Friday, January 2, 2026

I THILPEK DAWN MIDANG PUIHNAN HMANG RAWH

_Koh I Nihna Nunpui Rawh_

By Rick Warren
— January 02, 2026
“Chutichuan, ka unaute u, mi dang (Pathian lama kan rah theihna tûra mitthi zîng ata kaihthawha ngei kha) in neih theih nân, Krista taksa avângin Dân kawngah tihthihin in lo awm ta a.” [Rom 7:4]

Isua kha leiah tih tur bik [mission] neia lo kal a ni a. Pathian chuan nang pawh i tih tur [mission] mumal tak a ruatsak bawk che. 

“Nimahsela, thim ata chhuaka, a êng mak taka lût tûra kotu che u ṭhatna chu in entîr theih nân, nangni zawng chi thlan, lal puithiamho, hnam thianghlim, Pathian mite ngei in ni si a” (1 Peter 2:9 GW).

Chu mawhphurhnain a ken tel tlat chu midang ṭanpui a ni. I hnathawh emaw hmalam hun emaw chu eng pawh ni se, Kristian i nihna anga i mawhphurhna leh chanvote chu i hlen zel tho a ngai. Midang rawngbawlsakna chang hre lo ringtu chu ringtu dik a ni thei lo. 

Bible chuan hetiang hian a sawi, “Kan thiltih avâng ni lovin, ama tum dân a nih zâwk avângin khawngaihnain min chhandam a, thianghlim taka nung tûrin min ko va ni. Krista Isuaah chuan leilung pian hma daih khân a khawngaihna chu min lo pe tawh a,” tiin [2 Timothea 1:9] 

Pathian koh nih chu missionary-te emaw, pastor leh hun pumpuia rawngbawltu chanvo chauhah i lo ngai mai thei, mahse Bible chuan ringtu zawng zawngte chu rawngbawl tur an nihzia a sawi. 

Pathian chuan theihna danglam bik midang ṭanpuina tur chu a pe che, midangte chu theihna eng emaw pein i tana hlawk turin midang chu a thuam a ni. I theihna chu i semzai lo a nih chuan hun ṭha i bawhpelh tihna a ni ang. 

Entirnan, tu emaw carburettor hre lo i lo ni mial a nih chuan miten thil an siam thiam em em mai chu a mak a ni ti raw? Chu chu i thiam ve lo a nih pawhin ei tur tui tak siamin in ṭhenawmte chu tumah thliar lovin i sem chhuak thei ang. 

Kan khawtlang nun hian “Keimah hi ka ni ber e,” tih chu an changchawi a. Mahse chu chu a dik lo hle thung si. Pathian thilpek i dawnte chu midang ṭanpuina atan i hmang thei. 

Pathianin theihna a pek che chu midang ṭanpuina atan i hmang a nih chuan, i kohna dawn chu i tihlawhtling zel a ni. Bible chuan, ““Chutichuan, ka unaute u, mi dang (Pathian lama kan rah theihna tûra mitthi zîng ata kaihthawha ngei kha) in neih theih nân, Krista taksa avângin Dân kawngah tihthihin in lo awm ta a.” tiin a sawi. [Rom 7:4]
 
Isua chuan a tih tur hlen chhuakin Pathian a chawimawi a. Pathian chuan chutiang anga che ve tur chuan a duh che. 

Ngaihtuah zui atan. 

• Pathianin theihna a pek che chu engtiang takin nge midang ṭanpuina atan i lo hman ve tawh? 

• I tlin hauh loh tur tih tur eng emaw ti tur chuan Pathian chuan a ko ve tawh che em? 

• Pathian rawngbawl turin mi thiante [small group] emaw, kohhran mite leh i vengte chu i fuih theih ang? 

[Lettu: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...