_Koh I Nihna Nunpui Rawh_
- Rick Warren
- January 03, 2026
_"A duhzawng anga in nun theih nan in mamawh apiang pe che u sela. Isua Krista thiltihtheihna hmangin a lawmzawng ang apiang chu in nunah rawn par chhuahtir rawh se."_ (Heb. 13:21, NLT).
Hmanlai hian ramsa ṭhenkhat hian sikul hawn an duh a. An zirlaiah chuan tlan te, thing lawn te, tui hleuh te, leh thlawh zir te telh turin thutlukna an siam a. Chumai bakah ramsa zawng zawngin an zirlai chu an zir vek tur a ni tiin thutlukna an siam bawk a.
Chutak chu an buaina inṭanna a ni tlat!
Varak chuan an zirtirtu aiin tui hleuh a thiam zawk a, mahse thlawh zirna lamah chuan a pass chang chang a, tlan lamah mark a hmu chhe hle bawk. Chuvang chuan tui chen chu bansantirin sikul kai zawh hnuah tlan zir turin an awm hnufualtir a. Chu chuan tui chenna atana a ke phan ṭha tak chu a tichhe zo ta a, chuvang chuan tui chenah pawh mark laihawl a hmu pha ve ṭawk chauh ta mai a. Mahse ramsa dang zawng, varak tih loh chu chumi avang chuan an lawm em em a.
Sazupui chuan tlanah na na na chuan chung ber nihna a hauh pang mai a, mahse tui chen a zir nasa em avangin chuap lam natna a chhar a sikul a chawlhsan a ngaih phah ta a.
Thehlei chuan thingkung lawnah mark a hmu filawr ngei mai, mahse thlawh zirna lamah ve thung chuan an zirtirtuin thingkung ler aṭang ni lovin, lei aṭanga thlawh ṭan a zirtir avang chuan a hnual hle thung a. A inpawhfan nasat lutuk avangin a tihrawl a tawm a, chuvang chuan thingkung lawnah pawh grade "C" chiah hmuin tlanah "D" a hmu bawk.
Mupui chu buaina siamtu a ni. Thingkung lawnah chuan midang zawng zawng a hmakhalh - mahse a thlawhin a thlawk tlat. Tui chen zir a duh loh avangin hnawhchhuah a ni.
I rin lawk ang ngei khan ramsate zirna sikul chuan awmzia a nei thei tak tak lo.
Ramsa chi hrang hrangte kha theihna bik nei tura duan vek an ni a, an theihna bik piah lama thil dangte kha ti thei vek tura beisei chi an ni lo. Varak chu varak ni tura siam a ni - thil dang ni lovin.
Mihringte pawh chutiang chiah chu kan ni. Pathianin mitin hi midangte tak aṭanga danglam turin min siam. Mi zawng zawng hi hmunkhata inangtlang taka awm vek tura i beisei anih chuan beidawnna, hnualna, mi naran nihna leh hlawhchhamna bak i hlawh lo vang.
Pathianin nangmah kha nangmah ni turin a siam che a. Theihna bik a pe che a, chu chu a duh anga i hman a duh bawk.
I nuna Pathian duhzawng chu engnge ni ta tiin i buai ṭhin em? I theihnatekha en teh. Kawng kawh hmuhtu ang an ni, i kalna tur kawng an kawhhmuh che a ni.
Bible chuan heti hian a ti, _"A duhzawng anga in nun theih nan in mamawh apiang pe che u sela. Isua Krista thiltihtheihna hmangin a lawmzawng ang apiang chu in nunah rawn par chhuahtir rawh se."_ (Heb. 13:21, NLT).
I theihnate hmangin Pathianin a duhzawng i tih theih nan a thuam che a ni. I theihnate i hman rual khan i nunah "thil ṭha" a par chhuahtir dan i hmu mai ang.
Ngaihtuah zui atan.
Pathianin theihna bik engnge a pek che?
Pathianin a siam dan che ni lo eng kawng nge zawh i lo tum tawh? Engnge a rah chhuak?
Pathianin theihna bik a pek che i hman ṭangkaina aṭangin eng thil ṭha nge Pathianin a thlentir tawh le?
*Pathianin a hmangaih che a tihtur bik neiin a siam che.*
Mahse sual chuan Pathian nen kan inbiak pawhna tihchah a tum ngar ngar a, mahni mai chuan kan buaina te kan ching fel zo lo. Kan theihna hmangin Pathian pawmtlak ni turin kan insiam zo lo. Chuvangin kan sual lak ata min chhanchhuak a Pathian nen kan inlaichinna siamṭhatu tur kan mamawh a ni.
Chuvangin Pathianin a Fapa Isua a rawn tir a. Krawsa Isua thihna khan thil sual i tih tawh leh i la tihtur man a pe tawh a. Isuan Pa Pathian nen inlaichinna in neih leh nan kawng a hawng a ni. Bible chuan heti hian a ti, _"Isua Kristaa kan rinna nghahna hian min siamṭha a ni. Hei hi tupawh, a ring apiangte tan a ni."_ (Rom 3:22, NLT)
Isua ringa i thil tih sualte puanna neiin Isua nen zinkawng zawh i ṭan thei ang. Isu hnena inpe tura i inrin chuan heti hian ṭawngṭai rawh le: "Lalpa, misual ka ni a, i ngaihdamna ka rawn dil e. Isua Krista hi i Fapa a ni tih ka ring a. Ka sual avangin a thi a, nangin i kai tho leh a ni tih ka ring e. Isu, vawiin aṭang hian min Chhandamtu atan ka pawm che a, i hnung zui ka duh e. Min hruai la, i duhzawng anga nung turin min pui ang che. Isua hmingin, Amen."
Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.
[Lettu: Mapuia Fanai]
No comments:
Post a Comment