Thursday, July 24, 2025

THIHNA I HLAUH A NGAI LO

_Thilmak I Beisei Laiin_

By Rick Warren
— July 24, 2025
“Thil hmuh theihte chu a ral mai dâwn a, thil hmuh theih lohte erawh chu chatuanin a awm ang.” [II Korinth 4:18]

Inbuatsaih theih thil reng inbuatsaih hauh lova hmachhawntu chu mi-â chauh a ni ang. Mihring nun hmabaka thil pakhat chiang em em chu hei hi a ni: thihna. 

Kar rei lote chhung emaw kum rei lote chhungin emaw, kum 50 hnuah emaw i thi thei. I la thi dawn. Thihna chu pumpelh theih a nih tlat loh avangin i inpeih ngei ngei a ngai a, Pathian nena in inkar a fel ngei a ngai. 

Adama leh Evi kaltlanga sualin khawvel a luh chhuah aṭang khan thihna chu hringnuna thil lian tak a ni ta zel a. Bible chuan, “Sual hman chu tihna a ni si a” a ni hial [Rom 6: 23]. Thihna chuan khawvelah thihna a thlen a ni. 

Thihna chu pumpelh theih a ni lova, mahse kan khawtlangah hian thihna chungchang sawi chu kan hreh hle si. I ṭhian tute emaw i ina leng turin sawm la, chawhlui lo buatsaih la, “Thihna chungchang i sawi ang u” ti ta la – i inlengte chuan kawngkhar lam an pan sap sap hial ang!

Dik tak chuan, thihna, thi, emaw thi tawh tih thumal hrim hrimte hi kan duh lo viau a ni. A pumpelh dan ṭawngkam hrang hrang kan dap ṭhin. “A kal tawh,” emaw “A chawl ta,” emaw “A liam ta” tih ṭawngkam te kan hmang hram hram fo.

Mahse thih chu i hlauh a ngai lo. A nihna takah chuan Isua he khawvela a lo kal chhan lian ber chu thih hlauhna lak kian kha a ni. Engtin? Pakhatna, kraws-ah a thi, kan sualna atana a man pein vanram kan kalna kawng a sial. Kaih thawh a ni a, thihna piah lamah nunna a awm tih a tarlang a ni. 

Bible chuan, “Naupang a tihte hi tisa leh thisen nei an ni a, ani pawh chutiang chu a lo ni ve ta a ni. Tichuan, thihna chunga thuneitu Diabola chu, a thihna avângin a titlâwm a, dam chhûnga thih hlau rêng rênga awm ṭhîn, hlauhna bawiha tângte chu a chhuah ta a ni,” tiin a sawi [Hebrai 2: 14-15]
 
Thih ka hlau lo – nang pawh thih hlau lo turin ka duh che. I hlauhna leh natnate chu en kanin Pathian chuan amah en zawk turin a duh che a, beiseina nena vanram thlir zawk turin a duh che. Bible chuan hetiang hian a sawi, “Thil hmuh theihte chu kan thlîr lo va, thil hmuh theih lohte chu kan thlîr zâwk si a. Thil hmuh theihte chu a ral mai dâwn a, thil hmuh theih lohte erawh chu chatuanin a awm ang,” tiin a sawi [II Korinth 4: 18]

Vawiin hian i thi dawn a nih chuan vanramah i kai ngei ngei dawn tih i hre chiang em? I chiang lo a nih chuan i inchinfel a ngai tihna a ni chu – thih hlauhna chu i chinfel a ngai a, chutiang tur chuan hetiang hian i ṭawngṭai thei ang: 

“Lalpa duhtak, ka sual avanga nangmah hransan reng che hi ka duh tawh lo. I ngaihdamna ka dil a che. I thu tiamah chuan Isua Krista ka ring a nih chuan, min ngaidam thlap dawn tih ka hria, ka dam chhante min kawhhmuh ang a, i chutian chhungte zingah chuan min lo lawmin vanramah hian engtik niah emaw chuan chatuan atan min lo lawm dawn a ni. 

“Isu, Ka sualte avangin thupha ka chawi a, min Chhandamtu i ni e. Khawngaihna chu rinna kaltlangin, ka thiltih engmah ni lovin ka chang thei tih ka ring e. Vawiin hian ka Lal ni turin ka sawm a che. Vawiin hian i tan ka inhlan e. 

“Nangmahin min siam dan tana nun ka duh a – thlamuanna leh hlauhna awm lova nungin – ka dam chhung hun zawng zawngte I rawngbawlna atana hman ka duh e. Isua hmingin ka dil a che. Amen”

Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e. 

Ngaihtuah zui atan. 

• Vawiin hian Isua chu i Chhandamtu atana sawmin i ṭawngṭai tawh em? I ṭawngṭai zo tawh a nih chuan, ringtu ṭha tak tu emaw be pawp la, tualchhung kohhran eng emaw bel ang che. 

• Tu emaw thihna hlau chung chunga hmachhawn mek hriat i nei em? Isua chuan thih hlauhna an neih chu a laksawn theihnan engtin nge i tih ang? 

• Chatuana i hun hmanna tur hriat chianna chuan engtin nge thihna i hmuh dan a tihdanglam theih ang? 

Thih i hlauhna chu tihbo i inpeih tawh em? He ṭawngṭaina thu hmang hian ṭawngṭai ang che: 

“Lalpa duh tak, ka thih hun chuan ka nun chungchang ka la sawi dawn tih ka hria. I lakah thil sual ka lo ti tawh tih ka hria a, keima ruahmanna nangma duh dan ni lo ang chuan ka lo khawsa tawh ṭhin. Chu chu thlak danglam ka duh a, a thara bul ṭan leh ka duh a ni. Sual kalsana i lam pana kal chu ka duh e. 

Ka thil sual tih zawng zawng avanga hremna chu kei thi tur hian Isua zara ka pumpelh avangin lawmthu ka hrilh a che. I ngaihdamna chu ka phu lo tih ka hria. I khawngaihna chauh chuan min chhan thei tih ka hria, Lalpa. Hmun famkimah chuan lut turin ka famkim ngai dawn lo tih ka hria. 

“Isu, min hmangaih em avangin ka sualna zawng zawng chu i lo phur ta a, lawmthu ka hrilh a che. Vanram kai tlakin min siam a, min chhandam turin ka ngen a che. Isu, nangmah chu ka ring a che. Min chhandam nghal a, chiang taka min chhandam a, chhandamna famkim min pe a, chatuan atana min chhandam thei a ni tih ka hria. Isua hmingin ka dil a che. Amen.” 

Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e. 

[ *Lettu* : Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...