Thursday, July 10, 2025

THLIPUI KARA TIH TUR PANGA

 Thilmak I Beisei Changin


By Rick Warren

— July 10, 2025



“Nimahsela, thli tleh chu a hmuhin a hlau va, a pil dâwn ta mai a, “Lalpa, min chhandam rawh,” tiin a au ta a.’” [Matthaia 14:30]


Thlipui hnuaia i buai lai chuan Pathian chu a hla emaw a ngaihsak lo che emaw a ni lo. I kiangah a awm reng a, i tana ṭha turin hna a thawk zawk a ni. 


Thlipui hnuaia i buai mek lai chuan heng thil pangate hi Pathian chuan hre turin a duh che: 


Huaisen takin awm rawh, a chhan chu i kiangah Isua a awm. 

I hlau chu lo phili lutuk suh. Isua hnenah thlen ngawt mai rawh. 


Rinna hmangin pen tawp rawh. 

I thiltih malsawm turin Pathian chu dil suh. Pathian malsawm ṭhin thil ti zawk ang che. Ti tura a duh che chu ti la, amah thawhpui tur chuan lo inpeih ang che.  


Isua en tlat rawh

Lalpa i en loh rual rual chuan i pil ṭan tihna a ni. Matthaia 14: 30 chuan, “Nimahsela, thli tleh chu a hmuhin a hlau va, a pil dâwn ta mai a, “Lalpa, min chhandam rawh,” tiin a au ta a.’” tiin a sawi [Matthaia 14:30]. Thlipui leh tuifawnte chu i thlir a nih chuan tuifawnah chuan i pil ngei ngei ang Petera ang chiah khan. 


Ringhlel suh.

I nuna thlipui do dai tur chuan rinna ropui tak i mamawh kher lo. I rinna mi dik taka nghahna tur zawk i mamawh – Isua Krista chu. 


Pathian fak rawh

Thlipui karah pawh chuan, tuifawnah chuan i pil mek nia i ngai a nih chuan, tih tak zetin i hlau a nih pawhin – amah chu fak zel ang che. A hnena lawmthu hrilh chu buaina chinfel dan pawimawh ber a ni. 


Eng ang thlipuiin nge tunah khan tibuai mek che? Eng tui fawnah nge i pil mek? Eng vangin nge Pathian chuan chutiang thlipui chu i paltlang a phal che?  


Isua zirtirte thlipui hnuaia a hruai chhan chiah kha nang pawh thlipui a hmachhawnpui chhan che chu a ni. “Nangmah chauh kha ka mamawh chu i ni. Thil dang chu ka ti mai thei a. I thil hlauh berah ngei chuan ka lo kal ve ang. Ka kianga lo kal ve turin ka ti a che. I hnenah ka lo kal dawn” a tihna a ni. 


Vawiin hian i pil mek nia i hria a nih chuan, hlau suh. Isua chu au mai la. Amah chuan a awmpui che tih i hre thei ang. 


Ngaihtuah zui atan. 


Vawiin hian eng ang thlipui nge hau ngai i lo neih? 

I hun kal tawha thlipui i lo hmachhawn tawh avang chuan Pathian i hriatnaah chuan engtiangin nge hma i sawn zel? 


Pathian lam i en tur daltu chu engtiangin nge i tihbo zel theih ang? 


[ Lettu: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...