_Tihdanglam Tawh_
By Rick Warren
— June 06, 2025
“Hmu tawh reng inti ka ni lo va, famkim tawh reng inti pawh ka ni hek lo; “Krista mi man chhan chu ka man thei dah law maw,” tiin, a ûmin ka ûm zâwk a ni.” [Philippi 3:12]
Nimin lam khan thiltum [goal] neih a pawimawhnate kan sawi tawh a. Vawiin chuan eng vangin nge thil tum [goal] neih chu an pawimawh tih kan zir dawn a ni.
Thiltum [goal] i neih a ngai, a chhan chu hmalam pan zel tura i mamawh beiseina chu a pe che a ni. Joba chuan, “Thlâkhlelh tlâk chakna eng nge ka neih?
Beisei leh chuan tûr nei si lovin engah nge ka dam reng?” tiin a zawt a ni. Hmalam pan zel tur chuan thiltum [goal] eng emaw i neih a ngai.
Thiltum [goal] chu nangmah fuih phur turin lian deuh an nih a ngai kher lo. Entirnan, damdawiinah an zai che a nih chuan i tana hmachhawp pawimawh hmasa chu khuma ṭhut chu a ni. A dawt lehah chuan din leh in chhung dunga kalte chu a lo inchhawp ve leh ang.
Kan hmabaka chona awmte hi thenkhat chu te takte te an ni mai a, mahse an zavaiin an pawimawh – duhna hmuna awm leh chu mi kawng zawh chu laikhi kak zau tak inhlat anga la inhlat an ni. Rahbi te takte tam tak pawh an ni thei tho. I thiltum [goal] chu pawimawh turin lian deuh an ni kher a ngai lo- hmalam pan tura nangmah fuihtu che an nih erawh a pawimawh thung ang.
Thiltum neih a ṭhat chhan chu i nungchang an siam zel ṭhin. I nuna hlawkna i neih theih ropui ber mai chu i thil lo tih tawhte chu ni lovin hmalam i pan zel ruala i nungril chhunga thil thlengte chu an ni.
Pathian chu thil engemaw i tih theih aiin i fa anga i nihna chu a ngaihven daih zawk. Thil eng emaw tih tuma i neih lai chuan nangmahah Pathian pawh a thawk ve zel ṭhin. I nungchang chu a siam ṭha a, chu chu chatuan daih thil an ni bawk.
Chuvangin Paula chuan Philipi 3: 12 ah chuan hetiang hian a sawi, “Hmu tawh reng inti ka ni lo va, famkim tawh reng inti pawh ka ni hek lo; “Krista mi man chhan chu ka man thei dah law maw,” tiin, a ûmin ka ûm zâwk a ni.” [Philippi 3:12] Tharum a ngai a, tum ve hrim hrima ngai a, tum bik eng emaw tinzawn neih a ngai bawk, a chhan chu Isua anna chu a tum ber a ni.
Thiltum [goal] eng emaw i neih a ngai, a chhan chu thil tum tha chu chawimawi an la ni ang.
Thufingte 11: 27 chuan hetiang hian a sawi thung, “Ṭhahnemngai taka ṭhatna zawngtu chuan duhsakna a zawng a ni a; Pawi khawih tûr zawngtu erawh chu, ama chungah a thleng ang,” tiin.
Mahse lawmman tak tak chu chatuan hun kan thlen hunah kan chang ang. Bible chuan I Korinth 9: 25-26 ah hetiang hian a sawi, “Intlânsiaknaa tel tûrte chu kawng engkimah an insûm ṭhîn, chawimawina lukhum chhe mai thei hmu tûrin an bei a, keini erawh chuan chawimawina lukhum chhe thei lo hmu tûrin kan bei a ni. Chutiang tak chuan kei pawh pan nei rânin ka tlân a, boruak mai hnek lovin keimah ka inhnek ṭhîn,” tiin.
Paula kha tum bik leh zui bik neia nung ngar ngar a ni. Chutiang mi chu i nih a ngai, tichuan vanramah chuan Pathianin lawmman a siamte chu in chang thei ang.
Ngaihtuah zui atan.
Vawiin hian i beidawng a nih chuan thiltum [goal] thar buatsaih ang che. I thiltum ram thleng tura nitina nangmah nawr theitu chu engnge ni ang?
I thiltum tih tuma i beih lai chuan nangmah leh Pathian chungchangah chuan engnge i zir chhuah?
I nunah khan Pathian chu engtiang taka hna thawk turin nge i duh? I thiltum [goal] chuan Pathian hnathawh tur beiseina chu i lo neih a, nangmahah leh nangmah kal tlanga Pathian hnathawh dan chu eng nge ni?
[ *Lettu:* Peka]
No comments:
Post a Comment