Friday, December 5, 2025

PHURRIT A BO AVANGA LAWMNA

_Thlirna Thlak Danglam_

By Rick Warren
- December 05, 2025
“Min chhandam dâwn vângin ka lâwm a ni.” [Sam 13:5]

Isua zuitu i nih chuan lawmna chu i nunphung pakhat a ni ang. Eng vangin? A chhan chu ngaihdamna famkim i nei tawh. Mahni inthiam lohna leh zahna tur i nei tawh lo. 

Chu chu hlimna chhan tur ṭha tawk niin ka hria. 

Bible chuan, “Tûnah zawng Krista Isuaa awmte tân chuan, thiam loh chantîrna rêng a awm tawh lo,” tiin a sawi [Rom 8: 1]. 

Rom 8 a ziak hmasa ber chu Grik ṭawnga ziak a ni a. Thumal “lo” tih hi Grik ṭawnga ni lo sawina chiang ber a ni. Pathian chuan hetiang hian a sawi a ni, “Aih, ni lo, ni lo, ni lo – kum sang thleng pawhin, kum maktaduai pawh vei se,” tihna ang deuh a ni. 

Chu chu a pawimawh lai chu a ni – a chhan chu mi tam berten an lawmna an hloh chhan chu mahni inthiam lohna an neih vang a ni. Mahni inthiam lohna leh zahna te chuan i lawmna an chhuhsak thei che. 

Mitinten thil kan tisual vek. Pathian chuan mahni leh mahni indem reng renga i nun a phal lo, nangmah leh nangmah kha “Hei aiin ka tha thei” tih inhrilh nawn mawlh mawlh ang che. 

Mahni inthiam lohna i neih chu Pathian chuan engtiangin nge buaipui turin a duh che? Sima i sualna puang turin a duh che. Pathian hnen panin a hnenah chuan “Ka lo sual ta a. Min ngaidam rawh,” ti ang che. Tichuan i sualnate chu a tifai ang. 

I sualte ngaihdam a nih theih nan krawsah Isua chu a lo thi tawh a, mahni inthiam lohna nena i nun a ngai tawh lo! I thil lo tihsual tawh tan chauh a thi lo. I la tihsual loh zawng zawngte tan pawh a thi a ni. Kraws hnuaiah chuan phumin an awm vek zawk a ni. 

Isua chuan thiam loh chantîrna chu a phur a. Chu chu a thih chhan a ni. I sualnate chu pek tlak a ni tawh. I pek nawn a ngai tawh lo. 

Chu chu chhandamna a ni, chu chu i lawmna chhan pawimawh ber tur chu a ni. I phurrit a bo avanga lawmna chu. 

Lal Davida ang kha lawmna thar i chang leh thei ang, ani pawhin Sam 13 ah hetiang hian a sawi, “Min chhandam dâwn vângin ka lâwm a ni,” tiin [Sam 13:5]

Ngaihtuah zui atan. 

• Pathian hnenah vawiin hian i inpuang a nih chuan i phurrit a bo avanga lawmna chu i nei thei ang. Nitinin chu sual puanna rahbi chu engtin nge i rah theih ang? 

• Pathian chuan i pumin nangmah zawng zawng kha a ngaihdam tawh che tih chu i pawm thei ang em? A nih chuan chu thutaka nun nawmna chu i tem tawh em? A nih loh chuan, chu thutak pawm tur chuan engin nge dal ṭhin che? 

• Tun karah hian tu hnenah nge Pathian ngaihdamna famkim leh ropui chu i sawi ang? 

Vawiin hian chhandam hlimna chu chang ang che!

Bible chuan Isua ringtute chuan mahni inthiam lohna leh zahna chu an neih a ngai lo tiin a sawi: “Tûnah zawng Krista Isuaa awmte tân chuan, thiam loh chantîrna rêng a awm tawh lo,” tiin a sawi [Rom 8: 1]. 

He ṭawngṭaina hmang hian bul ṭan ang che: “Lalpa duh tak, ka thih hun chuan ka nun chungchang ka la sawi dawn tih ka hria. I lakah thil sual ka lo ti tawh tih ka hria a, keima ruahmanna nangma duh dan ni lo ang chuan ka lo khawsa tawh ṭhin. Chu chu thlak danglam ka duh a, a thara bul ṭan leh ka duh a ni. Sual kalsana i lam pana kal chu ka duh e. 

Ka thil sual tih zawng zawng avanga hremna chu kei thi tur hian Isua zara ka pumpelh avangin lawmthu ka hrilh a che. I ngaihdamna chu ka phu lo tih ka hria. I khawngaihna chauh chuan min chhan thei tih ka hria, Lalpa. Hmun famkimah chuan lut turin ka famkim ngai dawn lo tih ka hria. 

“Isu, min hmangaih em avangin ka sualna zawng zawng chu i lo phur ta a, lawmthu ka hrilh a che. Vanram kai tlakin min siam a, min chhandam turin ka ngen a che. Isu, nangmah chu ka ring a che. Min chhandam nghal a, chiang taka min chhandam a, chhandamna famkim min pe a, chatuan atana min chhandam thei a ni tih ka hria. Isua hmingin ka dil a che. Amen.” 

Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e. 

[ *Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...