan hetiang hian chhanna min pe: “A bawhchhiatna ngaihdama awma, A sualna hliahkhuha awma chu, a eng a thâwl e. Mi, Lalpan khawlohna neia a ruat lohva, A thlarauva tihderna rêng rêng awm lova chu a eng a thâwl e,” tiin [Sam 32: 1-2]. 

Hlimna, lawmna, engthawlna chu mitinten khawvelah hian thil pathum an zawn ber a ni. Hlim kan duh vek a. Lawmna nena hun hman kan duh vek. Natna kan neihte atanga min chhawktu kan duh vek bawk. Bible chuan chutiang thil chu thianghlimna hmangin kan nei thei ang tiin a sawi – thianghlimna chu Pathian khawngaihna aṭanga ngaihdamna kan chan hmang chuan kan nei thei.  

Tichuan engtin nge ngaihtuahna thiang leh fiah chu i neih theih ang? 

Zing leh tlaiah chuan mahni ngun taka inchhutna hun chu hmang ṭhin ang che. Pathian hnenah chuan nangmah leh in inkara tlazep awm theite chu sawipui ang che – tichuan i nitin nuna hnawk awm apiang chu i paih thla thei ang. 

Kan sualte thupha kan chawi chuan, “kan sualte ngaidam tûr leh kan fel lohna zawng zawng tlêng fai tûrin, amah chu a rinawmin a fel a ni.” [I Johana 1: 9] 

Ngaihtuah zui atan. 

• Ngaihtuahna thiang tak i hman theih nan Pathian nen chuan engnge in sawi dun ngai? 
• Mumal taka i inbihchian theih nan i nun chu engtin nge i thlak danglam theih ang? 
• Isua Krista khawvelah chuan chu engtin nge “eng fiah tak” chu i nunpui theih ang? Kristaa i hlimna chuan khawvel hmaa chuan engnge a sawi? 

[ *Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...