_Thilmak I Beisei Changin_
By Rick Warren
— July 11, 2025
“Nimahsela, anni chuan amah chu dîl chunga kea a kal an han hmuh chuan hmuithla emaw an ti a, an au ta vak mai a, an vaiin amah an hmu a, an thlaphâng hle a. Nimahsela, ani chuan anmahni a be ta nghâl a, an hnênah, “Thlamuang takin awm rawh u; keimah ka ni alâwm, hlau suh u,” a ti a.’” [Marka 6:49-50]
Hringnun thlipui karah chauh chuan Isua nihna dik tak chu i hre thei ang. Mihring satliah a ni lo tih i hre thei ang a. Zirtirtu ngainatawm tak emaw hruaitu hawihhawm tak ringawt emaw a ni lo. Pathian a ni a, leilung leh khawvel zawng zawng Siamtu chu a ni.
Marka 6-ah chuan Isua chuan zirtirte chuan buaina an nei tih a hria a. Dil lai takah awmin thlipui leh tuifawnte chuan lawng chu an nuai sawk sawk a, hmasawn thei lek lovin an buai a nih kha. Tichuan Isuan kha tui chungah a kal a nih kha. “Nimahsela, anni chuan amah chu dîl chunga kea a kal an han hmuh chuan hmuithla emaw an ti a, an au ta vak mai a, an vaiin amah an hmu a, an thlaphâng hle a. Nimahsela, ani chuan anmahni a be ta nghâl a, an hnênah, “Thlamuang takin awm rawh u; keimah ka ni alâwm, hlau suh u,” a ti a.’” [Marka 6:49-50]
Zirtirte khan an hre thiam mai lo – Isua kha zawlnei tu emaw niin thilmak tihtheihna a nei niin an ngai mai thei. Tui chunga kal chung chuan Isua khan mihring satliah a nih lohzia chiang takin a tarlang a ni. Pathian a nihzia a hriattir a ni.
Anmahni pawh a thlamuan a: “Hlau suh u” a ti a. “Keimah ka ni alawm” a ti a nih kha.
Grik ṭawng, Bible thu an ziahna ṭawngkam dik takah chuan, an ṭawngkam hman chu “Keimah ka ni alawm” tih hi ego ima tih a ni a. Ego ima tih chu “Keimah” tihna a ni. Chu chu eng vangin nge a pawimawh?
Pathian sawina atana hming hman chu “Keimah ka ni” tih a ni a – “Ka ni” tih emaw “Ka la ni ang” tih emaw, “Ka nih ka beisei” tih emaw a ni lo. I beisei a ngai lo. Amah chu Pathian a ni. Chu chu a tawk mai.
Thlipui i paltlang lai mek a nih chuan hna i mamawh lo – Isua zawk i mamawh. Ruahmanna i mamawh lo – mihring i mamawh. Kalphung i mamawh ber lo – Chhandamtu i mamawh. I thlen tur [goal] i mamawh lo – Pathian i mamawh.
Thlipui i paltlang mek mai chuan Pathian chu a hla lo, a hnungchhawn lo chein a kalsan lo che. “Keimah ka ni” a ti a ni. Thlipui karah chuan amah chuan a hruai ang che.
Ngaihtuah zui atan.
Thlipui kara nangmah chhan chhuak tur chuan tu lam nge i en ṭhin? Pathian i en tur chu engin nge dal che?
Pathian hming chu “Keimah ka ni” tih niin – “Ka ni ṭhin” emaw “Ka la ni ang” emaw “Ka beisei” ni lovin. Chu chu i tan eng nge a awmzia?
I thlipui hma chhawn mek paltlang tur chuan Pathian atangin eng nge i mamawh? A kiangah sawi la, hun dik tak hre turin ngaihven ang che.
[ *Lettu:* Peka]
No comments:
Post a Comment