_Khawngaihnaa Thilmak_
Rick Warren
April 03, 2026
“Chutichuan, zahngaihna kan hmuh theihna tûr leh, puih kan ngaih huna ṭanpuina khawngaihna kan hmuh theihna tûrin, khawngaihna lalṭhutphah chu huai takin i hnaih ang ve ang u.” [Hebrai 4:16]
Krista rawngbawlna kha zahngaihna thu laimu a ni ber a. Dik tak chuan, zahngaihna a chantir loh mihring kha an awm lo hial zawk.
Zahngaihna sawifiah dan pakhat chu, “phu loh ngaihdamna leh thawhchhuah loh lainatna a ni.” Mi tuten emaw i phu lo chung chung an ngaihdam che chuan chu chu zahngaihna a ni. Tuten emaw engmah i tih țhat vang pawh ni hauh lova lainatna an chantir che chuan chu chu zahngaihna a ni. Bible chuan Pathianin i chungah zahngaihna lantir a duh ngawih ngawih tih a sawi.
Thu dik chu hei hi a ni, zahngaihna chu i nun khan mit khat kar tin a mamawh. Boruak i hip luh leh tuisik i in zawng zawngte kha Pathian ațanga zahngaihna i dawn an ni. Pathian zahngaihna chu ni lo se vawiin hian i dam tawh lo vang. Pathianin a siam che, a chhan chu a hmangaihna i chunga lantir duhin zahngaihna i chungah lantir a duh a ni.
I nunah vawi tam tak Pathian zahngaihna chu i mamawh, entirnan: Pathian zahngaihna chu i mamawh i nun a buai vek lai pawhin.
Kan mamawh vek. Tumah famkim kan awm lo! Pathian duh dan chu sawi loh keimahni duh dan chin pawh kan phak chiah lo chu a ni e. Thuhriltu 7: 20, “Thil ṭha titu, thil sual ti hauh 10 khawpa mi fel chu lei chungah hian an awm lo tak zet a ni,” tiin a sawi. A awmzia chu, tute mah hi tidik ngar ngar an awm miah lo.
Bible chuan, “Kan zain thil tam tak kan tisual fo thîn. A thusawia tisual ngai lo mi chu mi - puitling a ni a, a taksa pum pawh - vêng thei mi a ni.” tiin a sawi [Jakoba 3: 2]
I thusawi, ngaihdan, thiltih leh rilruah chuan i lo petek ve tawh em? Rilru put hmang dik lo zawk puin tute emaw nena in inlaichinnaah chuan eng emaw tiin anmahni i lo tina ve tawh mai thei. Thil eng emaw tiin lo petekin thil i lo tisual tawh mai thei bawk, chutiang hunah chuan Pathian chuan engtin nge a dawnsawn che? Zahngaihnain.
Bible chuan hetiangin thu min tiam, “Chutichuan, zahngaihna kan hmuh theihna tûr leh, puih kan ngaih huna ṭanpuina khawngaihna kan hmuh theihna tûrin, khawngaihna lalṭhutphah chu huai takin i hnaih ang ve ang u,” tiin [Hebrai 4: 16]
Pathian chuan i thiltih ṭhin [habit], natna leh buaina nen pan turin a duh che – huaisen takin! A hauvin thiam loh a lo chantir dawn lo che. Zahngaihna nen a lo dawngsawng ang che.
Ngaihtuah zui atan.
• Pathianin zahngaihna i chunga a lantir dan kawng thum chu engnge ni?
• I nun a buai nuai chang chuan engtiang takin nge Pathian zahngaihna chu pawm a harsat bik? Engtianga awlsam nge ni thei?
• Vawiin hian zahngaihna dawng turin eng sual nge i puan ngai ang?
*Pathian chhungte zingah chatuan daih hmun i nei a, an nghak mek che!*
Eng ang pawhin lo awm tawhin khawi hmunah pawh lo awm tawh la, Pathian chatuan chhungte chuan nghaktu leh thlir rengtu i nei e. Sawmna chu zau taka hawn a ni e. Ring la chang mai rawh.
I inpeih tawh em? He ṭawngṭaina hmang hian bul ṭan ang che: “Lalpa duh tak, ka thih hun chuan ka nun chungchang ka la sawi dawn tih ka hria. I lakah thil sual ka lo ti tawh tih ka hria a, keima ruahmanna nangma duh dan ni lo ang chuan ka lo khawsa tawh ṭhin. Chu chu thlak danglam ka duh a, a thara bul ṭan leh ka duh a ni. Sual kalsana i lam pana kal chu ka duh e.
Ka thil sual tih zawng zawng avanga hremna chu kei thi tur hian Isua zara ka pumpelh avangin lawmthu ka hrilh a che. I ngaihdamna chu ka phu lo tih ka hria. I khawngaihna chauh chuan min chhan thei tih ka hria, Lalpa. Hmun famkimah chuan lut turin ka famkim ngai dawn lo tih ka hria.
“Isu, min hmangaih em avangin ka sualna zawng zawng chu i lo phur ta a, lawmthu ka hrilh a che. Vanram kai tlakin min siam a, min chhandam turin ka ngen a che. Isu, nangmah chu ka ring a che. Min chhandam nghal a, chiang taka min chhandam a, chhandamna famkim min pe a, chatuan atana min chhandam thei a ni tih ka hria. Isua hmingin ka dil a che. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[ *Lettu:* Peka]
No comments:
Post a Comment