_Khawngaihna Thilmak_
By Rick Warren
April 05, 2026
_"Lalpa, nang chu i thain mi i ngaidam thin a, nangmah kotu apiang che chungah chuan zahngaihna i lantir thin si a."_ (Sam 86:5, GW)
Tun lungngaihna hapta karah hian Pathian zahgaihna leh chu chu engvanga mamawh nge i nih tih kan zir a. A zahngaihna hi a tel lova kan nun theih hauh loh thil a ni. I phu lovin i thawk chhhuak thei lo chung pawh hian tlawm taka a hmaa i kun a, "Lalpa, ka nunah i zahngaihna ka mamawh a ni" i tih chuan zahngaihna nen a chhang thin che.
Bible chuan heti hian a ti, _"Lalpa, nang chu i thain mi i ngaidam thin a, nangmah kotu apiang che chungah chuan zahngaihna i lantir thin si a."_ (Sam 86:5, GW)
Mahse, "Pathian zahngaihna hian ka nunah eng danglamna nge a thlen ang aw?" i ti a ni mai thei.
Pathian zahngaihna i dilin heng thil pathumte hi a thleng thin:
*Pathianin ngaidamin a zalentir che.* Pathian ngaihdamna chuan hun kal tawha i tihsualte a hria a. A zalentirna che kha i hma hunah i thlak danglam theih nan theihna a pe che. Mi tam tak chu an hun kal tawh an thlah theih loh avangin an buai thin. Mahse Isuan, _"Ani chuan salte hnena chhuahna thu leh, mitdelte hnena mitvar neih lehna thu sawi tur te, tihduhdah tuarte chhuahtirna tur te . . . in mi tir a ni"_ a ti (Luka 4:18).
Itsikna leh huatna salah i tang a ni mai thei. Lungngaihna leh ngawlveina salah i tang a ni thei bawk. Thu lawmawm hrilh tur che ka nei: Isua hi i chunga rorel turin a rawn kal lo. I chunga zahngaihna lantir tura lokal a ni! _"He khawvelah hian rorel tura lokal ka ni lo va, khawvel chhandam tura lokal ka ni zawk e"_ a ti (Johana 12:47, NIV). Jakoba chuan, _"Zahngaihna hi rorelna aiin a chungnung zawk a ni"_ a ti (Jakoba 2:13, NIV). Ni e, rorelna hi chu a la awm ngei dawn. Mahse chumi ni a lo thlen hma ngeiina duh te tan zahngaihna pe turin Isua a rawn kal a ni.
*Pathianin thil theih loh kha tih theihah a rawn siam.* "A theih loh" tih tawngkam i hriat rual apiangin van atanga nui ri ngaithla thin rawh- a chhan chu "theih loh" tih thu hi Pathian lehkhabuah a awm lo tlat. I tih theih loh kha Pathianin a ti thei. Thiltihtheihna leh hmanrua i mitthla pawha i la suangtuah ngai miah loh kha a nei. Isuan heti hian a ti, _"Mihringin a tih theih rual loh hi Pathian tan tih theih vek a ni"_ tiin (Luka 18:27, NIV).
Engvangin nge Pathianin i harsatna zawng zawng a lak kian mai loh? A chhan chu Pathianin hun khirh takte hi hrual nan che a hmang thin. Harsatna tawk ngai lo ni ta la beih hram hramn te, tumruhna te, taimakna te leh dawhtheihna te khan than lenna hun an nei lovang. Hun harsa i paltlang laiin Pathianin hengte hmang hian theihna a pe thin che.
*Chatuan atan Pathianin a chhandam che.* Chatuan daih turin Pathianin a siam che a, a chatuan chhungkuaa tel turin a duh che. Mahse thil pakhat a ngai: zahngaihna i dil a ngai. The Living Bible chuan heti hian a letling, _"Pathian hnena zahngaihna dil apiangin an hmu anga chhandam an ni ang"_ (TT. :21).
Thawhlehna kan lawm chhan tak chu Isuan hetianga a sawi vang a ni, _"Kei hi thawhlehna leh nunna chu ka ni. Tupawh mi ring chu thi mahsela a nu reng ang"_ (Johana 11:25). Isua kha thihna hnehin tho leh lo ta se, thih hnu piah lam vanramah nunna a awm a ni tih rinna tur chhan i nei lovang. Mahse a thawhleh avangin a kai tho thei che a ni.
Pathian zahngaihna i pawm rualin khawvelah danglamna nasa tak a thlen a ni.
Ngaihtuah zui atan.
Hun kal tawhah khan eng kawngah nge Pathian zalenna i lo tem tawh? Vawiin hian khawiah nge a zalenna i tem a tul?
Hun harsa karah engtinnge Pathianin i nun a than lentir?
Chatuan i ngaihtuahin Isua thawhlehna hi i tan engnge?
*Pathian ngaihdamna leh zahngaihna i dil tawh em?*
Pathian zahngaihna chuan i nunah danglamna tak leh chatuan daih a thlentir. Mahse i lo pawm ve a ngai. Pathian zahngaihna pawm a, a chatuan chhungkuaa tel tura i inpeih chuan heti hian tawngtai rawh le:
"Lalpa, rinna tak tak, thuk leh nghet neih ka duh. Sual thupha chawiin i ngaihdamna leh zahngaihna ka ngen a che. Min hmangaih em avanga ka sualte ngaihdam nana Isua min pek avangin ka lawm e."
"Isu, tupawh nangmah ring apiang chuan boral lovin chatuan nunna kan neih tur thu leh vanrama chatuana i kianga kan awm min tiam a. Ka ring che a, ka Lal leh Chhandamtuah ka pawm a che. Nangmah zui a ka damchhung hun te i rawngbawl nana hman ve ka duh e. Amen."
Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.
[Lettu: Mapuia Fanai]
No comments:
Post a Comment