Saturday, December 6, 2025

HLAU SUH - I TAN PATHIAN A AWM

Thlirna Thlak Danglam

- Rick Warren 
- December 06, 2025
_"Hêng thilah hian eng nge kan sawi ve tâk ang? Pathian hi kan lama a ṭan chuan tûin nge min do thei ang?"_ (Rom 8:31)

Psychologist-te chuan mihringten hlauhna an tawn theih hrang hrang za chuang fe mai an hrechhuak tawh a. Hlauhna hi mi zawng zawng neih a ni a, Pathianin hlimna nei tura min duh te min tihbosaktu a ni.

Mahse, hei hi thu lawmawm chu a ni : hlauhnaa i awm reng a ngai tawh lo,  a chhan chu, i lamah Pathian a ṭang tlat a ni. 

Bible chuan, _"Hêng thilah hian eng nge kan sawi ve tâk ang? Pathian hi kan lama a ṭan chuan tûin nge min do thei ang?"_ (Rom 8:31) a ti a ni.

Pathian i lama a ṭan chuan thildang reng reng i mamawh lo. Pathian nen chuan a chak zawk chan i chang zel ang.

Eng nge i hlauh ber? Zahna em ni? Hlawhchhamna? Hnawlna? Midang tih lawm loh? Rual pawl loh?

Setana chuan heng hlauhna zawng zawng te hian i hlimna a laksak ṭhin che. Engin nge tihlim ang che tih a hria a chuvang chuan i hlimna te ti chhe turin hlauhna a pe ṭhin che.

Entirnan, Setana chuan Pathian thu i awih chuan i hlim dawn tih a hria. Chuvang chuan, thil dik i tih chuan mi in eng angin nge an ngaih ang che tih a hlauh tir che a. Pathian tih lawm aiin i hming tih hliau a hlauh tir ṭhin che.

Setana hian ringlote hnena Krista hmangaihna i hrilh hi i lawmna hnar a ni  tih a hria a. Chuvang chuan, midangte Krista chanchin hril a hlauh tir ṭhun che.

Thudik chu, hlimna nei tur chuan thil pakhat chauh i mamawh. Thlir tur che in mi pakhat chauh i mamawh : Pathian. Chu chu Isua kawng zawh tih famkimna leh hlimna tawp chu a ni.

Isua chuan, _"Ka lâwmna nangmahnia a awm reng theih nân leh, in lâwmna a famkim theih nân, hêng thû hi in hnênah ka sawi a ni"_ a ti. (Johana 15:11)

I nunah hlimna i nei thei, Lalpa i tan a ni tih hriatnaah. Hlau suh!

*Ngaihtuah zui atan:*

Hlauhnain i hmangaihte nun a man lai i hmu tawh em?

Eng hlauhnain nge i nun tichhe nasa ber?

I nuna eng hunlai khan nge hlauhna ni lova hlimna i lo thlan?

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...