_I Khawthlir Dan Thlak_
By Rick Warren
— August 14, 2025
“Tu pawh a thu hriattîr pawm chuan Pathian chu a dik tih an tilang chiang ṭhîn a ni.” [John 3:33]
Mi tute pawhin an nun chu eng thil eng emawah an dahkham vek a ni. Pathian awm ring lo mi chuan chu a rin lohnaah chuan a nun a dahkham a. Kei ka tan chuan Isuan a nihna a sawiah chuan ka nun hu ka dahkham a ni.
I nun chu eng thilah nge i dahkham? Eng thil pawh ni se, chhan ṭha tak neih tum ang che. A finfiahna chu i zir chiang tawh em? Ngunthluk takin i ngaihtuah tawh em? Khawvel chuan dik I tih chu hmu chhuak turin a ti che a, Bible thung chuan pakhat a awm thu a sawi – pakhat chauh – thudik chu, chu chu Pathian chuan hre ngei tur chein a duh bawk! Isua chuan, “Keimah hi kawng leh thutak leh nunna chu ka ni; keimaha kal lo chu tu mah Pa hnên an thleng ngai lo,” tiin a sawi [Johana 14: 6]. Bible lehlin ṭhenkhat chuan, “Amah ringtute chuan Pathian chu thutak hnar a ni tih an hre thiam ṭhin,” tiin a sawi.
Pathian, Isua leh Bible nihna dik tak i hriat hnu chuan engnge i tih chhunzawm ang? Thil pali ti ang che.
1. Ring mai rawh. Bible chuan thurawn chiang tak min pe a, chu chu, “nghahchhan neia nghet taka awma, Chanchin Ṭha in hriata beiseina aṭanga pêng bo ṭhîn lova, rinnaah hian in awm reng phawt chuan; Chanchin Ṭha chu vân hnuaia thilsiam zawng zawngte zînga tlângaupui a nih kha; kei Paula hi chumi rawngbâwltua siam ka ni” tiin [Kolossa 1: 23] Chu chu i hriat chhuah a, i pawm hnu chuan ring chhunzawm zel turin i beih fan fan a ngai ang.
2. Ti Rawh: Thutak chu ngaihtuahna thu mai a ni lo. I thil tih chu a ni tel. I chhunzawm a ngai. Hmang ang che. Nunpui la. Zawm ang che. Bible chuan, “Tu pawh ka thupêkte pawma zâwmtu chu mi hmangaihtu a ni; mi hmangaihtu chu ka Pain a hmangaih ang a, kei pawhin ka hmangaih ang a, a hnênah ka inlâr bawk ang,” a ti a. Thutak chu a thara i zir chhuak a nih chuan thutak dang zawng nghal turin phi ruai suh. A hmasa berin, chu thutak i zir chhuah chu zir nghal ang che!
3. Dinpui Rawh: Thudik ber pawh a awm tawh love miten an tihna khawvelah hian thutak dinpui chu a zahthlak chang a awm thei. Mahse thutak chu dinpui mai ang che, nuam i tih chiah loh lai pawhin. Bible chuan hetiang hian min zirtir: “Thutak ṭan tûr lo chuan a do zâwngin eng mah kan ti thei si lo va,” [II Korinth 13: 8.]
4. Puang Rawh: Pathianin a mite awm dan tura a ruat lawk chu a thutak hrilh darh chu a ni. Chu chuan i nitin nuna Chanchin Ṭha puan darh te, hmun danga chanchin ṭha hrila zin chhuah te, missionary tanpui leh thilpek leh ṭawngṭaina hmanga rawngbawlte a huam thei ang. Isuan a zirtirte hnenah, “Khawvêl ram zawng zawngah kal ula, thil siam tinrêng hnênah Chanchin Ṭha hi hril rawh u” tiin a sawi. [Marka 16: 15]
Pathian thutak chuan i nitin nun pumpui chu a khawih danglam tur a ni. Bible lehlin ṭhenkhat chuan, “ Nang phei chu thil ṭha tinrêng tih kawngah entawn tlâk takin awm la, zahawm tak leh tihtakzetin mite zirtîr ṭhîn la,” tiin a sawi [Tita 2: 7]. Bible chhungah hian thil tam tak ka hriat thiam loh min tihrehawmtu eng emaw zat an awm. Mahse thudik tak chu thudik chu a ni. Mahse chu chu kawng dik ka zawh theihna tura min hruaitu chu a ni.
Ngaihtuah zui atan.
• Thutak i hriat chhuah tawh mahse i la zawm loh chu eng nge ni? Chu thutak chu vawiin hian engtin nge i zawm tak ang?
• Thutak chu a nawm loh lai pawh chuan i lo dinpui tawh ṭhin em? Hmangaihna nen chuan thutak i din chhuahpui theih dan kawng khat chu han sawi teh.
• Chanchin Ṭha chu engtin nge i hril ang?
[ *Lettu:* Peka]
No comments:
Post a Comment