_Thilmak I Beisei Laiin_
By Rick Warren
— July 17, 2025
“I thinur avangin mahni i intihreawm a.” (Job 18: 4)
I ṭhiante zingah an kawppuite nena inṭhen i hmu a nih chuan an phurrit phurh pui chungin anmahni chu i lo thlamuan thei ang. Inṭhen zawha thil harsa ber pakhat ngaihdamna nun nei thei turin i pui thei bawk.
Chu chiah chu i ṭhianten an thil hmachhawn tur chu a ni ta a ni. Hma lam pana kal a, an natna hrang hrang laka dam fel tur chuan mite ngaihdamna an dil emaw, ngaihdam dilna pawmsak emaw ngaihdamna pek chhuahte chu a ni thei. Mahse an ti lo a nih chuan chirh zingah an tang a ni.
Mi tu pawhin an kawppuite nena inṭhen an lo hmachhawn dan kawng thum a awm a, chungte chu – thinrimna, mahni inthiam lohna, leh khakna te an ni. Chu chu miin an vuan tlat a nih chuan chung chuan an dam chhung hun pumpui a ei chhe vek thei hial awm e.
I ṭhiante chu, ṭhian ṭha an nihna ang takin, ṭanpuina an mamawhna nen chuan i lo ṭanpui tawh em?
Pakhatna, midang mawhpuh tawh suh se. “An thiam loh a ni e,” emaw “Keimah vang liau liau a ni e” tihte chu hun leh tha khawhralna mai a ni e. Midang dem chuan eng buaina mah a chingfel lo, nawmna a pe lo va, natna a chhawk hran lo. “Nangmah leh nangmah chu i intina mai mai a ni e.” (Job 18: 4)
Pahnihna, Pathian aṭang leh midangte atṭnga ngaihdam dil ngam turin fuih rawh. Pathian ngaihdamna an dil lai leh an mihringpuite ngaihdamna an dil lai chuan anmahni i lo fuih thei ang. Anmahni chak lohna an hmachhawn thiam chiah chuan an dam ṭan tihna a ni.
Bible chuan, “Ka khawlohnate chuan
ka lû hi a chîm pil a,
Phur rit tak ang,
ka zawh rual loh hi a ni” tiin a sawi [Sam 38:4]
Pathumna, anmahni tinatute chu ngaihdam tura inbuatsaih turin fuih rawh, an nupui/pasal hluite, an unau te emaw an ṭhian khirh ve tak takte pawh an ni thei ang. Chu ngaihdamna chu an phu vang ni lovin, an hahdam theih nan leh an kalsan theih nan a ni, a chhan chu Pathianin anmahni chu a ngaidam si a, tin ngaihdamna tam zawk hun lo la awm turah an la mamawh fo dawn si a.
Ephesi 4: 31-32 chuan hetiang hian a sawi: Khâkna …. zawng zawng chu bânsanin awm rawh se, sualna zawng zawng nên. 32Tin, inkhawngaih tawna lainatna neiin awm ula, Pathianin Kristaa a ngaidam che u ang bawkin inngaidam tawn rawh u,” tiin.
Tuten emaw hun khirh tak – nupa ṭang ṭhen emaw pawh – an paltlang thei a – ṭhian an kianga dawhthei taka lo awm ve tur chu an mamawh a ni. Thuhriltu-a kan hmuh angin, “Mahni maia thawh ai chuan thawhpui neih a ṭha, hlawhtlin a awl zâwk. Pakhat a tlûk chuan pakhatin a kaitho thei a, mahni chauhva thawk chu tlu palh sela a vânduaithlâk hle ang, kaitho tûr tu mah an awm dâwn si lo.” [Thuhriltu 4: 9-10].
Ngaihtuah zui atan.
Mite nunah thinrimna, lungngaihna emaw khaknain an nun a tihchhiat chu engtiang tak nge i lo hmuh ve tawh?
I ngaihdamna dil lo emaw phu lo i ngaihdam changa i thil lo tawn chu engnge ni? Chu chuan i thinlung leh nun chu engtin nge a nghawng?
I ṭhian hun harsa hmachhawn mek khawngaihna dil ngai emaw, mi ngaihdam tur nei emaw mi ngaihdam dilna pawm ngai emaw chu anmahni engtin nge i lo puih theih ang?
[ *Lettu:* Peka]
No comments:
Post a Comment